واش هي الطبخات والحلويات المعروفة بولايتك

ا

ام ايناس

:: عضو بارز ::
أحباب اللمة
إنضم
9 ماي 2010
المشاركات
2,414
نقاط التفاعل
6,255
النقاط
111
السلام عليكم
اليوم جبتلكم موضوع جديد وانشا الله يعجبكم كلنا نعرفو بلي بلادنا فيها 48 ولاية ربي يبارك وكل واحدة فينا حابة تتعرف على الاكلات والحلويات نتاع الولايات الاخرى
نبدا بروحي انا من ولاية تيسمسيلت وفيها اكلات متنوعة وكثيرة انشا الله كل يوم نحط وصفة واليوم رايحة نبدا بطبق
شوربة فريك =
443700700.jpg

المقادير =
كيلو لحم خروف + حبة بصل + 2 سنينات ثوم + 4 حبات طماطم + 2 مغارف طماطم مصبرة +حمص +ملح + فلفل اسود +راس الحانوت +قصبر (دبشة) + كرافس + ليمون + الزيت + الفريك
الطريقة =
نقلي اللحم مع البصل والثوم والملح والتوابل والزيت منبعد نظيفلهم كاس ماء ونظيف طماطم مصبرة والطماطم حب نخليهم هاكاك نغسلوهم مليح + الحمص والقصبر والكرافس ونمرقو في نص الطياب ناخد الطماطم نحيلها القشرة ونرحيها ونرجها للمرقة ونظيف الفريك ولما طيب الفريك نطفي عليها ونعصرلها القارص ونزينوها بالدبشة
وانشا الله نكتاشفو اكلاتكم وكل يوم تحط وحدة اكلة من اكلات ولايتها سلااااااامي
​
 
فكرة هايلة ام ايناس هدا نتعارفوا على كل ولايات ساتبت الموضوع
واتركه اتمنى اشوف تفاعل الاخوات
للعودة للموضوع
 
الف الف شكر الاخت حكيك على التثبيت وانشا الله يكون التفاعل منورة
 
يعطيك الصحة على الفكرة ام نيسو فكرة هايلة
 
فكرة مليحة ايناسو لي عودة انشاء الله
 
و الله فكرة هايلة أختي أم إيناس
بارك الله فيك
 
انا من سطيف واكلاتنا هي البربوشة هي الطبق المميز في كل مناسبة طبعا مع الشربة فريك
و العيش في سبوع المزيود ويندار ثاني في صباح العريس ومالين لعروسة يجيبو المفرمسة(شخشوخة البساكرة)
اما الحلويات فالمشهور عندنا هو المقروط نتاع الغرس والحلويات العصرية الاخرى
نتمنى اني عطيتكم نظرة على اطباقنا التقليدية السطايفية
 
ام نيفين انا راني من (عين ولمان) وانتي منين
 
اهلا بيكم حبيباتي منورين الموضوع والف شكر ليكم
ام سيف مشكووورة على الوصفات وانشا الله تزيدي تعرفينا على اكلات سطيف العالية
 
آخر تعديل:
صباح الخير اختي ام ايناس موضوع رائع هكذا نتعرف على كل شبر من بلادناالعظيمة الحمد لله
حنا من الغرب وبالضبط من ولاية سعيدة عندنا عدة اطباق تقليدية مثل كامل ولايات الغرب مثلا الكسكس(الطعام بالمرقة ولكن تكون دائما حمرا -البركوكس نفتلوه ويكون غليظ على الطعام وننطيبوله المرقة الحمرة بالدجاج (يمكن باللحم الغنمي) ولكن في المناسبات بالدجاج مع التعمير(نطحن حناجر الدجاج اوالكفتة حمرا مع المعدنوس الثوم البهارات شوية سميد محمر فوق النار شوية خبز مرحي بيض ونضعه في كيس بلاستيكي يطيب بعد ما نكونوا قعرنا الكيس بالشوكة في وسط مرقة لما طيب نقطعه مثل boudinونحط البركوكس بعد ما طبخناه شوية في مرقته في الانية فوقه قطع الدجاج مقطع ثم دوائر التعمير وكريات الكفتة يجي رائع اصبح يقدم في كل المناسبات تقريبا الزيادة حفلة ربح معروف ومن بعد تقدم الشاي مع القاطو تقريبا لا تختلف عن كامل ما يقدم في الولايات الاخرى وخاصة المقرود بالغرس المقلي ويكون بالطابع القريوش........
اسمحيلي اختي ام ايناس راني طولت عليك

 
مشكووورة ام ايناس وفاروق يبان الطبق راااائع وكنت متمنية لوكانو صور راني غير نتخيل فيه وسلامي لناس بوسعادة
 
ان شاء الله عن قريب البورتابل راه مقنطني راني كل يوم نصور مي ما همش واضحين راني مهبلة مول الدار على بورتابل و قالي استناي راكي عرارفة لي ما تخدمش لازم تستنى
على فكرة ام ايناس انا راني شوية قريبالك قلت من ولاية سعيدة
 
ههههههه اسناي البورطابل حتان يجي ايه البلايص ماشي بعاد وراجلي كي يكمل الخدمة نروحو نسكنو في تلمسان شرينا سكنا لتما
 
المثوم =
808744768.jpg

المقادير =
جاج + توم + بصل + حمص +ملح + فلفل اسود +
بالنسبة للحم مرحي + ثوم + شوية خبز مرحي + ملح + والتوابل والمعدنوس اختياري
نقلو الجاج مع الثوم والبصل ونضيفو الملح والفلفل اسود والحمص ونمرقو بشوية ماء كي يغلي الما نكونو حظرنا البولات تاع اللحم المرحي نحطوحا فوق الرق طيب وشهية طيبة للجمييييع
​
 
يعطيك الصحة ام ايناس ولله غير ساهل ماهل
 
يجب عليك تسجيل الدخول أو التسجيل للرد هنا.

المواضيع المشابهة

A-Boudjema
شربة فريك
المشاركات
7
المشاهدات
1K
A-Boudjema
A-Boudjema
السلطانة
النعمة من مطبخي
المشاركات
9
المشاهدات
397
Oktavio_hinda
Oktavio_hinda
حفياد آدم
غراتان روعة بطريقة سهلة
المشاركات
2
المشاهدات
474
حفياد آدم
حفياد آدم
A-Boudjema
سبرينج رول بالبطاطس - أكلة صينية
2 3
المشاركات
52
المشاهدات
2K
لجين32
ل
*amani*
خِبًزٍ مًحًشُيَ 🥪🍔
المشاركات
10
المشاهدات
1K
وۣۗهۣۗہۣۗم
وۣۗهۣۗہۣۗم
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top