سهرة مع ضيفتين ( Rayhan *amani* ( Mission Impossible

[صاحبة الأثر]

أهي جات ريحانتي الحلوة
لالات النسا ماشي كيفي أنا يد هنا ويد لهيه
المهم الأسئلة تاعك هي كالتالي
أحم أحم
على قداش تنوضي
ماهي أحب سورة إلى قلبك
أحب إخوتك
شاهي لحاجة لي تقلقك من أختك " خلينا من هادي تع متحبش تغسل المواعين "
قصة واقعية سمعتيها وأثرت فيك
حاجة تعلمتيها من الدنيا
نصيحة تقدمينها
أمنية أو دعوة

 

[aljentel]

السؤال موجه المشرفتين الفاضلتين ..
مالذي تتوقعان لمنتدى اللمه هل ترينا انه سيتمر رغم وجود وسائل التواصل الاخرى بإعتبار ان هناك نوعية من الناس يجدوا انفسهم بالمنتديات ولا يحبو الفيس او تويتر وغيرهما ؟

هل انتما راضيتين عن مستوى اللمه وهل ما يقدمه الاعضاء يفي بالغرض ؟

ماهي صعوبات الاشراف التي تواجهكما ؟

ماهي النصيحه التي تنصحان بها شباب وشابات العرب المغتربين وهل تؤيدوهما بالاغتراب ؟

شكرا جزيلا ..

 

[ريحـان]

سهرة اليوم
ستكون تكريمية باستضافة شخصيتين في نفس الوقت
عضوتين متميزتين وضيفتين عزيزتين
ساهمتا كعضوتين نشيطتين وفاعلتين
ولا تزالا كذلك في مجال الاشراف والتسيير
في إثراء وتنشيط المنتدى والسهر عليه
والتضحية بالوقت والجهد والاهتمام
خدمة للاعضاء ومرتادي اللمة عموما
فشكرا لكما
وبارك الله فيكما
ومرحبا بكما

لا شكر على واجب اخي
بلعكس كيما اللمة عطاتنا الكثير
من الامور الجميلة واهمها الراحة ف ابسط شي نقدمه هو الاهتمام بها و ان شاء الله تبقى مستمرة
وفيك بارك الله على الترحيب الجميل
ومنها ارحب بالاخت @*amani*
ونقولك اقامة طيبة ها ضحكي شوي مالكي زعفانة




​

تم إلقاء القبض على

@Rayhan

آ آ آ كنت نمشي في امان الله
كل شي من ريحت الحوت
وصلتني هنا ​

 

[ريحـان]

مرحبا بالضيفتين العزيزتين..
اعتقد انها سوف تكون سهرة ممتعة وخاصة مع الضيفتين

وجدو رواحكم يا اخوات ههههه.. صعيبة ولقيتها يا الشيخ فريد

على حساب الحروف الملونة الحالة ماهيش تبشر ياك مادرنا والو
​

 

[ريحـان]

ههههه يعطيك الصحة
مرحبا بالاختين على سلامتكم
اليوم نهاركم
@Hakan الهى باماني وخلي ريحان عليا

ننتظر دخولهن

هاني ياسيدي نجاوب على نفس الاسئلة

 

[ريحـان]

@Rayhan كي تدخلي راح جاوبي على نفس الاسئلة ودوك نبدلك

تسما فيها تبديل للاسئلة
حسيت روحي في إمتحان ​

 

[الامين محمد]

الله الله
يعطيك الصحة الشيخ فريد
القاء القبض على مجرمتان مجنونتان مهبولتان
يستحقان السليخ هههههههه

المهم نصلي التراويح و نرجع ليكم

 

[aljentel]

الله الله
يعطيك الصحة الشيخ فريد
القاء القبض على مجرمتان مجنونتان مهبولتان
يستحقان السليخ هههههههه

المهم نصلي التراويح و نرجع ليكم

ههههههههههه
هذا وانت ماصليت التراويح وما بقيت شي لبعد الصلاة هههههههه

 

[aljentel]

الله يعينكم اماني وريحانه

 

[ريحـان]

