أغرب الفقرات .

[لؤلؤة قسنطينة]

ختي @ليليا مرام اقعدي وين تروحي ربي يهديك
الاخ مالك هاداك حتى نحكمو نرميه من كاش باطيما ههه
اقعدي يا ختي حنا ما امنا راكي بيناتنا وزاهية وتضحكي وفرحانة
اقعدي ختي على وجهي الله يحلي ايامك ان شاء الله
راهو الموضوع زاهي بيك والله ورانا فرحانين كي راكي بيناتنا
بقاو 3 ايام على رمضان ماكسيموم ومنا للعام الجاي ما يعرف الانسان اذا يشوف بعضاه ولالا
هيا ختي الزينة الشابة البوقوصة مكرا في مالك ههه اقعدي معانا نحكيو ونضحكو شوي
اعطينا فقرة شابة متحوفة نضحكو شوي وتعطينا الالهام من عندك
نروح نصلي وكي نرجع نحبك تكوني هنا اوكي ​

 

[Salah eddin]

اغرب الفقرات
طلب اخوتنا المشارقة ان يقودهم امام عادل يدكون به حصون العدو
فقادهم ... عادل امام
ههه
​

 

[حفيدة الخنساء]

اني رجعت بعدو بعدو خلو الطريق شوية
احم احم راحا نبدا
على كل حال مشاركة متواضعة جدا تعرفوني التواضع يكتسيني ونحشم بزاف ههه
بلا مانطول مشاركتي تحت عنوان
" بقايا البكالوريا "

عندما تتحدث عن مقروط في المساهمات المالية فإنك بالتأكيد تقصد المعاملات والاستنباط الفكري حيث أن المستوي يزيد المكان رونقا وجمالا كما أن مدينة الفلسفة تختلف عن واقع المندوبين لكن ما إن ترامى الانتخاب حتى تكاثفت جهود الراتب الدخل الوطني العام والبنية الحجيرية تقتل الصراصير المتواجدة بداخل المصعد والمهبط للجدار المائل ، هذا وأصبحت الحالة ملبزة بدخول خمسة معايشات اقتصادية لفضح المنظومة من أجل سنتمتر النقاط المتعامدة والمتقاطعة ، ولذلك قررت المحكمة معاقبة هؤلاء الفاعلين فأدمجت كورني في الكيراتين و قامت بجعلهم يتضاحكون في نهاية الحلقة وما أحلاها من غريبية ليست معسلة ولكن فيها القرفة وعندما يستمر القتال والكفاح نخلص في الأخير أنه يمكن اضافة العديد من التأثيرات الملونة خاصة فيما يخص التحدي المترامي الأطراف كما لا ننسى أن ننوه بأن سيما موتورز تتمنى لكم الأفضل رغم أنها تعاني من ثقب على مستوى المحيط الهادي لكن ذلك لا يؤثر على السيرورة المناعية والأجسام المضادة كانت السبب الرئيسي في صراع الحرب الباردة من معطوبين وضحايا ,, لذلك كانت نهايتهم أن عاشوا بسلام في وسط ملائم من درجة pH المثلى . أعزائي أتمنى أنكم استفدتم من النصائح المقدمة إليكم لأن ذلك سوف يطارد السموم المتراكمة بداخل الأعشاب والناموس وسوف تقومون بالتركيب الضوئي وشكرا ..


خخخخخ مخلطة شوية بصح هاكا نكون فرغت واش كاين في راسي من الباك ههه ضرك نقدر نبدا نحط مواضيعي في مندى الحوار والنقاش الهادف
آيا علابالي كنت ثقيلة بزاف مي ماعليش لتكون عبرة للآخرين ( لي قالي شاركي فيهآآ )
​

 

[الأزرق الملكي]

السلام عليكم
اعتذار من صاحب الموضوع. لانو ااظاهر اني فسدتو
يا صحفية يا ساااااخرة كان قصدي نكتب الصحفية الصارخة. وتعرفي التعديل ديري مرة واحده لما جيت نضيف تعديل ما قدرتش مازالت نفطقدر نفرق بين س وال ص
سلام عليكم

