الزواج في عصرنا هذا

[لؤلؤة قسنطينة]

مشكورة الاخت الكريمة بارك الله فيك الحمد لله قنعتيني و فهمتيني مليح ... عندي شوية استفسارات ياريت تجاوبيني عليهم براحتك ينعي وقت ماقعدتي:
1 - الفتاة قبل الزاج قد تكون ارتبطت مع شاب ووقعو في الحب ... انا يعني منلومش الطفلة و منحاسبهاش على الماضي المهم تكون في الخاضر معايا صافية ... ربي يقبل التوبة تاع العبد و انا منحاسبهاش ...لا علينا .... هل يبقى حب صديقها السابق في قلبها بعد الزواج ؟ يعني هل الفتاة تنسى حبيبها السابق وتبدأ صفحة جديدة مع زوجها وتحبه هو ام يبثى في قلبها صراع بين حب زوجها و حبيبها السابق ... سمعت ان من الصعب على فتاة ان تنسى حبها الاول او شيئ مثل هذا القبيل.
2 - انت قلتيلي خلال فترة الخطبة تتعرف على الفتاة ثم ذكرتي الرؤية الشرعية .... انا تتخلطلي بين الخطبة و الرؤية الشرعية .... ياريت تفهميني خطوات الزواج يعني مثال كي تحب تخطب وحدة كيفاه دير ؟ و كيفاه تشوفها ؟ و كيفاه تحكي معاها ؟ واذا عجباتك كيفاه دير ؟ و اذا معجباتكش كيفاه ترفض بطيريقة لبقة ؟ اعلم ان هذه النقطة تتطلب وقت و مجهود ياريت متبخليني يا الاخت يعني اريد شرح مفصل طويل كيما موالفة تجاوبي يعني خطوة بخطوة.
3- يقولون الحب بعد الزواج و ان الحب قبل زواج مجرد مشاعرة زائفة كما ذكرت الاخت نوسا .... يعني كيف يولد هذا الحب ؟ كيف تعرف ان زوجتك تحبك ؟ يعني كرجل ان شاء اله ساسعى لكسب قلب زوجتي وحبها .... ما الفرق بين الحب و المودة والرحمة ؟ كيف يكون حب الزوجة ؟ يعني كيف تفرق حبها عن واجباتها .... البعض يقولون ان الزوجة عندما تقوم بواجباتها اتجاهه معناها تحبه ... لكن البعض الاخر يقولون ان الحب يظهر بطريقة خاصة ... اريد ان اعرف كيف يكون هذا الحب وكيف طعمه و شكله .... بصراحة انا لم ارزق بحب فتاة من قبل يعني جامي ماحبتني طفلة حاب نعرف برك كيفاه يكون الحب
انتظر ردك الاخت مريم و مشكورة على وقتك

