كوزينة اللمة الرمضانية.ماذا ستطبخين آنستي سيدتي العدد 90

[السلطانة]

بون جور عليكم

مشفتوش كي بقيت نتفرج عليكم هههه والنت عندي ثقيلة والتصاور ميطلعوش ونروح نرقد بلامانقولكم صحا فطوركم

الله يبارك على الاطباق الشهية بصحتكم ويعطيكم الصحة

 

[ام أمينة]

صح فطوووركم لماويين
تقبل الله منا ومنكم

فطور ليوم حريرة ،ارز، سلطة ،قراتان
مشاهدة المرفق 169432

@Soumia hadj mohammed
من فضلك عزيزتي
وصفة الغراتان
بارك الله فيك

 

[حاتم خليفة]

فطور اليوم
الطابلة اليوم فيها طبق واحد برك
حسوة بسكرية على أصولها

الفول نتاع دوبارة
​

 

[Soumia hadj mohammed]

صح فطوووركم
تقبل الله منا ومنكم
الحمد لله الذي رزقنا من فضله

شربة فرميسال سلطة طاجين زيتون مبني بيتزا خشخاش معسل

​

 

[♡كارينا♡]

 

[♡كارينا♡]

 

[♡كارينا♡]

 

[♡كارينا♡]

 

[♡كارينا♡]

 

[أبو عاتكة]

يعطيكم الصحة وربي يبارك في يدياتكم ويزيد في مالكم ويحفظ مواليكم ووليداتكم
أن شاركتمونا موائدكم فذلك من طيب كرمكم ووفائكم للمة ومن عليها وحضوركم بيننا هذا رمضان زاده بركة وحلاوة وهمة

 

[Soumia hadj mohammed]

@Soumia hadj mohammed
من فضلك عزيزتي
وصفة الغراتان
بارك الله فيك

وفيك بارك الله

حطيت شوية بيشاميل (3 ملاعق زيت فص ثوم يتقلى فيه ثم حطيت زوج ملاعق كبار فرينة وحمصتها فيه ثم نبعده على نار نضيف الحليب بارد قيص نص كاس ونحرك بالفوي مليح بش ماتتكورش الفرينة ثم نضيف باقي كمية الحليب انا عيني ميزاني مثلا نص لتر ونحط فيها 2 حبات فرماج وشوي فرماج مبشور شوية ملح وفلفل اسود ونرجعها فوق نار طيب حتى تثقل )...نحط شوية فالبلا وندير طبقة بطاطا مقلية دوائر ونقسم حبيبات فرماج ونزوعهم عليها نزيد بيشاميل شوية وندير طبقة جزر وفلفلة خضرا مقلية وندير جبن وبيشاميل ونزيد طبقة من قرعة مقلية (قرعة لي لونها اخضر فاتح) ونزيد في الاخير كفتة دجاج مقلية ونوزع فرماج
الطبقة الاخيرة هذيك صوص بيشاميل لي بقات نزيد عليها حبة بيض صغيرة ونخلط مليح ونحطها من فوق ونضرب البلا تعي شوي بش كلش يجي قد قد



...... اذا بغيتي طريقة اخرى

الخضر نفورها ،،،بطاطا وجزر نقطعهم مكعبات ونحط شوي ملح ونفورهم
بعدما يدخلهم طياب نحطهم في البلا ونمشي عليهم بالباتسو تع زيت ونقطع بصل رقيق على نص ونحط فوقهم وندخلهم ببالفرن يتحمرو ونفس لوقت راني نفور في القرعة
كي تبدا الخضر تتحمر نزيد نوزع القرعة وندهنها بالزيت ونرجع الصينية الفرن

بعدما يتحمرو مليح نزيد عليهم قطع جبن ودجاج مكعبات مقلي ونزيد صوص بيشاميل

بنننة