داخل كل بيت جزايري مخلوق فوضوي ( للنساء فقط )

[Amine7N]

اللي إستنتجته من الموضوع
أن النسا الجزائريات فنيــانات وخلاص
يخدمو ساعة في النهار وباقي النهار نصه يفوتوه في التنقريش
والنص الزاوج مع المسلسلات هذا ساراس وهذا أبو شهاب وهذا مهند
!!!

 

[ليليا مرام]

اللي إستنتجته من الموضوع
أن النسا الجزائريات فنيــانات وخلاص
يخدمو ساعة في النهار وباقي النهار نصه يفوتوه في التنقريش
والنص الزاوج مع المسلسلات هذا ساراس وهذا أبو شهاب وهذا مهند
!!!

نتوما تحبو المرا تظل واقفة حرس جمهوري تخدم تخدم وتروح ترقد نص ليل حتى ترقدكم ما تتفرج ما تنحي على خاطرها وتقولو فنيانات فداركم شكون راه ينقي شكون راه يطيب ويغسل ايا بركانا تشوف تلقى بنات مراهقات ما يخدموش مي يماها فالدار تخدم وهذي يماها مرا معناها كاين دايما نسا يخدمو فالدار ما تكذبوش على رواحكم
مي رجال فضوضيين ما عندهمش حل لما راجل تعجبو ريحة تقاشرو قظام نيفو اسمحلي هذي غراف

 

[♫الباحثة عن الحظ♫]

اللي إستنتجته من الموضوع
أن النسا الجزائريات فنيــانات وخلاص
يخدمو ساعة في النهار وباقي النهار نصه يفوتوه في التنقريش
والنص الزاوج مع المسلسلات هذا ساراس وهذا أبو شهاب وهذا مهند
!!!

زعما انتم وش تديرو من تنوضوا وانتم تتشيكرو حتى ترقدو
الا حنا فنيانات انتم كيفاه
غير لوكان برك تخدموا نص الي نخدموه احنا
انتم مشكل متعترفوش بلي حنا فور

 

[Amine7N]

نتوما تحبو المرا تظل واقفة حرس جمهوري تخدم تخدم وتروح ترقد نص ليل حتى ترقدكم ما تتفرج ما تنحي على خاطرها وتقولو فنيانات فداركم شكون راه ينقي شكون راه يطيب ويغسل ايا بركانا تشوف تلقى بنات مراهقات ما يخدموش مي يماها فالدار تخدم وهذي يماها مرا معناها كاين دايما نسا يخدمو فالدار ما تكذبوش على رواحكم
مي رجال فضوضيين ما عندهمش حل لما راجل تعجبو ريحة تقاشرو قظام نيفو اسمحلي هذي غراف

وش راكم تخدمــو !!!
أحمــدو ربي ع هذاك الشغل تاع ساعة ومن بعــد بسرعة تخترق جدار الصوت
نحو التيلي !!!
يااااوووو فنيانات هذه الخلاصــة عندي

 

[ليليا مرام]

وش راكم تخدمــو !!!
أحمــدو ربي ع هذاك الشغل تاع ساعة ومن بعــد بسرعة تخترق جدار الصوت
نحو التيلي !!!
يااااوووو فنيانات هذه الخلاصــة عندي

خلاص بابا نويل اللي تغسل حوايجك فالثلج رانا فنيانات وجبنا روبوات من جابو هوما يخدمو واحنا قاعدين
نو ضرك جدار الصوت نحو اللمة
ياو معفونين خلاصة القول عندي انا ثاني

 

[صدام بكل فخر]

وش راكم تخدمــو !!!
أحمــدو ربي ع هذاك الشغل تاع ساعة ومن بعــد بسرعة تخترق جدار الصوت
نحو التيلي !!!
يااااوووو فنيانات هذه الخلاصــة عندي