ماشي فسدتي اختي ليليا راكي مزهيه الدعوة تخطينا أنت نضيعو هههههههه

صح ندردشو شوي و نضحكو شوي و ناكلو زلابية شوي بصح مانكتروش برك هذا مكان يزيد يطلعلكم السكر و نحصل فيكم

سوبر مالك راهو يمضي في الكادنة باه يشمعنا الموضوع على الأقل نكملو به اليومين لي بقاوا

ماعليش نتجنبوا هذا الإحراج وراكي على بالك عندك خبرة في المنتديات وكيفاه راهي تمشي

يمكنكم وضع فقرات أضحكو فيها المهم في إطار الفكرة حتىى راهوا مابقاش بزاف ويقفل قسم رمضان وتولي فريدة إلى عداتها القديمة

ربي يخليك ​

 

[حفيدة الخنساء]

اذا ضحكتو ادعولي نجيب الباك
واذا ما ضحكتوش ادعولي نجيب الباك
يعني في كل الحالات داعيين داعيين يخي انا خيّتكم ههه صاحا

 

[Salah eddin]

​

اذا ضحكتو ادعولي نجيب الباك
واذا ما ضحكتوش ادعولي نجيب الباك
يعني في كل الحالات داعيين داعيين يخي انا خيّتكم ههه صاحا

ان شاء الله تجيبيه أفيك مونسيون
شوي فرانسيسية باه حسبونا مثقفين
ههه
​

 

[لؤلؤة قسنطينة]

وينهي ليليا؟ جيبوهالي عايشة ولا حية ههه اخطفوها وجيبوها
باينة فطومة لي زعفتها هادي فاطيمة راني نعرف دارها مقابلة الحديقة غير نعلقها في نص الحديقة بعد ههه
وحبيبتي @حفيدة الخنساء ربي يوفقك وينجحك ان شاء الله ومانخافش عليك مادام قدرتي على هاد الفقرة يسما تجيبيه ههه
المهم إليكم فقرة جديدة

أعزائي المشاهدين أسوادي سيداتي سادتي بعد الحدث الرياضي الضخم الذي تم نقله من المائدة الكبيرة ننقل لكم الآن نشرة الأحوال الجوية والنفسية والمورالية للصالون، راهم الضياف مربعين فيه وراهي الأحوال تاعهم ماتعجبش
شرارات البرق بين أعين الكنة وعجوزتها التي جاءت ضيفة تنبىء بعاصفة هوجاء، إخوتي أخواتي ردو بالكم وارتدوا المعاطف تحسبا لهذه العاصفة الزربوعية هههه لي ناض من الرقاد وشعرو مكشرد أحكمو الله يسترك راهي الشرارة تحوس على كاش اونتان تحكم فيه هههههه ردو بالكم لا تتحرقو انا قتلكم ونتوما خاطيني هههه قصدي انا خاطيني، الزوج راهو فاهم الحالة راهو مخبي ورا المطرح لقى مخبأ مميز يحميه من هاد العاصفة وربي يستر، العجوزة تتقدم وتقابلها الكنة مشادات لسانية قصدي عواصف رعدية راهي تضرب من الشرق للغرب والزوج لا يزال مختبئا خلف المطرح وإلا تحرقو العاصفة الرعدية، اياياي وتلتصق الايدي (عفوا قلبتها تعليق رياضي) راهو يصب الحجر يا جماعة، سيدي الحكم تدخل ماذا تنتظر قصدي سيدي الزوج (عفوا زدت قلبتها حدث رياضي)، رياح عاصفة وتشقلب وسط الصالون هاد العاصفة الظاهر رايحة تدوم لساعات لأنو فيها أمطار كالسيول ورعود وأحجار (راهم يشاليو بعض بالمزهريات ههههه)، هاهو الزوج يتقدم ويسوطي على المطارح (القفز على الحواجز هههه) ويقترب يمد قرعة ريحة ليماه وقرعة ريحة لزوجتو بمناسبة العيد لتهدئة الأوضاع، السحاب يختفي تدريجيا من وجه الكنة وعجوزتها وتعود البسمة وتشرق الشمس من جديد لكن السحاب مازال في الجِوار كونو واجدين قادر تتقلب الحالة وتولي العاصفة هههه ماتنحيوش المعاطف ولمو شعوركم تحسبا لأي وضع ههههه
على العموم الاجواء صافية نرجو أن تبقى هكذا خلال الاسبوع ككل
وإلى اللقاء في حصة أخرى


