سنة 2009!

[حاتم خليفة]

كنت مسجل في وحد العشرة ولا كثر خرين .. منها منتديات : همس القوافي .. حنين .. خواطر ... الخ

منتدى حنين العرب ولالا

 

[النورس]

يا ليت الزمان يعود يوما الماضي دائما أجمل... 2009 كنت كما تخرجت و خدمت في سيبار كان عندي الوقت وصدفت تعرفت على اللمة... الفايسبوك كان فال داك الوقت كنا دايما مجتمعين هنا مواضيع عامة و ظحك و ساعات نقاشات جادة... تعرفنا على بزاف ناس طيبين من صاحبة الموضوع التي كانت بمثابة الاخت بلوط وعلقم هههه ونذكرو ميزو و بلال ولاجودان والقالمي البوقوص هههه كان شايع و سامية و رمال و نور وأسماء وجيمي وو كانت رفقة طيبة بحلوها و مرها قبل ان تنال منا الدنيا بمشاغلها و مشاكلها... لكن الحمد لله رغم ذلك لم ننكر الجميل و مازالت اللمة الركن الذي نستكين اليه.

 

[21 فارس 21]

منيش قادر نخمم تبانلي ايامات حلوين بصح فات وقتنا

 

[زاد الرحيل]

كل يوم يفوت احسن من القادم مهما كان مليح

 

[الريــان]

كان عمري 9 سنوات كنت سنة رابعة ابتدائي بصح مسجلة في قاع المنتديات كنت عايشة فيهم كانت ايامات حلوة وهايلة قليل لي عاشها صح صح وكنت ماشايلة هم لوالو ونخرج الاولى في المدرسة وضرك تبدلت حوايج بزاف كبرت راني 23 سنة عامي الأخير تع الجامعة ومش عارفة راسي من رجليا ضايعة بزاف الله المستعان

 

[زوجي رفيق دربي]

هههههه يا حصراه وين رجعتي بينا
2009 من أجمل الأعوام نتفكر مليح كنت طول فرحانة وسبب دبزة لي نايضة بين مصر و دزاير علجال بالون هههههه ويا سعدي ويا فرحي كي نربحوهم وندخل للمنتديات نستشفى فيهم شحال كنت متعلقة بالبالون ومانكلش قبل ماتش حتى نربحو وغير نسجلو يبدا تزغريد شغل عرس
تاني خرجات مع صحباتي ولافامي كنا منحملوش هم ذاك وقت ولا مراناش مستوعبين حياة مليح وقتها ههههه عكس ضرك
مهم من احسن الأعوام وقت مراهقة و اكتشاف الحياة وشغف باش نحققو أحلامنا
وقتها كيفك نتعلم نطيب عاد صغيرة وقريب نحرق كوزينة
2009 هو عام لي تزوجو فيه بنات عمي وبنات عمتي شبعنا اعراس ههههه
من أجمل الأعوام والله فيه لومبيونس بزاف ❤

 

[Oktavio_hinda]

ههههههه ياجدك حسيت روحي دينصور من الدينصورات المنقرضة وقتها كنت ندرس وكنت سجلت في منتدى ابن الجزائر كنت مشاغبة غير الضحك والله ايامات جميلة مي هذاك هو كل وقت ووقته ربي يجيب الايام الزينة للجميع