استفسارات العروس حول الحلويات و القاطو

sousouia · 6 جوان 2012

السلام عليكم
لكل عروس
مقبلة على الزواج
او
على الخطوبة
أو أي بنت بحاجة الى مساعدة
في الحلويات التي تود تقديمها مثلا في مناسبة ما
أو لعروس كهدية
و انت محتارة في الحلويات التي ستقدمينها
لا تحتاري
منتدى اللمة الجزائرية و بناته الحلوات هنا
لمساعدتك
بأهم و اجدد الموديلات في مجال القاطو
و طريقة عمله
لا تاكلي الهم و تصابي بالارق
فنحن هنا

ملاحظة:شكر جزيل للعضوة و المراقبة سندريلا زماني لانها صاحبة الفكرة

السلطانة · 6 جوان 2012

وعليكم السلام
منورة أختي
إن شاء الله يكون هذا الموضوع ملجأ لكل عروس تحتاج إلى مساعدة في قاطوات العرس وماتبعها
موفقة

الموضوع يبقى مثبت
اذا رأينا فيه تفاعل

sousouia · 6 جوان 2012

500 غ طحين
125 غ .دة
3 ملاعق كبيرة من ماء الزهر
ماء

مقادير الحشو:
3 مقادير لوز
1 مقدار سكر

ماء الزهر

طريقة تحضير العجينة :
ضعي في وعاء الطحين مع ال.دة السائحة و افركيها جيدا بين يديكي و اضيفي اليها ماء الزهر ثم الماء حتى تصبح لديك عجينة طرية
نقطع العجينة الى قطع صغيرة حتى نقدر نمررها بالماكنة
في الاول نمررها برقم 2 بعدبن نمررها مرة ثانية رقم 4 و ثم المرحلة الاخيرة برقم 7 حتى تطلع لنا على شكل مستطيل طويل و اقل سمكا
طريقة تحضير الحشو :

اخلطي في وعاء اللوز مفروم ناعم مع السكر و الحلوى التركية و ضفي لهما ماء الزهر حتى تحصلي على حشوة تقدري تمسيكيها بايدك مو لازم تكون سائلة لازم تكون ناشفة

طريقة تحضير الكريمة :
نخلط بخلاط كهربائي 2 بيض + 2 كاس سكر ناعم (الكاس =200 غ) اخليطهم جيدا + 250 غ .دة طرية + كاكاو حتى يصير لونها زي الشوكولاطة و اخفقي جيدا الكريمة و بعدين ضفي اليها 250 غ فول سوداني او لوز مفروم متوسط

sousouia · 6 جوان 2012

اليوم أحضرت لكن طريقة تحضير مقروط عش النحلة او الشهدة

من مطبخي و بالصور

المقادير

كيلة و نصف سميد

كيلة و نصف فرينة

كيلة و ربع سمن ذائب و بارد انا استعملت سمن المدينة

القليل من الملح

و نحكه باليدي جيدا جدا حتى يصبح لونه فاتح

انا حكيكوا بالعجانة بالحرف ك

نتركه يستريح مدة ساعتين او اكثر

نرشه بالماء المخلط بماء الزهر و نخلط بالاصابع و لا نعجن

نخلط بالاصابع حتى يلتم العجين

نغطيه بكيس بلاستيكي و نتركه يستريح نصف ساعة

نكون قد جهزنا كمية من التمر المعجون او ما نسميه الغرس و نعجنه مع الزبدة الذائبة ملعقتين و الجلجلان المرحي

و نتركه جانبا

او نخلط كمية من اللوز المرحي او الكاوكاو و الجلجلان و ربع كميته من السكر العادي و نرشه بالماء الزهر حتى نتحصل على عقدة