أثلجت صدري أخي الكريم .... فيهم اللسان 10 م و من بعد تلقى ماكلة محروقة
خاطر خالتي زعرة كانت تتفرج على مهند ضرب لميس بكف ... ههههههه
و يحبوا الراجل الي نهار كامل يخدم برا يروح سعيد و يغنيلهم الدنيا ربيع و الجو بديع
و ريحة تقشيرو مسك و عيونو زرق و شعر موف هههههههه

 

[ليليا مرام]

أثلجت صدري أخي الكريم .... فيهم اللسان 10 م و من بعد تلقى ماكلة محروقة
خاطر خالتي زعرة كانت تتفرج على مهند ضرب لميس بكف ... ههههههه


اوي أثلج صوتك ماشي غير قبيل كنا خوتاتك والا انت تسرق مع الذيب وتندب مع الراعي هذي وين عرفتك
وانت وين شفت مهند كي ضرب لميس باينة تتفرج ونقولك معلومة نحن بكل فخر مسعودة تضرب جمال فهامة الجزائرية شفتو علاه احنا خير من تركيات

و يحبوا الراجل الي نهار كامل يخدم برا يروح سعيد و يغنيلهم الدنيا ربيع و الجو بديع

كي يكون قاعد وما يغنيش على العام رافد شنايفو للسما ويستنى فالمرا تحن ويقولك ناقص حنان ياخي تقول زادو يتامى ههههه

و ريحة تقشيرو مسك و عيونو زرق و شعر موف هههههههه

لالا اعطيني عيونو كحل وشعرو كحل بصح تقاشرو ملاح اسيدي ينحيهم يحطهم برا يضربهم ريح ماشي يعنقهم قدامو يا قلبي يا انا معفونين صراحة علاه يغيضكم الحل

 

[صدام بكل فخر]

لالا اعطيني عيونو كحل وشعرو كحل بصح تقاشرو ملاح اسيدي ينحيهم يحطهم برا يضربهم ريح ماشي يعنقهم قدامو يا قلبي يا انا معفونين صراحة علاه يغيضكم الحل

شوفي انا انسان صريح و حقاني اولا اكيد خواتاتي و ربي يحفضكم ليا و كثرولي من الشخشوخة برك هه
ثاني حاجة حنا المجتمع الجزائري بصفة عامة نكارين يعني في كل المجالات صعيب نعترفو بفضل الاخر
و هادي مشكلة فينا و عيب كبير علابيها تشوفي النساء تتاكي في الرجال و الرجال العكس و هو كل طرف
عندو الحق مي كل طرف يعالج في الموضوع من وجهة نظروا هو تسما الموزنبيقية مثلا تحكي على رجال
تشوف فيهم و تعرفهم مي كاين رجال العكس و منظمين و الرجال نفس الشي يشوفوه مع النساء خاطرهم
هزين مثل واحد و معمينوا على كل نساء .... انا شخصيا نقولك نساء عنصر لا يتجزأ عن الرجل و في
الكثر من الاحيان هي الاساس خاطر كي تكون عندك مرا صالحة في الدار راح تكون ديما متهني و بالتالي
يزيد عطائك الوظيفي و تحس ديما بالاستقرار و الاستقرار اهم أسس السعادة عند الانسان .... و الراجل
تاني مزاجي لكن الدور تاعو مهم جدا جدا و الاجدر انو كل واحد يكمل الاخر مش العكس هههههه

 

[ليليا مرام]

شوفي انا انسان صريح و حقاني اولا اكيد خواتاتي و ربي يحفضكم ليا و كثرولي من الشخشوخة برك هه

ايه نعرفو انك صريح وتقول الحق
شخشوخة خاطيتني صراحة مانيش من الشرق وفدارنا ولا مرة طيبناها ما ناكلوهاش عليها لا علاقة لي ما حاوبتش نطيبها فالحق خاطر عمرنا ما طيبناها للاخوات يقومو باللازم

