المير في استضافة الاذاعة .....ارواحو

[حلم كبير]

ههه
لا تفضلي عندك الحق تقولي وش تحبي
بصح بعد ما تهدري مع المذيع @حلم كبير ​

راني هدرت معاها تقدر توجهلك الصواريخ قصدي الاسئلة وكت ما حبت
بصح بالشويه الطفلة جديدة هنا تعود تروح ما تولي ههههه​

 

[Salah eddin]

راني هدرت معاها تقدر توجهلك الصواريخ قصدي الاسئلة وكت ما حبت
بصح بالشويه الطفلة جديدة هنا تعود تروح ما تولي ههههه​

خلاص ههه راني فهمتك
ههه​

 

[طيب الكلام]

راني هدرت معاها تقدر توجهلك الصواريخ قصدي الاسئلة وكت ما حبت
بصح بالشويه الطفلة جديدة هنا تعود تروح ما تولي ههههه​

علاه واش كاين . المير صعيب شوية ؟؟؟؟؟؟؟؟

 

[طيب الكلام]

خلاص ههه راني فهمتك
ههه​

سيد المير اذا تتقلق بالخف نبدا غير بلعقل .نجيب مطالب خفاف برك

 

[Salah eddin]

سيد المير اذا تتقلق بالخف نبدا غير بلعقل .نجيب مطالب خفاف برك

لا ما نتقلقش
قولي وش تحبي ههه
بصح بالشوي برك باه نفهمك زين
ههه​

 

[حلم كبير]

علاه واش كاين . المير صعيب شوية ؟؟؟؟؟؟؟؟

بالعكس اطيب من ميرنا مكانش بصح
فالفكاهة قصدي عندو روح مرحة ياسر وكي ينكت الحالة تولي كلها تضحك حتى الجماد يضحك ههههه
اسألي كيما تحبي

 

[حلم كبير]

معكم المذيع من اذاعة اللمة والطاقة نفذت



نعطيكم نكتة صغيرة قبل ما نروح نرڤد
بني الصغير عمرو عامين ونص كي يجي يڤولي
دغدغني يڤولي
دعدعني ههه

وميغسي
يڤولها ميعسي هههه

ما تفهملو المعلمة والو ههه

ومدام يڤولها عظام وليدي عندو مشكلة في حرف العين سابڤو في كلش هههه

اليوم خلاتنا الاخت @صفاءdz بلا تاي ربي يحفظها
زعم نخليلها الاذاعة في عهدتها معليهش
الأسبوع الجاي بحول الله
في امان الله

​

 

[طيب الكلام]

لا ما نتقلقش
قولي وش تحبي ههه
بصح بالشوي برك باه نفهمك زين
ههه​

سيد المير . عندنا مشكل الزواج في جهتنا
خويا راح خطب ياخي قالو اب الطفلة مانمدهاش لواحد براني .
علاه ماتنحيلناش المشكل هاذا تاع العنصرية و تساهم في تقليص نسبة العنوسة

 

[طيب الكلام]

معكم المذيع من اذاعة اللمة والطاقة نفذت

مشاهدة المرفق 69700

نعطيكم نكتة صغيرة قبل ما نروح نرڤد
بني الصغير عمرو عامين ونص كي يجي يڤولي
دغدغني يڤولي
دعدعني ههه

وميغسي
يڤولها ميعسي هههه

ما تفهملو المعلمة والو ههه

ومدام يڤولها عظام وليدي عندو مشكلة في حرف العين سابڤو في كلش هههه

اليوم خلاتنا الاخت @صفاءdz بلا تاي ربي يحفظها
زعم نخليلها الاذاعة في عهدتها معليهش
الأسبوع الجاي بحول الله
في امان الله

​

ربي يشدهو لك خويا و يتربى في عزك ان شاء الله
انا بنت عمي صغيرة ما تنطقش حرف الخاء تقول حالي ماشي خالي
تقول كليت حبة حوح ماشي كليت حبة خوخ

 

[Salah eddin]

سيد المير . عندنا مشكل الزواج في جهتنا
خويا راح خطب ياخي قالو اب الطفلة مانمدهاش لواحد براني .
علاه ماتنحيلناش المشكل هاذا تاع العنصرية و تساهم في تقليص نسبة العنوسة

ااااه .يا اختي وش نقولك
هذا مشكل ما يحلوهش في البلدية
هذا يحلوه في الديار
راكي قالطة ههه
​

 

[طيب الكلام]

ااااه .يا اختي وش نقولك
هذا مشكل ما يحلوهش في البلدية
هذا يحلوه في الديار
راكي قالطة ههه
​

ما فهمناش ا سيد المير
قلنالك الطريق محفرة ماخدمتوهاش . قلنا السكنة والو . قلنا العنوسة ماصرا والو قلنا التشغيل رانا قاعدين
واشي هاذا سيد المير اتحرك شوية

