ضيف العدد الثامن للخيمة الرمضانية الاخ @حاتم خليفة

[حاتم خليفة]

"تحية كبيرة لصاحب الموضوع، أمين، على الطرح المميز. وبما أن اسم حاتم يتردد مع الكثير من الشكر والثناء، حكمني الفضول نعرفوا أكثر، فمن يكون هذا الشخص الذي يستحق كل هذا التقدير لهذا قدمت شوية اسئلة. نتمني تجاوبني عليهم وشكرا

أهلا بيك

اولا. عرفنا بنفسك اسم كامل ولاية هواياتك ؟

محدثكم حاتم خليفة من ولاية بسكرة
هوايتي قراءة الكتب الأدبية و الروايات الخيالية و الرياضة

تاني سؤال كيف ومتى تعرفت على منتدي؟!

في 2010 عبر منتديات قديمة أُغلقت للأسف

ثالث سؤال ماهي اكثر مواضيع التي شاركتها هنا ولاقت صدى وتفاعل من الاعضاء؟

مواضيع كثيرة لا أتذكرها

وماهو اكثر موضوع مميز بالنسبة اليك كتبته؟!

هذا الموضوع مجموعة إقتباسات بدأت بجمعها منذ سنة 2007

إقتباسات

السلام عليكم ورحمة الله وبركاته منذ 2007 وأنا أجمع الإقتباسات من مختلف الكتب والمواقع الإلكترونية وقمت بحفظها في USB💾 أتمنى أن تنال إعجابكم

www.4algeria.com

 

[حاتم خليفة]

مرحبا بك ..​

والله لادوختونا ..رمضان مع الاسئلة مع المرض مع لولاد ماعرف الواحد وين يشوف ​

​

أهلا بالمشاغبة واش بيك تبكي ههههه يخي ماغلبكش رمضان

 

[حاتم خليفة]

ربي يحفظك و يسترك و يرزقك و يشفيك و يعافيك و يحميك اخي حاتم

آمين يارب
الله يحفظك خويا إلياس و ربي يرزقك الذرية الصالحة يارب

 

[حاتم خليفة]

اهلاووسهلابك نووورت الخيمه بحضورك ...​

الصراحه انا قريب فقدت الذاكرة ..كي شغل وليت ديما

نجي نطرح اسئلة مانلقى والو في راسي

لي عودة اذا لقيت اسئلة ولات ليا روحي ...
ربي يعينك ..وماننساش نحطلك وحدة من صوري لي نحبهم مشاهدة المرفق 169839

شكرا يا مشاغبة
شوفي مع @خديجة ph تعطيك الدواء وربي يشفيك وشكرا على الصورة

 

[لمعانُ الأحداق]

عــــــــــــــدنا

أسعـد الله أوقاتكم زوار الخيمة
كيف حالكم ؟

أهلا بالعم حـاتم مرة أخرى
إن شاء الله تكون عجباتك الأجــواء هنا

ربي يشفيك و يعافيك و يحفظلك خديجة الصغيرة

تفضل مجلسا ترتاح عليه
و أنت تُجيب عن تساؤلاتنا
إن شاء الله نكونوا خفاف عليك



أسئلتي :
1- ماكان شعورك لما تلقيت دعوة أنك تكون ضيف الخيمة ؟ هل ترددت أم قبلت مباشرا ؟
2- برأيك هل المنتدى هو نسخة عن واقعنا ؟
3- قلت أنك تحب المطالعة و ماهو أدبي ،
فهلا يحدثنا ضيفنا قليلا عمَّا قرأ / يقرأ ؟ آخر كتاب قرأه مثلا أو عن أديبه المفضل ..

