حكاية جزايري في رمضان

[السلطانة]

السلام عليكم ورحمة الله وبركاته

كيما قاتلي مقصوفة الرأبة انتي معانا ولا معاهم
قصدي @لؤلؤة قسنطينة و @صمت المشاعر

جيت كتبت هاذ الموضوع
اليوم نشنشفكم يامعشر جنس الرجال
كيما قالت @ليليا مرام مرام الله يذكرها بالخير لي عندها ديبلوم في التشنشيف

السي خونا في رمضان
اييييييييييه
من أول يوم يبدى السيناريو تاعو
لالة من قبل وهي تخمم وتوجد برنامجها باه تقدر توفق بينو وبين اولادهم وبين واجباتها الدينية والكوزينية

ايه ركزولي على القنصل لي راح يكون حاضر في كل محضر

وبما انو الجو سخون والذبان والنمال والجراد وزيد هالسي لي هبلو الصيام

هي :تنوض مسكينة الصباح ديراكت الميناج وتعمر الما وولادها واحد تحطلو يفطر ولوخر تقريه عندو امتحان ولوخر واقيلا يحفظ للباك هيه

تهنبر حتان تشبع ايا تروح تصلي وتقرا شوي قرآن
هو:يخدم ويجي خارج منلي يدخل وهو يشكي :آي راسي ..اليوم عياونا في الخدمة
اليوم هدرت بزاف...عطشت..
هاتي يامخلوقة القفة نروح نقضيلكم

ويروح يخمل مالذ وطاب
حط البطاطا حط الخرشف
حط البوزلوف
حط الفرينة حط الحمص حط الدجاج حط الساردين حط وحط

يدخل هاكي طيبيلنا ويروح يضربها بتكسيلة
@Salah eddin
والله ق عييت اليوم ويدير لاسياست بكل سعادة وسرور

هي :ياولد اسكت باباك راقد
ياطفلة اقعدي ماتتحركي باباك راقد
ياو تسكتو ولانجيفكم اليوم باباكم راقد

ايا بلعو لاينوض يديرلنا شقلاقة تعرفو باباكم في رمضان مكنلاه توصلو روحكم وتوصلوني معاكم

هي:تدخل للكوزينة هاذي شربة هاذا بوراك هاذي سلايط هاذو اطباق في الفور
وتقول :اايييه باه غير يرضى السي السبع تاعي

يوصل العصر ينوض يصلي

ويدخل عليها الغول تاعها

قصدي السبع تاعها

أون مود فخامته

والفلون لي قتلك عليه وين راح
والبوراكة تاعي قتلك عمريها مليح باللحم والفرماج ومتنسايش تجيك قدقد يعني قيسيها بالمسطرة
ايه والزلابية قتلك اخدميهالي بلي كولار كيما تاع ام وليد
والبوزلوف شبحيه مليح لازم يكون سلطان المايدة
ومتنسايش القارصات زيني بيهم نحاهملي البائع من الشجرة سبيسيال ليا من جنان باباه وحد اللون عليهم يسخف
والمقرود شحريه مليح بالعسل وانا في الخدمة الصباح جا في راسي باه نسهر بيه
المطلوع ياايما المطلوع مطلوعتي كبريها ومتنسايش معاها البريوش نموت عليه محشي باه نصحر بيه
ومتنسايش قاطو الصحور ...

