حكاية جزايري في رمضان

[السلطانة]

نسيت حاجة انا في رمضان ما نتقلقش خلاص و ما نتشرطش في الماكلة
يعني اللي حضر كله من نعمة ربي
بصح كي يكون معايا فلوس نلم العايلة و معاهم المدام و نسألهم واش في خاطركم نجيبلكم
و افضل و اكبر سعادة عندي كي نشوفهم فرحانين

انت بطبعك خويا هادي
ربي يحلي ايامك
ويخليلك العايلة الطيبة

 

[السلطانة]

اووووووووووووو ام يا سمين رااائع حوارك على الا فطار صحة وهناء بس فى رمضان بالتا كيد ايام جميلة

ان شاءالله ربي يبلغنا رمضان
نورت خويا ناصر

 

[السلطانة]

سلاااام
نبداها بضحكة طوييلة
ههههههههههههههههههه
يعطيك الصحة اختي
زعما @Salah eddin بابا هههههه
وأنا نقلق فيه كي يولي راح يفطر
صفاء:بابا اعطيني حليب
صلاح :امشي طير خير لك
صفاء:بابا علاه ق شوية
صلاح :راني قلت لجدك عفيني
صفاء :تبكي واااااااع هه
صلاح:بلعي فمك عليا وخليني نفطر
صفاء:وااااااع ههه
صلاح :هاكي ارهجي ههه
صفاء:تشربببب ههه زكارة ههه
والله ضحكتيني بصح مقلتيلناش شكون هي ماما قصدي مرت صلاح تعيسة الحظ هههههههه

اضحك الله سنك اختي ههه
وي صلاح باباك زعم خخخخ
عجبني الحوار لي خدمتيه
بين الاب وابنته ههههه
الام خليتها مجهولة في هاذ القصة ههه
نورتي

 

[السلطانة]

السلام عليكم و رحمة الله و بركاته

و الله ق فكرة زينة يااسر هذي ههه

بصح راكم عطيتولي دور الأب ... و يا درا شكون لعبت دور الأم
هههه

ياتل هههه راك اب واعر ويغلبو رمضان هههه الام ابال ماسكي هعهع
المهم و الله ق في رمضان التعب و العطش و كل حية ههه

هو فيه البركة على كل حال بصح على العموم تعب خاصة مع لي عندنا امتحانات في رمضان

و الله يسلكها على خير برك
ربي يعاونك ان شاءالله

بالعودة للموضوع ... انا ما نتشرطش ياسر ههه المهم نلقى وش ناكل و خلاص

و نحب الطابلة تكون معمرة بالاطباق خاصة الشربة و الحريرة هذيك يا حسراااه ههه

ياودي حكاية ... اما البوراك ما ناكلوش والو ههه نشوفو برك ههه

مالا جبتها ههه غير تشوف بعينيك وماتكلش

يعطيك الصحة مديرة على الموضوع

بارك الله فيكم


​

ربي يبلغنا رمضان ان شاءلله بالصحة والعافية

 

[السلطانة]

هههههههه
واش رايك نديرو @حروف تائهة المدام هههههههه بصح المشكل هنا راها بنتك خلطتو الدعوة ههههه ياراااابحة هااا ورااااكي والله اسي ههه

متخلطوليش السيناريو تاعي هههه
قلنا صلاح الاب يعني صلاح الاب ههه و@حروف تائهة بدور البنت ههه

 

[السلطانة]