ثاني حاجة حنا المجتمع الجزائري بصفة عامة نكارين يعني في كل المجالات صعيب نعترفو بفضل الاخر
و هادي مشكلة فينا و عيب كبير علابيها تشوفي النساء تتاكي في الرجال و الرجال العكس و هو كل طرف
عندو الحق مي كل طرف يعالج في الموضوع من وجهة نظروا هو تسما الموزنبيقية مثلا تحكي على رجال
تشوف فيهم و تعرفهم مي كاين رجال العكس و منظمين و الرجال نفس الشي يشوفوه مع النساء خاطرهم
هزين مثل واحد و معمينوا على كل نساء .... انا شخصيا نقولك نساء عنصر لا يتجزأ عن الرجل و في
الكثر من الاحيان هي الاساس خاطر كي تكون عندك مرا صالحة في الدار راح تكون ديما متهني و بالتالي
يزيد عطائك الوظيفي و تحس ديما بالاستقرار و الاستقرار اهم أسس السعادة عند الانسان .... و الراجل
تاني مزاجي لكن الدور تاعو مهم جدا جدا و الاجدر انو كل واحد يكمل الاخر مش العكس هههههه

كلام صواب احنا لما نديرو موضوع مش لازم نقولو حاسا البعض خاطر باينة مش كامل لا الرجال كيفكيف ولا النسا كاين وكاين مي نعالجو ظاهرة او نحكو فيها خير راجل مكمل المرا والمرا ما تنكرش انو ربي خلقها ضعيفة وتحتاج راجل مهما تكون قوية سنة الحياة هاكا
وزيد لما قلت الاستقرار ذاك هو الهنا لما راجل يعرف عندو مؤا يتكل عليها يكون مهني يرجع للدار حوايجو نظاف ماكلتو واجدة مهنياتو في راسو ولو يكونو مشاكل ما نحكيلوش او تختار وقت اخر هذا هو الهنا مي للاسف رجع راجل يتزوج ويندم وحتى المرا خاطر كل طرف يحوس الكمال فالطرف لاخر وهذي لالا حاجة ناقصة فالراجل تكملها المرا وحاجة ناقصة فيها يكملها هو هذي هي
ربي يوفق الجميع ويهنيهم شكرا

 

[صدام بكل فخر]

كلام صواب احنا لما نديرو موضوع مش لازم نقولو حاسا البعض خاطر باينة مش كامل لا الرجال كيفكيف ولا النسا كاين وكاين مي نعالجو ظاهرة او نحكو فيها خير راجل مكمل المرا والمرا ما تنكرش انو ربي خلقها ضعيفة وتحتاج راجل مهما تكون قوية سنة الحياة هاكا
وزيد لما قلت الاستقرار ذاك هو الهنا لما راجل يعرف عندو مؤا يتكل عليها يكون مهني يرجع للدار حوايجو نظاف ماكلتو واجدة مهنياتو في راسو ولو يكونو مشاكل ما نحكيلوش او تختار وقت اخر هذا هو الهنا مي للاسف رجع راجل يتزوج ويندم وحتى المرا خاطر كل طرف يحوس الكمال فالطرف لاخر وهذي لالا حاجة ناقصة فالراجل تكملها المرا وحاجة ناقصة فيها يكملها هو هذي هي
ربي يوفق الجميع ويهنيهم شكرا

عجبتيني في كلامك ا مخلوقة مي هذا لا يعني انكي كائن فضائي برمائي ههههههههههههههههههه

 

[يونس قاسم]

والنساء شكون يقدر ظروفهم
خلي نديرو حملة توسويس وحدة ماتخدم نهار كامل فالدار وشوف واش يصرا فديك الدار

ههههه انا مالف نغسل و نطيب حاجة تشد الجوع هههه نورمال

 

[❤️كلي أمل❤️]

السلام عليكم
يعطيك الصحة طمطوووومة طليتي على قلبي ولله
عجبني موضوعك علي مخلوقااات الفضائية المزعجة ههههههههههه
تغيضك عمرك ولله انت تخدمي وهوما راقدين وزيد فوق هاد كاااامل حاجة مايخلوها في بلاصتها انت تسقمي وهوما يخسرو ممممم اشراااار هههه
والحاجة لي ديريها يعلقو عليها مايعجبهم العجب ولا صوم في رجب ههههههههه