بسم الله الرحمن الرحيم
السلام عليكم ورحمة الله وبركاته

وٍعَلْيّكَمُ ٱلْسَلآمّ وٍرٍحَمُةٌ اللَّــْـْہ ۆبُركَاتة
​

ما يمثل القرآن الكريم في حياتك

لا أستغني عنه فبه حياة قلبي ونور بصري ومنه استمد عقيدتي وبه اعرف عبادتي وما يرضي الله فهو الطريق للهداية

​

ما تمثل السنة النبوية في حياتك

فللسنة النبوية مكانة عظيمة فهي الأصل الثاني بعد القرآن الكريم ، والتطبيق العملي لما جاء فيه ، وهي الكاشفة لغوامضه ، المجلية لمعانيه ، الشارحة لألفاظه ومبانيه ، وإذا كان القرآن قد وضع القواعد والأسس العامة للتشريع والأحكام ، فإن السنة قد عنيت بتفصيل هذه القواعد
باختصار فهي من امور واظب عليها النبي صلى الله عليه و سلم و من واحبي الاقتداء بها ​

ما عنوان كتاب

لو كانت حياتي كتابًا أُفضل أن يكون بعنوان " تجربة "
​

من مثلك الأعلى بعد النبي صلى الله عليه و زوجاته

و بعد الرسول صلى الله عليه وسلم أحب الاخيار و الصالحين دو الاخلاق الرفيعة و العالية و ذو العقول الرزينة و الحكيمة .
​

من القارئ الكريم التي تسمعينه من القرآن الكريم

اسلام صبحي
شريف مصطفى
رعد الكردي
العفاسي و احمد العجمي ​

كيف كانت ايامك ايام الحجر الصحي

ايام عادية واحسن لان فيها انشغلنا باشياء و تعلمت اكثر ​

ماهو الشيء الذي تحبي تغيره في المنتدى

حاليا كل شي فيه رائع ولا اود تغير شي ​

من ترشحين للفوز في المسابقة الثقافية هذا العام ان شاء الله
من ترشحين للفوز في المسابقة الدينية هذا العام ان شاء الله

لن استطيع ترشيح احد لاني لم اطلع على المشاركات ​

صفي لنا المنتدى في كلمة

نقاء ​

من هو أول شخص تعرفت عليه في المنتدى

@جيهان جوجو

لوني المفضل الوردي بدرجة مختلفة تشبه لون الخط لي نكتب بيه و ​

ماهي اكلتك المفضلة

طعام​

ماهو أخرى كتاب قمت بمطالعته اذا كنت هو المطالعة

رواية انا قبل كل شي​

عضو يستحق يكون استاذ المنتدى

@جليلوس

عضو مرح

@فريد أبوفيصل

عضو متألق

@Golden Man

عضو نشيط

@إلياس

عضو يستحق أن يكون طبيب المنتدى

@خديجة ph

عضو يستحق أن يكون مهندس المنتدى

@Soumia hadj mohammed

عضو شيخ المنتدى

منقولش ههه (@Rayhan)

لي عودة إن شاء الله

اهلا وسهلا في انتظارك​

 

[الامين محمد]

مسا الخيرات يا مجرمين

الاسئلة لكليكما اختايا
متى تحزنين
متى حزنت
متى تسعدين
متى كانت قمة سعادتك
عند الوقوع في مشكلة الى اين تفرين
هل انت كتومة ام سرك ما يبات في بيتك
هل انت محظوظة
ما تعني لك الصداقة
هل الواقع افضل من المواقع ان العكس
هل اللمة كانت امر ايجابي مؤثر على اخلاقك و طبيعتك و حياتك
هل هناك عضو تودين نصحه
هل هناك غضو تريدين شكره
هل هناك شخص تريدين ان تهمسي له بكلمة
حكيلنا على اهدافك
هل الزواج قريب ام بعيد
ماهي مواصفات فارس الاحلام هههههه
هل تقبلين بزوج يمنعك عن اللمة


ياااسر عليكم و منبعد نرجع ليكم

 

[جليلوس]

