(واين كان مخي وقتها)ونسمع فلطفي دوبل كانو ونسلف السيديات من عند صحاباتي 
نشفى ل rahefياحسرااااه
كنت نقرا فالليسي ومضروبة على حاجة اسمها وادي الذئاب
قريب سكن معانا فالدار.
كانت همومي صغييرة تمشي فيسع
واموري تتحل فيسع
نضحك حتى نشبع ونحس بالضحكة من قلبي
ونطيب ومرات نضرب النح (مزال للدك)
ونجي للدار نلعب واحد العاب غربية عجيبة فالميكرو الثقيل هذاك منهم العاب تلبيس بنات
وندخل اونكاررتا نثقف خخخخ
ومسجلة فالجلفة و الشروق نطلع سوجيات
ياريت يارييييت يولي زمان... انا دبرو ريسانكم مزالني نحلم بكبسولة زمن تاع نادين
مراد علمدار ذاك الوقت
احلى فترات العمر الطفولة2009نتذكر منه لقطات خفيفة
كنت صغيرة ومنشفاش
بصح مليح لكان نولي صغيرة على الاقل نرتاح نفسيا ويكون همي بوبية ولعبة
اللطف ياربي
اللهم امين يارب العالمين اجمعين
Criminal caseنشفى ل rahef
وهاديك اللعبة لي بعثتيهالي تاع السلاح وليت مدمنة عليها
كان عمري وقتها "14 سنة" تعرفي كنت أعيش قصة "تنمر و صبر" من البيت إلى المدرسة إلى المجتمع تصدقي كون نقولك كان أكثر شيء أجد فيه صعوبة أنني كنت سمراء البشرة حتى راني حايرة في روحي كيفاش بشرتي ولات خمرية دوكا احكي كن داخل تقول بيضاء 
كنت فالصغر سمراء وذات عينين سوداوتان ومشفرتان وكان ما يقال أنه ضحك الناس والأطفال على بشرتي تقول شافوني سوداء سبحان الله وانا سمراء مش كحلة ..المهم حتى لو احكي قصة والدتي حين ولدت ماتقدرش تقول هذا التنمر تاع ناس جا باطل ولدت فتركتني يد والدتي ولم تحملني ماحبتنيش كي سمراء ايا خرجت للدنيا تقول غير انا سمرا ايا زاد كنت مجتهدة بدراستي ومعروفة بصوت جميل أقرأ به جيدا لكن الغيرة ولا الناس تحب تفسد حاجة خلاف معلابليش المهم كنت نقرى مليح ايا والنظر تاعي كان ضعيف وللاسف لقيت ناس تضحك عليا وانا قلتلكم من النوع اللي يخليها فقلبو ايا كنت نلعبها نشوف وانا والله مانشوف السبورة سيرتو كي ولاو يكتبو بماركور احوجي صاي نلعبها نشوف وانا مانشوفش والو يصح الغاشي فاقلي تعرفو الحركات تاع الناس كي يحبو يتمنروعلى انسان يديرو كلش وطبعا مع الفقر أو بزاف صوالح مشاكل فالدار مشاجرات وعياط اووو ولكن المعروف أنه كانت فاطم تضحك ديما حتى كان الجميع يسقسي كيفاش تقدر تضحك كيفااش وتعرضت للعنصرية من قبل أساتذة لكن برهنت لهم بتفوقي بالرياضيات والفيزياء اللي كانو قليل اللي يفهمها وكنت غير اللغة الانجليزية فاشلة فيها حتى يجي أستاذ يقولي رياضيات تفهمها وتاعي لا لا نقولو انا واش بيك أستاذ حسبتني اوروبية نفهم لغة الناس وعانيت أيضا من لهجة تاعي لأنه حنا في جيجل عندنا بلايص يحطو شغل دزيرية وانا كنت تاع لافيل هبلوني يظلو مركزين فاللهجة تاعي لازم نهدر كيفهم ولا ماتعجبهمش وطبعا عانيت مع الجانب المادي كانو ناس يضحكو عليا باللباس اووو وايضا لأنه مناسبات نروحو لافامي يضحكو تعرف ايا انا كنت مانروحش للمناسبات والو نريح فالدار بزاااف امور لأنه كنت اكره بلاصة اللي راني عايشة فيها ومازلت بحكم كنا كاريين لديار ناس غيرنا الاماكن بزاف ما بقاوليش أصدقاء ولا ذكريات كنت كل ما نلقى صديقة وناس وجيران نرحلو من بلاصة ذيك ونغيرومكان المراء إلى أن استقرينا في بيت ومكان كان ولا زال أسوأ شيء في حياتي ... لذا فأنا لا أملك ذكريات شيقة لو نحكيلك تقولي فاطمة خلاص ما تتمنايش ترجعي ل 2009 ..حتى أنني لم أكن أشاهد التلفاز تصدقيني والو لدوكا مانتفرجش يعني معنديش ذكريات واش كنت نحب ..؟ كنت نحب نكتب و نحب التعليق الصوتي ونحب كل جوانب الرياضة نحب نلعب باسكيت والهوند والسباحة ونحب الرماية اللي ماهيش متوفرة ياااريت نلقى فرصة لكن هذو كامل واش نحب تلقى اللي يمنعك عليها بحكم مش ربي ولا لا لا يخافو كلام الناس اووو منخافوش ربي هكا علمونا للاسف نخافو كلام الناس .... 
ربي يرحمو ان شاءلله
رحم الله اخوك و كل موتى المسلمين2009كنت نقرا سنة رابعة ابتدائي ههه
كنت عايشة اجمل ايام حياتي.. غير نلعب ونتفرج وناكل كنت نخرج في الڨايلة نجيب التراب وندير بيه لماعن تاع الطين كنت نبدع ههه ونصيد الفراشات
رجع عندي اخ ❤ والعام لي مات فيه أحن وأجمل وأروع جد
موش خويا جدي لي مات الله يرحمو هو وجميع الموتى
في المية هههههه محبة ايامات الخطبة نشفى اني خسرت الكثير من وزني وصلت ل55كغ لدرجة ان حماتي ام زوجي لما زارتنا في العيد ما عرفتنيش و شكت بلي بدلوني هههههه