 

[Salah eddin]

ما فهمناش ا سيد المير
قلنالك الطريق محفرة ماخدمتوهاش . قلنا السكنة والو . قلنا العنوسة ماصرا والو قلنا التشغيل رانا قاعدين
واشي هاذا سيد المير اتحرك شوية

صفاي نتي بعثوك ليا ولا وش ؟
شوفي زين ومبعد اهدري ...الطريق مسقمة ... كن مش الطرق ما تجيش نتي هنا
السكنة كاين بصح للزوالية برك
و العنوسة ... خاطيني​

 

[طيب الكلام]

صفاي نتي بعثوك ليا ولا وش ؟
شوفي زين ومبعد اهدري ...الطريق مسقمة ... كن مش الطرق ما تجيش نتي هنا
السكنة كاين بصح للزوالية برك
و العنوسة ... خاطيني​

كيفاه مسقمة ا سيد المير الصباح برك قريب تقلبت بينا الطوموبيل من الحفر . عدنا نمشيو ا بيي
غلبنا ا سيد المير

 

[Salah eddin]

كيفاه مسقمة ا سيد المير الصباح برك قريب تقلبت بينا الطوموبيل من الحفر . عدنا نمشيو ا بيي
غلبنا ا سيد المير

ماعليش ... ان شاء الله راني نريقلكم اموركم
اصبرو عليا شوي برك​

 

[طيب الكلام]

ماعليش ... ان شاء الله راني نريقلكم اموركم
اصبرو عليا شوي برك​

والله غلبنا ا سيد المير . نضحكو و المورال طايح ما فهمناش كيفاه عايشين
ربي يعيشك خويا

 

[صانعة الإبتسامة]

صراحة ..خويا حليم
ههه
@صفاءdz كانت منشطة الحالة شوي
ههه​

هههه...ربي يحفظك سيدي المير هههه...جاتني ضروف...والله كان قلبي عندكم ...غدوة ان شاء الله...

 

[Salah eddin]

هههه...ربي يحفظك سيدي المير هههه...جاتني ضروف...والله كان قلبي عندكم ...غدوة ان شاء الله...

ان شاء الله
الله يحفظك
ههه​

 

[صانعة الإبتسامة]

والله راحت وراح حس الاذاعة يا الاهي

ماكش تتفرج سيد المير فالماتش فرنسا بلغاريا
داير الاخبار رآهم يقولو رآها رابحة فرانسا واحد صفر ههههه
نڤلبوها اذاعة رياضية ؟​

الو الو معاكم الاذاعة وين راك يا جماعة
حتى نعيطولكم البااب مفتوح على مصرعيه
شاركونا يا سيدي
الاخت @صفاءdz وين راكي التاي طاب ولا لالا

الو
معايا اتصال
من معي

الو انا قاطنة بحي من احياء البلدية ونخدم معلمة وكل صباح نشد الطرنسبور وانا نستنى فالكار ما كان حتى موقف يصلح كي تصب المطر مكانش وين نستكفى نروح نقر كي الجاجة المبلولة

كون تدير مواقف وتبركوا من السرقة نتاعكم ،يعني ما قدرتوش تبنيو موقف دايرين عمود نتاع حديد واڤف هذا موقف هذا
يخي حالة يخي وشفافية وما نعرف واش

ديرولنا مواقف حافلات لينا المعلمات واحنا معاكم للمات
تبقى على خير
هيه

الاخت مقلقة معلمة واش تواسي مقلقينها الاولاد أعذرها سيد المير
اليك الخط ​

سلااام اسمحولي طولت عليكم ...ماعليش غدوة ان شاء الله نخلفهالكم...خويا حليم غدوة نجيبلك لاتاي ...ههه

 

[الأزرق الملكي]

المتصل : ألو

المذيع : ألو شكون معايا

المتصل : السلام عليكم معاكم فليحان و نخدم في الفلاحة نسكن في قرية الهايشة

المذيع : وعليكم السلام مرحبا بك سيدي فليحان راك مع السيد المير تقدر تقدم له انشغالاتك على المباشر تفضل

فليحان : آعمي سيدي المير حنا سكان قرية الهايشة من الاستقلال ماعندناش الضو عايشين بالشمع و الشمس

نطلب منك سيدي المير تخذمونا التريستي رانا عايشين في الظلمة حالتنا تشكي لربي المسؤول لي يجي يقولنا نخدملكم

ومادارو والو شوفو لينا على وجه ربي .

سيد المير : نشكرك أخي فليحان على طلبك ونعتبروه مقبول وهذا من حقكم كمواطن صالح و موهوب و إن شاء الله

بعد أسبوع نبعتلوكم الخدامة تاع سونلغاز و تولي عندكم التريسيتي .

