اليومين هذو نشريه ...

[ماكانش]

وعليكم السلاام​

كي العادة سفيان ومواضيعو المميزة​

بصراحة يا خويا الفرونسي نتكلمها بطلاقة عندي لي بروبلام في الكتابة...النطق جيد الكتابة برك والتريف هادا واش بقالي خخخ ديفوا في الدار نحكي بيها مع ماما برك بابا كي نهدر معاه بالفرونسي يقولي مشي خطيني نتي تاني وليتي تعرفي الفرونسي هههه هنا انا يحبسني ماشي يقول يا سعدي هه....الحمد لله راني نعرف الانجليزية بامتياز والتركية تعلمتها يامات نديسكوتي يعني نسلك راصي هههه...ياو مارانيش نزوخ عليك راني نقولك برك ههه
المهم كيما قلت الجو العائلي يلعب دور كبير في تربية الانسان لو الوالدين يتكلمو مع ولادهم مرة على مرة بالفرونسي او بلغة اخرى يتعلمو غير بالعقل + التحضير قبل سن الدخول الى المدرسة يخلي الطفل يتعلم بسرعة وسهولة
ويا ريت دوك كل واحد يدير مع ولادو هكدا ونصيرو شعب متحضر شوية​

وكيما قال محمد البارصا لي مايتقنش 3 لغات على الاقل يعني راه متاخر​

يعطيك الصحة على الموضوع المميز + الفرونسي دوك ماراهيش تgزيزتي راهي الاسبانية و الانجليزية عالميا​

تحياتي خويا سفيان وصح رمضانك​

أهلا بيك سندرين
صحا رمضانك
كيما قلتي لفرونسي ذرك راحت ومابقاش ألي مايعرفهاش تبالي غير انا وزوج من ورقلة هههههههه
الأنجليزية هيا الرسمي
مانعرف لازم نتعلمو شوي ولازم نجيب وحدة قاويا فرونسي وتركي باش نتهنى من تعلام ولادي هههههه
ربي يحفظك سندرين
​

 

[غادة اليم]

للرصيد اللغوي عليك وعلى المطالعة ابدا بكتب ذات لغة بسيطة وروح تتعلم بزااف كلمات جدد مع الوقت توالفهم وتولي تجيك ساهلة تهدر بلاما تفيق ^^ كاين تاني برامج بالفرنسية الاخبار مثلا وشيء من هذا القبيل باش تضبط النطق فقبل كل الشيء يقال ان اللغات ملكة سمعية واهك شيء ماتترتكبش خطأ تعلم لغة بلاما تتعلم كتابتها بدون أخطاء !!
بالتوفيق
​

 

[مابقاش بزاف.Dz]

ماشي حاجا grave بزاف تقدر تتعلمها راهم طاعنين فالسن و مازلهم يتعلموا فاللغات
و تاني كيما تتعمل كلمة عاودها بزاف باه تدخل لدماغك سينو ماكانش يا ماكانش ههههه
ربي يسهلك و بالتوفيق في مشوارك التعليمي مع اللغة الفرنسية ههههههه

 

[مرام التيبازية]

موضوع شباب
خويا سفيان شوية شوية وسلك خير من مكاش
انا راني نسلك شوي شوي خير من مكاش
سلام

 

[ماكانش]

ههههههههههههههههههههههههههههههههههههههههههههههههههههه

والله من نهار دخلت للمنتدى عمري ما ضحكت على موضوع كيف هدا
احنا في الليسي والله تقرينا وحدة ميقرية حرف عربي ماتنطقوش ياو كي تعود تهدر معانا تلقانا كاااااامل
صم بكم عمي لا يعقلون هههههههههههه
انا عندي وحدة صحبتي عنابية لقيتها مرة قتلها واش نجحتي ولالا قاتلي اني رحت درت ( وحد الكلمة فرنسي ) قتلها اه مليحة زعمى سكتت عليا ههههههههه بالاك كاشما قاتلي وانا العبد الفقير لله ههههههههه
شوف خويا انا نقلك انو البيئة الي تعيش فيها هي العامل الاول في هذا ومن ثمة الاسرة تاعك
وممبعد الموهبة ياك والله تلقى ناس عندهم موهبة بعد في اللغات تقول مين يجيبوها
احنا عدنا حلت ايكول جديدة تقري فرنسي للمبتدئين وباش تدخل ديرلك تاست تشوف المستوى تاعك انا لقاتني 3 \ 12
بصح اني في تطور مستمر هههه كي نتعلم نجي نعلمك
ايا في امان الله خويا ماكانش +++++ تقييم تساهل نحيتلي على بالي شويا ​