أكتفي بهذا القدر
شكرا على رحابة صدرك

إقامة طيبة​

 

[إلياس]

1. عرفنا بنفسك في سطر
2. ماذا تعني لك هذه الكلمات في سطر واحد : الوالدين ، الإخوة ، الاصدقاء ، الجزائر ، فلسطين ، العراق
3. لو طلب منك كتابة كتاب على حياتك الخاصة و العامة ما سيكون عنوانه
4. ما نوع الكتب الذي تقرائه
5. ماهي أغلى ذكرى عندك
6. ماهي أسوء ذكرى عندك
7. من هو الشخص القريب لك في العائلة أي كاتم أسرارك قبل الزواج و بعد الزواج
8. هل انت من متابعي الرياضة ماهو النادي الرياضي الذي تشجعه داخل الوطن و خارج الوطن
9. كيف تعرفت على المنتدى
10. من الشخص الذي تود تقابله من أعضاء المنتدى في الواقع
11. ماهو لونك المفضل
12. ماهو طبقك المفضل
13. هل أنت عضو في منتديات أخرى
14. عضو في المنتدى نشيط جدا
15. عضو في المنتدى ضعيف النشاط
16. طباخة المنتدى
17. طباخ المنتدى
18. طبيب المنتدى
19. صيدلي المنتدى
20. كلمة لأعضاء المنتدى
21. من هو القارىء المفضل لديك من قراء القرآن الكريم
22. ماهي قناتك المفضلة
23. ماهي نوع البرنامج الذي تتابعه بكثرة في التلفاز أو الإذاعة
24. اسم الحقيقي إن أمكن
25. فرضنا كنت رئيس الدولة الجزائرية ماهو أول قرار تتخذه
26. ماهي الولاية التي تود زيارتها
27. ماهي الدولة التي تود زيارتها بعد الحرمين الشريفين
28. ماهو الشيء الذي تريد تغييره في المنتدى
29. من الشخص الذي تتابع مواضيعه في المنتدى ولماذا

هذه اسئلة اخي حاتم

 

[حاتم خليفة]

السلام عليكم و رحمة الله

صحا فطوركم / سحوركم
تقبل الله منا و منكم​

وعليكم السلام ورحمة الله وبركاته

مرحبا بالعــم حــــاتم ضيفا كـريما في الخيمة
حللت أهلا و وطئت سهلا
كي تقول اللمة قول العم حاتم
واحد من أعمدة المنتدى و أوفيائه
و لطالما كان له أثـر في شتى أقسام و مواضيع اللمة
استضافته في الخيمة كانت شيء لا بد منه
شكرا للأخ @الامين محمد على الاختيار الموفق - كالعادة -
و على هذه المساحة التي بها نتعرف أكثر على العـم​

شكرا والله يحفظك

نرجع ليك عم حاتم
وش احوالك ؟ و كيفاه مع رمضان و الأجــواء ؟
عساك بخير و الأمور طيبة
صحتك كيف ؟ ملتزم بالـدواء و الفحوصات​

بخير الحمد لله
تقريبا نفس باقي الولايات
نعم راني مع الدواوات

و لا العم من جماعة [ كل واحد طبيب روحو و الطبيب مايعرفش ] ؟​

شوي من وشي من هههه خلطها تصفى

المهم جيت نرحب بيك في الخيمة
و باينة جبت معايا تحليات للسهرة و شـــاي​

خيرات ربي يبارك هاتي شوي هههه

- إن شاء الله مايكونوش ممنوعين عليك / نغيروهم إذا كان -​

نعم راني ممنوع من السكريات و التاي والقهوة

و هذي المرة حبيت نبدّل شوي و جبت كُنــافة بالقشطة - كيما يحب الخـاطر -

مشاهدة المرفق 169846

مشاهدة المرفق 169848

مشاهدة المرفق 169849​

الله يبارك هذا نخليهم لامين محمد هو يحب يتكلم ههههه

هذي كانت ضيافتنا ليك عم @حاتم خليفة
( جيت متأخرة اليوم نظرا للانشغال لكن روطار خيرمن ماكاش )

لي عودة مع الأسئلة إن شاء الله

إقامة طيبة​

في إنتظار باقي أسألتك وصحا فطورك

 

[حاتم خليفة]

1. عرفنا بنفسك في سطر

تاجر أمين وأب عطوف وزوج سعيد

1. ماذا تعني لك هذه الكلمات في سطر واحد : الوالدين ، الإخوة ، الاصدقاء ، الجزائر ، فلسطين ، العراق

