الحب بعد الزواج

[الامين محمد]

السلام عليكم يا اهل المملكة اللماوية
شخباركم

المهم قبل ما ندخل في الميضوع نحكيلكم نكتة باش تفهموني مليح

يا سيدي
سقساو شيخ
ـ يا تل واش رايك في الحب بعد الزواج
رد الشيخ و قال : إيييه كاين ... كاااين حب بعد الزواج
و منه ياااسر و في كل زمااانن

يا شيخ : هل هو حب و حب ناجح

عاود رد الشيخ و بكل ثييقة : باه ينجح الحب لازمه شرط واحد و وحيد

قولنا يا شيخ : واشنو هاذ الشرط

يرد الشيخ و يقول : باه ينجح الحب بعد الزواج عندك شرط واحد
و هو ما تخبرش بيه المدام هاكذا يكون حب ناجح

ههههههههههه
طلع الشيخ يتحدث على حب بنت اخرى غير المدام تاعه ههههههههه

ــــــــــــــــــــــــــــــــــــــــــــــ
و الله ق شفتها شياب عايشين قصص حب خارج الدفتر العايلي


واش رايكم
و هل عندكم هاذ الامر

 

[إلياس]

لي عوده باذن الله إن شاء الله

 

[السلطانة]

وعليكم السلام ورحمة الله وبركاته
كاين شيوخ ياما تحت السواهي دواهي
كيما الشيخ لي حكيت عليه
وياما شفنا نساء تكتشف انو كان غالق عليها في الدار ومداير عليها صديقات

ظاهرة كاينة من بكري مهيش جديدة يعني
مام وقت جدودنا كانت كاينة
وذرك تاني
يعني الله لايبلينا

 

[الرومنسي الجاد]

ههه كااين.. هي شغل الراجل ِفطريا.. خاين..
بصح جامي يستعرف مكمل عليهاااا بلا فرانات..

 

[ذكريات]

كاين مثل يقول، منين داك الفريع، من ديك الشجرة.
هذا الشبل الخائن من ذاك الأسد الي علمه يخونوالمشكل ماشي في خيانة الرجل الغريزية المعروفة منذ القدم، ماشي حاجة جديدة، المشكل الحقيقي في خيانة المرأة، الشيء الجديد في مجتمعاتنا العربية، وكلنا نعلم مدى خطورة خيانة المرأة، عماد الأسرة ونبع العاطفة فإذا خانت وتخلت صار المجتمع كخشب ينخره السوس، فسيأتي يوم وينكسر.

 

[حاتم خليفة]

@الامين محمد غير قوللهم بلي هذا الشيخ اسمه حاتم خليفة وخلاص​

 

[أبو عاتكة]

هو واقع كاين هاذ الامور
كاين اللي خارج فيها ساطح ناطح وباين بلي يديرها كيما يقولو مكتوبة على وجهو

المصيبة هو ظهور نوع جديد ماهو هاك ماهو هاك

تلقاه انسان معروف عليه العقالة وخاطيه هاذ الصوالح وممكن في مرتبة اجتماعية ومهنية حسنة وطيبة في المجتمع لكن يقع في فخ المغرمات والمغريات ويسقط في مستنقع لا يعرف كيف يخرج منه
هو يحسب انو واحد مافايق بيه ومستور لكن ماتعرف الظربة ويكت تجيه وما تعرف الا يستر عليه ربي ولا يفضحوا
صرات لبزاف باولادهم وزوجاتهم ماشاء الله مايخصهم والو لكن النفس والشيطان ومكائد الفاسدات لهثا وراء اقتناص المال ومكتسبات مادية تلحق حتى لمنازل وسيارات وذهب وسفر للخارج وغيرها.

احنا نقولو ربي يبعد على كل مومن مكائد النفس والشيطان والمغريات.

والحب خويا الامين خاطيه مسكين داروه شيفونة وهو عاطفة الاهية وضعها في الانسان واحاطها بمكارم الاخلاق والغايات النبيلة التي تبنى عليها الاسر والامم.

 

[أستاذ الفلسفة]

ياخويا انا نحير صح انا عندي قلب واحد حب مرة واحدة وبعدها لم استطع ان احب ابدا نحير في واحد يقدر يحب اكثر من واحدة سلفلي قلبك يالي تحب 4 و 3 انا عيت

 

[Rochdi.dz]

هههه هذاك انا كي نولي شيخ

 

[طالب الخير]

صحيح هذا التصابي موجود.
و الرجل بطبعه يريد التعدد، فإذا لم يجده في الحلال صرفه في الحرام.
ولكن المسلم المؤمن يتقي الله ويصبر على ما أعطاه الله.
وإذا أراد ورغب في امرأة أخرى فعليه أن يكون شجاعا ويأتي البيوت من أبوابها، ويصرح بأنه يريد ذلك... (يعني زواج ثان..)
هذه واحدة،
والثانية هي أن الرجل الخائن إذا لم يجد امرأة تُجَارِيهِ في الخيانة فلا يجد إلى ذلك سبيلا فيعود إلى الجادة.
والدين الحنيف لم يهمل هذا الجانب وقد وضع الحل المناسب للمرأة الناشز وكذلك للرجل الناشز.
هذا الذي أعتقد أنه الصواب.
والسلام عليكم.

 

[سعد606]

الحب بعد الزواج في كثير من الاوقات ناجح جدا ومؤثر بين الزوجين ، فهو يختلف اختلافا كبيرا عن الحب قبل الزواج في كثير من النواحي ، وما يميزه أنه الحب الحقيقي الذي يتأكد الطرفان من وجوده وقوته. يشهد عليه من تفاصيل الحياة العامة التي تجمع الزوجين معا فالذي يميز الحب بعد الزواج أنه أصدق ويستمر لفترة أطول هذا راي
والله اعلم

 

[sana barhoumi]

آلإنسان عندما يعود للبيت ولا يجد آلظرف آلمناسب أي مثال زوجة آلعام ١٢ مريضة فطبع آلرجل مرة إثنين ثم يبحث عن شريك خارج آلبيت.

 

[sad5]

retour d'age biensure