ايا جا وقت الفطور:
قعدو لولاد
@Queen Fati
@حروف تائهة
@ناصر dz
@فاعل الخير
@hakim story
@صفاءdz

المادام وهي تقتر بالعرق والعيا هلكها بعد ماكملت طلبات @Salah eddin
هاكول ياراجل:

هو :والله ق شوي دشيشة فريك وبوراك بزاف عليا شبعت
هاكول راني طيبت على جالك
بليز كول

أزهري
أسعدي هاكول تاكل الرهج
يخي تعرفو الرومانسية الجزايرية

لولاد :بابا بابا راك درتلنا وليمة هاذي شكون ياكلها

ايا بلعو عليا اسكتو يسكت حسكم

ودار للمادام هاذيك :
غدوة عارض صحابي ستة باه تطيبيلهم الفطور :
;ومعاهم خويا @الامين محمد وعايلتو مالا اتهلاي مليح في الفطور

المادام :أجل فخامته

​

 

[زهور الأمل]

هههههه سيناريو شباب واقرب للواقع
فكرتينا برمضان نص يومه )قريب 16 ساعة صوم يالهوي) الكبير تعب وجوع وعطش وربع النهار اكل
واومبيونص وهواش
اللهم بلغنا رمضان وتقبل الله صيامنا وقيامنا​

 

[السلطانة]

هههههه سيناريو شباب واقرب للواقع
فكرتينا برمضان نص يومه )قريب 16 ساعة صوم يالهوي) الكبير تعب وجوع وعطش وربع النهار اكل
واومبيونص وهواش
اللهم بلغنا رمضان وتقبل الله صيامنا وقيامنا​

حقيقة الراجل الجزايري يخي ماشالكش باباك @Salah eddin لي في الموضوع برك بطبسي ولاقدرة
ان شاءالله ربي يبلغنا رمضان ويقدرنا على صيامه وقيامه
نورتي اختي

 

[زهور الأمل]

حقيقة الراجل الجزايري يخي ماشالكش باباك @Salah eddin لي في الموضوع برك بطبسي ولاقدرة
ان شاءالله ربي يبلغنا رمضان ويقدرنا على صيامه وقيامه
نورتي اختي

ههههه لحد الساعة مزال شوي متاثرش
العفو حبيبتي

 

[الامين محمد]

هههههههههههههه و الله ضحكت من قلبي أختي أم ياسمين
سيناريو راااائع و العرضة انا ما نراطيش المدام تحب العرضات و تحب التحواس خصوصا عند الأحباب
أنا نحب الماكلة و ما نتكبرش عليها و لي جا ما يرجع هته قاعدة نعمل بيها هههههههههه
نحب البوراك و نحب الزبيب و المدام تحب الدلاع هههههههههه هاني خبرتكم من دوك باش تعملوا حسابكم

 

[الامين محمد]

نسيت حاجة انا في رمضان ما نتقلقش خلاص و ما نتشرطش في الماكلة
يعني اللي حضر كله من نعمة ربي
بصح كي يكون معايا فلوس نلم العايلة و معاهم المدام و نسألهم واش في خاطركم نجيبلكم
و افضل و اكبر سعادة عندي كي نشوفهم فرحانين

 

[ناصر dz]

اووووووووووووو ام يا سمين رااائع حوارك على الا فطار صحة وهناء بس فى رمضان بالتا كيد ايام جميلة

 

[صانعة الإبتسامة]

سلاااام
نبداها بضحكة طوييلة
ههههههههههههههههههه
يعطيك الصحة اختي
زعما @Salah eddin بابا هههههه
وأنا نقلق فيه كي يولي راح يفطر
صفاء:بابا اعطيني حليب
صلاح :امشي طير خير لك
صفاء:بابا علاه ق شوية
صلاح :راني قلت لجدك عفيني
صفاء :تبكي واااااااع هه
صلاح:بلعي فمك عليا وخليني نفطر
صفاء:وااااااع ههه
صلاح :هاكي ارهجي ههه
صفاء:تشربببب ههه زكارة ههه
والله ضحكتيني بصح مقلتيلناش شكون هي ماما قصدي مرت صلاح تعيسة الحظ هههههههه

 

[Salah eddin]

