كرسِي التعٙـآرف العددُ العآشـر ( habchisalaheddin )

[chirine zina]

وااااو رانا نتشاركو في نفس لكتاب ...أنا ثاني قريتو
الرئي نتاع فيديو منسوطيش أنا وياك عندنا نفس الرأي ...بصح أنا أثر فيا
هههههه نبدا نسئل
........ واش هو حلمك ملي كنت صغير ؟
......... عندك بيرمي ؟ هههه تعرف تسوق ؟
......ماهو نوع السيارة المفضلة لديك ؟
........لكان يقولولك أرواح لفلسطين ؟ واش تقول
........في رايك علاه حنا الجزائرين نحبو فلسطين ...وحبها ساكن فيدمنا ....وتالمو نحبوها بزاف ....ولاو لولاد الصغار يحبوها بزاف ...يعني حب فطري فينا ؟
............ لكان تشوف إسرائيلي في الشارع واش الدير ؟
........ماهو تعليقك كي لعبت دزاير مع فلسطين ؟ يعني كي شفت الجزائرين رافعين علم فلسطين بدل علم بلادهم ؟
.......... واش رايك في الشاب خالد ؟

 

[Salah eddin]

السلام عليكم أخي صلاح لقد عدت من جديد ههههه
و عليكم السلام اهلا اختي اسما ههه
- واش هو الكرتون لي كنت تحبو كي كنت صغير ؟
كاين ياسر يا حسراااه ههه ...كاين باباي و تان تان ههه
و اكثر رسوم و المفضلة عندي هي رسوم " الجوال " " و " انا و اخي " ..هذي حكاية ههه
- واش هي الشخصية الكرتونية لي تأثرت بيها و كنت تحسها قدوة ليك هههه ؟
الشخصية الكرتونية المفضلة عندي هي ... شخصية " سيف النار " ههه و " باتمان "
- واش هو المجال لي تحب تخدم فيه بعد الطب و القانون ؟
بعد الطب و القانون ...المجال الي نحبو هو مجال التجارة ... عندي شوي خبرة فيها و تجربة قصيرة فيها
و لقيت فيها متعة و ربح ههه
- اسكو انت عندك حرفة في يدك و واش هي ؟
هي ما نقدرش نسميها حرفة ...ضرك نفهمك ...في الصيف كيما قاع الشباب ...نخدم بصح كل مرة وكفاه
ساعات نخدم في الكارلاج ساعات في البلومبري ..ساعات في مخبزة .....كل مرة و كفاه
- تحب الساحل ولا الصحراء و علاش ؟
نحب الصحرا خير ...لاني من ولاية الجلفة و الجلفة قريبة للصحرا كاين مناطق في الجلفة صحرا اصلا لذلك نحب الصحرا خير
- شكون هو اللاعب في رياضة كرة القدم لي تحبو ؟
كاين ياسر لاعلين مفضلين عندي ...عموما لاعبي ريال مدريد
ههه
و افضل لاعب عندي هو لوكا مودريتش ...
- شيء متحبوش في المنتدى ؟
الخمول ساعات ... و شوي المعريفة ههه
- قسم فرغ واش في قلبك vs واش راك تهدر شكون خير ؟
نظن قسم واش راك تهدر ناشط اكثر ...
- عضو تأثرت بقصته ؟
الاخت @ليليا مرام ..ربي ان شاء الله يفرج عليها
- سؤالي المفضل رايك في عاشقة الجنة هههه ؟
ههه صراحة عضوة متخلقة و متواضعة ما شاء الله
و ناشطة الله يبارك ... وش نزيدلك ؟ ههه
نكتفي بهذا القدر ^^
شكرا و في انتظار اسئلتكم الاخرى ان وجدت​

 

[Salah eddin]