​

 

[الأزرق الملكي]

ايا جماعة نحكيلكم على منام ولي فهم يفهمني
كنت راقد و شفت روحي بلي راني راقد و نشوف في لمنام معناتها
لمنام في وسط منام و انا راني نشوف في الاحلام الجميلة هذيك و وووو المهم
كي فقت من المنام لقيت روحي الاحلام الجميلة هذيك مكانش منها و راني عايش في وسط الوحوش
و مزالني في المنام يا الفاهم المهم و ليت نتمنى يتحقق المنام تاع المنام الاول ههههههه
و بعدها فقت من المنام و لقيت روحي دايخ و دخلني الشك ربما مزالني في المنام
و ليت نهدر وحدي ونضرب في روحي فيق يا مجنون فيق بصح هذي المرة تاكدت بلي راني في الواقع
المشكل لي معايا مافهموا والو و عمبالهم هبلت و الخلاصة ضحك و هبال
لي فهم يفهمني ؟ و لي ما فهمش نفهمو ؟

أهلا أخي يونس

فكرتني في الفيلم 1000 مبروك تاع أحمد حلمي دخل في دوامة حلم في حلم مسكين صراتلوا في عرسو كل يوم يعاود نفس الحكاية

يبدا يوجد روحو للعرس ومبعد كي يوصل الوقت ياه يروح للحفل يضربو الكاميو يزيد ينوض في الفراش ويعيش نفس اليوم من جديد حتى حفظ الأحداث

ولا على بالو واش رايح يصرا ههههه أحلام مكرفسة .

​

 

[الأزرق الملكي]

السلام عليكم
من عين المكان اللي تعمات من الاخبار معاكم الصحفية مرام ليليا والا ليليا مرام اللي عجبكم حطوه على وزن موسى الحاج الحاج موسى اليكم العاجل الآتي

لانو رجال بارو والنسا طارو والذراري طوالو والشيوخا حوالو تلقينا نبأ الآتي
مخلوقة غريبة زدمت لبلدية الشوامرة وحيطيست والشومار فيهم اصلو دونتيست الشباب خبط فالباب والشين ماهو رقيق ماهو سمين ما طويل ما قصير ما ما مدور ما مكور
سرقت طزينة نتاع رجال ركبتهم فوق الجمال ويا الله يا بنات الحلال

اللي ما شرات تتفرج ونورمال مولات الحنك المعوج تلقاي سعدك المفبرك
مركب سنيه ومكبر وذنيه ومنمص حواجبيه ومطلع شوشتيه ( برك نوزن القافية هههه) ما تعرفيه لا سعيد ولا سعدية ويا الله يا مهدية وغنية وصحفية صاخرة خيري مول الدار شارط الكبش والقنطار وقالك هو خفاش يعميه ضو النهار ماذا بيك اذا لقيتيه راقد ما تنوضيه راكي تخلعيه واذا لقيتيه نايض ما تكلميه راكي تبكميه واذا احتجت خدمة ما تخدميه راكي تفشليلو قوايميه
معناها يا البنات يا اللي سعدكم وسعدي كحل للمات خلونا من الزواج وارواحو نتعلمو صنعة الرسم عالزجاج ونصادو على سعدنا اللي عواج جينا نخيرو خيرونا جينا نتزوجو طلقونا عازبات وعايرونا البايرات ارفدو يديكم يا الله
الله يعطيكم البوار على البوار منا لأدرار
الله يبعثلكم الزواحف وتنسلو تولو نواحف
يعطيكم تشومير عالتشومير ومن تهنبير لتهنبير
ترقدو ما تنوضو وكان تنوضو ما ترقدو
يخبطك تراكتور ويطيح عليكم سور ويقرصكم دبور
يفوت عليكم سيمي ما عرنفاكم كمال ولا كيمي
اللي بورنا يبور في فراشو يسرقولو قشو ما يسلك لا سروالو لا صباطو ههههه

نزيد والا مازال


انتهى الارسال نعتذر على انقطاع المراسلة الصحفية ليليا انسجمت وؤاهي مربعة وتدعي هههههه

