السلام عليكم و رحمة الله تعالى و بركاته
ناس اللمة ان شاء الله أموركم بخير و تمام
الحمد لله ... اااتل قولو الحمد لله ما تمروش عليها مرور الكرام
...
اسيدي و هذا عدد جديد من سلسلة
و العدد تاع اليوم نشالله راح يكون على
" الفلاحين و القطاع الفلاحي عموماً "
بسم الله... كيما راكم عارفين ... الخضر و الفواكه و حتى الحبوب الي رانا نشوفو فيها في الأسوق تاعنا
ماهيش كلها مستوردة .... و ماهيش تنزل من السماء و ماهيش تخرج وحدها
لأن أغلبها يتم انتاجها في بلادنا و بأيادي الفلاحين تاع البلاد الي راهم متحملين الظروف القاسية
و متحملين صعوبة الاوضاع الي راهم يخدمو فيها و متحملين ياسر حوياج
...
خلوني نوضحلكم شوية برك الخدمة تاع الفلاحين كيفاه لانو ربما كي نذكرو كلمة "فلاح" يجي في بال بعضكم
المال و اتساع الاراضي ... و الغش في المنتوجات... و الاحتكار في السلع و الخ ...الخ
...
صح هي كاين المكر كيما هاك و كاين الي يغشو و يمكرو و يدقروا السلعة المغشوشة
بصح ... حنا رانا نهدرو على الفلاحين الي هوما أونات ... صادقين مع ربي و مع العباد و مع نفوسهم
بسم الله.... نوريلكم جانب من المعاناة تاع الفلاحين
أولا ... كاين بعض المناطق مش لاحقة ليها التريسيتي ... اي ناسها عايشين على الشمعة و النار
و رغم هذا يخدمو الارض و ينتجو ولو القليل ... المهم راهم يخدمو
...
ثانياً ... كاين مين ذاك يطيح الجليد ولا يطيح الجراد على المحاصيل و يفسد قاع الحالة
يعني الي خدومها قاع تروح هباءا.
...
و الحاجة الثالثة الي نهدرو عليها ... غياب الدعم من طرف المؤسسات المعنية ...
صح هو كاين الدعم الفلاحي و كاين القروض و السكن الريفي و كذا
بصح يدو فيها ناس ما عندهمش علاقة بتاتا بالفلاحة و هذي هي ..و اخدم ارضك يا فلاح
...
امالا كي نشوفو المعاناة الي راهم يعانو منها الفلاحين و نشوفو المكر المحيط و كذا
و رغم هذا نلقاو المنتوجات المحلية و ان كانت قليلة في الاسواق
هذا معناه انو مزال كاين ناس ماكلهم القلب على البلاد و راهم يخدمو بضمير حي
امالا نوجهو تحية تقدير و احترام خالصة للفلاحين الي رهم يخدمو فالارض رغم ما هم فيه من معيقات
...
و السلام عليكم و رحمة الله و بركاته