السلام عليكم و رحمة الله و بركاته

و الله ق فكرة زينة يااسر هذي ههه

بصح راكم عطيتولي دور الأب ... و يا درا شكون لعبت دور الأم
هههه

المهم و الله ق في رمضان التعب و العطش و كل حية ههه

هو فيه البركة على كل حال بصح على العموم تعب خاصة مع لي عندنا امتحانات في رمضان

و الله يسلكها على خير برك

بالعودة للموضوع ... انا ما نتشرطش ياسر ههه المهم نلقى وش ناكل و خلاص

و نحب الطابلة تكون معمرة بالاطباق خاصة الشربة و الحريرة هذيك يا حسراااه ههه

ياودي حكاية ... اما البوراك ما ناكلوش والو ههه نشوفو برك ههه

يعطيك الصحة مديرة على الموضوع

بارك الله فيكم


​

 

[Salah eddin]

سلاااام
نبداها بضحكة طوييلة
ههههههههههههههههههه
يعطيك الصحة اختي
زعما @Salah eddin بابا هههههه
وأنا نقلق فيه كي يولي راح يفطر
صفاء:بابا اعطيني حليب
صلاح :امشي طير خير لك
صفاء:بابا علاه ق شوية
صلاح :راني قلت لجدك عفيني
صفاء :تبكي واااااااع هه
صلاح:بلعي فمك عليا وخليني نفطر
صفاء:وااااااع ههه
صلاح :هاكي ارهجي ههه
صفاء:تشربببب ههه زكارة ههه
والله ضحكتيني بصح مقلتيلناش شكون هي ماما قصدي مرت صلاح تعيسة الحظ هههههههه

​

 

[صانعة الإبتسامة]

السلام عليكم و رحمة الله و بركاته

و الله ق فكرة زينة يااسر هذي ههه

بصح راكم عطيتولي دور الأب ... و يا درا شكون لعبت دور الأم
هههه

المهم و الله ق في رمضان التعب و العطش و كل حية ههه

هو فيه البركة على كل حال بصح على العموم تعب خاصة مع لي عندنا امتحانات في رمضان

و الله يسلكها على خير برك

بالعودة للموضوع ... انا ما نتشرطش ياسر ههه المهم نلقى وش ناكل و خلاص

و نحب الطابلة تكون معمرة بالاطباق خاصة الشربة و الحريرة هذيك يا حسراااه ههه

ياودي حكاية ... اما البوراك ما ناكلوش والو ههه نشوفو برك ههه

يعطيك الصحة مديرة على الموضوع

بارك الله فيكم


​

هههههههه
واش رايك نديرو @حروف تائهة المدام هههههههه بصح المشكل هنا راها بنتك خلطتو الدعوة ههههه ياراااابحة هااا ورااااكي والله اسي ههه

 

[Salah eddin]

هههههههه
واش رايك نديرو @حروف تائهة المدام هههههههه بصح المشكل هنا راها بنتك خلطتو الدعوة ههههه ياراااابحة هااا ورااااكي والله اسي ههه

و الله ق خلطوها ههه


​

 

[Oussama.GF]