 

[aljentel]

انا ما قلتلك لا تتكلمو انتم اليوم يا رجال يا كسلانين يا مصفارين شوووو واجباتنا ؟؟ ده يجنني واجباتي نعمل بحث عن جورب أخي مفقود بالجرايد و الاذاعات ولا نظل نركض وراكم لما تكسروا و تلوثوا الارض بعد ما نظفها و لا أمك توقف وهي مش قادرة على رجليها لعند للغرفة لحتى تقيمك للفطور و تشربك كاس مي ؟؟

ويا عيني قال عندنا خدم لااااااا احنا ما عندنا حتى اللي يروح يقضيلك خضرة بالسوق ولا يشتريلك خبز من المتجر انتو عندكم خدم بالبيت ؟؟ احنا البنات اللي صرنا خدم ليكم يا كسلانين يا تعبانين يا اللي بلا شغلة ولا عملة قاعدين برى تشوفو فاللي نازلة وماشية ووووو قال عندنا خدم دوختني بالكلمة هي صرت اتخيل و اتمنى لو عندنا خدم و احنا نظل بالمراية نعدل التجاعيد و الشيب اللي قومتوه فينا قبل ما نكبر هههههنه

هههههههههههههههههههههههههههههه
مجنونه بس معها حق

 

[Amine7N]

خلاص بابا نويل اللي تغسل حوايجك فالثلج رانا فنيانات وجبنا روبوات من جابو هوما يخدمو واحنا قاعدين
نو ضرك جدار الصوت نحو اللمة
ياو معفونين خلاصة القول عندي انا ثاني

واه قوليها , بابا نويل
أنا نغســل قشي بالما بارد في الثلج بيديا
وأنتوما في الدفأ والما سخون والماشينة لافي وتتقلشوا من الفوق !!
يــاك راهي خدمتكم ولا نقلبوا الأدوار !!!
والمشكل مين نغسلو قشنا وحدنا تقولو علاه راك تغسل فيه !!! خلي أحنا نغسلوه !
يااااووو أفهموا رواحكم
والماكلة راهي تجيبكم ديلفيري من برا
وراكم تتعبوا !!!
ياسلام ع بنات بلادي المخ يحرقوه !!!
فنيانات هاذو هوما النسا تاع دزاير

 

[Tama Aliche]

@Amine7N اخترقت القوانين شفت بلي انتم فوضويين و تحبوا تديروا المشاكل قلت اقعدوا على الصامت @ليليا مرام ههههههههه يا اختشي راكي تشوفي ويقولك الساء لوكان ما يهدروش يطرطقوا راني نشوف العكس ولا شو قلت @صدام بكل فخر خلوني اضحك على خرايبكم ما اشطركم بالتحليلات الفوضوية و العناد ياو قالك الاخ أمين نساء تاع الدزاير ياو حنا قلنا مخلوقات فوضوية ماشي الكل و ليش تقول نساء حنا هدرنا عليكم يا اخي قولوا الحق و خلصونا ماراحش نعدموكم قالك تخدم ساعة و من بعد الوقت كل مريحة ياودي مالا يماك ربي يحفظهالك تخدم نص ساعة ماشي هي اللي حتى دوك تتعب عليك دوك النساء يخدموا برى وفالدار كاينة اللي راجلها مقروط الرجلين و اليدين و الخدمين بالتفنيين وهي تخدم برى و توكلوا و تزيد تغسلوا وسخ صباطوا يااااه الحقيقة ديما تهدر يا خويا دوك كاين بزاف من هذو المخلوقات اللي وين يعفص دار يقوم قيامة فوضوية وسخية ازعاجية محانية هههههه و النساء ما شاء الله عليهن ديرتولهم التجاعيد وانتم وراهم وراهم حتى بالعالمالافتراضي شو قصتكم غيرانين مننا لأننا نعرف نكشف عيوبكم بالجملة والتفصيل هههههههه

