مشكلتي زوجة اخي

[ليليا مرام]

سلام اختي
زوجة اخيك لا تعتبر مسؤولة عن اعمال البيت باعتبارك انت صاحبته يعني هي كي الضيفة في وسطكم
و زيد ياك موالفة نتي تقومي بالدار قبل ما تجي هي . كملي اختي اخدمي نتي داركم و اجرك على الله
ما تقوليش لخوك لا يصراو مشاكل بيناتكم و تخسريه مبعد تندمي
وسعي خاطرك اختي كلش يفوت . اما مسالة قشها فمن حقك تريكلامي . يعني خليهولها تغسلو وحدها
ربي يفرج عليك اختي و يفرحك و يهنيك يا رب

السلام عليكم اختي
اسمحيلي نرد عليك
كيفاه ضيفة ضيفة لو تسكن وحدها وجات ما تستناش منها تخدم ضيف مهما يقعد يروح كنة تدخل للدار تولي بنت الدار مش ضيفة دارهم ايه ما تستناهلش لو عندنا كنة محال نخليها تنقي دارنا بصح تخدم روحها وراجلها وامور خويا نخدمهم بلا مزيتها أما تاكل وتنوض وانا نغسللها حوايجها هذي ماكانش منها
كلمة ضيفة خلاتني نرد عليك
يعني لو هذي قريب تولد ومريضة معليش تدي أجر لو نافسة معليش مي بصحتها وتتكسل انا عن نفسي لبرة ما نرفدهالهاش ربي يسهل
اسمحيلي رديت

 

[زاد الرحيل]

السلام عليكم أختي
اول شي هذي بالكرش مش معاقة حركيا راني مكسرة من عظمي كلو ونوقف مع البوتاجي ونغسل على الاقل الماعن ربي يهديها شغل داركم ما تستنايهاش هذي داركم اما هي تاكل وانت تغسلي وزيدي تغسلسلها حوايجها كثرتها انت ما ديري زعاف لخوك ما تخليها تشوفك خدامة عندها لو انا نغسل لدارنا خوك معليش اعتبري ما عندوش مرا اما حوايجها خليهم يفوحو هناك تشوفي تولي تنوض وتغسلهم لقاتك ساكتة طلعتلك فوق راسك اما لو تعرفي خوك ما يزعفش ويصدقك احكي معاه تخدم دارها وراجلها هذي لو قريب تولد وتعاونيها عندك اجر لو نافسة وترفديها معليش اما تاكل كالبقرة وتنوض انا هذي لو طاحت معايا نديرلها راسها فالقدرة خويا على راسي وعينيا اما خدامة عند مرتو وهي تضحك عليا تحبلها تولدها يماها عشرين مرة صراحة راحة انت ولفتيها لقاتها واجدة
الله يهديهم يديرو المنكر

صحيتي ليليا الكريدي مكانش و الصراحة راحة

 

[أشــواق 19]

السلام عليكممم
يا اختي الحمل ولاو يديرو بيه سبة بررررك..لي فحلة فحلة ولي فنيانة اي باينة..
بون نتي وش ديري شغل دار هذا لازم على اي وحدة ديريه بيها ولا بلا بيهااااا هداه ربي وحبت تعاونك صحا مبغاتش الله يسهل عليهاا..
بالنسبة لقشها والامور لتخصها خليهمهالها كتضطر تروح وحدها تغسلهم بسكو نتي مكيش ملزمة بيهم
ربي يكوووون في العون ختي..

 

[ليليا مرام]

صحيتي ليليا الكريدي مكانش و الصراحة راحة

اهلا ميلينا
صراحة راحة يا اختي وحدة تكون معايا مرا نخرج معاها مرا ونص اما تجي تفوتني قرسونة عندها نسيق بشعرها الدار هي فبلاصتها وانا في بلاصتي شغل دارنا ما نمدلهاش فرصة تعايرني بيه اما حاجتها وحاجة راجلها هي ملزومة بيهم انا لو لبرة ما نرفدهالهاش هذي صراحة من لخر