نرجع للعجينة

نشكلها كما في الصورة

مريامة · 7 جوان 2012

فكرة جميلة و موضوع جميل أختاه,موفقة انشاء الله
و نقدو ندخلو معاهم حتى القوابس نتاع الحلويات و البونبونات و طريقة تغليف صينيات الحلويات
مشكوووووووووووووووووورة أختي على الفكرة

السعيدة بربها سارة · 7 جوان 2012

موضووع شيق الله يبااارك
صح يخص اللي راح يتزوجو ومحتاارين في القااطو اللي راح يديروووه ويدووه معاهم
ربي يهنيهم يا رب ويوووفقهم في حيااتهم
حتى انا طليتو على قلبي
مام تكوني تعرفي تدير القاااطو ولكن منين يجي يوم الصح تتلف ليك
صح ولالا
انا ان شاااء الله عرس اختي الوحيدة في شهر 9 ربي يهنيها ويفرحها
اخت وحدة برك
وان شاااء الله عندي شهرين في يدي باااش نوجد شنو ندير ليها
يا الله هادي الصفحة تكون للعرااايس 2012
وااش راح يديروووو حلويات وووووو وكل شئ يخصهم

انا اختي قالت لي ديريلي بوقاالات
ان شاااء الله نوجدهم ليها وونصورهم ليكم تشوووفهم ان شاااء الله

سمية25 · 7 جوان 2012

فعلا فكرة مليحة درتيها والله غير كنت محتارة في نوع الحلويات اللي نديهم معايا
الله يخليك ويحفظك
حتىالحلويات اللي درتيهم شابين يعطيك الصحة

السعيدة بربها سارة · 7 جوان 2012

يا الله وينكم اهي بحلاااااوة ن صنعي
شنا الا تديها معاك ياك

السلطانة · 7 جوان 2012

اهلا بيكم لبنات
نورتو الموضوع
ان شاء الله نلقاو فيه تفاعل
اختي سارة يعطيك الصحة على البقلاوة
مزينة مليح وباينة تشهي

sousouia · 7 جوان 2012

اهلا بيكم يا بنات و عرايس اللمة
نورتوا الموضوع بالاطلالة نتاعكم نشالله تواصلوا التالق
و لكل وحدة عندها استفسار ما تجينا غير هنا

سمية25 · 7 جوان 2012

فعلا هذا موضوع رائع لينا
المهم انا حبيت نستفسر اعجبني المقروط اللي وريتيهلنا ولكن قوليلي كيفاش يخرج بهذيك الطريقة نتاع التزيين نتاعو قصدي هل هي قطاعة ولا بواسطة النقاش ننقشوه هكداك
ميرسي حنونة على الموضوع الرائع

السعيدة بربها سارة · 7 جوان 2012

حلوة اللوزة ولكن بحشوة من اختراعي بمربى الفريز

هذه الصورة تم تصغيرها. إضغط هنا لعرض الصورة بالحجم الطبيعي. أبعاد الصورة الأصلية هي 4000×3000 و حجمها هو 1170 كيلوبايت.

هذه الصورة تم تصغيرها. إضغط هنا لعرض الصورة بالحجم الطبيعي. أبعاد الصورة الأصلية هي 4000×3000 و حجمها هو 707 كيلوبايت.

السعيدة بربها سارة · 7 جوان 2012

قال سمية25:
فعلا هذا موضوع رائع لينا
المهم انا حبيت نستفسر اعجبني المقروط اللي وريتيهلنا ولكن قوليلي كيفاش يخرج بهذيك الطريقة نتاع التزيين نتاعو قصدي هل هي قطاعة ولا بواسطة النقاش ننقشوه هكداك
ميرسي حنونة على الموضوع الرائع

حبيبتي انتي حوست ليك الطريقة وجبتها
كانت لاخت ام سامي الله يسعدها ووويوفقها يا رب

الموضوع للاخت ام سامي
منقول منها ولا اعرفها اصلا
ما شاااء الله عليها

sousouia · 7 جوان 2012

قال السعيدة بربها سارة:
حلوة اللوزة ولكن بحشوة من اختراعي بمربى الفريز

هذه الصورة تم تصغيرها. إضغط هنا لعرض الصورة بالحجم الطبيعي. أبعاد الصورة الأصلية هي 4000×3000 و حجمها هو 1170 كيلوبايت.