الحنان، الأمان، رب إخوة لم تلدهم أمي، القلب، الوطن الثاني، إخوتنا

1. لو طلب منك كتابة كتاب على حياتك الخاصة و العامة ما سيكون عنوانه

ماعنديش الزهر

1. ما نوع الكتب الذي تقرائه

بعد المصحف الشرف، مميز بالأصفر

1. ماهي أغلى ذكرى عندك

نهار لي زادت فيه بنتي

1. ماهي أسوء ذكرى عندك

كي توفاو والديا ربي يرحمهم

1. من هو الشخص القريب لك في العائلة أي كاتم أسرارك قبل الزواج و بعد الزواج

كل أخواتي نحكيلهم كلش

1. هل انت من متابعي الرياضة ماهو النادي الرياضي الذي تشجعه داخل الوطن و خارج الوطن

داخل الوطن إتحاد طولڨة و إتحاد بسكرة و وفاق سطيف، خارج الوطن البارصا و أرسنال

1. كيف تعرفت على المنتدى

عبر زوج منتديات جزائرية قديمة أُغلقت للأسف

1. من الشخص الذي تود تقابله من أعضاء المنتدى في الواقع

الكل وأنت أولهم

1. ماهو لونك المفضل

الأخضر

1. ماهو طبقك المفضل

تشيشة فريك

1. هل أنت عضو في منتديات أخرى

حاليا عضو في منتدى الجلفة

1. عضو في المنتدى نشيط جدا

أنت

1. عضو في المنتدى ضعيف النشاط

لا إجابة باه مانجرح حتى واحد

1. طباخة المنتدى

ما شاء الله كلهن طباخات
بناتنا كاين 3 بلاصتهم في قناة سميرةTv

1. طباخ المنتدى

أنا بكل فخر هههه

1. طبيب المنتدى

مانعرفش شكون

1. صيدلي المنتدى

@خديجة ph

1. كلمة لأعضاء المنتدى

يا خواتي ماتزيدوش تغيبوا علينا رانا نتوحشوكم

1. من هو القارىء المفضل لديك من قراء القرآن الكريم

ياسين الجزائري

1. ماهي قناتك المفضلة

النهار Tv

1. ماهي نوع البرنامج الذي تتابعه بكثرة في التلفاز أو الإذاعة

ليا عامين ماشعلتش التلفاز ولا الإذاعة من غير إذاعة جيجل السبت لي فات

1. اسم الحقيقي إن أمكن

هذا هو إسمي حاتم خليفة

1. فرضنا كنت رئيس الدولة الجزائرية ماهو أول قرار تتخذه

ألغي وزارة المجاهدين

1. ماهي الولاية التي تود زيارتها

قسنطينة

1. ماهي الدولة التي تود زيارتها بعد الحرمين الطرفين

تركيا

1. ماهو الشيء الذي تريد تغييره في المنتدى

عندي الكثير من الأفكار لي تخص المنتدى

1. من الشخص الذي تتابع مواضيعه في المنتدى ولماذا

الكل بدون إستثناء

هذه اسئلة اخي حاتم

شكرا خويا إلياس

 

[حاتم خليفة]

قبل غلق الموضوع

لي حاب يدردش معايا يتفضل لهذا الموضوع

دردش مع حاتم خليفة

السلام عليكم يا أعضاء منتدى اللمة الجزائرية مرحبا بكم في هذا الفضاء المفتوح على الدردشة دردش مع حاتم خليفة هذا الموضوع من إقتراح خويا @فريد أبوفيصل هو عبارة عن مساحة تفاعلية تشمل: الدردشة، المحاورة، الإستفسار، المشاركة، التفاعل، النقاش، مع كثير من الفكاهة والجدية. سأشارككم هذه المساحة...

www.4algeria.com

​

 

[حاتم خليفة]

سامحوني على ردودي القصيرة مانحبش الثرثرة
​

 

[Tama Aliche]

ليا عامين ماشعلتش التلفاز ولا الإذاعة من غير إذاعة جيجل السبت لي فات

بسبب المسابقة تاعي علابلك نديرلك عقوبة هههههههه الله يحفظك ويبارك فيك ونعتذر خيبتكم ماجيتش الأولى.. وانا اطالب بإعادة تشغيل إذاعة جيجل السبت القادم إن شاء الله على الزوج النهائي ههههه وفيها واقيلا التصويت ههههه العشر الأواخر بلاك تغدرني هههه​