أهلا أختي ليليا راكي صحفية هابلة من عين المكان قدمتي لنا روبورتاج متختخ

المخلوقة هذيك سرقتلكم طزينة تاع الرجال ماخلات والو ربي يجيب السوق راه طالع ليمات هاذو خاطر باه سعدية تلقى السعيد للزواج

لازمك تفتش عليه في الصحراء تاع كاليفورنيا ومنعرف ياحليلها لي طارت بواحد خلونا من العازبات لزوجوا راهم طلقوا

ربي يعين الشعب على المواطن خاطر الشعب يقلق في المواطن وزيد مرمدوهم تمرميدت الكلب الأسود

ماتنساوش تعاودي الإرسال راه جاء السينيال ازربي قبل ما يروح من شمال افريقيا فكروني كما كنا في التسعينات الماء يجي خطرة

في ست أشهر نعمرو بالبيادن الصفر تاع الزيت خمس لتر هههه مازال قرن باه نتقدموا ربي يجيب الخير للعالم الثالث .​

 

[الأزرق الملكي]

اني رجعت بعدو بعدو خلو الطريق شوية
احم احم راحا نبدا
على كل حال مشاركة متواضعة جدا تعرفوني التواضع يكتسيني ونحشم بزاف ههه
بلا مانطول مشاركتي تحت عنوان
" بقايا البكالوريا "

عندما تتحدث عن مقروط في المساهمات المالية فإنك بالتأكيد تقصد المعاملات والاستنباط الفكري حيث أن المستوي يزيد المكان رونقا وجمالا كما أن مدينة الفلسفة تختلف عن واقع المندوبين لكن ما إن ترامى الانتخاب حتى تكاثفت جهود الراتب الدخل الوطني العام والبنية الحجيرية تقتل الصراصير المتواجدة بداخل المصعد والمهبط للجدار المائل ، هذا وأصبحت الحالة ملبزة بدخول خمسة معايشات اقتصادية لفضح المنظومة من أجل سنتمتر النقاط المتعامدة والمتقاطعة ، ولذلك قررت المحكمة معاقبة هؤلاء الفاعلين فأدمجت كورني في الكيراتين و قامت بجعلهم يتضاحكون في نهاية الحلقة وما أحلاها من غريبية ليست معسلة ولكن فيها القرفة وعندما يستمر القتال والكفاح نخلص في الأخير أنه يمكن اضافة العديد من التأثيرات الملونة خاصة فيما يخص التحدي المترامي الأطراف كما لا ننسى أن ننوه بأن سيما موتورز تتمنى لكم الأفضل رغم أنها تعاني من ثقب على مستوى المحيط الهادي لكن ذلك لا يؤثر على السيرورة المناعية والأجسام المضادة كانت السبب الرئيسي في صراع الحرب الباردة من معطوبين وضحايا ,, لذلك كانت نهايتهم أن عاشوا بسلام في وسط ملائم من درجة pH المثلى . أعزائي أتمنى أنكم استفدتم من النصائح المقدمة إليكم لأن ذلك سوف يطارد السموم المتراكمة بداخل الأعشاب والناموس وسوف تقومون بالتركيب الضوئي وشكرا ..


خخخخخ مخلطة شوية بصح هاكا نكون فرغت واش كاين في راسي من الباك ههه ضرك نقدر نبدا نحط مواضيعي في مندى الحوار والنقاش الهادف
آيا علابالي كنت ثقيلة بزاف مي ماعليش لتكون عبرة للآخرين ( لي قالي شاركي فيهآآ )
​

مرحبا أختي الخنساء

الباك أثر عليك بزاف إن شاء الله نفرحو بيك وتنجحي و تطلعي الجامعة وتولي طبيبة تاع الفيران و الجرابيع هههههه

كي نتفكر الكيمياء يدرلي الكسوف في راسي ربي معاك وتتهناي من رحلة الدراسة المهم الواحد يولي حاجة في حياتو هذا هو المفيد

يالتوفيق في مستقبلك نتمنى يكون زاهر بالأشواك و الصراصير السوداء والأشباح الليلية ههههههه .
​

 

[حفيدة الخنساء]

مرحبا أختي الخنساء

الباك أثر عليك بزاف إن شاء الله نفرحو بيك وتنجحي و تطلعي الجامعة وتولي طبيبة تاع الفيران و الجرابيع هههههه

كي نتفكر الكيمياء يدرلي الكسوف في راسي ربي معاك وتتهناي من رحلة الدراسة المهم الواحد يولي حاجة في حياتو هذا هو المفيد

يالتوفيق في مستقبلك نتمنى يكون زاهر بالأشواك و الصراصير السوداء والأشباح الليلية ههههههه .