سلام عليكم
ههههه فكرتيني بموضوع كامل رانا في بيت واحد خخخ كان شباب
نرجعو موضوعنا احم احم
ههه يمات زينة
نضو صباح ليوم لول رمضان
يما @ليليا مرام
اعطينا حليب نتقهواو انا وصفاء وتجي اخت زكية تقولنا فطارين رمضان نقولها حنا ناكلو كيما نقعدوا ندور ونقزو في دار ونلعبو ونهرجو ويما تقفت هي وزكية
ويجي بابا صلا من خدمة يجبلها قفة رمضانية ويهبلها بشروطو في اكل بوراك وطجين حلو وشوربة ...الخ
وانا وصفاء ندابزو على ميكرو يما قولها تعطيني نلعب شوي وبقا نحلل فيها وهي صفاء تتفرج في
1-كيفية نوم مدة24/24 ساعة في رمضان
2- كيف يمر ليوم في سرعة
3-ماهي طرق لصوم بسهلة
خخخخ مهم تقعد دور في يوتيوب وانا نبقا نبكي ويجي حكيم خونا كبير يقولنا طفو ميكرو وروحوا تقراو شوي قران
نقولو انا صغير مخدمتش بيه انا مدلل منزل ويخليني وصفاء شح فيها تروح تقرا
ويجي وقت فطور وندابز مرة اخرى انا وصفاء على بوركة نقول يما علاه مدرتهاليش مثلث وهي درتهالها ويما هي من بكري مقلقة من كوزينة ونيزدو عليها
ونكملو عشاء ونتفرجوا عاشو عاشر مع بعض ومبعد يجي تروايح نروح نصلي مع خويا كبير حكيم خخخ نبقا نتمسخر ونلعب في جامع ويجي يعطيني طريحة خخخ ونروح نلعب انا وصفاء شوية بلميكرو حتان سحور ونصحرو ونرقدو خخخ
هذا هو نهارنا ههه
نشاله تفوت يمات شبة
اللهم بلغنا رمضان

 

[صانعة الإبتسامة]

سلام عليكم
ههههه فكرتيني بموضوع كامل رانا في بيت واحد خخخ كان شباب
نرجعو موضوعنا احم احم
ههه يمات زينة
نضو صباح ليوم لول رمضان
يما @ليليا مرام
اعطينا حليب نتقهواو انا وصفاء وتجي اخت زكية تقولنا فطارين رمضان نقولها حنا ناكلو كيما نقعدوا ندور ونقزو في دار ونلعبو ونهرجو ويما تقفت هي وزكية
ويجي بابا صلا من خدمة يجبلها قفة رمضانية ويهبلها بشروطو في اكل بوراك وطجين حلو وشوربة ...الخ
وانا وصفاء ندابزو على ميكرو يما قولها تعطيني نلعب شوي وبقا نحلل فيها وهي صفاء تتفرج في
1-كيفية نوم مدة24/24 ساعة في رمضان
2- كيف يمر ليوم في سرعة
3-ماهي طرق لصوم بسهلة
خخخخ مهم تقعد دور في يوتيوب وانا نبقا نبكي ويجي حكيم خونا كبير يقولنا طفو ميكرو وروحوا تقراو شوي قران
نقولو انا صغير مخدمتش بيه انا مدلل منزل ويخليني وصفاء شح فيها تروح تقرا
ويجي وقت فطور وندابز مرة اخرى انا وصفاء على بوركة نقول يما علاه مدرتهاليش مثلث وهي درتهالها ويما هي من بكري مقلقة من كوزينة ونيزدو عليها
ونكملو عشاء ونتفرجوا عاشو عاشر مع بعض ومبعد يجي تروايح نروح نصلي مع خويا كبير حكيم خخخ نبقا نتمسخر ونلعب في جامع ويجي يعطيني طريحة خخخ ونروح نلعب انا وصفاء شوية بلميكرو حتان سحور ونصحرو ونرقدو خخخ
هذا هو نهارنا ههه
نشاله تفوت يمات شبة
اللهم بلغنا رمضان

هههههههه ههههههههه هههههه
والله ضحكتني بزاااف هههه
ندابزو انا وياك على بوراكة وعلى الحليب وعلى الميكرو وحتى على قش العيد نغيرو من بعضانا هههههه
اسامة يعطيك الصحة

 

[حروف تائهة]

السلام عليكم
هههههه يعطيك الصحة اختي ام ياسمين ههه
جبتيها هايلة هههه و بابا صلاح ق يتشهى هكاك هههه
@صفاءdz هههه ها راهي ام ياسمين قالت بابانا صلاح ههه

 

[صانعة الإبتسامة]

السلام عليكم
هههههه يعطيك الصحة اختي ام ياسمين ههه
جبتيها هايلة هههه و بابا صلاح ق يتشهى هكاك هههه
@صفاءdz هههه ها راهي ام ياسمين قالت بابانا صلاح ههه