هههههههههههههه
أهلا بك هدى
ربي دومها ضحكة ههههههههه
شفتي كيفاش والله صم بكم ههه
أنا علابالك نجي للمدرسة هذي يديرولي التاست يلقاوني -5/20 هههه
والله يا هدى عندي خويا كان حابس صح صح في لفرونسي، والله نفح فيها وبالإرادة والله عام ولا عام ونص ذرك ربي بارك يفهمها مليييييييييح ...
راكي تعاونيني معاك، راني حافظ غير الأفابي ههههه​

والله ما يخلعك لي يهدر بلفرونسي

اصلا راهي رايحة تنقرض
مانيش عارفة علاش بلادنا ما زال شادة فيها

ايا صح سحوركم ​

أهلا بيك ياقوتة
والله مانخلع لأنو ماكانش ألي مايعرفهاش ...​

الا نسان وليد بيئته
يعني المحيط تاعو اللي هوما الوالدين
هادا رايي هي صح كاينين شواد بصح لايقاس عليهم

أهلا هيبة
يعطيك الصحة كيما لقبايل مايقراوش خلاص وتلقايهم يعرفو لفرونسي لأنو البيئة تاعهم تستعملها بزاف
وكاين ألي تعلموها من لقرايا ولكن الأصل الوالدين
ربي يحفظك​

 

[fifi-la-brunette]

أهلا بيك فيفي
يعطيك الصحة وربي بارك عليك
كيما قلتي مهما الواحد يعرف ولكن لازم يهدرها ويستعملها بزاف باش يتقنها ويتعلمها
انا ساعات نقول راني روطار فيها بصح ماعليهش
يعطيك الصحة ...​

وفيك بركة خويا مليح الواحد يسعى باش يتعلم بزاف لغات خاطر كيما يقول لمثل "من عرف لغة قوم امن شرهم"
وكيما قتلك رانا هنا كشما خصك نعاونوك وبلاش ههههههههههههه

 

[MiSs Sisi StyLe]

الفرونسي ولات حاجة لازمة في بلادنا و الي متعلمهاش كلاه بوبي و اذا متعلمتهاش في الدار حاجة باينة تتعلمها في l'ècole و انت ما لازمش تحشم بروحك الانسان يتعلم مع الوقت انا الشهر الي فات و الي عقبتو في alger تلاقيت بزاف ناس ماشي فور في الفرونسي يعني انا نحكيها خير منو ب 100000 مرة و كاين ناس فايتين 30 ans مسجلين في les école privè يقراو الفرونسي من a ..b..c يعني من لول
و هاديك العاصمين نورمالمون متدهشكش تلقاها تعلمة 2 كلمات باتت في الليل تحفظ فيهم و جاية تفوج بيهم عليك pffffffff

 

[ماكانش]

لي عودة للرد عليكم كامل
صحا فطوركم

 

[M!ss_f@ti]

يعطيكـ الصحة على الموضوع الشائكـ ههههه

المشكلة تاع الفرونسي جات من الوالدين خاطر كيما قلت مايهدوهاش معانا وعليها ماتعلمناهاش بالخف

بالصح الواحد كي يخرج ويقرا ويخالط الناس يمنريزي لالونغ يولي عادي فيها

رانا كامل كيف كيف والكتاب لي راكـ تحوس عليهـ راهـ مهمل في البيرو مانقراو ماوالو

ربي يجيب الخير ان شاء الله

تحيلاتي ||~~~

 

[Houda Chaouienne DZ]

كاينة الاسباب في 2
بصح كي يكون الطفل يحب يقراها يقراها نورمال
انا فالدار مانهدروهاش مي بابا كان يجيبلي لي سيدي و لي قيد
من لي كنت صغيرة و انا كانت عندي ارادة كبيرة
كنت نقراها بالسيديات و لي قيد
و بديت مع المدرسة يا بعد فور
و الحمد لله مانعانيش فالفرونسي و مانقلكش فور فور
مي خاوتي ذركا ماكان ماكان
مالقري عندهم كلش مي ناقصين فيها
يعني كلشي ع الارادة تاع الطفل و العناية تاع الوالدين
يعني قادر يكونو والديا اعتناو بيا انا بزاف كي الكبيرة و هملو لخرين ولا مانعرف
انا المشكل تاع الفرونسي عييت نفهمو
تلقا ناس لاباس بيهم و عندهم الامكانات و مايعرفوهاش
و كاين لي العكس

و البيئة بيان سير تلعب دور لازم الولاد يبراتيكيوها فالدار باش يهزوها بيان كوم ايل فو
و هاذ للغات كامل كيما الشاوية بار ايقزومبل كي ماولاش يبراتيكيوها الناس بزاف فالدار ماولاش لولاد الصغار يعرفوها

البروبلام تاع لا لونق واعر بزاف باش تشخصو
مي البيئة أكيد تلعب دور كبيييييير

اسمحلي خويا طولت عليك
مارسي عليك بزاااااااااف ع الموضوع
​

 

[ماكانش]

و عليكم و السلام يا مصيبة قتلتنيييييييييييييييييييييييييييييييييييي بالضحك

ههههههههههههههههههههههههههههههههههه وش داك للي خاطيك
اولا اللي مايعرفش الفرونسي مش عيب
لانها ماهيش لغتنا الام
وحنا نجريو بش نتعلمو لغتهم
وهوما علاه مايتعلموش عربيتنا ؟؟
ماعلينا انا الشيخ اللي خيرلي الفرونسي
كون مش هو مانديرهاش خلاص
هههههههههههههههه تعلمتها شوي من صغري خاطر عندنا بزاف الزماقرة
+ كنت نقرا الكتابات بالفرونسي
+ مالغري راهي اختصاصي الى اني نغلط فيها احيانا
وهادا بلا حرج
راني نتعلم بالشوي
هادي مش لغتي الام​

صحيييييييييييت ا سفيان ضحكتني ليل ليل ههههههههههههههههه

أهلا بيك رمرومة
هههههههههه
ربي دومها ضحكة
م الزماقرة شوفي كاشما تلصقينا معاهم نتعلمو فرونسي ونزوجو اي باينة ههههههه
والله الواحد حاب يتعلم لفرونسي باش يفهم ويفهم برك، اما يتعلمها باش يحكي بيها ويلعبها لالا وربي عافينا
وحتى يلعبها راحت وولات قديمة لنو الناس فاتو لفرونسي ...
يعطيك الصحة رمرومة ...​

يعطيك الصحة على الموضوع​

​

​

مام انا لازمني واحد خويا سفيان
ولازمني واحد لتعلم الشاوية
انا عيا فيا بابا كي اديت لباك قالي ديري فرونسي
خشنت راسي وقتلو ابدا
قتلو نقراها بريvي خير
شوف خويا هي مليح لواحد يعرفها
ياك يقول من عرف لغة قوم امن شرهم
بصح ماشي نحكي بيها في حياتي اليومية
ما تصلحش رانا عرب وقبل هاد الشي مسلمين
مرسي وصح سحورك​

أهلا بيك سالي
مالا غير نشاركو في واحد بيناتنا هههههههه
لازم نقراوها ونتعلموها سالي، لنو مجتمعنا يستعملها بزاف
الدوا لوراقي كلش ...
اطفرت فيك مادرتيش فرونسي هههههه
لوكان درتي فرونسي راح تتمرمدي مع اللول بصح تلقايها لازم عليك تجتاهدي وراح تتعبي وتتعلميها مليح ...
ايا ربي يحفظك وصحا صحورك ...

هههههههههههههههههههههههههههه قتلتني بالضحك...​

و الله وحدكك....​

انا و الفرونسي عادي...مي انا نفضل لونجلي عليها...​

على بيهاراحتلي شوية و راني نسترجع فالمهارات السابقة​

مبعد نعتلك الطريقة و لا يهمك ههههههههههه​

هههههه
اهلا بيك عدرا
غير نعتيلي السيستام ونختصر الحالة عليا ههههه
لفرونسي راهي تقزيزتي في الجزاير برك، يخرج واحد من الجزاير يطيش لفرونسي والعربية ويرفد الكابة تاع لونجلي ههههههه
اذا تصلح نتعلم لونجلي ديراكت علميني معاك ونرفهك ماتخمميش هههههه
ربي يحفظك عدرا
​