ههههههه راك تشوف .... ما عليش طبيبة تع فيران ولا عباد الموهم طبيبة ههههههه
شكرا ربي يحفظك و المستقبل الزاهر يكون كيما كان يكون مااا عدا الصراصير مانتفاهمش معاااهم مستحيل نعيشو مع بعض خخخخ​

 

[الأزرق الملكي]

وينهي ليليا؟ جيبوهالي عايشة ولا حية ههه اخطفوها وجيبوها
باينة فطومة لي زعفتها هادي فاطيمة راني نعرف دارها مقابلة الحديقة غير نعلقها في نص الحديقة بعد ههه
وحبيبتي @حفيدة الخنساء ربي يوفقك وينجحك ان شاء الله ومانخافش عليك مادام قدرتي على هاد الفقرة يسما تجيبيه ههه
المهم إليكم فقرة جديدة

أعزائي المشاهدين أسوادي سيداتي سادتي بعد الحدث الرياضي الضخم الذي تم نقله من المائدة الكبيرة ننقل لكم الآن نشرة الأحوال الجوية والنفسية والمورالية للصالون، راهم الضياف مربعين فيه وراهي الأحوال تاعهم ماتعجبش
شرارات البرق بين أعين الكنة وعجوزتها التي جاءت ضيفة تنبىء بعاصفة هوجاء، إخوتي أخواتي ردو بالكم وارتدوا المعاطف تحسبا لهذه العاصفة الزربوعية هههه لي ناض من الرقاد وشعرو مكشرد أحكمو الله يسترك راهي الشرارة تحوس على كاش اونتان تحكم فيه هههههه ردو بالكم لا تتحرقو انا قتلكم ونتوما خاطيني هههه قصدي انا خاطيني، الزوج راهو فاهم الحالة راهو مخبي ورا المطرح لقى مخبأ مميز يحميه من هاد العاصفة وربي يستر، العجوزة تتقدم وتقابلها الكنة مشادات لسانية قصدي عواصف رعدية راهي تضرب من الشرق للغرب والزوج لا يزال مختبئا خلف المطرح وإلا تحرقو العاصفة الرعدية، اياياي وتلتصق الايدي (عفوا قلبتها تعليق رياضي) راهو يصب الحجر يا جماعة، سيدي الحكم تدخل ماذا تنتظر قصدي سيدي الزوج (عفوا زدت قلبتها حدث رياضي)، رياح عاصفة وتشقلب وسط الصالون هاد العاصفة الظاهر رايحة تدوم لساعات لأنو فيها أمطار كالسيول ورعود وأحجار (راهم يشاليو بعض بالمزهريات ههههه)، هاهو الزوج يتقدم ويسوطي على المطارح (القفز على الحواجز هههه) ويقترب يمد قرعة ريحة ليماه وقرعة ريحة لزوجتو بمناسبة العيد لتهدئة الأوضاع، السحاب يختفي تدريجيا من وجه الكنة وعجوزتها وتعود البسمة وتشرق الشمس من جديد لكن السحاب مازال في الجِوار كونو واجدين قادر تتقلب الحالة وتولي العاصفة هههه ماتنحيوش المعاطف ولمو شعوركم تحسبا لأي وضع ههههه
على العموم الاجواء صافية نرجو أن تبقى هكذا خلال الاسبوع ككل
وإلى اللقاء في حصة أخرى


​

مرحبا أختي مريم

لديك أفكار مميزة تدل على موهبتك في لهبال ماشاء الله ههههه

العجوز و الكنة كما الصيف و الشتاء لن يلتقوا أبدا ربي يجب الخير مع هذه العواصف المكهربة والضحية الزوج مسكين يلبس فيستا من فوق