وااااو رانا نتشاركو في نفس لكتاب ...أنا ثاني قريتو
الرئي نتاع فيديو منسوطيش أنا وياك عندنا نفس الرأي ...بصح أنا أثر فيا
ههه ايا مليح امالا
هههههه نبدا نسئل
........ واش هو حلمك ملي كنت صغير ؟
كان حلمي اني ندخل للدرك الوطني ...اما ضرك ما شكيتش ههه
......... عندك بيرمي ؟ هههه تعرف تسوق ؟
ايه عندي البارمي ... و نعرف نسوق
......ماهو نوع السيارة المفضلة لديك ؟
الكونغو ..
........لكان يقولولك أرواح لفلسطين ؟ واش تقول
نتكل على ربي ...ههه
........في رايك علاه حنا الجزائرين نحبو فلسطين ...وحبها ساكن فيدمنا ....وتالمو نحبوها بزاف ....ولاو لولاد الصغار يحبوها بزاف ...يعني حب فطري فينا ؟
و الله هذي حاجة من بكري في الشعب الجزايري ... و من قصة وقوف الرئيس الراحل هواري بومدين مع فلسطين ... اصبحت المودة بين الشعبين فطرية و رسخت فينا
............ لكان تشوف إسرائيلي في الشارع واش الدير ؟
و الله ما نكذب عليك ...لازم نفرقو ...مش كل اسرائيلي راه بالضرورة محتل و عدو ...لازم نفرقو بين الحكومات و الشعوب
الحكومة الاسرئيلية هي الي احتلت فلسطين ... اما الشعب الاسرائيلي ان صح القول ... كل واحد و كفاه ...كاين الي مأيد و كاين الي معارض الاحتلال ...
و لازم نفرقو بين اليهودي و الاسرائيلي ...لانو مش كل اسرائيلي يهودي و مش كل يهودي اسرائيلي ...كلمة اسرائيلي نقصدو بيها الجنسية ...
و اليهودي نقصدو بيها الديانة اليهودية ...
........ماهو تعليقك كي لعبت دزاير مع فلسطين ؟ يعني كي شفت الجزائرين رافعين علم فلسطين بدل علم بلادهم ؟
شي يشرف صراحة و هذا دليل على حبنا الكبير لفلسطين و شعبها ...
.......... واش رايك في الشاب خالد ؟
ههه
الله يهديه ...ههه

​

 

[chirine zina]

ماعليش ياسيدي منكسرش في خاطرك ونسئلك ههه
*واش هو شعورك كيتكون مشهور في المتدى والناس كامل تحبك
*هههه تحب الشعر ؟
علاه ؟
* تكتب خواطر ؟
* زعما تعرف ترسم ؟
* واش هي الطبخة لي تموووت عليها وتحب يماك الديرهالك ديما ؟
* واش هو شعورك كي تفوخ يماك بيك قدام الناس وتقولهم هادا وليدي قرااي ويولي طبيب نشالله ؟
* ههه كي تولي طبيب نشالله زعما نجي نداوي عندك باطل ؟ متقوليش الباطل يبطل هه
​

 

[Salah eddin]

ماعليش ياسيدي منكسرش في خاطرك ونسئلك ههه
*واش هو شعورك كيتكون مشهور في المتدى والناس كامل تحبك
ههه اكيد شعور زين ياسر هذا ههه
*هههه تحب الشعر ؟
اكيد ...
علاه ؟
لاني نحب اللغة العربية و الشعر العربي من الركائز في الادب العربي ...و لان الشعر العربي فيه من الحكم و الامثال ما فيه
* تكتب خواطر ؟
مين ذاك بصح مانيش ميال ياسر للخواطر
* زعما تعرف ترسم ؟
ق شوي شوي ههه
* واش هي الطبخة لي تموووت عليها وتحب يماك الديرهالك ديما ؟
المحاجب ...ههه
* واش هو شعورك كي تفوخ يماك بيك قدام الناس وتقولهم هادا وليدي قرااي ويولي طبيب نشالله ؟
صراحة هي حاجة زينة ...بصح انا ما نحبش النفوخ ياسر ههه نحب نبقى في الظل خير
* ههه كي تولي طبيب نشالله زعما نجي نداوي عندك باطل ؟ متقوليش الباطل يبطل هه
اا نتي تجي باطل مرحبا بيك ههه بصح ما تمرقيهاش ..ههه
...
شكرا اختي شيرين و كاشما عندك اسئلة اخرى ق هاتي مرحبا بيك
​

 

[chirine zina]

خلاص بركيت ...معنديش الأسئلة

 

[بشرى ملاك]

خلاص بركيت ...معنديش الأسئلة

حتى كملتيهم ڨاع

 

[chirine zina]

حتى كملتيهم ڨاع

هههههه نو مازالو ....منبعد نقولهم

 

[بشرى ملاك]

صباح النور للجميع...