 

[ماكانش]

عندك الحق العائلة تلعب دور كبير فالدار بابا يهدر شوي فرو نسي تعلمت منو يعني كون مجاش هو مشجعني باه نقرا كتب تاع فرونسي و نتعلم كون هاذي اللغة ماني فاهمة فيها والو ذرك ونت زير السنتورة واتعلم كاش متحكم وحدة ميقرية تتفاهم معاها ههههه

ههههههه
أهلا سيسيو
ربي يحفظلك باباك
انا قتلك بابا يقول الورديناص هه حتى هوا ماشي متعلم
وحنا زدنا فرطنا فيها وماقريناهاش
هذي دزيرية غيبتهالي فما بالك نطيح فميgغية ههههه نلعبهالها عgون وخلاص هههههه​

اهلا خويا سفيان

واش راك​

صحا رمضانك​

نجيو لموضوعك​

الصراحة تعلم الفرنسية يبدا في الصغر
وانا معاك انو الوالدين عندهم دور في تعليم ابنائهم الفرنسية ، بصح حتى المجتمع ثاني​

نعطيك مثلا انا​

تعلمت شوي فرنسية من الوالد ، ديما ملي كنت صغيرة كان يعلمني كلمات ، ساعات جمل وعبارات
بصح بكون المجتمع اللي نعيش فيه ما يهدرش خلاص الفرنسية بقيت ناقصة فيها ، نسلك راسي مليح بصح مانيش فور فيها
الى غاية لما دخلت الجامعة وراني نقرا ادب فرنسي وليت مليحة الحمد لله​

بصح بيناتنا حتى اللي يلعبوها يهدرو فرونسي طول ماش ملاح ومعقدين ، شغل حنا ماعندناش لغة بش نهدرو بالفرنسية ، صح ثقافة مليحة ، بصح مش نستبدلوها بثقافتنا​

يعطيك الصحة خويا على الموضوع الهايل والمفيد​

وراني في الخدمة​

صح فطورك​

صح سحورك

أهلا بيك يا المتفائلة
رمضان مبارك وصيام مقبول
كيما قلتي الوالدين عندهم دور كبير
وباش يتعلمها الواحد لازلملو يستعملها ويحكي بيها في الدار ولبرا
ماشي باش يفوخ باش يتعلم ويتسرح لسانو
وأكيد الواحد حاب يتعلمها باش يسلك راسو ويفهم ويفهم هذا ماكان
اما الناس هذوك فأنا كيفك نشوفهم معقدين ومراض نفسيا
ملا نلصق فيك تعلميني ههههههه
ربي يحفظك متفائلة ...​

هههههه السلام عليكم

واش يا سفيان واش راك مداير مع عياش وشكيب هههه​

اهلا بيك يا الشخ
راني كيما نتا مع عمار وحشاني هههههه

هههههههههههه

امالا هكذا ؟؟
والله يا ماكنش راك في القمة في هذا المنتدى مع ان مواضيعك او الميضوعات تاعك كيما تقولو نتوما غير انك تعبر على الكبت الي داخلك وباغي تتزوج هههههههه و اسمحلي
لكن في كل مرة تدور حول نفس الدائرة و حتى اذا ماجبتهاش في الصميم تقيسها شوية هههههه
لازم نلقاولك حل
ندعيلك في هذا رمضان تتزوج بلي تبغيها بصح نخاف مواضيعك تنقرض و مانعودوش نشوفو مشاركاتك ومواضيعك الشيقة

هههههههههههههههه
أهلا بيك قمر الزمان
ربي يحفظك ويخليك
شفتي كيفاش ديما نحكي ونفرغ في قلبي وماشفيتكمش هههه
لوكان كنت خاطب ولا مزوج مانحكي مع هذ الدزيرية مانكسر راسي بالفرونسي بشبوشتي تعلمني هههههههه
اي باينة كي نزوج مواضيعي تولي في فرغ واش في قلبك هههههه


​

 

[AHLEM1992]