و شورط من لتحت مايلقى إذا يصيف ولا يشّتي خاطر في زوج عزاز وأرواح نجيك بصح الواحد يعرف كيفاه يعيش أو يسلكها ويرضي الطرفين

ألبسو مليح برك وكونوا مستعدين إذا جات العاصفة لا تحدث أضرار جسيمة وانتظروا حتى تهدأ وبعدها مدو رجليكم على أعشاشكم في إطمئنان

لواحد ولا يشوف المشاكل بزاف أغلبها سفاسف لاطعم لها ربي يجعلها أجواء صافية لكل الأزواج هذا مانتمناه .​

 

[Skor m@k]

السلام عليكم

إلتقطت صورة لي ووضعتها في فايسبوكي
جلست في قلق أنتظر اللايكات كم تأتيني
خفت أني لم أحصل على أي لايك
وبقيت أنتظر وأترقب
وكأني بدون لايك لا أساوي شيء
هههه أول لايك يا إلاهي لكن لايكفي
اللايكات اللايكات أحب اللايكات جام جام جام جماميم
أصبح أجري وراءها كالكلب ألهث
بالمناسبة لايكا هي اسم أول كلبة صعدت القمر
رجعونا نلهث ورائهم كالكلاب ​

هلوسات ليلية ماك​

 

[الصحافية الساخرة]

ياجماعة لم أقصد ازعاج أحد @لؤلؤة قسنطينة و ما بها @ليليا مرام لم اقصد شيء ضحكتي معاي ضحكت معاك نتمنى منكونش فسدتلكم الضحك برك سمحولي .....

 

[الصحافية الساخرة]

ايا بونجور خشمكم منجور تحت الآجور هخخهه ايا وهذي في خاطر @ليليا مرام الزينة و زكارة في @Skor m@k
و @الأزرق الملكي

ضربتني نضربك مضربتنيش نصرعك .. هخخخ

اديها مني حجرة التفاح غالي اللي عندو راهو يشكي

واللي معندوش راه يشكي و يبكي .. و الخنونة فسدت

على المشاهدين ..

اديها من عندي و لا خلي .. افهم و لا غني .. ديجا الفن

ولا عفن .. ايا الشطيح متنوع شرقي غربي قبايلي

تريسيتي ما توليش اللور .. موت واقف .. اللي يموت قاعد

ماشي حنا هوما ،، اييه هوما ههه بصح الواقف يطيح

ويضحك عليه القاعد ..

سلم ايواا وحدة زوج ثلاثة ،، وزيد الرابعة ،، ايا كملها لل 17

المازوني قالك .. واحد ، زوج ، ثلاثة .. كمل المسيرة

الحسابية تولي مشهوور .. و حتى الطفلة تقعد فدار بوها

بلا ما تبور خخهخخخهه
تشاو ،، مميااو ^^

 

[لؤلؤة قسنطينة]

ياجماعة لم أقصد ازعاج أحد @لؤلؤة قسنطينة و ما بها @ليليا مرام لم اقصد شيء ضحكتي معاي ضحكت معاك نتمنى منكونش فسدتلكم الضحك برك سمحولي .....

صباح الورد فطومة
لا حبيبتي راهي مازعفتش منك راهي زعفت من القرصان مالك هههه
كانت عاجبتها القعدة هنا وكي قالها مالك نغلق الموضوع غاضتها روحها وراحت
نتمنى برك ماتروحش من المنتدى حنا ماصدقنا رجعت تضحك وتحكي بعدما كانت غالقة على روحها
ان شاء الله تتحسن الاحوال
ماتقلقيش روحك الزينة ^^​

 

[الصحافية الساخرة]

صباح الورد فطومة
لا حبيبتي راهي مازعفتش منك راهي زعفت من القرصان مالك هههه
كانت عاجبتها القعدة هنا وكي قالها مالك نغلق الموضوع غاضتها روحها وراحت
نتمنى برك ماتروحش من المنتدى حنا ماصدقنا رجعت تضحك وتحكي بعدما كانت غالقة على روحها
ان شاء الله تتحسن الاحوال
ماتقلقيش روحك الزينة ^^​

صباح الانوار مريومة ^^ الحمد لله يا ربي انا حسبت انا زعفتها ،، وهذا مالك لازمتو طرسيحة وعلاه جايبها موراها واقيلا ههه استنى نزيدلو خلعة كما تاع كاميرا كاشي و تشوفي كيفاه يترعب قلبه هههه
دوك نهدر معاها متروحش ليليا تحبنا ونحبةها محااال ..