خلي نجاوبك على هاد النقاط أولا بما أنها استفسارات مباشرة
بالنسبة للطفلة إذا تنسى ولالا، ينطبق عليها نفس الكلام لي قلناه سابقا، نتا نهار تجي تتزوج
تتوكل على ربي سبحانو، وتمشي مع ربي قدقد وتقوم بواجباتك وتعز مرتك، بغض النظر عن مشاعرها وربي يوفقك قادرة المرأة تكون جامي عرفت واحد في حياتها بصح ماتوالفش
عليك ليه ليه ولا ماتحبكش خاطر معاملتك معاها ماش مليحة يعني الكرة بيدك، المرأة تحب الاهتمام والكلام الطيب، تحب الانسان لي يقدرها، نتكلم على المرأة الحقيقية صاحبت المشاعر
النبيلة، ماش لي تمشي بالمصلحة، خاطر تاع المصلحة زوج دورو يرضيوها وتنسى حتى والديها على جال الدراهم وهاد النوع نحيناه جانبا، درك رانا نشوفو غير الطيبة المحترمة لي توقف معاك
إذن كي تتزوج ابدا بنيتك، شوف بلي هاد الانسانة بنتك وزوجتك وصديقتك وأختك وكلشي ماش برانية، وربي رايح ينزل الرحمة بيناتكم وهي كي تحسك مليح معاها رايحة تكون معاك
امرأة ونص.
بالنسبة للنقطة الثانية، مثلا نفرضو نتا شفت انسانة برا عجبتك شفتها مرة وزوج لباس ساتر انسانة خاطيها المخالطة من الجامعة للدار ولا مثلا تخرج إلا للضرورة، ولا حتى ولوتخدم
أو مثلا انسانة قالولك عليها، نت اأكيد ماش رايح تشري الحوت في البحر، تحدد موعد مع أهلها وتروح، تشوفها يماك تتعرف عليها في غرفة منفردة مع النساء، من بعد عندك الحق
تشوفها بحضور ولي أمرها، تما تشوفها من ناحية الشكل يعني إذا يرضيك شكلها، وكذلك تتحدث معاها، تلقى مثلا زوج كي يكونو في الحرام يحكيو على كلشي بصح في الحلال
يحشمو يهدرو، نتا اتكلم معاها اسألها على الأمور الاساسية كالسن والدراسة والعمل، وقولها على شروطك كالعمل مثلا ولا أي حاجة واستمع لشروطها، من بعد احكيو واعرفو
آراء وافكار بعضكم، سقسيها كيفاه حابة تعيش حياتها كيفاه تربي أولادها، كي تهدر هي على الاقل تدي عليها فكرة بنسبة 30 بالمائة، تشوفها كي تهدر معاك وجها صحيح ولا تحشم
تشوفها كي تحط شروطها كيفاه، هل تشرط عليك تكون تصلي ولا تشرط عليك الدراهم برك، يعني تدي عليها فكرة مبدئية وتلقى إما ارتياح نفسي أو نفور
من بعد اذا عجبتك راك تحدد نهار للخطبة الرسمية او عقد شرعي كل واحد كيفاه، وتقدر ترفض بلطف تقول ماكانش مكتوب وخلاص، واصلا الأم تاعك هي لي تتحدث مع عائلة
البنت، يعني هادي مافيهاش عيب راهو زواج عندك الحق ترفض كيما عندك الحق توافق، عادي مافيهاش حشمة، نظن هكا حسب معلوماتي القليلة والله اعلم
بالنسبة للنقطة الأخيرة الحب، شوف يا أخي الحب لي مصورتو المسلسلات تاع الرومانسية الدائمة، يكذب عليك، اللاقة الزوجية مبنية على الاحترام، على التفاهم
لما زوجتك تتفهمك لما تقدرك وتحتارمك، لما تفكرك في صلاتك لما تشوفك تشاجرت مع اهلك وتنصحك للخير، لما تحبلك الآخرة قبل الدنيا، لازمنا نبركاو من نظرة المسلسلات
على هادي قتلك ربي قال مودة ورحمة، لما ترأف بيها وترأف بيك، لما ماتفشيش اسرارها الزوجية، لما تغضب منها ماتتواقحش معاك وتديرلك ألف سبب، وبزااف أمور
مانقولهملكش أنا خاطر تكتشفهم وحدك وتشوفهم تلقائيا، ومستحيل تلقاهم في علاقة عابرة، للحلال طعم آخر، على هادي تلقى ساعات ناس فقراء والضحك على وجوهم
خاطر عايشين تحت رحمة ربي ومتبعين كلام ربي، إذن هاداك الحب ماتحتاجش تعرفو خاطر قتلك من قبل المواقف هي لي تثبتو وتخليك تشوفو
ان شاء الله نكون أفدتك ولو بالقليل


​

 

[Badrou94]