هذه الصورة تم تصغيرها. إضغط هنا لعرض الصورة بالحجم الطبيعي. أبعاد الصورة الأصلية هي 4000×3000 و حجمها هو 707 كيلوبايت.

اختي عيشك القاطو تاعك مليح مي حاباتك تعطيني الوصفة

سمية25 · 9 جوان 2012

شكرا اختي على اهتمامك بطلبي
ولكن من اين اجد هاته الاداة وهل هي متوفرة حاليا في كل مكان
شكرا اختي ..السعيدة بربها سارة
نتمنى مانكونش كثرت عليك

sousouia · 9 جوان 2012

قال سمية25:
شكرا اختي على اهتمامك بطلبي
ولكن من اين اجد هاته الاداة وهل هي متوفرة حاليا في كل مكان
شكرا اختي ..السعيدة بربها سارة
نتمنى مانكونش كثرت عليك

تقدري تديريها باي حاجة مدورة مثل قلم الرصاص من اللورة بصح يكون قلمنوا فلعرض.انا درتوا غير لبارح بالريشة تاع الالوان المائية ميش من جيهة التلوين.من الجيهة لخري

سمية25 · 9 جوان 2012

فكرة مليحة نتاع ريشة الالوان
هههه ميرسي وربي يجازيك اختي ويفرحك ويعطيك ماتتمناي

السلطانة · 10 جوان 2012

لبنات
معندكمش قاطو خفيف
ساهل
حابة نديرو لفاتحة بنت عمتي

sousouia · 10 جوان 2012

قال ساندريلا زماني:
لبنات
معندكمش قاطو خفيف
ساهل
حابة نديرو لفاتحة بنت عمتي

المقادير
ربع كيلو زبدة
4 معالق كبيرة سكر بودرة
بيضة
كيس خميرة حلوى
برش ليمونتين
8 معالق نشاء
دقيق حسب ليونة الخليط
حلوة حلقوم متقطعة اجزاء صغيرة

انا عملت ضعف هاد الكمية وطلعم حوالي 95 حبة
نحط زبدة وسكر بودرة في الخلاط
ولو ماعندناش مش مشكل نضرب بالمضرب العادي لحد تكون خليط مبيض كريمي
نضيف بعدها البيض وبرش الليمون
ونضيف النشا والدقيق حتى نتحصل على عجينة جميلة لاهي يابسة ولا طرية كثير
نكورها كرات صغيرة ونحشيها باجزاء حلوة الحلقوم
ونخبزها في فرن متوسط
ولما تخرج نغطس اعلاها في الشوكولا البيضاء ونزينها بوردات

تحياتي

السلطانة · 10 جوان 2012

يعطيك الصحة
أختي على تلبية الطلب
قاطو باهي
يعطيك الصحة

استفسارات العروس حول الحلويات و القاطو

:: عضو مُشارك ::

:: أمينة اللمة الجزائرية ::

:: عضو مُشارك ::

:: عضو مُشارك ::

:: عضو منتسِب ::

:: عضو بارز ::

:: عضو مُتميز ::

:: عضو بارز ::

:: أمينة اللمة الجزائرية ::

:: عضو مُشارك ::

:: عضو مُتميز ::

:: عضو بارز ::

:: عضو بارز ::

:: عضو مُشارك ::

:: عضو مُتميز ::

:: عضو مُشارك ::

:: عضو مُتميز ::

:: أمينة اللمة الجزائرية ::

:: عضو مُشارك ::

:: أمينة اللمة الجزائرية ::

المواضيع المشابهة

نحن نقدر خصوصيتك