سلام عليكم
ههههه فكرتيني بموضوع كامل رانا في بيت واحد خخخ كان شباب
نرجعو موضوعنا احم احم
ههه يمات زينة
نضو صباح ليوم لول رمضان
يما @ليليا مرام
اعطينا حليب نتقهواو انا وصفاء وتجي اخت زكية تقولنا فطارين رمضان نقولها حنا ناكلو كيما نقعدوا ندور ونقزو في دار ونلعبو ونهرجو ويما تقفت هي وزكية
ويجي بابا صلا من خدمة يجبلها قفة رمضانية ويهبلها بشروطو في اكل بوراك وطجين حلو وشوربة ...الخ
وانا وصفاء ندابزو على ميكرو يما قولها تعطيني نلعب شوي وبقا نحلل فيها وهي صفاء تتفرج في
1-كيفية نوم مدة24/24 ساعة في رمضان
2- كيف يمر ليوم في سرعة
3-ماهي طرق لصوم بسهلة
خخخخ مهم تقعد دور في يوتيوب وانا نبقا نبكي ويجي حكيم خونا كبير يقولنا طفو ميكرو وروحوا تقراو شوي قران
نقولو انا صغير مخدمتش بيه انا مدلل منزل ويخليني وصفاء شح فيها تروح تقرا
ويجي وقت فطور وندابز مرة اخرى انا وصفاء على بوركة نقول يما علاه مدرتهاليش مثلث وهي درتهالها ويما هي من بكري مقلقة من كوزينة ونيزدو عليها
ونكملو عشاء ونتفرجوا عاشو عاشر مع بعض ومبعد يجي تروايح نروح نصلي مع خويا كبير حكيم خخخ نبقا نتمسخر ونلعب في جامع ويجي يعطيني طريحة خخخ ونروح نلعب انا وصفاء شوية بلميكرو حتان سحور ونصحرو ونرقدو خخخ
هذا هو نهارنا ههه
نشاله تفوت يمات شبة
اللهم بلغنا رمضان

هههه يعطيك الصحة خويا الصغير
راك كملت السيناريو انت وصفاء دايرين حالة
نورت

 

[السلطانة]

السلام عليكم
هههههه يعطيك الصحة اختي ام ياسمين ههه
جبتيها هايلة هههه و بابا صلاح ق يتشهى هكاك هههه
@صفاءdz هههه ها راهي ام ياسمين قالت بابانا صلاح ههه

اهلا بيك اختي ههه نعم انتي بنت صلاح فخر العرب قصدي فخر اللمة هههه
افرحي ديجا باباك صلاح جوار تاع فوت خخخخ
نورتي اختي ربي يبلغنا رمضان

 

[❤️كلي أمل❤️]

هههههههههههههههه
اليوم وين شفت هاد الموضوع قتلتني بالضحك ولله ههههههههه
يعطيك الصحة راكي جايبتها هي ولله
الأب الجزائري ملي يدخل لدار وهو يشكي واش يقول على المخلوقة لي ملي تنوض وهي تشرب وتوكل وتسيق وطيب وفي اخير يجي يجي سي افندم يقولها من صباح وانت قاعدة تعاودي في مسلسلات هههههههه
وهادي في خاطر الأب @Salah eddin

 

[السلطانة]

السلام عليكم
ههههههه والله غير ضحكتيني تاع الصح، عجبتني أون مود فخامته هههه
وأنا نقول علاه ماردتش في موضوع حكيم ونتي راكي توجدي في موضوع على نار هادئة ههههه
اهلا وسهلا بيك هههه السي صلاح لاعبها فخامته هبلهم بالطلبات في الفطور
قلت نقصف على موضوع حكيم هههه
أنا الحمد لله ماعنديش خاوتي ذكور عندي غير بابا، وبابا مايتشرطش خلاص في رمضان مسكين
المهم شوي جاري وسلاطة وبوراك وخلاص يقولك الحمد لله حتى الجاري نسخنوه على يومين ويتقبلو نورمال
ربي يحفظهولكم ان شاءالله باباك كيما بابا يحب الجاري والكسرة تاع الزيت ولاخميرة وبوراك وسلاطة وفرات
واحد الوقت كانت تجيه على العصائر خاطر هو ناشط بزاف في رمضان طول اليوم يخدم وكي يخرج من الخدمة يزيد
يبريكولي يولي يعطش، بصح من بعد نحينالو العصائر هادو خاطر فيهم مضرة وهو مريض بالسكر وحتى اللايت هادوك
مشكوك في أمرهم، قلنالو اشرب الماء أحسن وكول الافكهة فيهم فائدة خير من العصائر والحمد لله ولا ليهم ساعااات برك
وين يجيب عصير يعين مرة في الفال،
ربي يرزقو الصحة والعافية ان شاءالله صح العصائر هاذوك مشكوك فيهم ماهمش صح لايت الفاكهة افضل شي ولاتخدمولو بيهم عصير صحي
كذلك الفلون حبسو فليل حتى ولو لايت ماش مليح وحلو بزااف، يعني الحمد لله بابا
مايقلقنا ماوالو يحب برك الطابلة واجدة قبل الآذان بنصف ساعة هههه غير هاد الشي ماش ملهوف خلاص حتى القضيان
تاع الدار عمرو لا قضى لرمضان بسمانة ولا دائما يقضي في النهار الاول تاع رمضان بعد وإلا إذا كتر يوم قبل رمضان
ربي يحفظو ان شاءالله راه الاب ماش كي الزوج ههه
بصح يادرا نهار نتزوجو كيفاه ههههه يخرجلنا كاش غول ويتحول في رمضان تاني هههه خاطر كاين لي يغلبهم رمضان بزاف
ولي عندهم رجال كيما هكا ربي يكون في عونهم
ايه كاين لي يغلبهم رمضان ويتحولو ههههه
انا ميحبش يهدر برك يقولي اسكتي ويجي يقيل كي يكمل الخدمة للعصر يصلي ويخرج
وكي يفطر يروح يجري يتكى ويوجعو راسو يشرب قهوة باه يفطن يولي انسان طبيعي ههه