ريحان هاني جيتك
ايا عطينا لمحة خفيفة عليك شكون نتي انا نعرفك خليهم هوما يتعرفو عليك واش قريتي تخصص واش راكي ديري دروك ؟؟ ترتيبك في العائلة ؟؟
عندك خاوتك شاشرة ؟؟ تتفاهمو بيناتكم يعني كومبليس ولا بيناتكم ديك الرهبة قولي برك ماتحشميش
ايهيييه شاراح ديريلنا قاطو هاد العام ني شفت الطورنو خرج يهبل يعطيك الصحة حقي ياااو ماتنسايش ؟؟
لو كان ماكنتيش نتي ريحان من ستكونين ؟؟
اهدافك في الحياة ؟؟ واش ناوية ديري بعد خمس سنين ؟؟
عندك رخصة سياقة ولا جامي خممتي ديريها ؟؟
يقول ولك خيري ثلاث اعضاء تعرضيهم الفطور شكون هوما وثلاث اعضاء من اللمة تسافري معاهم ووين بلاصة باغية تروحي

دروك سؤال موجه ليكم في زوج @Rayhan & @*amani*
تخيلو معايا نتوما وزيرتين لقطاعين مختلفين واش هوما ؟؟ وواش حابين تغيرت فالبلاد ... يرحم باباكم خطونا من النووي لا تحرقونا برك

ماتنسايش الاسئلة تاع اماني لي جاوبت عليهم نستناوك تجاوبي نتي تاني

دوك نجيكم نسلخكم

 

[إلياس]

الجزء الثاني
ماهو هدفك فى الحياة
ماهو حيوانك المفضل و لماذا
ما تمثل لك الجزائر ، فلسطين
ماهي الولاية التي تحبي زيارتها
ماهي الدولة التي تحبي زيارتها
قولي كلمة لأخوك إلياس
كلمة أخيرة لأعضاء المنتدى و إدارته
شكرا لك
إقامة طيبة

 

[*amani*]

أماني حبيبة روحي

اهلين عزيزتي ​

كم عمرك​

22 وشوي صرف ​

هل أنت محجبة

نعم ​

إسم رمانة قلبك

والله مافهمتك ​

نصيحة تقدمينها لي كشخص غريب

حافظي على صلاتك ماتسمعيش للناس ديري لي في بالك تعيشي مهنية ​

كلمة لكل شاب يريد أن يتزوج ( حذريه أو إنصحيه هههه باصيتك )

الله يسهلك ان شاء الله وخمم مليح قبل ما تدخل في خطوة مهمة كيما هذي​

ماهي أحب لغة إلى قلبك عدا العربية

التركية ياحبيبي ​

قوليلنا كلمة بالتركية عدا " سيفيورم هادي لي هابلين عليها "

كُوزُومْ ...يٓاوْرومْ ..بِيتٓانِيم..جٓنامْ بِينِيمْ
أيا صفقولي ​

كتاب جعل روحك تضج

أربعون ل أحمد الشقيري فعلا كتاب في القمة​

موقف علمك درسا لا ينسى

منقدرش نحكيه بصح هذا الموقف علمني درس صح جامي ننساه جاااامي ​

وصفة سحرية وعدتي نفسك أنك ما تمديهاش ..مديهالي

والله ماعندي ​

أمنية

نزور بيت الله ​

دعوة ندعوهالك

لي تجي في قلبكم دعوها ولكم بالمثل ​

رأيك بي كشخص غريب ( كيف بدوت لك للوهلة الأولى )

انسانة طيبة ورزينة ماشاء الله ​

 

[همس الوُرود]

عندي بزاف ماشفتش ناس فنفس الموضوع معايا سوفونير​

 

[صاحبة الأثر]