خلي نجاوبك على هاد النقاط أولا بما أنها استفسارات مباشرة
بالنسبة للطفلة إذا تنسى ولالا، ينطبق عليها نفس الكلام لي قلناه سابقا، نتا نهار تجي تتزوج
تتوكل على ربي سبحانو، وتمشي مع ربي قدقد وتقوم بواجباتك وتعز مرتك، بغض النظر عن مشاعرها وربي يوفقك قادرة المرأة تكون جامي عرفت واحد في حياتها بصح ماتوالفش
عليك ليه ليه ولا ماتحبكش خاطر معاملتك معاها ماش مليحة يعني الكرة بيدك، المرأة تحب الاهتمام والكلام الطيب، تحب الانسان لي يقدرها، نتكلم على المرأة الحقيقية صاحبت المشاعر
النبيلة، ماش لي تمشي بالمصلحة، خاطر تاع المصلحة زوج دورو يرضيوها وتنسى حتى والديها على جال الدراهم وهاد النوع نحيناه جانبا، درك رانا نشوفو غير الطيبة المحترمة لي توقف معاك
إذن كي تتزوج ابدا بنيتك، شوف بلي هاد الانسانة بنتك وزوجتك وصديقتك وأختك وكلشي ماش برانية، وربي رايح ينزل الرحمة بيناتكم وهي كي تحسك مليح معاها رايحة تكون معاك
امرأة ونص.
بالنسبة للنقطة الثانية، مثلا نفرضو نتا شفت انسانة برا عجبتك شفتها مرة وزوج لباس ساتر انسانة خاطيها المخالطة من الجامعة للدار ولا مثلا تخرج إلا للضرورة، ولا حتى ولوتخدم
أو مثلا انسانة قالولك عليها، نت اأكيد ماش رايح تشري الحوت في البحر، تحدد موعد مع أهلها وتروح، تشوفها يماك تتعرف عليها في غرفة منفردة مع النساء، من بعد عندك الحق
تشوفها بحضور ولي أمرها، تما تشوفها من ناحية الشكل يعني إذا يرضيك شكلها، وكذلك تتحدث معاها، تلقى مثلا زوج كي يكونو في الحرام يحكيو على كلشي بصح في الحلال
يحشمو يهدرو، نتا اتكلم معاها اسألها على الأمور الاساسية كالسن والدراسة والعمل، وقولها على شروطك كالعمل مثلا ولا أي حاجة واستمع لشروطها، من بعد احكيو واعرفو
آراء وافكار بعضكم، سقسيها كيفاه حابة تعيش حياتها كيفاه تربي أولادها، كي تهدر هي على الاقل تدي عليها فكرة بنسبة 30 بالمائة، تشوفها كي تهدر معاك وجها صحيح ولا تحشم
تشوفها كي تحط شروطها كيفاه، هل تشرط عليك تكون تصلي ولا تشرط عليك الدراهم برك، يعني تدي عليها فكرة مبدئية وتلقى إما ارتياح نفسي أو نفور
من بعد اذا عجبتك راك تحدد نهار للخطبة الرسمية او عقد شرعي كل واحد كيفاه، وتقدر ترفض بلطف تقول ماكانش مكتوب وخلاص، واصلا الأم تاعك هي لي تتحدث مع عائلة
البنت، يعني هادي مافيهاش عيب راهو زواج عندك الحق ترفض كيما عندك الحق توافق، عادي مافيهاش حشمة، نظن هكا حسب معلوماتي القليلة والله اعلم
بالنسبة للنقطة الأخيرة الحب، شوف يا أخي الحب لي مصورتو المسلسلات تاع الرومانسية الدائمة، يكذب عليك، اللاقة الزوجية مبنية على الاحترام، على التفاهم
لما زوجتك تتفهمك لما تقدرك وتحتارمك، لما تفكرك في صلاتك لما تشوفك تشاجرت مع اهلك وتنصحك للخير، لما تحبلك الآخرة قبل الدنيا، لازمنا نبركاو من نظرة المسلسلات
على هادي قتلك ربي قال مودة ورحمة، لما ترأف بيها وترأف بيك، لما ماتفشيش اسرارها الزوجية، لما تغضب منها ماتتواقحش معاك وتديرلك ألف سبب، وبزااف أمور
مانقولهملكش أنا خاطر تكتشفهم وحدك وتشوفهم تلقائيا، ومستحيل تلقاهم في علاقة عابرة، للحلال طعم آخر، على هادي تلقى ساعات ناس فقراء والضحك على وجوهم
خاطر عايشين تحت رحمة ربي ومتبعين كلام ربي، إذن هاداك الحب ماتحتاجش تعرفو خاطر قتلك من قبل المواقف هي لي تثبتو وتخليك تشوفو
ان شاء الله نكون أفدتك ولو بالقليل