يعطيك الصحة أختي أم ياسمين والله موضوع ضحكني هههه
تحياتي

ربي يفرحك اختي
نورتي
او جاني سيناريو خلاف في راسي هههه
​

 

[Salah eddin]

هههههههههههههههه
اليوم وين شفت هاد الموضوع قتلتني بالضحك ولله ههههههههه
يعطيك الصحة راكي جايبتها هي ولله
الأب الجزائري ملي يدخل لدار وهو يشكي واش يقول على المخلوقة لي ملي تنوض وهي تشرب وتوكل وتسيق وطيب وفي اخير يجي يجي سي افندم يقولها من صباح وانت قاعدة تعاودي في مسلسلات هههههههه
وهادي في خاطر الأب @Salah eddin
مشاهدة المرفق 84151

هههه
هدية مليحة هذي هههه
شكرا جزيلا ​

 

[السلطانة]

سيدتي العزيزة حنا نخدمو في النهار ونقضو تحت اشعة الشمس الحارقة وانتوما تضربو نهار كامل تعاودو في المسلسلات وكي تلحق الساعة 16:00 تبداو طيبو خخخ حنا نتعبو خيرمنكم هههه واكثر منكم عندك في الطابلة الحق نحكيلك على عايلتي الوالدة العزيزة مع الاخوات العزيزات ديما يحطولنا طابلة ما نخلو فيها والو كي شغل حاسبين عدد السعرات الحرارية اللي نحتاجوهم وما نبذروش ولله الحمد ولكن كاين عائلات جزائرية للاسف يغلب رمضان فيها الزوج ولا الاخ يرجع ق يخلط في النهار ربي يهنيكم وربي يلحقنا برمضان ;ويتقبلو منا ونهبلوكم فيه هههه​

هههه تضربكم الشمس الحارقة فتأتون وتبدأون في الهدرةوالتعلاق هههه
ربي يحفظلك الوالدة ان شاءالله والعاايلة الكريمة
صح التبذير ماش مليح الانسان يطيب قد ماياكل
راهي نعمة نتحاسبو عليها وانت راك متهلي في خاوتك ههه وباباك صلاح راه غالبو رمضان كون ينوض عليكم يجلدكم ههههه
ان شاءالله ربي يبلغنا رمضان بالصحة والعافية

 

[السلطانة]

هههههههههههههههه
اليوم وين شفت هاد الموضوع قتلتني بالضحك ولله ههههههههه
يعطيك الصحة راكي جايبتها هي ولله
الأب الجزائري ملي يدخل لدار وهو يشكي واش يقول على المخلوقة لي ملي تنوض وهي تشرب وتوكل وتسيق وطيب وفي اخير يجي يجي سي افندم يقولها من صباح وانت قاعدة تعاودي في مسلسلات هههههههه
وهادي في خاطر الأب @Salah eddin
مشاهدة المرفق 84151

مليحة هاذي البليغة ههههه
بليغة شوارب لرض يعطيك الصحة
نورتي اختي