ايه سفيان اللغة باه تتعلمها لازم تحكي بيها
و الواحد ادا ما يستخدمهاش مع عائلتو مكاش كيفاش يتعلمها مليح
ولا التشات مع وحدين ماشي جزايريين هه
ادا كنت تخرجت من الجامعة +5 سنين كي تجيب النسخة الاصلية تاع الدبلوم يمدولك شهادة الباكالوريا الاصلية و تقدر تسجل بيها من جديد في الجامعة
دير فرونسي
مالغري دوك ماراهيش تكزيزتي بزااف
...
بالتوفيق ليك سفيان
ايه و صح رمضانك =)
​

 

[kazawa]

يعطيك الصحة مكانش المهم سلك راسك

 

[dendor]

السلام عليكم
موضوع مليح صح مي اسمحلي انت ملي نشوف مواضيعك نلقاك تحكي على الزواج
ربي يرزقك ببنت حلال نشالله وتنحي من بالك التخمام
نرجع دوك للموضوع ماشي عيب كي الواحد مايعرفش حاجة العيب في لي ماهوش حاب يتعلم
انا ناقصة فيها شوي نسلك روحي نفهمها مي عندي مشكل في الرد مانقدرش نخاف
حنا مايهدروهاش خلاص في الدار وكي تشوفهم لبرا تقول قور يجنقلو بيها
اي اكيد منتعلموهاش مي ولاتش كاينة بزاف ولات لونجلي كثر
والحمد لله مليحة فيها
وهي باش تتعلم شوف مواقع اسمع موسيقى هادا ساعدني انا في لونجلي
بالتوفيق لينا وليك

 

[NINA_c9]

السلام عليكم
خوياااااااااا سفيان يعطيك الصحة والله قتلتني بالضحك نحيتلي على خاطري في هذا النهار
انا نوافقك الراي في ان الوالدين لهم دور كبير في تعليم الاولاد اللغة الفرنسية هو لي تعلم في صغرواااااومع الدراسة تاني يولي يمخمخ وهادي اذا تكون حاب تتعلمها والله مع الوقت تتعلمهااااااااا في بلادنا تقا لبنات فايقين على الدراري في الفرنسية بويسك يحبو يتعلموهااااااااااا حنا دراري يقراو معايا ميفهموش حتى حبة في الفرونسي وعلااااااااااه لخاطر ميحبوهاش وميحبوش يتعلمووووها انا نقلك عليك وعلى الانجليزية هههههههه راهي اسهل من الفرنسية دورهاااااااااااااالها انجليزي وتشوووووووف ياو ........ وفي الاخير نقلك لكان حاب تتعلهااااااا شهر تكون تحكي بالفرنسية وربي وفقك
مشكووووووووووور خويا مكانش

 

[ماكانش]

راني قريت ردودكم كامل وعجبتني بزاف
لي عودة نرد عليكم واحد واحد فرد فرد هههههههه

 

[redpearl]

سلام خويا ماكانش وشكرا على مواضيعك اللي تنحي على البال
أنا نصحك نصيحة مادامك راح تبدا تتعلم لغة جديدة من الاول نقولك خطيك من الفرنسي وتلعلم لونغلي خير
لفرنسي راحت عليها
رمضان كريم

 

[TeNtOuNa]

انا تاني شوية شوية فيها
مع ان بابا وماما يهدرو بيها بصح ماشي بزاف
وزيد في القراية النهار كامل وحنا ف la grammaire et la conjugaison
ما نقراوش خلاص la lecture
علابيها تبوقلنا هههه
هادي المرة جاو ولاد خالي الصغار من فرانسا
حرت كيفاش نهدر معاهم
شوية شوية هوما الي علموني
​

 

[إيمان قلب]

السلام عليكم
اهلا بيا وبيك سفيان
بصحتك التحويسة
بالصح علاش تقلبلنا فالمواجع الفرونسي تفركتت معاه كي طلعت لليسي جابولنا واحد الأستاذة لاعلاقة بالتعليم ثلاث سنين تاع الليسي مانعرفش حاجة سموها الفرونسي ومنها هو وانا خطان متوازيان لايلتقيان
ومانلومش والديا لخاطر ابي كان جايبها مورانا على الفرونسي التعليم هو اللي عوج يسقدو فينا وخلاص
بالصح نسلك راسي كون نحصل كيما حصلت الكلام يولي يصبب ههههه
بالصح ماقلتليش رحت تحوس ولا تحوس باش تخطب ؟؟؟
يعطيك الصحة سفيانو
وصح فطوركم واتايكم ههههه​