كل يوم نلعب مع صحابي وكان عندي هذا الجهاز الغريب 
جيل اليوم مايعرفوهش
حُب و رومنسيات
شحال المجتمع تاعنا قاسي خاصة في قضية التنمر يعقدو الاطفال وهوما عاد قالو بسم الله في حياتهمالسلام عليكم ورحمة الله وبركاته
أهلا بالماضي الذي لن يعود بأيامه لكن بذكراه ..سواء نحن من تذكرنا أم يمر علينا بمثل هذه المواضيع و اللمات فنذكر منه ما يؤلم كثيرا وما يسعدنا لابد أنه لم يكن كثيرا
شوفي واش نتذكر ومحال ننساه هو أنه عام 2009 وكل الأعوام التي سبقت و جآءت بعده كانت جد صعبة بالنسبة لي خليتها فقلبي صح وبكيتها وحدي علاه تفكري فيا علاهكان عمري وقتها "14 سنة" تعرفي كنت أعيش قصة "تنمر و صبر" من البيت إلى المدرسة إلى المجتمع تصدقي كون نقولك كان أكثر شيء أجد فيه صعوبة أنني كنت سمراء البشرة حتى راني حايرة في روحي كيفاش بشرتي ولات خمرية دوكا احكي كن داخل تقول بيضاء
شكرا لك على الموضوع ..واسمحيلي كتبت جريدة تعرفي كون نكمل مانخلصش
اهلابيك الكاتبة تاعنا ههه كنتي تكتبتي خواطر ومواضيع هايلين
2009كنت نقرا سنة رابعة ابتدائي ههه
كنت عايشة اجمل ايام حياتي.. غير نلعب ونتفرج وناكل كنت نخرج في الڨايلة نجيب التراب وندير بيه لماعن تاع الطين كنت نبدع ههه ونصيد الفراشات
رجع عندي اخ ❤ والعام لي مات فيه أحن وأجمل وأروع جد
هههه اختي خديجة وقتها بدات تحقق أحلامها وأهدافهاهههههه 2009
الست شهور الاولى تاع 2009 كنت فيها نخدم في مصنع ادوية و كانت المؤامرات تحاك ليل نهار خفت خدمت تعلمت و الاهم كبرت بشي عشر سنين في عقلي عرفت الناس الخير الشر النية الحيلة شفت كلش و من بعد
في الست شهور التانين زيدت اختي ابنتها الاولى و اول حفيدة في بيتنا نهى وفيه ايضا هههه تخطبت اكثر شيء نشفالو هو الخوف من ان اوافق على شخص و يظهر مش مليح صلاة الاستخارة الاستشارة الشروط و من بعد عقدت و كان مازال شهرين فقط على عرسي هههه الشورة اي الجهاز و التحضير تاعو القاطو مع الخدمة الغلبة تغير الاولويات في حياتي القلبفي المية هههههه محبة ايامات الخطبة نشفى اني خسرت الكثير من وزني وصلت ل55كغ لدرجة ان حماتي ام زوجي لما زارتنا في العيد ما عرفتنيش و شكت بلي بدلوني هههههه
رديتينا للبعييييد
هههه ضحكتينيمنك صح نرجعو ل 2009؟ ههههه
غير أرشيف المنتدى تاع الوقت هذاك يفضحنا ها اسكتي خلي البير بغطاه زمان المراهقة والسطحيات
أنا بصراحة خلوني في 2023 وارجعوا وحدكم
في 2009 كان عمري 25 سنة
فاتوا عليا شهور حزينة ومفرحة
بدايتها شريت كمبيوتر وربطتوا بالإنترنت وانظممت لبزاف منتديات جزائرية وعربية
و توفات أمي رحمها الله ومن الصدمة دُخت وداوني للسبيطار هذاك النهار
هذاك العام كان مسلسل وتمضي الأيام
وبلا ما ننساوا الماتش ربحتنا مصر في بلادهم 2_1 وربحناهم في أم درمان 1_0
وشريت بلاي ستايشن
في أواخر 2009 كنت مثل روميو كل يوم نتعرف على وحدة قصد الزواج
كنت في أحلى أيام العمر سنوات الزواج الأولى
لكل منصة يوم تبدأ فيه ويوم تنتهي فيه
