قاطو العيد/ قاطو تاع الناس

الامين محمد · الثلاثاء على 20:20

و الله في خاطري واحد السؤال قلت نسقسيكم
غي حنا عندنا المدام كي تخدم القاطو تتقلق و لا عندكم تاني انتوما
ياتل ترجع الهدرة معاها قليلة

تقول راها تفكك في بونبا و لا قنبولة

كي توصل عند عتبة باب الكوزينة تسمع تتواغا
ارججججججججججع ماااااا تقرررررربش روووووووووووح من هيييييييييه
و باش تذوق لازم تكون عندك واسطة كحلة
و اذا و ركز مع اذا و اذا خلاوك تذوق
يعطوك هاذاك الطرف اللي في قنت السينوا
ولا كاش حبة فات ليها الطياب او حبة طاحت زيادة في الحساب تاع زوج حبات فوق بعض
و الكاااارثة
باش ترقد فالشومبرة لي فيها الڨاطو تاع العيد
لازملك تكون مأدي اليمين الدستوري
وتكون عندك حسن السيرة وحسن السلوك

المهم قاطو الناس حتى اشعار اخر

خبرونا على هاذ المقريبة اذا تان عندكم ولا ق عندنا

موضوع على السريع سلااام
ــــــــــــــــــــــــــــــــــــــــــــــــــــــــــــــــــــــــــــــ
الحمد لله ربي يخليلي نيفي هههههه

لمعانُ الأحداق · الثلاثاء على 20:33

كامل البيوت الجزائرية نظن كيفكيف
- عقلية واحدة متوارثة -
مي صح نتعبو عليها باينة خلو نهار العيد و تشوفوها و تذوقوها
اذا فتحنا العلبة الآن تخلاص قبل العيد
و " الضياف " وش نحطولهم ؟

نظن التفكير هذا جاي من مبدأ - إكرام الضيف -
الأحسن ديما يبقى للضياف
الجزائري لي يُحسن الضيافة و لو ماعندوش ^^

حاتم خليفة · الثلاثاء على 22:08

عندنا كامل بصح أنا نفضل لحواشي نتاع البقلاوة غير تطيب البقلاوة نقوللهم واحد ما ياكل لحواشي من غيري

الامين محمد · الثلاثاء على 22:35

الحمد لله ربي يخليلي نيفي هههههه

حاتم خليفة · الثلاثاء على 22:38

قال الامين محمد:
الحمد لله ربي يخليلي نيفي هههههه

مشاهدة المرفق 170244

الحمد لله على سلامتك هههه

النورس · الثلاثاء على 23:04

ركزلي كي يمدولك غير الحواشي ههه الباقي تع الناس

حاتم خليفة · الثلاثاء على 23:46

قال النورس:
ركزلي كي يمدولك غير الحواشي ههه الباقي تع الناس

لحواشي هوما لي فيهم البنة

إلياس · الأربعاء على 00:14

صراحة لست من عشاق الحلوى تع العيد لاني اعتبرها مصروف زايد

أبو عاتكة · الأربعاء على 00:38

بعد اسبوع من العيد تحوس عليه بفرق الحماية المدنية وفصيلة غطاسين و فرقة 90 من لواء المظليين وما تلقاهش

اك تعرف كلاوه الناس اللي كان نتاعهم من اللول

حاتم خليفة · الأربعاء على 00:43

ڨاطو العيد

جبتلكم أهم البلايص لي مخبيين فيهم الڨاطو وإذا لقيتوهم خلولي حبات 😂🤣 تحت السرير تحت البيفي فوق البيفي وراء لخزانة تحت لفراش الجديد في لفريڨو تحت البوطاجي

www.4algeria.com

space-cowboy · الأربعاء على 00:54

ههههههههه

لا يعطوك ذوق، من الكاطو المحروق، واللي زايدلو الطياب... يعني يا إما في الدرجة الأولى ولا الثانية من الحرق، ولا المعوج، ولا اللي مهرس، ولا اللي ما صدقش... ولا من يعاني من هشاشة العظام، يعني ترفدوا بالبالا ههههه

مهم كل متردية ونطيحة وما أكل السبع

النسا القافزات يدسو الكاطوا لمليح لتحت ويخليو العيّان لفوق كقربان للصوص الليل...
ما تجي توصل للكاليطي المليح تكون صليت صلاة العيد ههههه
والنساء البارعات يدسو بيدويات القاطو في أماكن لا تخطر على بالك... تلقى ذهبهم وما تلقاش القاطو