ألغي وزارة المجاهدين

بالنسبة لهذا الأمر عندي نفس الرأي تاعك .. يعني بصراحة واش من مجاهدين مزالوا.. ناس تسلك بالشعر ملاين عمرها ما رفدت سلاح خلي برك . المال راه رايح غير عندهم .. حسبنا الله و نعم الوكيل .. كي نشوف للأب تاعي كيفاش عاش يتيم قتلو أبوه رحمه الله تاع فرنسا واش يتيما الأم والأب و ميزيرية اللي عاش كي راك يقولهم برك على حق من الحقوق تم تجاهله خلي برك .. تشوف كيفاش عاش أبي الغالي و مزال يعيش صراعات أشهد له بالتضحية والتعب و الثبات رغم المصاعب حفظه الله لنا حفظ جميع الآباء والأمهات و رحمة الله على من تحت التراب رحمة واسعة يااارب ​

 

[Tama Aliche]

سامحوني على ردودي القصيرة مانحبش الثرثرة
​

هههههه لا لا راك حتى هدرت وانت صايم.. او لباس عليك قدرت نتوفق بالإجابة عن الأسئلة تاعنا .. ياودي ننصحك برك ماتحبش حتى تعدد الزوجات تان هههههههههه ​

 

[حاتم خليفة]

بسبب المسابقة تاعي علابلك نديرلك عقوبة هههههههه الله يحفظك ويبارك فيك ونعتذر خيبتكم ماجيتش الأولى.. وانا اطالب بإعادة تشغيل إذاعة جيجل السبت القادم إن شاء الله على الزوج النهائي ههههه وفيها واقيلا التصويت ههههه العشر الأواخر بلاك تغدرني هههه​

المهم إذا ربحتي ماتنسايش تعرضينا

بالنسبة لهذا الأمر عندي نفس الرأي تاعك .. يعني بصراحة واش من مجاهدين مزالوا.. ناس تسلك بالشعر ملاين عمرها ما رفدت سلاح خلي برك . المال راه رايح غير عندهم .. حسبنا الله و نعم الوكيل .. كي نشوف للأب تاعي كيفاش عاش يتيم قتلو أبوه رحمه الله تاع فرنسا واش يتيما الأم والأب و ميزيرية اللي عاش كي راك يقولهم برك على حق من الحقوق تم تجاهله خلي برك .. تشوف كيفاش عاش أبي الغالي و مزال يعيش صراعات أشهد له بالتضحية والتعب و الثبات رغم المصاعب حفظه الله لنا حفظ جميع الآباء والأمهات و رحمة الله على من تحت التراب رحمة واسعة يااارب ​

تلقايهم زايدين في 1962 ويخلصوا
ربي يحفظلك والديك ويطول في عمرهم

 

[حاتم خليفة]

هههههه لا لا راك حتى هدرت وانت صايم.. او لباس عليك قدرت نتوفق بالإجابة عن الأسئلة تاعنا .. ياودي ننصحك برك ماتحبش حتى تعدد الزوجات تان هههههههههه ​

ليا 20 سنة فاطر ممنوع عليا الصيام من غير صيام الماء لي مسموح ليا

 

[dahman kz]

اهلا خويا لعزيز حاتم

قداش ميزانك وقداش طولك.. حبيت نعرفك اكثر خويا حاتم ههه

واحد متزوج ومحدود الدخل وظروفه المادية صهيبة ومع ذلك مقرر انو يعاود ويجيب الثانية وش تقول فيه بصراحه حويا حاتم

زرت واد سوف قبل وله لا .. اذا نعم وش لاحظت ولفت انتباهك ليها.. واش الحاجة للي لقيتها مميزة فيها

اكثر ولاية تعجبك في الجزائر

ختاما بسؤال سياسيى.. تقييمك لحكم تبون انجازات و عيوب
ومارايك في ما يسمى بالجزاىر الجديدة

 

[أبو عاتكة]

اهلا سي حاتم كي راك؟ ربي يتقبل.

