قاتلي نقلو بلي كنت مع واحد ؟؟؟ قلتلها ...

[الشاف رمزي]

انا من رايي ما تقولوش واللي حاب يدير علاقة جديدة لازم ينسى القديمة نهائياوالا فهي مازالت متعلقة بالقديم
هذا رايي تحياتي​

 

[ماكانش]

انا تبانلي : كنت نتمسخر بواحد
هي اللي تقسيو اكثر ، خاطر يشك بلي راهي تتمسخر بيه هو ثاني ،،
وزيد رايي ماتقولوش خلاص راهي كانت مع واحد، وش عا يصرا يعني طاحت السماء على الأرص ،، كاين بنات يديرو لبدع ومباعد يتزوجو لاباس عليهم

لالا تعرف كيفاه تقولهالو برك
تقلو كنت نتمسخر ودرك رانا كبرانا وولينا نعرفو​

 

[randa.97]

انا في رايي تقلو انا حبيت واحد في صغري ميه بيني وبين روحي وتقلو انها ماهبتوش كيما تحبو هو درك... وهكا ....................... يعني من غير ماتجرحو
​

 

[lyna]

راني كنت نتمسخر مع واحد ... يقول ادي قادرة تتمسخر و ممكن لي كانت معاه هو لي تمسخر باها
كنا نلعبو ...اه بصح وش من لعب
كنا نضيعو الوقت ... اديا ممكن
كيما العلاقات كامل ...كل واحد وكيفاه يفهما

في كل الحالات لازم الصراحة بصح كون جيت في بلاصتها نقول ليه طيش تع صغر ادي فيبالي ماتقيسش ياسر

 

[imado]

من راي متقلوش خير كيما قالو الاعضاء لخرين لي فات مات

الخبر يجيبوه التوالا .... في الزواج ماكان لامزاح ولا كذب كلشي ظاهر وباين

 

[DARINE05]

اخاه على سفيان راح تبصي الطفلة
انا نظن لي فات مات
الراجل مهما يكون ميحبش هذا الشىء

 

[ماكانش]

اخاه على سفيان راح تبصي الطفلة
انا نظن لي فات مات
الراجل مهما يكون ميحبش هذا الشىء

هههههههههههه
اهلا دارين
الله غالب الي دارتها تسلك ههههههه​

 

[ملكة الدلع]

انا في رايي اللي فات مات و ما كانش شجرة ما يهزهاش ريح سواء الطفلة و لا الطفل
ومن الحق مايحاسبوش بعضاهم على امور كانت في الماضي و فاتت و انتهت
لانو اي انسان عندو ماضي سواء علاقة باينة و لا حاجة في قلبو
مثلا واحد عندو 20سنة و جامي عجباتو وحدة ولا حب وحدة
كيف كيف عند الطفلة عندها18سنة مثلا و جامي عجبها واحد و لاخطبها وكتبش المكتوب بيناتهم
قلب الانسان ماهوش حجر

 

[tear of angel]

والله انا عندى نفس السؤال ياريت تجاوبو عليه

 

[إيمي88]

ماتقولش طبعا ،، طالما انو الحكاية في عداد مالاضي ومابقاش اثر ليها ف الوقت الحالي
خليها مستورة احسن ،،
الرجل الشرقي مهما بين انو متفتح ومتحضر ويتقبل يسمع لماضي مرتو
مستحييييييل ماتأثرش فيه الحكاية بدرجة او بأخرى​

 

[nina_el_zina]

تقولو خير من الي يسمع من الناس لخاطرش لا سمع مش راح يلومها لخاطرش حبت و لا عرفت واحد مي يلومها كي ماقالتش سيرتو ادا ساقساها و قلالت لا لا انا وحدة صرالها مام المشكل و دك خلاص كلش لخاطرش قالها كيما خبيت علي دي قادرة تخبي حوايج اكثر و هده رايى تقول خير

 

[هدى82]

في رايي مالازمش تقولو...إلا إذا سقساها إذا عمرها مشات

وإذا سقساها تقولو بلي كانت مع واحد بنية خير (زواج)

بصح ربي ما كتبش وتفارقنا وكل واحد راح لحالو

 

[الظل الطويل]