اخي لوكان يجي شاب يطلب منك نصيحة واش تقوله?
تخيل راك طبيب خلاص وجاتك حالة حرجة شاب وشيخ ولازم تسلك واحد فيهم واش تخير?
تكتشف خيانة لصديق ولا قريب ولا حبيب واش يكون الموقف تاعك?
هل انت متسامح?
لو جاتك الفرصة تروح للخارج بعمل وسكن ونفس الشي هنا تروح ولا تقعد?

 

[البحر الهادي]

لم ار الموضوع إلا الامس
أهلا ومرحبا بالأخ الكريم
واش هي طموحاتك
كيف تنظر للمجتمع الجزائري؟
ماهي الكتب التي تحبذها وتطالعها؟
كم تحفظ من كتاب الله؟
لديك قلم وورقة :ماذا تكتب فيها
هل مرت عليك لحظة صعبة كأنها دهر من الزمن
هل هناك شخص ترك حرجا في حياتك؟

 

[Salah eddin]

صباح النور للجميع...
صباح الخير اهالا اختنا بشرى ...

اخي لوكان يجي شاب يطلب منك نصيحة واش تقوله?
نقولو اتهلى في والديك و احكم طريق ربي و السلام
تخيل راك طبيب خلاص وجاتك حالة حرجة شاب وشيخ ولازم تسلك واحد فيهم واش تخير?
و الله ما نكذب عليك موقف صعيب ياسر ...ان شاء الله ما نلحقوش قاع
تكتشف خيانة لصديق ولا قريب ولا حبيب واش يكون الموقف تاعك?
اكيد موقف تاع حسرة ...بصح ... اكي ندير القلب ذيك الساعة
هل انت متسامح?
نعم ...
لو جاتك الفرصة تروح للخارج بعمل وسكن ونفس الشي هنا تروح ولا تقعد?
لا نقعد في بلادي
شكرا اختي بشرى
و مرحبا باسئلتك الاخرى ان وجدت

 

[Salah eddin]

لم ار الموضوع إلا الامس
أهلا ومرحبا بالأخ الكريم
اهلا بيك خويا الحبيب ...
واش هي طموحاتك
طموحي مش كبير ياسر
و ساهل ... نكمل قرايتي و نخدم خدمتيي و نقبض طريق ربي ان شاء الله قد ما نطيق
و نحج بيت ربي ان شاء الله
كيف تنظر للمجتمع الجزائري؟
المجتمع الجزائري متنوع من منطقة الى اخرى
في الجنوب مجتمع محافظ ياسر و متمسك بالعادات و التراث
و في الشامل مجتمع متختلط الاعراق و متمسك بدرجة اقل بالعادات و التقاليد
لكن على العموم المجتمع الجزائري محافظ و لو كاين بعض الاختلالات لكنها لا تعدو كونها طفرات فقط
ماهي الكتب التي تحبذها وتطالعها؟
الروايات احيانا
كم تحفظ من كتاب الله؟
ما تيسر ...
لديك قلم وورقة :ماذا تكتب فيها
لا اله الا الله محمد رسول الله
هل مرت عليك لحظة صعبة كأنها دهر من الزمن
للاسف كاين ...و هي نهار توفى ابي االله يرحمو ويوسع عليه
هل هناك شخص ترك حرجا في حياتك؟
لا اظن ذلك..

شكرا خويا الحبيب و مرحبا بيك و باسئلتك

​

 

[بشرى ملاك]

شكرا خويا الحبيب و مرحبا بيك و باسئلتك

​

ربي يرحمو خويا صلاح

 

[Salah eddin]

ربي يرحمو خويا صلاح

آمين الله يحفظك اختي بشرى​