البعض منهك طايحين نقد..... معليش ههههه وحدة اخرى مبرحتش عليا و راني هنا نقرعش نسامحك على وش درت فيا اك جاري هنا
اهلا بالجميع
اولا اني فهمت الشرة تعك خويا صلاح
و ثانيا معليش
ثالثا اليوم جبلتلنا موضوع قيم ...
كيما يقولوا ناس زمان الجار قبل الدار و فعلا اجمل شيء تلقى جارك مثل اخوك تحسن ليه و يحسن ليك
و انا هذا الامر عشتوا في بيتنا كانت جارتنا الله يذكرها بالخير بعد وفاة والدة تعي ربي يرحمها و جميع المسلمين كانت نعمة الجارة فعلا و لحد الساعة كي نروح لبيتنا تعملي الاكلات الي كانت امي ديرهملنا فعلا كانت حنينة بزاف معانا انا و اخوتي
بلا مننسى جارتنا اخرى ثاني كانت فعلا رائعة
غاب التعبير اعتذر
المهم الحمدلله مزال كاين الخير
والله يعطيك الصحة ياصلاح كفيت ووفيت إيه ناس بكري يقولو إشري الجار قبل الدار والله غير الصحالسلام عليكم و رحمة الله تعالى و بركاته
ناس اللمة ان شاء الله أحوالكم و أموركم بخير و على خير
الحمد لله اسي ... ااتل ها قولو الحمد لله ...
المهم كي العادة ... مرحبا بيكم في سلسلة
هذي السلسلة الي نشوفو فيها الأمور الايجابية بعيدا عن النقد ...و كلمة "الايجابية" كبرتها و لونتها
لاني شفت في الاعداد السابقة ههه البعض ... انا نقول ايجابية و هوما داخلين عليها نقد × نقد
و منهم خونا @حلم كبير ههه الله يهديه ضربنا بمجلد فيه زوج ميترات تاع نقد ههه نقسر برك خويا ههه
المهم لا علينا ... و الموضوع تاع اليوم نشالله هو :
" الجيـران الطـيّبـيـن "
بسم الله ... كيما عارفين يا جماعة ... الناس قاع عندهم جيران ... و الي عندهم جيران هوما بالضرورة راهم جيران لناس أخرين
و حتى في الريف كاين الجيران ق وشني يعودو متباعدين على بعضهم بعض راكم تعرفو حالة الفيلاج... بصح بعد المسافة ما يهمش..
مادامو جيران بالقلوب و قلوبهم متقاربة لبعضها البعض ...
رانا نهدرو على الجيران الطيبين ... ولا بد يكونو كاينين جيران زينين و طيبين ...و من المظاهر الزينة و الباهية الي نشوفوها فيهم
هذاك الجار الي يسقسي على جارو كي يغيب و يحرص على زيارتو اذا مرض
و كاين هذاك الجار ... الي يوقف مع جارو في محنتو خاصة في الجنائز و المرض و كذا
و من الجيران الطيبين هذاك الجار ... الي يحرص على أولاد جارو كأنهم اولادو و يامرهم و ينهاهم بالتي هي احسن
و كاين هذاك الي ما يبنيش وما يعلّيش فوق جارو حتى يستأذن منو و يستنى الموافقة تاعو
و كاين من الجيران الي اذا سافر جارو .. يقعد هو عساس على دارو حتان يجي
و كاين من الجيران الي يتقاسم مع جارو الماكلة و القدا و العشا
و نشوفو في شهر رمضان المبارك ... هذيك الألفة بين الجيران ... و هذا يبعث طبق للاخر ... و هذاك يرجعلو بطبق اخر
يعني هذو الجيران رانا نهدرو عليهم راهم كاينين ... بصح يبانو للانسان الي يشوف بعين الايجابية
و تحية لكل الجيران الطيبين و تحية ثاني للي ماهمش طيبين
هذي هي و السلام عليكم و رحمة الله و بركاته
و بالعافية
و تحية لكل الجيران الطيبين و تحية ثاني للي ماهمش طيبين
والله يعطيك الصحة ياصلاح كفيت ووفيت إيه ناس بكري يقولو إشري الجار قبل الدار والله غير الصح
مزال كاين الخير مزالو كاين جيران طيبين
حنا كنا نسكنو في باطيمة تخيل والله عائلة وحدة الجيران كامل ناس ملاح نذوقو بعضنا الحاجة لي نطيبوها نذوقو منها الجيران هوما ثاني نفس الشيء كي مرض واحد نروحو ليه وفي رمضان ثاني كل يوم نرحو نسهرو عند جارة هوما يجونا ويفرحوا لأفراحنا ويحزنو لأحزاننا ربي يحفظهم والله توحشتهم بسكو رحلناوبعدنا عليهم بزاف
مرسي موضوع رائع سلمت يمناك
السلام عليكم ورحمه الله وبركاته
خويا صلاح دايرني فالواجهة نتاع الميضوع هههههههههه
واش تواسي غفلة....
