ضيفة العدد التاسع للخيمة الرمضانية الاخت @♡كارينا♡

[♡كارينا♡]

السلام عليكم و رحمة الله​

وعليكم السلام ورحمه الله تعالى وبركاته

أهلا بـ كــــــــــــــــارين ضيفة كريمة في الخيمة
صديقتي .. نورتِ​

يا هلا والله بالحباب ...النووور نووورك الزينة

كنتُ بانتظـار هذا العدد ، شكـرا لقائد الأوركسترا @الامين محمد ​

ياه ياستوتة بانتظار العدد باش تمرمديني بالأسئلة ٠

كــارين المرحة ، التي تنشر البسمة أينما حلت
و تركت أثرا جليا في مختلف مواضيع اللمة
بردودها الاستثنائية و المميزة​

- و الصور تاع 2014 تقولي نسيتهم -​

تفضلي اجلسي و ارتاحي
إن شاء الله تعجبك الأجـواء معانا في الخيمة​

بدلي يلا ..جيبيلي سرير ياودي عجزت على الكرسي وليت مانقدرلوش ..عندي كل ضلع متكي على خوه ...

مشاهدة المرفق 169873

و بما أنو رانا في النهار صايمين
نخلي الضيافة للسهرة​

رانا في السهرة هاتي الضيافه ..اليوم مادرتش تحلية ..شكيت بلي فيها ان

ساو رح تكون لي عودة بإذن الله
مع التحليات و بعض الأسئلة

استمتعي​

شكرا في الانتظار

 

[♡كارينا♡]

لي عودة إن شاء الله اختي

اهلا وسهلا بك .في اي وقت ..الدار دارك
بما انني كل واحد منكم جبتلو حاجه ...هادي هديتي اليك .....

ربي يرزقك بنتين جميلتين ..طيبتين ويجعلهم لك بنات صالحات مؤنسات غاليات ..يرفعن راسك اعنان السماء فخرا ويجعلك لهن ابا صالحا سندا قويا في هذه الحياة ....اميييييييين

 

[إلياس]

اهلا وسهلا بك .في اي وقت ..الدار دارك
بما انني كل واحد منكم جبتلو حاجه ...هادي هديتي اليك .....
مشاهدة المرفق 169892
ربي يرزقك بنتين جميلتين ..طيبتين ويجعلهم لك بنات صالحات مؤنسات غاليات ..يرفعن راسك اعنان السماء فخرا ويجعلك لهن ابا صالحا سندا قويا في هذه الحياة ....اميييييييين

اللهم امين يا رب العالمين

 

[♡كارينا♡]

عودت اختي

اهلا وسهلا نوورت
بسم الله نبدا ...

1. عرفنا بنفسك في سطر

كارينا كابور عمري العام لي فات 26. السنه هادي 27. تزوجت على 19 سنه ..ام لولدين ..لا اعمل ربة بيت ..بسيطه عادية .طيبة نحب نضحك الناس ..مانحبش نشنف ماشي نكدية ..مرحه ..والله ماعرفت واش نقول ..ماشي موالفة نشكر روحي احم احم ... ولاكيفاش ؟؟

1. ماذا تعني لك هذه الكلمات في سطر واحد :

1. الوالدين

السند الحقيقي للاولاد النعمه الكبيرة. الجنه رضا الله من رضا الوالدين ..ربي يحفظ جميع والدينا ..

1. ، الإخوة ،

الكتف الذي تتكأ عليه وقت الشدة ..الامان ..الحماية...

1. الاصدقاء

الاخوة من الله ..لم تنجبهم لك لا امك ولا اباك ..