هههههههه
هانتي فهمي المخلوقة والله اسي ههههه

 

[السلطانة]

لي عودة ان شاءالله للرد عليكم

 

[لؤلؤة قسنطينة]

السلام عليكم
ههههههه والله غير ضحكتيني تاع الصح، عجبتني أون مود فخامته هههه
وأنا نقول علاه ماردتش في موضوع حكيم ونتي راكي توجدي في موضوع على نار هادئة ههههه
أنا الحمد لله ماعنديش خاوتي ذكور عندي غير بابا، وبابا مايتشرطش خلاص في رمضان مسكين
المهم شوي جاري وسلاطة وبوراك وخلاص يقولك الحمد لله حتى الجاري نسخنوه على يومين ويتقبلو نورمال
واحد الوقت كانت تجيه على العصائر خاطر هو ناشط بزاف في رمضان طول اليوم يخدم وكي يخرج من الخدمة يزيد
يبريكولي يولي يعطش، بصح من بعد نحينالو العصائر هادو خاطر فيهم مضرة وهو مريض بالسكر وحتى اللايت هادوك
مشكوك في أمرهم، قلنالو اشرب الماء أحسن وكول الافكهة فيهم فائدة خير من العصائر والحمد لله ولا ليهم ساعااات برك
وين يجيب عصير يعين مرة في الفال، كذلك الفلون حبسو فليل حتى ولو لايت ماش مليح وحلو بزااف، يعني الحمد لله بابا
مايقلقنا ماوالو يحب برك الطابلة واجدة قبل الآذان بنصف ساعة هههه غير هاد الشي ماش ملهوف خلاص حتى القضيان
تاع الدار عمرو لا قضى لرمضان بسمانة ولا دائما يقضي في النهار الاول تاع رمضان بعد وإلا إذا كتر يوم قبل رمضان
بصح يادرا نهار نتزوجو كيفاه ههههه يخرجلنا كاش غول ويتحول في رمضان تاني هههه خاطر كاين لي يغلبهم رمضان بزاف
ولي عندهم رجال كيما هكا ربي يكون في عونهم
يعطيك الصحة أختي أم ياسمين والله موضوع ضحكني هههه
تحياتي
​

 

[Hakan]

سيدتي العزيزة حنا نخدمو في النهار ونقضو تحت اشعة الشمس الحارقة وانتوما تضربو نهار كامل تعاودو في المسلسلات وكي تلحق الساعة 16:00 تبداو طيبو خخخ حنا نتعبو خيرمنكم هههه واكثر منكم عندك في الطابلة الحق نحكيلك على عايلتي الوالدة العزيزة مع الاخوات العزيزات ديما يحطولنا طابلة ما نخلو فيها والو كي شغل حاسبين عدد السعرات الحرارية اللي نحتاجوهم وما نبذروش ولله الحمد ولكن كاين عائلات جزائرية للاسف يغلب رمضان فيها الزوج ولا الاخ يرجع ق يخلط في النهار ربي يهنيكم وربي يلحقنا برمضان ;ويتقبلو منا ونهبلوكم فيه هههه​

 

[السلطانة]

هههههههههههههه و الله ضحكت من قلبي أختي أم ياسمين
سيناريو راااائع و العرضة انا ما نراطيش المدام تحب العرضات و تحب التحواس خصوصا عند الأحباب
أنا نحب الماكلة و ما نتكبرش عليها و لي جا ما يرجع هته قاعدة نعمل بيها هههههههههه
نحب البوراك و نحب الزبيب و المدام تحب الدلاع هههههههههه هاني خبرتكم من دوك باش تعملوا حسابكم

مرحبا بيكم على العين والراس
خلاص دركا نوجد للعرضة مليح ونكثرلكم من الاكلات المفضلة
ههههه نورت خويا