اهلا أختي مريومة
سامحيني جاوبتك هنا ما لقيتش كفاش
هههه يا ليتك حطيتي أي مشكل ثاني الا هذا لأني معاك في نفس المشكل وليدي درك عام و شهرين و نفس المشكل خلي ما نقولوش مشكل لكن نفس الحالة والله يا أختي نصيحة نحي الرقاد من بالك أنسايه لفترة العامين هاكاك أول شي البيبي يكون ما يرقدش الليل كلو يرضع و من بعد تجي فترة تاع تسع شهور يولي ما ينوضش باش يرضع لكن باه يلعب أنت سمطيهالو ما تلعبيش تأكدي أولا أنه مش جيعان بعدها رديه لسريرو يبكي شوي خليه و حطيلو في سريرو أشياء يحبها وسايد لحاف دمى محشوة باه يعجبو و كل ما يحبس بكاء رديه لسريرو أربع ليالي بالحساب و خلاص يعود مع تحطيه في سريرو يرقد و رايحة تتكرر هذي الحالة مع التسنين كل ما يقلق أو يكون مريض رح يسهرك المهم انت كي تحسيه ولا يدلل فقط رديه لسريرو حتى عمر العامين عامين ونص هذا الرضيع المشكل ساعات الام بعد قرابة العام أو عامين و هي تسهر الليل كلو توالف ما يجيكش النعاس أو يعود نومك خفيف أي حركة أو صوت تنوضي و ما يزيد يجيك رقاد أول شيء اذا قادرة تصبري و ماكانش ضرر كبير أصبري و راح يفوت العام و العامين وترجعي مع ريتم البيبي يعني بالشوي هو ينقص سهرة و أنت كذلك أما اذا كان فيه ضرر كبيير فنقصي اقهوة الشاي استبدليها بتيزانة مهدئة تلقايها في الصيدليات أو شوية تيزانة تاع نعناع في الليل القيلولة نحيها أو رقاد الصباح نحيه و طفي التلفاز و الهاتف و الحاسوب و نقصي التدفئة في البيت ساعات نخافو على الاولاد يولي الحر في البيت محال ترقدي نقصي اللحاف البرد يجيب النعاس أيضا اذا كان سنك قريب أو فات 35 واذا كانت عندكم في العائلة أعراض سن اليأس المبكرة فقادر تكون هي السبب هنا لازمك تيزانة تساعد لتخفيف الاعراض المبكرة لكن في الاغلب حبيبتي رح يمر هذا الارق بعد ما يكمل الطفل عامين ان شاء الله ربي يعينك و يرزقك الصبر و يكبر الوليد في طاعتو بوسيهولي و أعطيه طريحة صغيرة عالسهرة ههههه
سلام
