ايه حنا متعددات المواهب غير فالطبخ نحرقوا زكارة في المخلوقات الفوضوية هههههه
وهذا موضوعنا لنا لنطرطق في وجوههم قرع غاز كما هوما عڨابنا هههخخخ
يا طمطومهههههههخههههه ياخي مهبولة ياخي
ايه خليه يحوس على خنفوسة بصح هو قال يعني ماكانش خنافس صالحات بمعنى
ونسيتي ادومة ،ربي يحفظهم ان شاء الله ويكبرهم فالسن وفطاعتو وكل ابناء المؤمنين ان شاء الله يارب
هههههه
اصبري عليا النت قليلة عندي غدوة نحطو
السلام عليكم أختي
ايه يا طمطوم خليني نفرغ وما تشيدينيش خاطر راحا نعطيكم درس وتتعلمو مني
بون كان عندي هذا لمخلوق البكتيري المعفون اللي واسمو الراجل اللي هو خويا واش نقولكم لو يلقى كي ينوض انا نغسلو وجهو ونديه للطابلة ونشربو القهوة ونوكلو الشغل فالدار انا نخدم وهو يجي زكارة يفوت بصباطو تولي دار كلها تراب كاللي ما سيقتش الفطور عندو خلل ياكل مع العصر والعشا على نص ليل ينوضني
هناك قررت ليليا تولي رومبو ودارت محرمة حمرا فوق راسها وقلت من اليوم إسقاط نظام
ينوض صباح قهوة نقولو مانيش قهواجي ربي اعطاك زوج يدين تحرك الكوزينة قدامك يعيط يطير نخليه ونروح ينوض ويسخنها الهدف الاول سيبو
لما يخلي حاشاكم تقاشرو فالارض يعيطلي يقولي مديلي حوايجي نبدل وارفدي هذو نقولو علاه واقيل راك الملك السعودي نعيطلك شنو تبي بابا خدامة نتاع فيليبين عندك يديك ما حبش يرفد قدامو نرفدهم وين يرحو قوليلي.....
لابوبااااااال تقاشر بيض يردهم كحل وانا نحك ونعاود ويعاود يرميهملي ذيك العشية امالا كي ولاو جوتابل انا نرميهم يجي يقولي تقاشر نقولو رميتهم ضفارتيا يتكسرو هههه
وصباطو حاشاك كام يدخل يحطو قريب عند راسو مخدة ويعيطلي نرفدو ايا قلت بالكفارة غير نوريلك رميت الرغوة ههههه ونسيق بدا يعيط الباسكيت قتلو انا نعرف صباط برا الدار ماشي مخدة تربى رجع يحطو برا فالحوش فبلاصة عالية ههههه:Love::Love:تؤبشيني يا ليليا
كي تزوج مرتو يريحها ويدللها
قاتلي مرتو فمرة انا ما يعينيش كل حاجة يحطها فبلاصتها قتلها سلامتي انا دخلتو لسونتخ اعادةتربية جايا تلعبيها عليا
انا ما نكذبش الراجل في حدود كاين تمور نخدمو خاطر انا.مرا مي راحل ما يراعيش تعب المرا هذي ماراهيش روبو
وزوجي العزيز لو زاد وما نظنش نولفو طبايعي نحب نظام والنقا فالدار حب يعواج نديرلو اكثر من خويا
واش رايكم اللي حابة تنظم لمركز اعادة تربية تراسلني نعاودو نربوهم
ههههههه آااا وييي أي لازم هههههه لا ضعيف لا والو هذا المخلوق يهبلك ههههه لازم صح نتي تقلبي كلش لصالحك برك بش تستمتعي هههههههه تبانلي حتى هوما راهم يستمتعو كي نريكلامي خخخه
السلام عليكم
هههههههه يخي فطومة ضحكتيني الله يعطيك الربح، راكي داخلتها يمين ويسار تقول عليك مارادونا يتريبلي في البالو ههههه
عجبوني هاد المخلوقات الفوضوية لي تحكي عليهم أنا الحمد لله ماعنديش مخلوقات فوضوية في الدار
غير أنا وختي ويحيا العدل هههه بابا هو الرجل الوحيد في الدار بصح منظم الله يبارك عليه ونظيف علكيف
بصح أخ ماجربتش هاد التجربة وحسب واش راكم تهدرو الدعوة دونجي هههه الحمد لله ربي عافانا منهم
يعني مانعرفهمش بصح حسب الدراسات تاعي والبحوث لي درتهم على هاد المخلوقات تعجبت صراحة ههههه
لدرجة أنك تلقاي واحد من المخلوقات هادي بين يدو والكاس تاع الماء مسافة 1 ملم كن يرعش صبعو يمس الكاس
بصح يعيط لأختو يقولها اعطيني الكاس تاع الماء وتجي المغبونة تمدلو الكاس تاع الماء ساع يوالف فيها يولي يقولها
هاتي تيليكوموند ومن بعد صباطي ومن بعد اعدليلي المخدة تولي خادمة المسكينة كتر على ساندريلا هههه
وانا نشوف شكون لي زاد في درجة الفوضوية عند هاد المخلوقات هوما الأهل تلقايهم يقدسو الذكر اكتر من الانثى
لدرجة غير هو لي عندو الحق وغير هو لي يأمر وهو السلطان في البيت يولي هاد المخلوق يشوف روحو بزاف
والاخ الامين قالك لولانا لبقيتم في الظلام هههههه انا نعرف نساء تتحرق لومبا وراجلها مايعرفش يركبها هي لي تطلع
وتركبها، يحبس التلفاز تبدا هي تخربش فيه وتريقليه مليح، حتى البارابول وهي لي تريقليه لدرجة كاين رجال درك
والله عاجبهم الحال هههه يقولك خلي مرتي ديرلي كلشي وانا راقدة وتمونجي ومنها يكمل مشوار التفنيين لي بداه منذ الصغر
ويزيد ينشر العدوى في الفنيانين الصغار لي يجيبهم
هذا مانقدر نمد فطومة الله غالب راني نتكلم نظريا فقط تطبيقيا مازال ماعشتش التجربة هههه
شكرا على الموضوع حبيبتي ربي يهنيك
تحياتي
هذي عييت نفهمها ما فهمتش علاه حتى هو ما ينوضش على خاطر عجزان وهي في ميزو فرحت كي تنوض تجيبلو يشرب !! لي يعجز يدير حاجة لعمرو ما يتوقعش بلي الناس أم يفرحو كي يديروهالو مي تلقى هذو مغلوب ع أمرهم ينوضو وهوما يسبو فيه في قلبهم بصح معرف بالاك هك في دستور دارهم دايرين. وما نحكيش ع الحالة تاع هي حبت تنوض تجيبلو من قلبها على خاطر بزاف نشوفهم يتنرفزو من الجاست هذا بصح يحكموها في قلبهم ما فهمتش علاه ما يعبروش وما يقولولش نوض جيب لعمرك لاماه أنا نجيبلك ! أنت عجزان تنوض وأنا مش عجزانة !