​

مشكورة يا الاخت بارك الله فيك يعني مقصودك انو الاحترام و الاهتمام اسمى من الحب ؟ صح حنا الحب هذا هزيناه من الافلام و المسلسلات علابيها منعرفوش الحب الحقيقي .... نتي قلتيلي تروح تشوف الطفلة بحضور وليها .... يعني تقعد مع الطفلو و باباها في غرفة مع بعضاكم و تحكيو ؟ قداه الفتة تحكيو فيها ؟ 30 دقيقة ؟ تقدر تسقسيها اذا تعرف تطيب و قادرة على الامور المنزلية ؟ تسقسيها ثما على شروطها عادي تاع المهر ؟ اذا معجباتكش نوقف عادي نقولها الله غالب مكانش مكتوب ؟ تابلي هكا شوي فرشا تجرح مشاعر الطفلة ... انا يبالي كي تتعارفو شويا قدام باباها ... تقولها نخمم و نردلك بالخبر و تروح للدار تصلي صلاة الاستخارة اذا ارتحلها راك تعيط و تحدد موعد الخطبة اذا معجباتكش راك تعيط لباباها و تقولو الله غالب ولا تخلي المهمة هاذي للوالدة.

 

[نوساا]

لقد ارسلت

 

[نوساا]

ان بعتلك رسالة

 

[لؤلؤة قسنطينة]

مشكورة يا الاخت بارك الله فيك يعني مقصودك انو الاحترام و الاهتمام اسمى من الحب ؟ صح حنا الحب هذا هزيناه من الافلام و المسلسلات علابيها منعرفوش الحب الحقيقي .... نتي قلتيلي تروح تشوف الطفلة بحضور وليها .... يعني تقعد مع الطفلو و باباها في غرفة مع بعضاكم و تحكيو ؟ قداه الفتة تحكيو فيها ؟ 30 دقيقة ؟ تقدر تسقسيها اذا تعرف تطيب و قادرة على الامور المنزلية ؟ تسقسيها ثما على شروطها عادي تاع المهر ؟ اذا معجباتكش نوقف عادي نقولها الله غالب مكانش مكتوب ؟ تابلي هكا شوي فرشا تجرح مشاعر الطفلة ... انا يبالي كي تتعارفو شويا قدام باباها ... تقولها نخمم و نردلك بالخبر و تروح للدار تصلي صلاة الاستخارة اذا ارتحلها راك تعيط و تحدد موعد الخطبة اذا معجباتكش راك تعيط لباباها و تقولو الله غالب ولا تخلي المهمة هاذي للوالدة.

هيه هادا واش قصدي، قصدي حتى تروح وتخمم باه ترد الخبر
اصلا لازمك تفكير ليك وليها، يستحيل في دقيقتها تقولها ماكانش مكتوب
يسما قصدي كي تروح وتخمم مليح

 

[Badrou94]

هيه هادا واش قصدي، قصدي حتى تروح وتخمم باه ترد الخبر
اصلا لازمك تفكير ليك وليها، يستحيل في دقيقتها تقولها ماكانش مكتوب
يسما قصدي كي تروح وتخمم مليح

بارك الله فيك الاخت مريم ... يعني مثال انا شفت طفلة عجبتني بصح منعرفش دارها ولا باباها ... يعني نعرفها غير هي بالوجه .... كيفاه نذلب منها باه نخطبها ؟ قادرة تحسبني نتمسخر ؟ كيفاه نروحلها ونقولها يا بنت الناس راكي عجبتيني اذا تعطيلي رقم هاتف تاع باباك باه نجي نخطبك ولا كيفاه ؟

 

[Fethi.dz]

موضوع للغلق لتجاوز صاحبه القوانين بمنع نشر ادوات الاتصال في العام (البريد الالكتروني + الفايس ...الخ) كما ان الموضوع حول لدردشة شخصية ابعد الموضوع عن محتواه الاساسي.