 

[الأزرق الملكي]

السلام عليكم

إلتقطت صورة لي ووضعتها في فايسبوكي
جلست في قلق أنتظر اللايكات كم تأتيني
خفت أني لم أحصل على أي لايك
وبقيت أنتظر وأترقب
وكأني بدون لايك لا أساوي شيء
هههه أول لايك يا إلاهي لكن لايكفي
اللايكات اللايكات أحب اللايكات جام جام جام جماميم
أصبح أجري وراءها كالكلب ألهث
بالمناسبة لايكا هي اسم أول كلبة صعدت القمر
رجعونا نلهث ورائهم كالكلاب ​

هلوسات ليلية ماك​

التكنولوجيا ومادارت في الناس يحيروني هذوك ليحوسو غير على الإعجابات تقول الدراهم رايحين يدخلوهم

خصوصا ليحلفك باه دير جام كي شغل يجمع في الحسنات حقيقة يدوخوني هذو لعباد كون جا طفل صغيرماعليش

نقولو هذا هو عقلو بصح تلقاه قد البغل تحطو في الكوكوطة مايطيبش ومازال يدير في لعفايس هذو يخي حالة ههههههه

بصح الكلبة لايكا تستاهل في خاطر كي طلعت الفضاء نعطوها الجامات بزاف ونزيدولها غناية خاطر عندها وحد العينين حنان الله يبارك

وأنـا في الفضاء مسافرة ومعي عـيناك وأغنية عيناك ليالٍ صيفية ورؤىً وقصائد وردية عيناك ليالٍ صيفية .

​

 

[الأزرق الملكي]

ايا بونجور خشمكم منجور تحت الآجور هخخهه ايا وهذي في خاطر @ليليا مرام الزينة و زكارة في @Skor m@k
و @الأزرق الملكي

ضربتني نضربك مضربتنيش نصرعك .. هخخخ

اديها مني حجرة التفاح غالي اللي عندو راهو يشكي

واللي معندوش راه يشكي و يبكي .. و الخنونة فسدت

على المشاهدين ..

اديها من عندي و لا خلي .. افهم و لا غني .. ديجا الفن

ولا عفن .. ايا الشطيح متنوع شرقي غربي قبايلي

تريسيتي ما توليش اللور .. موت واقف .. اللي يموت قاعد

ماشي حنا هوما ،، اييه هوما ههه بصح الواقف يطيح

ويضحك عليه القاعد ..

سلم ايواا وحدة زوج ثلاثة ،، وزيد الرابعة ،، ايا كملها لل 17

المازوني قالك .. واحد ، زوج ، ثلاثة .. كمل المسيرة

الحسابية تولي مشهوور .. و حتى الطفلة تقعد فدار بوها

بلا ما تبور خخهخخخهه
تشاو ،، مميااو ^^

ام قريب يخرجوا الجنون وتشوفي التوسوييس تاع الصح

أنت قاعدة تكونكتي وهو فوق راسك يشطح ويجيك لوذنك يغني فطوم

يافطوم هيا إلى العملي و ساعات تلقايهم يلعبو الدومينو في الكوزينة

غير تولهي كي تغسلي الماعن يزيد يخبطك بدوبل سيس

و إذا حسيتي الريح فات على شعرك أعرفيه بلي هو نازل بالباراشيد عليك

ربي يستر من هذا العالم المظلم غير وجدي روحك يزيدو يخطفوك .
​

 

[Salah eddin]

درت هنا ...و عاودت درت ...و زدت درت
و مافرزت فيها والو ...
القاشي ق يرحي.. و الناس ق تدحي
ناس تكتب.. و ناس تندب
واحد يهدر ..و الاخر يغدر
واحد يقيس بمن سبق ...و الاخر يقيس بمن صدق
....
و الدجاج راه ق خارج داخل ...و الخارج اكثر من الداخل



​