وحد الوقت فات عاللمة نشوف في حاتم وحدو يدور في اللمة مخطاهاش يعطيه الصحة

حاتم متقوليش تفطرو بالدوبارة الحارة؟

 

[حاتم خليفة]

اهلا خويا لعزيز حاتم

أهلا بولدي المشاغب هههه

قداش ميزانك وقداش طولك.. حبيت نعرفك اكثر خويا حاتم ههه

وزني 81 وطولي 1.60
قزوم ههههه

واحد متزوج ومحدود الدخل وظروفه المادية صهيبة ومع ذلك مقرر انو يعاود ويجيب الثانية وش تقول فيه بصراحه حويا حاتم

كي بترفه ساهل الحال

زرت واد سوف قبل وله لا .. اذا نعم وش لاحظت ولفت انتباهك ليها.. واش الحاجة للي لقيتها مميزة فيها

زرتها مرة وحدة سنة 1989 كان عمري 5 سنين مع بابا ربي يرحمه

اكثر ولاية تعجبك في الجزائر

دزاير العاصمة بحكم أني رحتلها أكثر من مرة

ختاما بسؤال سياسيى.. تقييمك لحكم تبون انجازات و عيوب

للأسف تبون وحكومته تابعين للعصابة القديمة جماعة بوتفليقة مع أنه دار إنجازات يُشكر عليها

ومارايك في ما يسمى بالجزاىر الجديدة

مجرد تسمية فقط مافيها حتى جديد

 

[حاتم خليفة]

اهلا سي حاتم كي راك؟ ربي يتقبل.

أهلا بك خويا لعزيز
لاباس الحمد لله
آمين يارب

وحد الوقت فات عاللمة نشوف في حاتم وحدو يدور في اللمة مخطاهاش يعطيه الصحة

ماتنساوش تخلصوني حق ما نحرسلكم في اللمة هههه

حاتم متقوليش تفطرو بالدوبارة الحارة؟

نعم خويا في رمضان لبساكرة كامل يفطروا بيها غير أنا لا
ناكلها كي بخلاص رمضان

دوبارة دوبل حار دوبل زيت

 

[♡كارينا♡]

مرحبا بالمشاغبة ههههه

شكرا على ترحيب

مرتين ونخمم نجيب الثالثة من منتدى اللمة

خخخخخ من صاحبه الحظ السعيد ياترى

الأولى طلقتها والسبب ماتسمعش لكلامي كان باقي على رمضان 20 يوم وحبت تنظف الدار قلتلها راني نخاف كاشما يصرالك أنتِ والجنين، وكي خرجت طلعت فوق السلوم باه تنظف وطاحت ومات الجنين

ربي يعوضك ويعوضها

أما الثانية عندي منها بنت

مليح ربي يحفظهالك ويحفظلك بنتك ويحفظك ليهم ..

تكون ناس ملاح وتسمع الهدرة

41 سنة مواليد 1984

ماشاء الله ربي يطول في عمرك ويرزقك الصحه والعافية

بنت وحدة سميتها خديجة

اسم جميل ....زوجة الرسول عليه افضل الصلاة والسلام

بالنسبة لي عادي ولي ماعجبهاش الحال تخبط راسها على الحيط

واو اكثر جواب احبطني ...تعجبت لجوابك هذا ...بالنسبة لك عادي نظن معقول .

..لكن تخبط راسها على حيط، ياخويا حاتم راك ..دمرت قاع الردووووود ..رد ساحق ماحق ...لاقبله ولابعده ... الحل الامثل ان يؤخذ الامر بغتة كالحرب ثم يتم التفاوض من اجل السلام الجواب المثالي

 

[حاتم خليفة]

شكرا على ترحيب


ربي يعوضك ويعوضها

مليح ربي يحفظهالك ويحفظلك بنتك ويحفظك ليهم ..



ماشاء الله ربي يطول في عمرك ويرزقك الصحه والعافية

اسم جميل ....زوجة الرسول عليه افضل الصلاة والسلام

واو اكثر جواب احبطني ...تعجبت لجوابك هذا ...بالنسبة لك عادي نظن معقول .

..لكن تخبط راسها على حيط، ياخويا حاتم راك ..دمرت قاع الردووووود ..رد ساحق ماحق ...لاقبله ولابعده ... الحل الامثل ان يؤخذ الامر بغتة كالحرب ثم يتم التفاوض من اجل السلام الجواب المثالي

أنا أقصف ولا أُبالي ههه