بارك الله فيك موضوع متكامل ويسلط الضوء على مجتمع متراص ومتحاب
شوف الجيران مازال كاين بزاف ناس ملاح الله يبارك
من بكري كي كنت صغير عاشرنا جيران بعاد علينا بصح ما شاء الله ،الما كان ناقص عندنا. حلونا بيبان الجنان نتاعهم نشربو كيما نحبو ونسڤيو كيما نحبو ربي يذكرهم على خير ويجعلها صدقة جارية عليهم
وكي جيت لهنا لڤيت جيران ڤور ما شاء الله كيما يڨولو خصتهم غير الشهادة
أما وين راني ساكن ضرك صراولي طراطڨ نخليهم ما نحكيهمش في موضوعك سينو الموضوع الجاي نلڤى روحي فالواجهة خخخخخ...
إلا واحد فريد من جيهة بجاية ربي يباركلو في ولادو ،لڨيتو في ظهري ولڤاني في ظهرو ...بصح ميش دائما لهنا يخدم بعيد المخلوق ....
ومزال كاين الجيران الملاح ،نشوف ناس والله غير دار وحدة واللي يبكي جارو يبكي معاه.. يفرح يفرح معاه ...
بارك الله فيك خويا على الموضوع الإيجابي بامتياز
ننتظر جديدك إن شاء الله
إحترامي وتقديري
وعليكم السلام ورحمة الله وبركاته
أخي الكريم @Salah eddin
من الجميل أن يبحث المرء عن الأمور الإيجابية فيمن حوله
فربما يكون هذا البحث سببا في تحسّن نفسيته في ظل كل هذه الأمور التي تدعونا إلى الإحباط والتشاؤم
....
الجيران وما أدراك ما الجيران
حديثك عنهم سافر بي عبر الذكريات إلى الزمن الجميل والطفولة الأجمل
لا إراديا تذكّرت جيراننا الطيبين وكيف حالت الحياة بيننا وبين التواصل معهم
ووجدتني أسأل نفسي عن أحوالهم وكيف أصبحت أمورهم
عن نفسي عاشرت جيرة طيبة وأناسا محترمين
ما عدا .... أسأل الله له المغفرة على أذيتنا
عموما
أرى نفسي مُقصّرة كثيرا مع جيراني بسبب ظروف أقوى مني
جزاهم الله عني خير الجزاء
ما يهمني في الجيران أن يقفوا معي في أوقات حزني وانكساري برحيل أو ما شابه
وأن يكفوا عني أذاهم إن لم أنل رضاهم
وفق الله الجميع لصلة جيرانه والإحسان إليهم اتباعا لسنة الحبيب المصطفى عليه صلاة ربي وسلامه
.....
أضحك الله سنّك
ناس طيبين أوي
....
أشكرك على هذه الفسحة الجميلة في ربوع الذكريات
لك تقديري وامتناني
