السلام عليكم ليلوشة
ان شاء الله احوالك بخير؟
صراحة عندنا مدة مامديناش ختم التميز لكن اليوم قررت نمدهولك
أولا جامي بخلتي على هاد القسم دايما تحطي المواضيع القيمة وزيد هادا موضوع جديد ويستحق المناقشة
يعني تستاهلي ختم التميز
السلام عليكم مريومة ربي يحفظك أختي ويميز أيامك يا رب ويختمها بالجنة يا رب
شكرا كلامك رفعلي معنويات وانا لما يكون المورال طالع راني نكتب ولما يكون منتحر راكي عارفة حتى يرجع من لاخرة باه نكتبلكم وانا وأحوالي
أما بالعودة للموضوع صراحة يا أختي ليليا حتى البلاكيور وولا بقيمتو ولات الناس كامل تتهافت عليه
خاطر عاد يشبه للذهب واحد ما يفيقلو، عادت النساء تشري طاقم ذهب بما فيه سنسلة وخاتم وفلايك بسومة أقل
لكن هادا انا مانشوفوش عيب يعني عادي وحدة حابة تبرق من بعيد وماعندهاش الدراهم مالا تكتفي بالبلاكيور
خاطر لا الذهب ولا البلاكيور لي رايح يدير قيمة للمرأة يبقى مجرد زينة وماش رايح ينقص من العبد
ونشفى عليها بكري البلاكيور هادا ما يبانش خلاص ماتعرفيش حتى منين يشريوه ودرك عندو حوانت سبيسيال كيفو كيف الذهب
يعني عادت النساء تشريه عادي، انا نعرف عروسة جبناها ماعندهاش بزاف لواحد من العائلة جابت محزمة بلاكيور
ايماجيني محزمة ذهب تسوى بالاك 60 مليون ولا كتر وتاع البلاكيور تسوى 900 ألف برك بالاك وكي سقساوها عليها
قاتلهم بلاكيور نورمال وأصلا علاه تتعقد؟ ماعندهاش دراهم تروح تسرق وتجيب قطعة ذهب تتفاخر بيها؟
وكيما قلتيها درك عاد خاتم سامبل يفوت 4 ملاين، آخر مرة هزت ختي دراهمها لي جمعتهم من الباك قالت نشري بيهم خاتم ذهب
والله ما جينا نلقاو خاتم يناسب المبلغ لي عندنا تحاسبنا قريب شرينا حديدة تاع ذهب وحدها لدرجة كلشي غالي
انا بالنسبة ليا والله الذهب هادا يدخل من ودن ويخرج من ودن بالاك نحب شوي الفضة وكذلك خواتم الخطوبة يهبلو
يعجبوني أشكالهم خاصة لي مخلطين ذهب أبيض وأصفر ولكن تبقى حاجة عادية في كل أنثى تحب المجوهرات
لكن باه نهبل على الذهب لالا يبقى مجرد اعجاب من بعيد هههه وماكانش قد المرأة القنوعة ربما صح الذهب يكون
للشدائد يوما ما ولكن باه وحدة قبل ما تتزوج تقسم ظهر باباها ولا راجلها على الذهب هنا غير مقبولة
الذهب للشدائد بالاك بصح باه يكون أساس الزواج لالا ولي تحب تتصيغ بزاف عندها البلاكيور وتبرد قلبها مع انو حتى هو ولا غالي
شكرا ختي ليليا على الموضوع بارك الله فيك