فليحان : فرحتني سيدي المير ربي يفرحك و يطولك في عمرك كاين حاجة آخرى ثاني نطلبها منكم

سيد المير : اتفضل ماتحشمش حنا رانا هنا باه نعاونوكم .

فليحان : عمي سيدي المير كاين واحد الشونطي قدامنا يخدموا فيه الشناوة نهار كامل و هما يسرقونا فالكلاب و ياكلهم

و الكلاب تاعنا نرعاو بهم لغنم حبيت تشوفنا حل للمشكل هذا راهم قريب ياكلونا حنا .

سيد المير : هههههه هذا ماشي مشكل ياسيد فليحان لازمك نتوما تعسوهم .

فليحان : عندك الحق لازم نعسوهم بالقزول لي يقدم نعطيه ..

نسيت نقولك طلب سيد المير الما لي يجينا فيه الغرقة لون تاعوا قهوي تقول عليه تاي ماشي ما.

سيد المير : هذي المشكلة نوعدكم رايحة تحل كاين أنابيب منقوبين ان شاء الله نخدموهم ويرجع الما صافي

..كاش ما كاين تزيد تطلب .

فليحان : لا سيدي المير راكم قايمين بواجبكم كثرونا فالبروجيات راهو ماكاين والو عندنا فالقرية

ونشكركم على هذه الحصة والسلام .

سيد المير : نوعدكم نرجعهالكم جنة و نتوما ثاني استحفظوا بالحالة .. في امان الله .

...............

- وتمر الأيام والأشهر و السنوات و تبقى معاناة قرية الهايشة إلى ان يأتي مير جديد ليعيد نفس القصة

نعم إنها حياة مؤلمة .
​

 

[صانعة الإبتسامة]

المتصل : ألو

المذيع : ألو شكون معايا

المتصل : السلام عليكم معاكم فليحان و نخدم في الفلاحة نسكن في قرية الهايشة

المذيع : وعليكم السلام مرحبا بك سيدي فليحان راك مع السيد المير تقدر تقدم له انشغالاتك على المباشر تفضل

فليحان : آعمي سيدي المير حنا سكان قرية الهايشة من الاستقلال ماعندناش الضو عايشين بالشمع و الشمس

نطلب منك سيدي المير تخذمونا التريستي رانا عايشين في الظلمة حالتنا تشكي لربي المسؤول لي يجي يقولنا نخدملكم

ومادارو والو شوفو لينا على وجه ربي .

سيد المير : نشكرك أخي فليحان على طلبك ونعتبروه مقبول وهذا من حقكم كمواطن صالح و موهوب و إن شاء الله

بعد أسبوع نبعتلوكم الخدامة تاع سونلغاز و تولي عندكم التريسيتي .

فليحان : فرحتني سيدي المير ربي يفرحك و يطولك في عمرك كاين حاجة آخرى ثاني نطلبها منكم

سيد المير : اتفضل ماتحشمش حنا رانا هنا باه نعاونوكم .

فليحان : عمي سيدي المير كاين واحد الشونطي قدامنا يخدموا فيه الشناوة نهار كامل و هما يسرقونا فالكلاب و ياكلهم

و الكلاب تاعنا نرعاو بهم لغنم حبيت تشوفنا حل للمشكل هذا راهم قريب ياكلونا حنا .

سيد المير : هههههه هذا ماشي مشكل ياسيد فليحان لازمك نتوما تعسوهم .

فليحان : عندك الحق لازم نعسوهم بالقزول لي يقدم نعطيه ..

نسيت نقولك طلب سيد المير الما لي يجينا فيه الغرقة لون تاعوا قهوي تقول عليه تاي ماشي ما.

سيد المير : هذي المشكلة نوعدكم رايحة تحل كاين أنابيب منقوبين ان شاء الله نخدموهم ويرجع الما صافي

..كاش ما كاين تزيد تطلب .

فليحان : لا سيدي المير راكم قايمين بواجبكم كثرونا فالبروجيات راهو ماكاين والو عندنا فالقرية

ونشكركم على هذه الحصة والسلام .

سيد المير : نوعدكم نرجعهالكم جنة و نتوما ثاني استحفظوا بالحالة .. في امان الله .

...............

- وتمر الأيام والأشهر و السنوات و تبقى معاناة قرية الهايشة إلى ان يأتي مير جديد ليعيد نفس القصة

نعم إنها حياة مؤلمة .
​

بدلتو المذيع...ولا راه راقد..ههه..وسيدي المير جديد واش يخدملهم ..راه لاهي بعيالو عندو 12طفل...راه في شنطي يخدم وكي جي ساهل الحال..هه