 

[Tama Aliche]

السلام عليكم
يعطيك الصحة طمطوووومة طليتي على قلبي ولله
عجبني موضوعك علي مخلوقااات الفضائية المزعجة ههههههههههه
تغيضك عمرك ولله انت تخدمي وهوما راقدين وزيد فوق هاد كاااامل حاجة مايخلوها في بلاصتها انت تسقمي وهوما يخسرو ممممم اشراااار هههه
والحاجة لي ديريها يعلقو عليها مايعجبهم العجب ولا صوم في رجب ههههههههه

و عليكم السلام

ههههههههه ايييه يا طبالتنا غنيلهم غنية فنيانيين كسلانين دزدق دب دب ههههههه وين يحطوا يخربوا بو بو بو ههههههههخ

تسلمي على المرور ^^

 

[Tama Aliche]

هههههههههههههههههههههههههههههه
مجنونه بس معها حق

هههههههههه تعجبني لما تقول معي حق بطير مثل الغزالة اااه ولا الغزال ما يطير يالا اعطيني حيوان طائر نسييت لا تلوم من الفرحة لما قلت معي حق و شهد شاهد منهم من المحلوقات الفوضوية ههههه

 

[♫الباحثة عن الحظ♫]

سلام عليكم
بون باه منكذبوش على رواحنا
علابالنا كامل بلي النساء كاين الشاطرة و تخدم كلش و فحلة و كاين اخريات يا لطيف فنيانات و عايشين في لوسخ تعيفيهم
و كاين رجال فنيانين و فوضى كاس ميقدروش يرفدوه و كاين الي العكس والله خير على لمرا نظافة و ترتيب

نو ضرك جدار الصوت نحو اللمة
ياو معفونين خلاصة القول عندي انا ثاني

جابلي ربي رانا نقصروا و نضحكوا و كل واحد عارف وش كاين بلي المرا عندها فضل و راجل تاني و مش كل صباع اليدين متشابهين
و كلمة هادي وش جابها هنا تبالي مش بلاصتها

 

[ليليا مرام]

سلام عليكم
بون باه منكذبوش على رواحنا
علابالنا كامل بلي النساء كاين الشاطرة و تخدم كلش و فحلة و كاين اخريات يا لطيف فنيانات و عايشين في لوسخ تعيفيهم
و كاين رجال فنيانين و فوضى كاس ميقدروش يرفدوه و كاين الي العكس والله خير على لمرا نظافة و ترتيب


سلام عليكم
حاجة باينة نقسروا
مي الموضوع كاين منو احنا طابعنا نكتبو مواضيع بطريقة هزلية هذي اول حاجة
ثاني حاجة حقيقة كاينة كاين نسا رتكي قلتيها يخدمو ونسا فنيانات ورجال منظمين ولخرين والو مش كل موضوع نديرو حاشا البعض راهي مفهومة
جابلي ربي رانا نقصروا و نضحكوا و كل واحد عارف وش كاين بلي المرا عندها فضل و راجل تاني و مش كل صباع اليدين متشابهين
و كلمة هادي وش جابها هنا تبالي مش بلاصتها

وعلاه كلمة معفونين حرموها دوليا لالا هو قال باختصار نسا فنيانات قتلو معفونين نقصد لما المرا تخطيهم كوني مهنية نعرف واش نكتب ونعرف كلمة إذا بلاصتها أو لالا وما مسيت إحترام حتى واحد

شكرا على الملاحظة

 

[ليليا مرام]

عجبتيني في كلامك ا مخلوقة مي هذا لا يعني انكي كائن فضائي برمائي ههههههههههههههههههه

سلام عليكم
ايه معليش مانيش برمائية اصلا مانحبش العوم يا سيدي فنيانة وما نخدمش وراهم يوكلوني ويشربوني وعندي عذر
ارواحو نتوما واش عذركم