,,يا صاحبي انت علاه وليت تفتيلها الطفلة ههههههه
انت راح تعرف الحاجة لي تقيس لي راح يديها ولالا؟؟؟؟؟
من حق السيد لي راح يديها يعرف كلشي عليها
و هدي البنت مادامت راح تخبي عليه حوايج اكيد راح تزيد دير حوايج ممبعد ما تعرفو

انا بنات كيما هدو ميدخلوش راسيـــــــ,,
​

 

[زهرة القدس]

اممم: ممكن عندك الحق: خليها تنسلى لي فات وتفتح صفحة جديدة مع هذا وربي يهنيها

اما على تقلو كنا نتمسخرو وهكذا: ممكن ما يعودش يدير فيها الثقة
ولا نقلّك: قلها كوني على طبيعتك وخليه يحبك ويتزوجك كيما راكي
باه ماشي من بعد ينصدم بحقيقتها ولا ..

..........وهو يعني الواحد باه يجيب وحدة ماحبت ما مشاة هدي امبوسيبل.......​

ولاه امبوسيبل ؟؟؟؟؟؟؟:glare:

ماتحسبش البنات كامل طبع وشخصية وحدة

لالا ابدا: لكل منهن طبعها وشخصيتها وكيما نقولو
كل وحدا وعقليتها

نعطيك مثال: وان شاء الله تصدقني برك

هاني قدامك مامشيت ماحبيت من قبل:closedeyes:

المهم شكرا لك خويا على اللجوء لخوانك هنا لطلب النصيحة
هذا ان دل على شيء انما يدل على حبك لهم وثقتك بهم

 

[khadidja17]

راني كنت نتمسخر مع واحد ...

كنا نلعبو ...
كنا نضيعو الوقت ...
كيما العلاقات كامل ...
هادو تبالي مايقيسوش الراجل بزااااااااااف

اللي تقول الواحد هذه الهدرة تبالي خلاطة و جامي تدي واحد مليح و جاد الا اذا سحراته و يا لطيف من بعضهم
والا اذا كان خلاط كثر منها
​

 

[khadidja17]

ولاه امبوسيبل ؟؟؟؟؟؟؟:glare:

ماتحسبش البنات كامل طبع وشخصية وحدة

لالا ابدا: لكل منهن طبعها وشخصيتها وكيما نقولو
كل وحدا وعقليتها

نعطيك مثال: وان شاء الله تصدقني برك

هاني قدامك مامشيت ماحبيت من قبل:closedeyes:

المهم شكرا لك خويا على اللجوء لخوانك هنا لطلب النصيحة
هذا ان دل على شيء انما يدل على حبك لهم وثقتك بهم
[/QUOTE]
انا ثاني كيفك ما حبيت ما خرجت مع شير وكي يسقسوني صحاباتي يحسبوني ما نبغيش نخبرهم عندي قرايتي هي كلش و العام 2011 عندي الباك و مفرغة راسي غي لمصلحتي الشاشرة ما فيهم فايدة و الحب ماكانش منه اللي كاتبلوا ربي مكتوب يديه

 

[زهرة القدس]

انا ثاني كيفك ما حبيت ما خرجت مع شير وكي يسقسوني صحاباتي يحسبوني ما نبغيش نخبرهم عندي قرايتي هي كلش و العام 2011 عندي الباك و مفرغة راسي غي لمصلحتي الشاشرة ما فيهم فايدة و الحب ماكانش منه اللي كاتبلوا ربي مكتوب يديه

نستعرف بيك: اوف :heh: هنيتيني الحمد لله لي مازالت الدنيا بخير

هذي هي الهدرة بارك الله فيك

 

[ismail]

لحقنا لوقت صعيب بزاف!
وين راها؟
شكر لك.

 

[ماكانش]

الحمد لله مازال الخير
ربي يحفظكم​

 

[رجاء*ريمة]

صباح الخير
شوف من صحاباتي 90/100 قالولي ماتحكيش كيما راك تقول 10 /100 قالولي احكي:lolo: تبعتهم و حكيت لخطيبي حكيتلو على الماضي تاعي كل
و رانا عالكيف
بالعكس عادت عندو فيا ثقة اكبر:lolo:
هاكا خير يسمع من عندي خير من يسمع من عند واحد اخر و مليحة الصراحة خويا