خاوتي مع احترامي للجميع الموضوع مش موضوع صبر و احلام و منامات و دعاء
الموضوع الا كانت صح نيتكم طيبة و حابين توقفو معاها ... اوقفوا و ديرو ربي في بالكم
و كل انسان يسعى صح من قلبو و يحاول بكل طرق و الناس الي تقول بلي معندهاش
نظن و الله اعلم 1000 دج ماهيش راح تقتلكم الا ناس الي صح ظروفها تعبانة ياسر
يعني بصراحة اللغة الخشبية و دعاء و و و و خلوه لناسو هنا رانا قدام حالة انسانية
و السيد المعنى بالامر " أختنا " و اقسم بالله كون يسعو 10 من المنتدى بقلب صادق
غير يلمو 60 مليون مش 35 مليون .... مشكلتنا حنا ديراكت بلا محاولة بلا والو نروحو
طوووووووووووووووووووووول للدعاء و اضعف الايمان ايه مليح الدعاء مي مليح اكثر
الانسان يسعى و دير بين عينيه فرحتها و انو راح نكونو سبب باش نخرجو انسان من ضيق
و انو ممكن نكون سبب في بناء اسرة و و و و مي كلام تاع الدعاء و و و انا صراحة
ميعجبنيش ادعي مش متدعيش و ان شاء الله ربي يستجاب مي ثاني حاول و اسعى الا
كنت صح حاب تعاون و الاهم تسترو يعني متحشموش المخلوقة كون جات تحب التشهير
راهي راحت دارت حملة في الفايسبوك يعني راعو مشاعرها و الي يدعيلها يدعي في صلاتو
مش في تعليق هادي كل انا نشوف فيها فياسة و اسمحولي خاطر من الصباح و انا نقرا
في التعليقات كاينين عباد نحسهم قاعدين يعرضو في عضلاتهم و عباد اخرين قاعدين يستغبو
فينا يعني الي حاب يعاون اقسم بالله ينحيها من لحمو مش من مصروفو و لا دخانو لا مكياجها
و حق حمامها .... هادي صراحة و اسمحولي منيش نحكي على الناس الكل مي خلونا مرة في
حياتنا نتضامنو بقلب صافي و نديرو عفسة مليحة و نديروها صح مش بالدعاء و اللغة الخشبية
المخير راهو عندو الانترنات في دار يعني كون جا انسان زوالي و محتاج معندوش الانترنات انا
هكا نفهم و راني نهدر من نيتي تسما منحتاج حتى واحد يزكيني و لا يديرلي جام الي صح
يعجبني الحال انو نديرو موقف مليح مع اختنا .
