كيراكم فنفوناتي الكسولات توحشتكم
وين راكم الغبرة ناضت في القسم جيت نوضكم شوية
منها نمشوا يدينا منها نزينوا دارنا و منها نقتلوا الملل
يعني "حج و حآجة "
بما أننا في الصيف يعني غي الوقت الي كاين خير ما تفوتوه مع la tv نخدموا شوية صوالح
بديت انا مع طاطاكم @Oum Loukmane نخدموا في شوية حوايج للجهاز
ايا شمروا على يديكم و اخدموا معايا
المتزوجات هادا الموضوع باش تزينوا دياركم و تتفكروا شوية يامات ما كنتوا عرايس و كان كل شي يلمع خخخخ
و العازبات ولا المقبلات على الزواج ابداو تنقصوا شوية على رواحكم في الصوالح بالحاجة خير ما يقرب العرس و تولو تقولو يا ندامتنا كن غي درنا على هدهد
المهم الموضوع هادا رح يكون فيه الأفكار و الصور و الفيديو التوضيحي الي ديت منه الفكرة و تقدروا حتى انتوما تحطولي حاجة اخرى خدمتوها المهم صوروا المراحل و اشرحولنا باش نخدموا كامل مع بعض
ان شا الله تكونوا نتوما حاضرين و بقوة و تورولي تطبيقاتكم الزينة هاكا ندوا أفكار من بعضانا لأنه الأكيد الموضوع ما يحلاش بلا بيكم
@"viola" @لؤلؤة قسنطينة @BLEU PEARL @Soumia hadj mohammed @secret de coeur @أم ياسمينdz @الورد الأحمر @سكون الفجر @yaso ياسمين @عاشقة الإحسان @دعاء الجنات @LINA LOLO @Djaouida @LINA NONA @بنقابي افتخر @لاريمان @حفيدة الخنساء @ميمي مرام @Snow pink @حيلتي في حسن نيتي @فعل الخير غايتي @عآشقة الجنـة
و الي عندها صحبتها تجيبها و تجي ♥
ان شا الله تلقى الفعالية التفاعل المطلوب نلتقي مبعد ان شا الله باش نبداو على بركة الله