اهلين عزيزتي

22 وشوي صرف

نعم

والله مافهمتك

حافظي على صلاتك ماتسمعيش للناس ديري لي في بالك تعيشي مهنية

الله يسهلك ان شاء الله وخمم مليح قبل ما تدخل في خطوة مهمة كيما هذي

التركية ياحبيبي

كُوزُومْ ...يٓاوْرومْ ..بِيتٓانِيم..جٓنامْ بِينِيمْ
أيا صفقولي

أربعون ل أحمد الشقيري فعلا كتاب في القمة

منقدرش نحكيه بصح هذا الموقف علمني درس صح جامي ننساه جاااامي

والله ماعندي

نزور بيت الله

لي تجي في قلبكم دعوها ولكم بالمثل

انسانة طيبة ورزينة ماشاء الله ​

رمانة قلبك معناها رفيقة روحك
رزقك الله من واسع فضله وأكرمك ورزقك سعادة الدارين .
أسأل الله أن يوفقك إلى ما يحبه ويرضاه .

 

[*amani*]

بسم الله الرحمن الرحيم
السلام عليكم ورحمة الله وبركاته

وعليكم السلام ورحمة الله​

الأسئلة
عرفي نفسك في سطر

أماني ناس ملاح وعاقلة نحب البساطة في كل شيء​

ما يمثل القرآن الكريم في حياتك

شيء عظيم للغاية به تستقيم حياتنا فيه شفاء لصدورنا​

ما تمثل السنة النبوية في حياتك

تشرح لنا القرآن الكريم وتؤكد ماورد فيه والنبي عليه الصلاة والسلام دعانا الى وجوب التمسك بالسنة​

ما عنوان كتاب حياتك

~ لكي لا ننسى ~​

من مثلك الأعلى بعد النبي صلى الله عليه و زوجاته

ابي ​

من القارئ الكريم التي تسمعينه من القرآن الكريم

هزاع البلوشي
العفاسي
حمزة بوديب​

كيف كانت ايامك ايام الحجر الصحي

عادية نفس الروتين مادرت والو هههه​

ماهو الشيء الذي تحبي تغيره في المنتدى

حاليا مكاش كل شيء عال العال​

من ترشحين للفوز في المسابقة الثقافية هذا العام ان شاء الله

اممم نرشح جليلو​

من ترشحين للفوز في المسابقة الدينية هذا العام ان شاء الله

ماعرف ​

صفي لنا المنتدى في كلمة

رُقي​

من هو أول شخص تعرفت عليه في المنتدى

جيهان جوجو ​

ماهي احلى ذكرى عندك

نهار ديت الباك ​

ماهي اسوء ذكرى عندك

موت جدتي ​

ماهي لونك المفضل

البني ودرجاته كلها​

ماهي اكلتك المفضلة

لوبيا ​

ماهو أخرى كتاب قمت بمطالعته اذا كنت هو المطالعة

كتاب أربعون​

عضو يستحق يكون استاذ المنتدى

فريد ابو فيصل ​

عضو مرح

جليلو ​

عضو متألق

قولدن ​

عضو نشيط

إلياس ​

عضو يستحق أن يكون طبيب المنتدى

الامين ​

عضو يستحق أن يكون مهندس المنتدى

سمية ​

عضو شيخ المنتدى

السلطانة ​

لي عودة إن شاء الله

مرحبا​

 

[*amani*]

السؤال موجه المشرفتين الفاضلتين ..
مالذي تتوقعان لمنتدى اللمه هل ترينا انه سيتمر رغم وجود وسائل التواصل الاخرى بإعتبار ان هناك نوعية من الناس يجدوا انفسهم بالمنتديات ولا يحبو الفيس او تويتر وغيرهما ؟

انا نشوف انو يستمر ان شاء الله اللمة تبارك الله ليس ككل المنتديات ​

هل انتما راضيتين عن مستوى اللمه وهل ما يقدمه الاعضاء يفي بالغرض ؟

بالنسبة لي انا راضية وكل واحد راهو يمد الشي لي يقدر عليه مشكورين كلهم ​

ماهي صعوبات الاشراف التي تواجهكما ؟

عن نفسي لحد الان لم تواجهني اي صعوبة​

ماهي النصيحه التي تنصحان بها شباب وشابات العرب المغتربين وهل تؤيدوهما بالاغتراب ؟

انو تكون مغترب دايما يعني ماتزور بلادك ولا اهلك نعارض هذي الفكرة
الغربة فيها ايجابيات وسلبيات على العموم يلزم التفكير السليم قبل الغوص في هذه الرحلة​

شكرا جزيلا ..

العفو نورت​

 

[*amani*]

مسا الخيرات يا مجرمين

أهلا مساء الأنوار​

الاسئلة لكليكما اختايا
متى تحزنين

كي نتفكر واحد الامورات​

متى حزنت

العام لي فات حزن شديد ​

متى تسعدين

كي نكون مجتمعة مع ناس نحبهم​

متى كانت قمة سعادتك

في عرس الصيف لي فات هههه​

عند الوقوع في مشكلة الى اين تفرين

نقعد مع روحي برك ونخمم​

هل انت كتومة ام سرك ما يبات في بيتك

كتومة جدا​

هل انت محظوظة

مرات يجيني الحظ ومرات الله ينوب​

ما تعني لك الصداقة

شيء جميل يمكنك الشعور به​

هل الواقع افضل من المواقع ان العكس

المواقع احسن ​

هل اللمة كانت امر ايجابي مؤثر على اخلاقك و طبيعتك و حياتك

طبعا ​

هل هناك عضو تودين نصحه

هل هناك غضو تريدين شكره
هل هناك شخص تريدين ان تهمسي له بكلمة

نشكركم كامل ولكم معزة في قلبي كامل مكاش كيفكم والله ​

حكيلنا على اهدافك

ني قلتلكم هدفي حاليا نكمل قرايتي مكاش اهداف اخرى هاذ الساعة الصراحة​

هل الزواج قريب ام بعيد

اذا قصدك يعني قريب نتزوج لا مزال 10سنين لقدام
واذا قصدك الزواج للقريب او البعيد على البلاصة ..نحب نبعد
واذا قصدك الزواج بشخص من الاقارب ولا بعيد ...البعيد
فككت السؤال ​

ماهي مواصفات فارس الاحلام هههههه

يكون طويل على خاطر أنا طويلة شوي ، يكون صالح يخاف ربي اك تعرف ​

هل تقبلين بزوج يمنعك عن اللمة

والله غير يرجع منين جا ​

ياااسر عليكم و منبعد نرجع ليكم

​

 

[*amani*]

ريحان هاني جيتك
ايا عطينا لمحة خفيفة عليك شكون نتي انا نعرفك خليهم هوما يتعرفو عليك واش قريتي تخصص واش راكي ديري دروك ؟؟ ترتيبك في العائلة ؟؟
عندك خاوتك شاشرة ؟؟ تتفاهمو بيناتكم يعني كومبليس ولا بيناتكم ديك الرهبة قولي برك ماتحشميش
ايهيييه شاراح ديريلنا قاطو هاد العام ني شفت الطورنو خرج يهبل يعطيك الصحة حقي ياااو ماتنسايش ؟؟
لو كان ماكنتيش نتي ريحان من ستكونين ؟؟
اهدافك في الحياة ؟؟ واش ناوية ديري بعد خمس سنين ؟؟
عندك رخصة سياقة ولا جامي خممتي ديريها ؟؟
يقول ولك خيري ثلاث اعضاء تعرضيهم الفطور شكون هوما وثلاث اعضاء من اللمة تسافري معاهم ووين بلاصة باغية تروحي

دروك سؤال موجه ليكم في زوج @Rayhan & @*amani*
تخيلو معايا نتوما وزيرتين لقطاعين مختلفين واش هوما ؟؟ وواش حابين تغيرت فالبلاد ... يرحم باباكم خطونا من النووي لا تحرقونا برك

منين جبت هذا السؤال حمبوك أيا تخيلو انا وزيرة ههههه
انا نخير قطاع التعليم
ونبدل طريقة التعليم ڨاع نحذف مواد ونزيد مواد أيا صايي اني بديت نخلط ​

ماتنسايش الاسئلة تاع اماني لي جاوبت عليهم نستناوك تجاوبي نتي تاني

الله يرحمك ااريحان ​

دوك نجيكم نسلخكم

بوه بوه عندنا جزار هنا وحنا لاخبر ​