أنا مع هذا الرأي أختي مريم
المرأة التي تزوجت برجل فاشل.... ليس هي من تحدد ان كان فاشل - ( بل القاضي هو من يحدد فشل هذا الأخير من عدمه) .. واذا اعطاها القاضي الحق المبني على الضرر المبين - الناتج عن هذا الزوج. والذي يثبت فشله . في هاته الحالة من حقها تحصل على طلاق وتاخذ المنحة . )
راني مشغول مع جماعة البكالوريا غدوا ان شاء الله نرجع الموضوع هذا ان شاء الله .
اخي قولدن لكل قانون وضعي او قرار وضعي او تشريع وضعي نقائص و ثغرات
روح معليش سلكتلها ههههههه .. راك معفي يا خويا . رد بالك تعود مت ترجعش للموضوع برك
راني مالقبيل نقرا فالمرأة المرأة المرأة
اواه الخلل في الدولة ،ضرك ماشي انت رب أسرة تحطلهم مودام و من بعد تقول وليدي ضاع ،لازم مراقبة ،خاصة وانو المحاكم راهي تغلي من قرارات الطلاق ،علابالي ماهيش دراهم هذي مي راهي حافز المنحة هذي وكاين ناس تعيشهم نورمال سيرتو اذا كانت مطلقة بدون اولاد ،والمشكلة الكبيرة لي ذكرتها أنو راهو يروح المليح في جرة القبيح كاين عفيفاات يستاهلوا هذي المنحة لكن ضعيفات الايمان راهو بزاف .
أصبت بارك الله فيك اخي
اخت خديجة كي تهدري على الماكيياج حسيتك ماكيش تهدري على جزائريات ههههه ،ياودي للمخيرة فيهم راهي تشري ماكياج ب ميتين الف يحكملها 3 اشهر ما نعرف زقايق اللي راهم يخرجو منين كون راهم يديرو في ماكياج رحمة ربي
هته المقارنة باطلة اخ حكييم
شوف يا خويا
اخي فولدنشوف يا خويا
نبدالك من حيث انتهيت أنت ( النسبة المئوية هي كل شئ) .. "ماتخافش مولاف نحسب بالكالكولاتريس مليح ههههههه "
لانو حتى التوازن ألي موجود فهذه الدنيا = مبني على النسبية (البارح كان الخير هو الغالب .. واليوم الشر هو الغالب... وغدوة يعود الخير ليغلب مرة اخرى (ولن يخلف الله وعده") قبل ما ينتهي فيلم هاته الدنيا !
لذالك ما تقوليش على جال 1 او 10 او حتى 30بالمئة ملاح..... ندير حاجة لـ 70بالمئة ألي موش ملاح ..= هنا عين الخطأ . (يعني تهمنا النسبة الكبيرة) .
قولي يرحم باباك .. الطفلة هادي = ألي في دار بوها -حتى نهار تتزوج ..هو ألي متكفل بيها "بالقليل أو الكثير كل وحدة واش كتبلها ربي" ... تجي أنت تديرلها شهرية وهي قاعدة... =هل تعتقد أن هذا لا يساهم بطريقة أو أخرى ____في تفكيرها ف التخلي عن الزواج اطلاقا. (لا تستغرب هناك بعض النسوة من هذا النوع) ..ثم هناك الفاسقات "يعني ألي فطرتها فاسدة وراك عارف القصد. "يعني تزيد تساعدها على فسقها وتنسيها ف الزواج هي الاخرى .
نزيدك معلومة ... آخر الدراسات.. تقول .. أن نسبة العنوووسة الأكبر ..متواجدة بين النساء العاملات !! ؟ (في رايك علاش؟) "لأنو ببساطة هناك من هي عاملة فتعتقد جهلاً من نفسها.. أنها ليست في حاجة للرجل (وتلتها تتمهبـــل تشري فيهم بيطون وحديد..الخ "شغل رايحة ترجع راجل") .. وعندما تلقى روحها في 35 او 40 عام تصيب روحة عالة على نفسها وعلى المجتمع ______بـ الأفعال الرااااااااادمة اتاعها !! (والحديث قياس) .
باختصار:
العصمة بيد الرجل فـ الطلاق أو ف القوااااامة (كما جاء في الدين الحنيف) واي اجتهاد من اي جهة في هذا الامر . رايح يخرب الحالة موش يعدلها . انتهى
ثم
المرأة قبل الزواج عندها أبوها أو أخوها أو من يعيلها وبعد الزواج عندها زوجها. (والاهم أن الامر لا يتعلق فقط الاعالة والامور المادية ..بل الاهم يسترها ويحفظها ويحميها ف الحلال "سواء من ناحية الحالة العاطفية والغريزية او من النواحي الاخرى .
اللهم بعــــــــــض النساء ألي يعملو في بعض المجالات الحساسة التي تتطلب النساء . والتي لا يكون همهم مادي قبل ان يكون القصد به خدمة الدين ونيل الاجر عند رب العالمين.
ما عدا هذا النوع .
ارى انو المنحة .. / الاجدر أن ترفع الى 30000دج ثلاثة ملايين سنتيم كحد ادنى . وان تعطى للرجال فقط . (مع النساء المطلقات من قبل ازواجهن تعسفيــــــــــــا بالإثبات) وذالك من اجل حمايتهن.
ما عدا ذالك ارى ان ضرره اكبر من نفعه .
ولا واش قلت السي هكان ههههه @Hakan
@جليلوس ارواح اعطينا رايك
@عبدالرؤوف1 مام مازلك صغير بصح ماليش اعطينا رايك
ذالك الامر ربما عندكم في تونس "لم اطلع على قوانينكم في هاته النقطة"
هذا لا يعني أن غياب الأب هو كمال للمرأة فالمرأة تستحق الرجل بجانبها خصوصاً لو كان الأبناء متمردون ففعلاً الأطفال سوف تكون في نصف الحالات التربية غير سوية للأسف.
خويا حنا هنا رانا نهدرو على المرأة والرجل (وليس على المواطن) المواطن مصطلح يحمله الجنسين .
ولذالك يتعين على المرأة العاقلة السوية ..المسلمة المؤمنة التقية النقية.. أن تحافظ على أسرتها بكل الوسائل وليس العكس .