1. ، الجزائر ،

بلادي ..بلد المليون شهيد ..الارض الطاهرة التي سقيت بدماء الشهداء ...بلادي نحبها ونموووت عليها رغم قاع النواقص لي فيها

1. فلسطين

للاسف الشديد كبش فداء حكام العرب ...صورة عن خيانة العرب ..وصمه عار على جبين العرب ..مسرى النبي ..وكما قال {اواكم الله ،ثبتكم الله،نصركم الله ،ايدكم }الا ان نصر الله لاقريب

1. ، العراق

بغداد ...سقطت واهينت يوم اعدام المرحوم صدام حسين

1. لو طلب منك كتابة كتاب على حياتك الخاصة و العامة ما سيكون عنوانه

مابين الحلو والمر

1. ما نوع الكتب الذي تقرائه

الحقيقة لا اقرأ كتب ورقيه .لا املك لها وقتا ...اقرأ من الانترنت ..اولهم القران الكريم مع التفسير ..كتب الاذكار. قصص الانبياء ..السيرة النبوية ..اما الباقي فأقرأ ملخصات واقتباسات فقط ..مدونات ...امر الى الملخص مباشرة ولابراهيم الفقي . دروس اسلامية للنساء .ووووووو ..بزاف

1. ماهي أغلى ذكرى عندك

يوم ولادة اولادي ربي يحفظهم

1. ماهي أسوء ذكرى عندك

حادثه صرات معي قبل مايقارب العامين ..

1. من هو الشخص القريب لك في العائلة أي كاتم أسرارك قبل الزواج

قبل الزواج ..يما ..

1. و بعد الزواج

يما تاني ..

1. هل انت من متابعي الرياضة ماهو النادي الرياضي الذي تشجعه داخل الوطن و خارج الوطن

لا علاقة لي بالرياضه انا في وادي وهي في وادي

1. كيف تعرفت على المنتدى

كنت نبحث على وصفة ...نسيت تحديدا تاع واش ..درت غوغل لقيت الوصفه صاحبه الموضع ماشي حاطة المقادير سجلت ودخلت سقسيتها من ذاك اليووم ..كملت ليومنا هذا

1. من الشخص الذي تود تقابله من أعضاء المنتدى في الواقع

كلهم اغلبهم ...بزاف اعضاء ...والله جميعا ٠

1. ماهو لونك المفضل

الاسود

1. ماهو طبقك المفضل

الارز ..ياربي يكون طايب في الماء وحدو

1. هل أنت عضو في منتديات أخرى

لا

1. عضو في المنتدى نشيط جدا

ياسر الياس محمد الامين ابوعاتكه محمد لمعان الاحداق لمين بالفرونسي مش قادرة نحول اللوحه الى فرنسيه وكلش ..اممم عضوة جديدة اسمها زيلينا ووووووو

1. عضو في المنتدى ضعيف النشاط

ياحي الكل الباقيين ..راقدين لاحس لاوالووو ..

1. طباخة المنتدى

ام امينه سميه سجينه الصمت السلطانة وانا خخخخخخخ

1. طباخ المنتدى

اكيد حاتم خليفة

1. طبيب المنتدى

لمعان الاحداق بإذن الله

1. صيدلي المنتدى

منعرفش

1. كلمة لأعضاء المنتدى

ربي يحفظهم وربي يسعدهم ويرزق كل واحد فيهم واش يتمنى

1. من هو القارىء المفضل لديك من قراء القرآن الكريم

بزاف ..عبد الرحمن مسعد ،اسلام صبحي ،سعد الغامدي ،ناصر القطامي، مشاري راشد العفاسي،المنشاوي،

1. ماهي قناتك المفضلة

ناتيونال جيوغرافيك ابوظبي ..رغم انو متابعتي لتلفاز قليلة جدا جدا

1. ماهي نوع البرنامج الذي تتابعه بكثرة في التلفاز أو الإذاعة

الاذاعه عمري ما استمعت اليه نهائيا ..التلفزيون مؤخرا وليت مانشوفوش ..الا قليلا ..نحب قناة كيف ..صفا .وصال ..البداية...الجزيرة ..

1. اسم الحقيقي إن أمكن

اسمحلي ..ما أمكنش

1. فرضنا كنت رئيس الدولة الجزائرية ماهو أول قرار تتخذه

الحجاب اجباري على الجميع اناثا ...القندورة العربية والتقصير في السروال وبولا زيرو واللحية اجباري على الذكووور ...ايقاف كلش فيه اختلاط من المدارس المستشفيات كلش كلش

1. ماهي الولاية التي تود زيارتها

تندوف

1. ماهي الدولة التي تود زيارتها بعد الحرمين الشريفين

فلسطين

1. ماهو الشيء الذي تريد تغييره في المنتدى

ماشي تغيير لكن اضافه بعض الامور مثل مسح الرد او تغيير كتابته ...

1. من الشخص الذي تتابع مواضيعه في المنتدى ولماذا

الجميييع بصفه عامه ..اي موضوع جديد نفوت ليه .وحتى الموواضيع القديمه ونقراها نورمال ...
شكرا لك على الاسئلة الجميلة والسهلة والبسيطه ..جبدت مافي خم خمي ملهيه وبسيف ...استمتعت جداا جدا حسيت نفسي كأنني في برنامج عالمي ..في انتظارك في مجموعه اخرى ..ماطولش

 

[♡كارينا♡]

نسيت عند من راني لحقت ...وقيل راني عند اكرام .ضرك

 

[Zili Na]

صحا فطوووكم



عودة إليكِ ضيفتنا المميزة!



بعد أن رحبنا بكِ واستمتعنا بحضوركِ في خيمتنا الرمضانية، ها نحن نعود إليكِ كما وعدناكِ، بمجموعة من الأسئلة التي ستسمح لنا بالتعرف عليكِ أكثر في رحاب منتدانا الغالي.



جاهزة يا كارينا؟ إليكِ أول سؤال...



1. كيف كانت بداياتكِ في المنتدى؟ وما الذي جذبكِ للانضمام إليه؟





2. ما هو القسم المفضل لديكِ في المنتدى، ولماذا؟





3. من هم الأعضاء الأقرب إليكِ وتشعرين بأنكِ على توافق كبير معهم؟





4. ما هو أكثر موضوع أو مشاركة لكِ تعتزين بها؟ ولماذا؟





5. لو طلبنا منكِ وصف المنتدى في ثلاث كلمات، ماذا ستقولين؟





6. هل سبق وأن مررتِ بموقف طريف أو محرج في المنتدى؟ شاركينا به إن أمكن!





7. ما أكثر تغيير لاحظتهِ في المنتدى منذ انضمامكِ إليه؟ وهل ترين أن المنتدى تطور نحو الأفضل؟





8. إن أتيحت لكِ فرصة أن تكوني مديرة المنتدى ليوم واحد، ما هو أول قرار ستتخذينه؟





9. هل لديكِ عادة معينة أثناء تصفح المنتدى؟ (مثلاً، الدخول في وقت معين، تصفح قسم محدد أولًا... إلخ)





10. ما هي نصيحتكِ للأعضاء الجدد الذين يريدون أن يصبحوا نشطين ومؤثرين في المنتدى؟​

 

[♡كارينا♡]

سررت كثيرا لإستضافتك كونك ملفته للنظر بنشاطك الملحوظ نرحب بك ونتمنى لك التوفيق …

السروور لي على كلماتكم ومدحكم الجميل لي ترحب بك الجنه ونعيمها..ونتمنى التوووفيق للجميع

هل كنتي عضوه قديمه في المنتدى

ماقصدك بالقديمه؟؟؟ اذا قبل 2016 ..لا ...اذا بعد 2016 نعم فأنا عضوة قديمه

هل تعرفتي على المنتدى عن طريق احد الاعضاء ام بالصدفه

بالصدفه ..كنت ابحث على وصفه طبخ ..بحثت في غوغل وجدتها لاحدى العضوات نسيت من هي ...لكن لم تضع المقادير ..سجلت عضوية ودخلت وسألتها واجابتني ومن بومها تعرفت على المنتدى

ماهي وجهة نظرك عن المنتدي

جميل رائع ممتاز ..اسم على مسمى اللمه بيتنا الثاني ..كرم اعضائه وطيبتهم وحسن معاملتهم تعطي صورة وانطباع عليه ..

شكرا …

العفوووووو

 

[♡كارينا♡]

نورتي بخيمة رمضان بطيبتك

النوووور نووورك ...والطيبة من طيبة كلماتك

شيء تمنيتيه ولم يتحقق

يكون عندي سكن خاص

اصعب موقف في حياتك

موقف صرالي قبل عامين

انت من اي ولاية

الجلفة

هل انت طالبة ام موظفة

لا طالبة ولاموظفه ...
ام وربة بيت
شكرا على المروووور الجميل ..

 

[♡كارينا♡]

كي شغل راني رحت للعمرة وجبتلكم معايا الهدايا ..​

 

[أبو عاتكة]

ياو صحا فطوركم وربي يتقبل للضيفة وللقرعاجين في الخيمة

راني حاير الخاوة منين راهم يجيبو في الاسئلة تاع بكري يخي المنتديات اندثرت مخبيينهم في الدار ولاكيفاش

 

[♡كارينا♡]

ها لحقنا ليك خخخخخخ ​

عـــــــــــــــدنا​

اهلا وسهلا ومرحبا

صحا فطوركم​

الله يسلمك وانتي زادا

عساكم بخير​

الحمدلله ...

حنا رحنا و جينا و كـــــــارين مابانتش ..
- ربي معاها -​

ههههه راني في حالة نعوم في الاشغال والاعمال ...نهارها عمل وليلنا عمل لا نملك الا العمل ..نسيت واش تقول الغنية

ساو عدت و جبت معايا حاجة جميلة تفوتي بيها السهرة ​

صحيتي ركزيلي على هادي ...ايكزاكتيمو

و مام تمدلك شوي طاقة تلحقي بيها على الردود و التساؤلات​

احسنتي

بعدما خرجنا عن المعتاد و جبت كُنافة في العدد السابق
هذي المرة جبت Tarte au Citron Meringuée
إن شاء الله تكون ضيفتنا من محبيها
سينو نحطولك أخرى على ذوقك ^^
​

ياودي جبتيها عالكيف اكثر حاجه نحبها القارس

تهلاو فيك اللماويين بالأسئلة صديقتي كـــارين اللطيفة​

تهلاوو يعطيهم الصحة وربي يحفظهم

ساو رح نخليلك 3 أسئلة - خفاف - هذا ماكان
1- كـارين ، ما رأيك في عمل المرأة ؟ ​

ياحسراه عليك سقسيتني على اكثر موضوع ماعندي حتى علاقة بيه ...سقسيني على المطلوع ولا التسياق ولا غسيل المضرب ..نجاوبك ..اما عمل المراة ..خاطيني ياطفلة
...... نقصر برك
عمل المراة يا اكرام ..عمل مليح ماشي عيب ولاحرام كما راهم يخممو الاغلبيه عندنا عمل المراة اصبح شي تقريبا ضروري. مثل عمل الرجل ماشي كما بكري ...عمل المراة يقويها يمدلها طاقة انو هي تكون معتمدة على نفسها وماتسحقش تنذل للغير وتطلب من الغير . ..لكن بطريقة محترمه وعمل محترم ..ومكان محترم وبلباس محترم وبعلم من افراد عاىلتها سواء الوالد الزوج الاخ والابن ..لكن ماشي عمل لمرأة لي يخليها تكون فيمينست مستقلة كما راهم يقولو ..وتصبح سلفع لاتسمع لرأي اي كان وتتجاوز حدودها مع الرجال الاجانب وتضيع واجباتها ومنزلها وزوجها واولادها .. وووو ..كلشي باحترام وبحددود ...هنا عمل المراة شي عادي ومقبول ولا بأس به وتبقى هذه وجهة نظري ولاتعبر عن الجميع

- لمحة -
2- من وجهة نظرك ، ماهي الاساسيات / الشروط التي يجب أن تكون حتى نقول عن الزواج أنه ناجح ؟​

حتى نقول عن الزواج انه ناجح يجب ان يكون الاحترام متبادل، الاهتمام متبادل، الثقة متبادلة ..الغيرة معقولة ، الابتعاد عن الشك ، اعطاء جميع الحقوق لكلا الطرفين،القيام بواجبات كلا الطرفين، المعاملة الحسنة بالحب والاحسان ، الكرم والحنان قدر المستطاع .

3- حدثينا ضيفتنا قليلا عن علاقتك بالكتب [ المُطالعة ] ،​

كما قلت للاخ الياس قبلك ..انا مانقراش الكتب الورقيه صراحه ..تكلف مالا وتأخذ وقتا وانا مضغوطة دائما ..فانا اقرا فقط من الانترنت ..فأخذ بعض من الملخصات والاقتباسات يعني امر مباشرة الى قلب الكتاب ومايحتويه وما اساسه ومالغاية منه ومالحكمه منه وكذا يعني باختصار ..اقرا مدونات اقرا اشعار اقرا عن الطبيعه الحياه كلش كلش ..

كتاب أثَّر فيك ؟​

لايوجد كتاب معين ..الحقيقة ..اكثر مايستهويني ..كتب تفسير القران ...عندما ابدا بقراءة صورة مع تفسيرها اتعجب لكميه المعلومات فيها وقيمه المذكوور فيها سبحان الله في القران عجائب نحن لم نعلم بها بعد ..

أديبك المفضل ...​

ابراهيم الفقي ..نحسو مليح ..كاين وحدة اسمهامنال المقرحي ..نحب نقرالها ..
الصراحه نحب نسمع البودكاست مليح ياسر الحزيمي هنوف الحقيل ..عزة الغامدي ..وبزاف غيرهم

و هذا ماكان​

خفيف ظريف

شكرا كـارين على رحابة صدرك​

العفووووووو يا حلوة الحلوات ...
واني مانسيتكش ....ان شاء الله عن القريب العاجل نشوفوك اجمل طبيبة ..

 

[aljentel]

جلفاويه يا مرحبا بالجلفاويه اول مره اشوف عضوه معنا من الجلفه …
اعتقد ان الجلفه في الجنوب لو سمحتي حدثينا عن الجلفه ومالذي تشتهر به وهل هي مدينه نفطيه ؟

 

[♡كارينا♡]

كارينا اختي الغالية

انت الغالي بحروفك وكلماتك الطيبة

حكيلنا على تجربة في الحياة تعلمتي منها

تجربة الأمومة ...اكثر تجربة قاسية وجميلة وحلوة ومرة ومزيج من بين جميع التجارب ...خاصه اذا عشتها في سن صغيرة ..كي شغل ماتعرف تربي روحك ولا ولادك خخخخ ...تعملت منها الصبر المسؤولية طول البال ..التحمل التعب كبير جدا فيها ..تعلمت كيفاش تكون سند داعم ..كيفاش تكون حنين وقاسي في نفس الوقت ..والله تجربة لا تعاد ولاتتكرر مهما واش عشت في عمرك

هل انت مع قول ان المرأة يمكنها رفع التحدي و تحقيق اهدافها

معها ومش معها في نفس الوقت ،، على حسب اهدافها واش هي ،وعلى حسب طريقه تحقيقها لاهدافها،وعلى حسب الغاية من اهدافها ،يعني على حسب ..!!

خاصة المرأة لي عايشة في بيئة محافظة

مافهمتش السؤال مليح ...يعني المراة لي عايشة في بيئة محافظة من الصغر نظن ماراحش يكون عندها اهداف غير الزواج والبقاء في البيت ام لا ؟؟

شي يفرح كارينا

اي شي يفرح الناس لي معايا ونحبهم ونعزهم يفرحني ...

شيء تخاف منه كارينا

النوم في غرفة وحدي ليلا والبقاء في منزل وحدي ليلا ...نموووت ومانديرهمش

شيء تكرهه كارينا

الكذب ..التقوعير ..التكسال ..الزوخ ..التفوات في الهدرة ..كي شغل اليوم هدرة غدوة هدرة ..عدم الوفاء بالوعد .التدخل ...الاهانة .

شيئء غريب حدث مع كارينا

الصراحه خممت مالقيت والووو

امنية حابة كارينا تحققها

يكون عندي سكن خاص

واش عطاك المنتدى

عطاني كلش خاوة خياتي اصحاب احباب ..عشنا فيها لحظات جامي تنسى ..الحزن الفرح ..بكينا ضحكنا لعبنا هبلنا قصرنا ..بهدلنا بارواحنا في بعض الردوود الغبية ..تعلمنا ..كلش كلش

نصيحة تقدميها لاخوك الامين محمد

نصيحه ..نقولك اصبر واحتسب عند الله ..ولايكلف الله نفسا الا وسعها وربي كريم اكيد راح يفرج عليك ..ويرزقك من واسع ابوابه ...ورايح يقضيلك قاع واش في بالك ...واتهلا في بناتك وزوجتك ..
وفي الاخير شكرا على مروووورك الجميل ...
وطبعا مانسيتكش وجبتلك الهدية المفضلة عندك .....



المليارررررررر ....

 

[أبو عاتكة]

جلفاويه يا مرحبا بالجلفاويه اول مره اشوف عضوه معنا من الجلفه …
اعتقد ان الجلفه في الجنوب لو سمحتي حدثينا عن الجلفه ومالذي تشتهر به وهل هي مدينه نفطيه ؟

نادي وينهم اهل الجلفة وراح يطلعولك نصف الاعضاء جلفاوية ههه

 

[♡كارينا♡]

خلوني نرووح ناكل شوية زلابية وكاس جي ونولي ...حرقلي السكر ​

​

 

[♡كارينا♡]

جلفاويه يا مرحبا بالجلفاويه اول مره اشوف عضوه معنا من الجلفه …
اعتقد ان الجلفه في الجنوب لو سمحتي حدثينا عن الجلفه ومالذي تشتهر به وهل هي مدينه نفطيه ؟

يا اخي بندر والله الصراحه اكثر سؤال ..عجبني هل هي مدينه نفطية ؟؟؟
نكمل مع الاعضاء ولي عودة باذن الله الى سؤالك

 

[Zili Na]

جلفاويه يا مرحبا بالجلفاويه اول مره اشوف عضوه معنا من الجلفه …
اعتقد ان الجلفه في الجنوب لو سمحتي حدثينا عن الجلفه ومالذي تشتهر به وهل هي مدينه نفطيه ؟

إذا كنتَ تقصدني، فلست متأكدة إن كان الكلام موجهاً لي أم لا. على كل حال لنا لقاء قريب في موضوع بصدد تحضيره في قسم بلادي الجزائر حيث سأتحدث فيه عن الجلفة، تاريخها، وأولاد نايل، وكل ما يميز ولايتي العريقة. انتظرني هناك!

 

[♡كارينا♡]

صحا فطوووكم​

الله يسلمك ..

عودة إليكِ ضيفتنا المميزة!​

اهلا وسهلا بعودتك

بعد أن رحبنا بكِ واستمتعنا بحضوركِ في خيمتنا الرمضانية، ها نحن نعود إليكِ كما وعدناكِ، بمجموعة من الأسئلة التي ستسمح لنا بالتعرف عليكِ أكثر في رحاب منتدانا الغالي.
​

مرحبا بك وبأسئلتك

جاهزة يا كارينا؟ إليكِ أول سؤال..​

هاي هاي كابتن

.



1. كيف كانت بداياتكِ في المنتدى؟​

بداية جميلة كلها ضحك وهبال وتمسخير خففنا فعلا على ارواحنا من هموم ومشاكل الواقع ..بداية كانت مع اعضاء رائعون طيبون ..ناس ملاح ..من اهمهم كانت @جوهرة الجنة @صمتي حكاية @يونس قاسم ....حكينا فرغنا قلوبنا فضفضنا ..لقينا راحه كبيرة مع بعضانا .ربي يسعدهم وين ماكانو

وما الذي جذبكِ للانضمام إليه؟
​

الصراحه لم يجذبني شي ..دخولي كان مجرد صدفه فقط

2. ما هو القسم المفضل لديكِ في المنتدى،​

القسم المفضل لدي ..ليس واحد بل اغلبهم ..إلا اقسام البيع الالكتروني مانفهملهمش مليح

ولماذا؟

​

استفيد منهم جميعا بدون استثناء

3. من هم الأعضاء الأقرب إليكِ وتشعرين بأنكِ على توافق كبير معهم؟
​

بكري كانو كايين بزاف اعضاء واغلبهم راحو ..حاليا ..لمعان الاحداق ..ابوعاتكة ..دحمانوس ..الياس ..حاتم خليفه ..الامين محمد..العنقاء ..العنقاء 2. ..سارة. ..ام امينة ..هذا واش تفكرت .اذا كاش مانسيت نقولهم اسمحولي

4. ما هو أكثر موضوع أو مشاركة لكِ تعتزين بها؟​

الصراحه نسيت كامل مواضيعي بما انو عندي سبع سنوات غايبة ..وحاولت نولي ليهم وماعرفتش كيفاش

ولماذا؟

​

اكثر مشاركة ..مزال مابانتش حاليا. ...ايامات وتبان ...لعضو من اعظم اعضاء اللمه

5. لو طلبنا منكِ وصف المنتدى في ثلاث كلمات، ماذا ستقولين؟

​

اسم على مسمى

6. هل سبق وأن مررتِ بموقف طريف أو محرج في المنتدى؟​

البارح خخخخ في خيمه حاتم خليفه كتبت بلي مريضه وكذا مباشرة بعدي خويا الياس اكتب رد ...ربي. يشافيك ويعافيك ويحفظك خويا حاتم ..انا قرات البداية حسبت انا المقصودة فجأة في نهاية الجملة لقيت ...خويا حاتم ههههه حشمت

شاركينا به إن أمكن!


​

تم

7. ما أكثر تغيير لاحظتهِ في المنتدى منذ انضمامكِ إليه؟​

الحقيقة لم يتغير شئ ..سوى النشاط اصبح قليلا جدا ...والاعضاء الاغلبية غادروا ...فقط

وهل ترين أن المنتدى تطور نحو الأفضل؟


​

الحمد لله هو في تطور مقارنة مع باقي المنتديات التي اغلبها قد اغلق وتم نسفهم من الوجوود ...

8. إن أتيحت لكِ فرصة أن تكوني مديرة المنتدى ليوم واحد، ما هو أول قرار ستتخذينه؟


​

نبدل كامل المود باس وكامل المور لي يقدر يفوت بيها المدير الحقيقي للمنتدى هكاك باش نبقى المديرة تاعه دائما وابدا
نقولك الصح ..اول قرار ندير مكالمات فيديو جماعية ..بنات وحدهم..وشباب وحدهم هكاك ..نقدرو نشوفو بعضانا مرة وحدة

9. هل لديكِ عادة معينة أثناء تصفح المنتدى؟​

(مثلاً، الدخول في وقت معين، تصفح قسم محدد أولًا... إلخ)
​

اممممم معنديش عادة معينة ..لكن عندي تقريبا وقت معين ..في الايام العادية بعد الظهر ...وفي رمضان نفوت ليلا فقط ....
ونحب نفوت ديراكت الى المشاركات الجديدة .برك هذا ماكان ..احيانا نتفقد الموجودين !!

10. ما هي نصيحتكِ للأعضاء الجدد الذين يريدون أن يصبحوا نشطين ومؤثرين في المنتدى؟​

نصيحتي ليهم نقولهم ..ربي يعينكم ..وان شاء الله توصلو وتفوتو ...ونقولهم بلي منتدانا هذا كامل ناس ملاح ..توصلو بلا مجهود بلاتعب ..الحمدلله يعرفو قيمه الضيف والعضو الجديد ..اجتهدو ابذلو جهد اسهرو الليالي لتصلو الى العلالي ...اكتبو مواضيع جديدة شيقة ممتعة ..تستهوي القراء ..مواضيع حصرية غير مكررة ..وتميزو بالاحترام في الكتابة وفي الرددودد...وهذا ماكان ....
شكرا على جميييل الاسئلة ...بانتظار عودتك

 

[♡كارينا♡]

ياو صحا فطوركم وربي يتقبل للضيفة وللقرعاجين في الخيمة

الله يسلمك ...واياك ...ابا عتوووكة

راني حاير الخاوة منين راهم يجيبو في الاسئلة تاع بكري يخي المنتديات اندثرت مخبيينهم في الدار ولاكيفاش

ياحي اندثرت عند الناس ...احنا عندنا منتدانا مزالو عصري وحديث ونبغوه اكتر من مواقع التواصل كامل ...يخي جماعة
معليش واش فيها خلى انا قديمه والمنتدى قديم والاسئلة قديمه ...وهل يوجد اجمل من التراث .يديروه في المتاحف ..كما هادي الصوورة


......................


ومانسيتكش

 

[لمعانُ الأحداق]

علابالي تعبتي مع الاسئلة كارين
شكرا على تحمل فضول النفس لي عندنا

تفضلي فلان بالكراميل
ديري بيه " استراحة محارب "
و غيري بيه الجو




- ماعنديش صور تاع 2013 سينو راني حطيتلك وحدة تاع شكرا باللمّاع -

سهرة ممتعة غاليتي ^^

​