السلام عليكم و رحمة الله
تخيل ماتقدرش تتحكم في يدك ؟ يكون يحكي معاك واحد حتى تلحقو بكف
و تقعد تقنع فيه بلي يدك لي دارتها مش انت 
علابالي غريبة مي كاين منها
كيفاه اليد تخرج عن السيطرة ! الشخص يولي مايقدرش يتحكم في يدو ؟
وي اليد تولي تحكم حاجات و لا تهاجم شخص و تدير حركات وحدها مش انت حاب تديرهم ، و تقدر حتى يد تدير حاجة و اليد الاخرى تفسدهالها و بزاف أفعال اخرى غير ارادية
الحالة هذي اسمها Syndrome de la main étrangère يعني اليد تولي غريبة و مستقلة بذاتها كأنها لا تنتمي إليك
تحدث نتيجة اصابات في الفص الجبهي أو في الجسم الذي يربط بين نصفي الدماغ و هكا يصرا تلف في المناطق الحركية
و مام في بعض الجراحات العصبية لي تكون في نفس المنطقة لي حكينا عليها و مرات في حالة السكتات الدماغية
و ماعندهاش علاج باين ، يديرو برك تأهيل وظيفي لتسهيل الحركة و كذا تدريب الدماغ على التحكم باليد لكن ماهوش نهائي
غريبة صح ؟ مجرد تخيل الامر مُرعب ..
مي تبقى حالة نادرة جدا