المهم كلشي فايت والله يخلي لنا انوفنا
طلب غير الصحة والسلامة

*amani* · الأربعاء على 01:08

حنا تنوض الدبزة نورمال

والضغط تقول رانا في مسابقة مع لخر ناكلوه غير حنا الضياف مايكثروش ههه

السلطانة · الأربعاء على 18:17

على هاذ ااشي
معولة غدوة باه نخدملهم القاطو

معسكر مغلق مكانش لعب مع المرأة الجزائرية

السلطانة · الأربعاء على 18:19

قال النورس:
ركزلي كي يمدولك غير الحواشي ههه الباقي تع الناس

زيد انت لي تشريلهم حوايج القاطو

النورس · الأربعاء على 21:47

قال السلطانة:
زيد انت لي تشريلهم حوايج القاطو

يفرغولك جيبك بالمصروف فالاخير تديًالحواشي و تسكت

♡كارينا♡ · الأربعاء على 23:16

لمعانُ الأحداق · الأربعاء على 23:33

قال ♡كارينا♡:
مشاهدة المرفق 170272

هذي كانت في وقت الكوفيد

أما الان الضياف كاين

♡كارينا♡ · الخميس على 00:11

قال لمعانُ الأحداق:
هذي كانت في وقت الكوفيد
أما الان الضياف كاين

لالا ضىك تاني راهي ولات كي شغل الاغلبية ولاوو مايحبوش يزورو ..ولاو في عقليه درت طهور لولدي ماجاوش حتى انا مانروحش ..شريت فيلو لولدي ماكانش لي باركلي حتى انا مانروحش ..بنتي ولات عندها سن ماجاونيش حتى انا مانروحش وهكذا حتان انقطع كلش. ولاو واحد مايروح عند واحد ..على هذا الاغلبية ولاو ماعندهمش الضياف ..على هذا كل واحد يرقد هاني

لمعانُ الأحداق · الخميس على 00:12

قال ♡كارينا♡:
لالا ضىك تاني راهي ولات كي شغل الاغلبية ولاوو مايحبوش يزورو ..ولاو في عقليه درت طهور لولدي ماجاوش حتى انا مانروحش ..شريت فيلو لولدي ماكانش لي باركلي حتى انا مانروحش ..بنتي ولات عندها سن ماجاونيش حتى انا مانروحش وهكذا حتان انقطع كلش. ولاو واحد مايروح عند واحد ..على هذا الاغلبية ولاو ماعندهمش الضياف ..على هذا كل واحد يرقد هاني

تغيضك كي يكون قطع صلة الرحم لأسباب تافهة
و لا يردو هذه بتلك
ربي يجيب الخير

space-cowboy · الخميس على 05:58

قال ♡كارينا♡:
لالا ضىك تاني راهي ولات كي شغل الاغلبية ولاوو مايحبوش يزورو ..ولاو في عقليه درت طهور لولدي ماجاوش حتى انا مانروحش ..شريت فيلو لولدي ماكانش لي باركلي حتى انا مانروحش ..بنتي ولات عندها سن ماجاونيش حتى انا مانروحش وهكذا حتان انقطع كلش. ولاو واحد مايروح عند واحد ..على هذا الاغلبية ولاو ماعندهمش الضياف ..على هذا كل واحد يرقد هاني

فعلا ما بقى شي يعرض على شي

ومن بين الأسباب، التكلف الزائد في "بروتوكولات" الضيافة. زمان كانت الزيارات عفوية وبسيطة... تدخل، تقعد، تاكل ما كتب ربي، بدون ترتيبات مسبقة. أما اليوم، الزيارة تحسبلها ألف حساب! كل شيء ولى مربوط بالصورة، في عهد "الأنستاغرام". إذا الطاولة ما تصلحش تصوير وبارطاج، العزومة تولي مصدر قلق وتعب.

وكل عام يزيد الطين بلّة...العام لي فات بعض الإخوة فطرنا عندهم وفطروا عندنا...كل ويكاند فدار.
هاد العام فطروا عندنا... لكن يبانولي ضربو النّحّ باش هوما يعرضوا هههههه

الله يصلح الأحوال ويهدينا للتلقائية والبساطة.

قاطو العيد/ قاطو تاع الناس

:: أمين اللمة الجزائرية ::

:: عضو فعّال ::

:: عضو فعّال ::

:: أمين اللمة الجزائرية ::

:: عضو فعّال ::

:: عضو متألق ::

:: عضو فعّال ::

:: أستاذ ::

فُـ,ـريڊ أبـٌـٌٌـٌٌٌـٌٌـٌوُفُـ,ـيصُـ,ـلُـِـِِـِِِـِِـِـ

:: عضو فعّال ::

:: عضو مُشارك ::

:: مراقبة عامة ::

:: أمينة اللمة الجزائرية ::

:: أمينة اللمة الجزائرية ::

:: عضو متألق ::

:: عضو متألق ::

:: عضو فعّال ::

:: عضو متألق ::

:: عضو فعّال ::

:: عضو مُشارك ::

نحن نقدر خصوصيتك