السلام عليكم و صح رمضانكم
موضوعك راح نرد عليه من حدين
الاول هو
ولا والدينا ماقراوناش وماكانوش يهدروها في الدار ؟؟؟
و علاش المفروض من والدينا يحكو فرونسي في الدار؟ ماراناش فرنسيين عندنا لهجتنا و لغتنا يعني نظن لي حب يتعلمها يتعلمها كلغة اجنبية ماش كلغته الي يستخدمها في الدار!
اي الفرنسية مثلها مثل الانجليزية او اي لغة اجنبية اخرى مليح نتعلموها لكن ما يعنيش شرط نتسعملوها بيناتنا في الدار! صحيح في لهجتنا مصطلحات منها لكنها معروفة و علابالنا بلي داخلة في لهجتنامثل كلمة نورمال ...الخ اما تاع واحد زعما جزائري يحكي مع خاوته جزائريين بالفرونسي حرفي تقول راه في باريس و يكثر فيها pfff tu sais" و ما تسمعش منه كلمة عربية رغم انو يعرفها حتى تلقاه قريب يودرها صح فنظن هنا مزال البعض يتصور ان لي يحكي الفرونسي راه مثقف و لي يحكي لغته الام العربية راه روطار! و نظن التفكير هذا هو لي روطار! و كان بكري وقت لي كانت القراية وقت فرنسا بالفرونسي يعني كان تقريبا كل مثقف يعرف فرونسي و لي ما يعرفهاش يعني ما قراش
مي مثلا لو نروحو لليبان اكيد يعرفو انجليزية لكن كي تروح تلقاهم مع بعض يهدرو لغتهم نورمال و الانجليزية يستعملوها في بلاصتها
اما الثاني
فالفرنسية كلغة اجنبية اكيد مليح واحد يتعلمها و من تعلم لغة قوم امن شرهم و ثاني يحتاجها بزاف خاصة في الدراسة و انا الحمد لله متمكن منها هي و الانجليزية و تعلمتهم عادي من الدراسة + التلفاز و لو نصيب نزيد نتعلم اسبانية او لغة اخرى لانه كيما قلت كل لغة اجنبية زيادة مليحة لينا
شكرا على الموضوع و صح رمضانكم :re_gards:
