حكايات بنات العدد التاني

مداخـــلات البنـــاتـ

​

قال Moon_light:

مغسي إيمآن على الموضوع لي يبآن مجرد منآقشة حآدة بين زوج بنآت ,
لكن معنآه كبير لمن تفهم المعآني ,
بزآف بنآت نعرفهم صرآتلهم هكذا يفرطوآ في قرآيتهم ,
عجآل الزوآج يحسبوآ الزوآج حآجة كبيرة تنصحيهآ تقولك غآيرة مني ,
ولآ البآيرة هذي خخخ كي مآ تخطبتش جآية تدبّر عليآ ,
نعرف وحدة تزربت هك بعد وتزوجت إمآم مآ صدقت ,
هيآ وعدهآ تكمل قرآيتهآ وتزوجوآ وبدآ يعسرلهآ يآ سيدي قآللهآ ,
ديري النقآب قآلتلو كيفآش نديرو وانآ نقرآ خلي نكمل العآم لي بقآلي ونديرو ,
وتعرفو الجآمعآت تآعنآ مآ يحبوش على لحوآيج هذو للأسف ,
كي مآ حبتش قلبهآلهآ قآللهآ مآ تركبيش في النقل ,
وين نركب ؟ روحي على رجليك أتخيلوآ في النقل تحكم سآعة في الطريق ,
وبغير نقل شحآل تحكم ؟! مآ حبتلوش أونكوغ المهم كل مرة يعسرلهآ بآش تبطل ,
بقآت صآمدة حتى جآ نهآر وتقلبت فيه هيآ قآللهآ بآي بآي يآ بنت النآس ,
وكآنت جآبت منو طفلة بآش كمل حرقهآ الإمآم هذآ لي دهشت فيه ,
قآللها الطفلة مش بنتي شوكآهآ في الزوآج وجآوهآ لي زوكآزيون مي .
من الشوك مآ قبلت بحتى وآحد ورآح التفرفيط تآعهآ مي هي عالأقل طيرت قرآيتهآ ,
ووحدة أخرى تزوجت بعد وبطلت لقرآية ودرك كي نتلمون حنآ لي جون في ,
الكل بالحطة واللبسة وهي مع ولآدهآ عندهآ زوج أي ترضع في هذآ ,
ورآهي تحط ليكوش لهذآ بلآ التبهديلة لي عليهآ وشعرهآ لمكشّب ,
مي مآ حآيبآش تقر بلي عيآت وزربت روحهآ ,
أنآ عن نفسي ديمآ حطيت الزوآج في رآسي كمكتوب ,
وكآن كآتبلي رآني نتزوج مآم بعد مآ نكمل قرآيتي ولوكآن بآلي ,
في الزوآج كنت تزوجت كي كنت نقرآ ورآني بولآدي درك مي لقرآية أهم ,
هك الطفلة تقرآ وتتحقر يآ حتي بلآ قرآية يذلهآ رآجلهآ غدوة يقوللهآ الجآهلة ,
وصرآت قدآم عيني وسمعتهآ بوذني الكلمة هذي هدرهّآ وآحد لمرتو حتى بكآت ,
جآتهآ طيحة قدآمي ألوغ العلم مليح والزوآج مليح من بعدو ومآلآزمش تأمني ,
في وآحد يقولك نتزوجو وكملي قرآيتك كمليه والزوآج أو يجي وقتو ,
هذو عينآت من المحيط تآعي ,
أي الطفلة مش لآزم تزرب روحهآ وتقبل بأول وآحد يطبطب عالبآب ,
تقول محرومة تروح تقرآ وتكمل ومن بعدهآ يرحمهآ ربي ,
أمآ لي مآ قرآتش من اللول وحبست بكري أفضللهآ تروح تتزوج ,
مآ عندهآ علآش تقعد ,
كآنشي حوآيج خلآف نتفكرهم عالسـuـجي هذآ رآني نجي نعبّر ,
p: ,
مغسي إيمآن أونكوغ ,
سلآمي ’

Moon_light
​

إضغط للتوسيع...

قال ساندريلا زماني:

بالنسبة لموضوعك ايمانو انا نساندك 100/100
عشت المرحلة هادي لي راكي فيها وفتها وشفت النتائج قدامي
لبنات لي مكملوش قرايتهم وتزوجو
في وسط لقراية وقتها لقاو الدنيا تزهيلهم غوب وراجل ودلال واحلام وردية بانتلهم بلي راهم حاجة
قراو معايا بنات هك وينوضو يتفاخرو زعم هيا اتزوجت وهي تقرا وانتي مازالك تقراي وبلا راجل
في اللحظة هاديك تبانلها مليحة مي
بعد مايفوت الوقت تجي تشوف تلقى عمرها راح بين البيدون والنشافة ولولاد والراجل ترجع كيما نقولو بونيشة عالمها محصور في جانب واحد .
انا كونتر وحدة تخلي قرايتها وتتزوج
الطفلة تقرى تجيب ديبلومها وتخدم تضمن بلاصتها
والزواج ماش راح يهرب عليها
بالعكس كي تعود بخدمتها وقيمتها
راح يتمناها ألف واحد
وهيا لي تعود البالون في يدها تقبل بلي يعجبها ماش تدي برك تقول راح تبور.
نصيحة مني للبنات:
اقراو قرايتكم واخدمو تشوفو الدنيا وتكوّنو شخصيتكم
باسكو الحياة بعد الخدمة حاجة مختلفة بزاف على لقراية تاع الجامعة مُخك راح ينضج تفكيرك راه يتطوّر
وبزاف حاجات تكتسبيهم .

ساندريلا زماني
​

إضغط للتوسيع...

قال ziassia:

يعطيكــ الصحة إيمان
هذا هو التخمام لي راهو عند لبنات في هذا الوقت سيرتو اذا كان عندها خوها و متالبها تقولك اللول لي يجي يخطب نقبل بييه على حساب قرايتها و مستقبلها ماعلبالييش من واش خايفا اذا خايفة تبور ياك كلش بالمكتوب و لي مكتوب على الجبيين تعيا و تشوفو العيين
اتكملي قرايتك و بخدمتك و طموبيلتك افضل ملي تتزوجي و انتي عندك 18 و لا 19 بلا نيفو لا والووو و يولو يعايروك يخيي دركا بخدمتها و متسلكش ماشي حتى لا قراية لا والوو
كيما وحدة صحبتي عندها خوها أخينا و نهار جابت البيام مخالهاش تطلع لليسي بسييييييف باش خلاها طلعت لليسي و قاللها حتى و اذا كملتي في الليسي و جبتي الباك الجامعة غيير متطمعييش اومبعد في العام لي جوزنا فييه الباك جاوها خطابة و هذا لي جا خطبها قاللها اذا جبتي الباك كملي قرايتك معنديش مشكل حتى بعد الزواج و هي مجابتش الباك و عسسنا فيها عاودي الباك بلاك تجيبييه و تكملي قرايتك قاتلك لالا درك خلاص راح نتزوج انا واش نديير بالباك

ziassia
​

إضغط للتوسيع...

قال iméne09:

مغسي إيمآن على الموضوع لي يبآن مجرد منآقشة حآدة بين زوج بنآت ,

إضغط للتوسيع...

سـpـيسيالمون حبيتو تكون مناقشة باش يفهمو كتر كل وحدة فينا تعرضت لهاد موقف تحسي روحك قدامهم غلطتي كي حبيتي تقراي حتى يهبلوك لوكان ماتبعديهمش

عجآل الزوآج يحسبوآ الزوآج حآجة كبيرة تنصحيهآ تقولك غآيرة مني
ولآ البآيرة هذي خخخ كي مآ تخطبتش جآية تدبّر عليآ

إضغط للتوسيع...

ههههههه هكداك لازم ماتنصحيش تولي نتيا غالطة وماتفهميش وغرتي منها باغسكو جاها مكتوبها ونتيا مزالكي بايرة حبيتي تحرمي عليها انا هدي حبيبتي يماها ولات تحرشها تقولها ماتخرجيش معاها حابة ديرلك مشاكل مع راجلك وتخسرلك تخمامك كي سمعت هاد هدرة حسيت روحي نمامة منها قطعتها ماوليت نحوس عليها ماوالو عرسها حضرتو كي ناس هي تزوجت وتمنيتلها ربي يهنيها وقاسات وعلى بالها كل نصيحة مديتهالها باغسكو نخمم فيها وحبيتلها مصلحتها راجل ماينفعهاش مصيرها يعايرها ويطيح من قيمتها مي كي تكون بديـpـلوم مايحلش فمو كي تكون قادرة على شقاها ماتتميزرش ويحطها تحتو باش ماتطلعش عليه مي حنا لازم نكونوديما توpـ ابسط حاجة باش ديرها ماشي لازم غيرا جازت عليه وعلى لادوان
"عجوزتها "باش تروح للحمام كي تكون يقيمتها وشانها ماتكسرش راسها حاجة لي ترشقلها تجيبها

وبغير نقل شحآل تحكم ؟! مآ حبتلوش أونكوغ المهم كل مرة يعسرلهآ بآش تبطل

إضغط للتوسيع...

هههههههههه يصعب فيها باش تمل والله صادفت شحال من حالة في هاد cas توجوغ تسوفري باش تكمل وتتهنى وهو مالـgـري pـرومالها مي ديفوا الوعد يجيه كي سكر في الما يدوب بفيه يكلخلها بيه غير باش تتزوج واحد نعرفو غير تزوجت بيه قالها انساي واش وعدتك خصك غير قراية كي تخرجي نتيا م دار شكون يخدم على يما لتماك تندم على نهار لي خممت في زواج تولي راجل يحكم ماعندهاش لي شوا لي كانو عنده قبل ماتغلط

بقآت صآمدة حتى جآ نهآر وتقلبت فيه هيآ قآللهآ بآي بآي يآ بنت النآس
ورآح التفرفيط تآعهآ مي هي عالأقل طيرت قرآيتهآ

إضغط للتوسيع...

نستعرف بيها الصح كي كملت قرايتها تندب وتحدب على راجل كيما هدا الله يقطعو والله لا يشوفنا فيه تهنات منو دوكا تخرج تخدم على بنتها بالشان هو كي يكون في الحياة واش م فايدة غير صداف ومشاكل

ووحدة أخرى تزوجت بعد وبطلت لقرآية ودرك كي نتلمون حنآ لي جون في
الكل بالحطة واللبسة وهي مع ولآدهآ عندهآ زوج أي ترضع في هذآ
ورآهي تحط ليكوش لهذآ بلآ التبهديلة لي عليهآ وشعرهآ لمكشّب
مي مآ حآيبآش تقر بلي عيآت وزربت روحهآ

إضغط للتوسيع...

ماتقدرش تستعرف تحشم قدامكم مالـgـري مداخل راهي نادمة 100 ونضمنهالك مي توجوغ تبينلكم راهي فور ولاباس بيها ماعليش كل واحد واش خير وكل واحد واش ربي كتبلو

أنآ عن نفسي ديمآ حطيت الزوآج في رآسي كمكتوب
وكآن كآتبلي رآني نتزوج مآم بعد مآ نكمل قرآيتي ولوكآن بآلي في الزوآج كنت تزوجت كي كنت نقرآ ورآني بولآدي درك مي لقرآية أهم

إضغط للتوسيع...

زين لكلام هكدا رانا كي تكمل القراية يجي تخمام فيه

هك الطفلة تقرآ وتتحقر يآ حتي بلآ قرآية يذلهآ رآجلهآ غدوة يقوللهآ الجآهلة وصرآت قدآم عيني وسمعتهآ بوذني الكلمة هذي هدرهّآ وآحد لمرتو حتى بكآتجآتهآ طيحة قدآمي ألوغ العلم مليح والزوآج مليح من بعدو ومآلآزمش تأمني

إضغط للتوسيع...

ياودي الراجل مهما يوعد وديما يحب يرجع لمرا تحتو باش يحكم ويتسلط فيها كيما يحب وتوجوغ يخير وحدة جاهلة وماشي شايفة دنيا باش يطيح من قيمتها

أمآ لي مآ قرآتش من اللول وحبست بكري أفضللهآ تروح تتزوج مآ عندهآ علآش تقعد

إضغط للتوسيع...

في هدي راني معاك هم مانجحتش في قرايتها وتزيد تشد روحها تتزوج خير ويا جماعة ماناش كونتخ زواج لي تكون تقرا اكيد تفهمنا

كآنشي حوآيج خلآف نتفكرهم عالسـuـجي هذآ رآني نجي نعبّر

إضغط للتوسيع...

عبري براحتك راهو غير ليكم
***********

بالنسبة لموضوعك ايمانو انا نساندك 100/100
​

عشت المرحلة هادي لي راكي فيها وفتها وشفت النتائج قدامي
لبنات لي مكملوش قرايتهم وتزوجو
في وسط لقراية وقتها لقاو الدنيا تزهيلهم غوب وراجل ودلال واحلام وردية بانتلهم بلي راهم حاجة

إضغط للتوسيع...

ايه مالوغ تبانلهم راهم حاجة ويحسبو رواحهم عليك يرجعوك نتيا جيحتي كي خيرتي قراية تقولك لالات البنات راهم بولادهم ونتيا اقعدي مع قراية لي في لافان تكمل عليك في الدار بلا خدمة هنا نقولهم ماعليش ليسونسيال قريت وواحد مايطيح من قيمتي

قراو معايا بنات هك وينوضو يتفاخرو زعم هيا اتزوجت وهي تقرا وانتي مازالك تقراي وبلا راجل
في اللحظة هاديك تبانلها مليحة مي
بعد مايفوت الوقت تجي تشوف تلقى عمرها راح بين البيدون والنشافة ولولاد والراجل ترجع كيما نقولو بونيشة عالمها محصور في جانب واحد .

إضغط للتوسيع...

ياودي زواج gـاع تقلاشو عام لول منباعد تولي لاغيسـpـونسابيليتي ودراري مايكونش حتى ليها وقت لروحها تجري غير مور شغالات البيت

انا كونتر وحدة تخلي قرايتها وتتزوج
الطفلة تقرى تجيب ديبلومها وتخدم تضمن بلاصتها
والزواج ماش راح يهرب عليها

إضغط للتوسيع...

اكيــد بالنسبة ليهم راح يهرب

بالعكس كي تعود بخدمتها وقيمتها
راح يتمناها ألف واحد
وهيا لي تعود البالون في يدها تقبل بلي يعجبها ماش تدي برك تقول راح تبور.

إضغط للتوسيع...

والله صح تولي هي لي تخير بمن تتزوج ودوكة ولاو ليجون هوما يحوسو غير على خدامات ولي بديارهم باغسكو الوقت لي رانا في صعابة لمعيشة لازم معاونة فيه باش يقدرو
شوفو ليجوغنو تفهمو خدامات شحال راهي لادوموند عليهم :p

نصيحة مني للبنات:
اقراو قرايتكم واخدمو تشوفو الدنيا وتكوّنو شخصيتكم
باسكو الحياة بعد الخدمة حاجة مختلفة بزاف على لقراية تاع الجامعة مُخك راح ينضج تفكيرك راه يتطوّر
وبزاف حاجات تكتسبيهم .

إضغط للتوسيع...

كيلعادة شوشو ترشقنا بكونساي خارجة من وحدة مجربة ومزيان داك لعقل ربي يتبتك على طاعتو يلعزيزة
***********

يعطيكــ الصحة إيمان

إضغط للتوسيع...

بلامزيتي حبيبتي انا لي عليا حابة نوصلو الفكرة ونمدو النصح والعبرة لباقي لبنات مايطيحوش في نفس الغلطات

هذا هو التخمام لي راهو عند لبنات في هذا الوقت سيرتو اذا كان عندها خوها و متالبها تقولك اللول لي يجي يخطب نقبل بييه

إضغط للتوسيع...

ياودي مابيهم ني خوهم ني باباهم هوما كي يحرنو ع زواج ويشوفو بنات تزوجو تقولك نتزوج ونتهنى كيما لخرين ياك لبنات يموتو ع معاندة لي شادها خوها هي تان تحرن ع قراية وكي تكملها تقولو زوجني بمن حبيت مدامها ناجحة وماجيبش ليـpـروبلام خوها مايديرلها والو كي تكون شادة روحها

على حساب قرايتها و مستقبلها ماعلبالييش من واش خايفا اذا خايفة تبور ياك كلش بالمكتوب و لي مكتوب على الجبيين تعيا و تشوفو العيين

إضغط للتوسيع...

ايه ولي ولاو أرملات وهوما صغارات زعما خايفة تبور امالا ولات أرملة كيفاش تهرب منها الوحدة لازم تصبر ودير لي عليها مدامك في عز شبابك اقراي وخممي في مصلحتك وpـلاسة تليق بالتعب لي جوزتيه منباعد يجي راجل تالي هو يحوس عليك خلي لروحك قيمة ماترميش روحك غير لي يجي تقبلي

اتكملي قرايتك و بخدمتك و طموبيلتك افضل ملي تتزوجي و انتي عندك 18 و لا 19 بلا نيفو لا والووو و يولو يعايروك يخيي دركا بخدمتها و متسلكش ماشي حتى لا قراية لا والوو

إضغط للتوسيع...

صح وقتنا تبدل بكري كانو يتزوجو صغار باغسكو عندهم مام نيـvـو بصح دوكة طورنا رانا نزيدو نتقفو مليح لينا العلم يوريلك صوالح جدد

كيما وحدة صحبتي عندها خوها أخينا و نهار جابت البيام مخالهاش تطلع لليسي بسييييييف باش خلاها طلعت لليسي و قاللها حتى و اذا كملتي في الليسي و جبتي الباك الجامعة غيير متطمعييش اومبعد في العام لي جوزنا فييه الباك جاوها خطابة و هذا لي جا خطبها قاللها اذا جبتي الباك كملي قرايتك معنديش مشكل حتى بعد الزواج و هي مجابتش الباك و عسسنا فيها عاودي الباك بلاك تجيبييه و تكملي قرايتك قاتلك لالا درك خلاص راح نتزوج انا واش نديير بالباك

إضغط للتوسيع...

جايحة لوكان عاوداتو على بالي خو يهدر مي منباعد كي يشوفها عاقلة يخليها تكمل كامل يحوسو على لاvـونـuـغ لي ماقراوش راهم نادمين وتحكمهم الغيرة كي يشوفوك تقراي تلقايهم شادين الدار مع تسياق ماسلكوش
مغسي حبيبتي شاركيتينا بردك لي يفيدنا

iméne09
​

إضغط للتوسيع...

قال Moon_light:

حبيت نزيد نقول كتوضيح برك لتجنب الفتآوى ,
أنآ مشني ضد الزوآج ولآ أحرض على التمرد ورفض الزوآج ,
بحجة الدرآسة والعمل ,
مآ تهمنيش الخدمة قد مآ تهمني لقرآية ,
لأنو رآيح يجي البعض يقولك يعمروآ في لبنآت ,
بآش يقرآو ويخدموآ وتبدآ الفتآوي ونرجعوآ في أم يحرضوآ على الفسآد ,
حتى ربي قآل اقرأ والدرآسة للرآجل ولمرآ ,
أنآ كملت قرآيتي ومآم نتزوج رآيحة نعآود نقرآ قرآية خلآف ,
زالعآم الجآي ان شآء الله نفوّت البآك في تخصص آخر ,
ونقرآ تخصص آخر ,
وان شآء الله نموت وأنآ طآلبة علم ,
ولوكآن يخيروني بين لقرآية والزوآج نقول لقرآية ,
وطحت في موقف المُختآرة وخيرت لقرآية ,
ونزيد نخيرهآ ان شآء الله ,
يعني خلآصة القول أنو حنآ هنآ مآذآبينآ لبنآت يقرآو ,
ولي كآتبهولك ربي تديه رآكي تديه مآم بعد قرن ,
هذآك أو مآ ينحّيهولكش الطبيب ,
هكذآ بآش نوضحوآ كلآمنآ لتجنب أي لبس في الموضوع ,
ولي تحب تتزوج هي حرة في خيآرآتهآ ,
احنآ نحكيو وآش رآنآ نشوفوآ كمجتمع أنثوي ,
معظم بل الأغلبية لي تزوجت وفرطت في قرآيتهآ ندمت ,
والعبد يتعلم من تجآرب غيرو تآني ,
ومغسي أونكوغ إيمآنو ,
سلآمي ’

Moon_light
​

إضغط للتوسيع...

قال iméne09:

حبيت نزيد نقول كتوضيح برك لتجنب الفتآوى ,
أنآ مشني ضد الزوآج ولآ أحرض على التمرد ورفض الزوآج ,
بحجة الدرآسة والعمل ,
مآ تهمنيش الخدمة قد مآ تهمني لقرآية ,

إضغط للتوسيع...

مام هدرت عليها تاع الصح زواج سنة الحياة ولازم تكملي نص دينك بيه مي رانا نهدرو ع العلم حاجة واسعة على جالو نحبس حياتي لتم

لأنو رآيح يجي البعض يقولك يعمروآ في لبنآت ,

إضغط للتوسيع...

ههههههههه عجبتني هدي حنا مجرد نمدو عبرة وديكونساي لي حبت دير بيهم هي لي راح تربح يعني حنا ماعلينا غير بلغنا ولي ماحبتش كل واحد حر في حياتو ماناش نفرضو في راينا عليكم حبينا نوصلولكم فكرة انو زواج وراجل مايهربش مي الوقت راهو يجري ادا خيرتي زواج راح يكمل غير ب دراري ودار ماتقدريش تقراي اومام تون مع دار ماتلحقيش زينة لعقل كملي في غرضك ولي حبك يدير pـوسيبل باش يسناك ادا كانت تهمو مصلحتك

بآش يقرآو ويخدموآ وتبدآ الفتآوي ونرجعوآ في أم يحرضوآ على الفسآد ,
حتى ربي قآل اقرأ والدرآسة للرآجل ولمرآ ,

إضغط للتوسيع...

اكيـــد اطلبو العلم حتى ولو في الصين

أنآ كملت قرآيتي ومآم نتزوج رآيحة نعآود نقرآ قرآية خلآف ,
والعآم الجآي ان شآء الله نفوّت البآك في تخصص آخر ,
ونقرآ تخصص آخر ,

إضغط للتوسيع...

ربي يكملك في واش في بالك حبيبتي

وان شآء الله نموت وأنآ طآلبة علم ,

إضغط للتوسيع...

نتيا فور شريكتي مدامنا حايين وبصحتنا شونس لي تجيك تاع قراية ماترونديهاش راح تنفعك في المستقبل

يعني خلآصة القول أنو حنآ هنآ مآذآبينآ لبنآت يقرآو ,
ولي كآتبهولك ربي تديه رآكي تديه مآم بعد قرن ,
هذآك أو مآ ينحّيهولكش الطبيب ,
هكذآ بآش نوضحوآ كلآمنآ لتجنب أي لبس في الموضوع ,
ولي تحب تتزوج هي حرة في خيآرآتهآ ,
احنآ نحكيو وآش رآنآ نشوفوآ كمجتمع أنثوي ,
معظم بل الأغلبية لي تزوجت وفرطت في قرآيتهآ ندمت ,
والعبد يتعلم من تجآرب غيرو تآني ,

إضغط للتوسيع...

هداك هو الصح ومقصودنا درنا لي علينا وباقي عليكم :regards01:

iméne09
​

​

إضغط للتوسيع...

كل وحدة ومكتوبها وواش تخير هي لي مسؤولة عليه بعد ماطيح فاس براسماتنفع ندامة
حنا كملنا نقاشنا وكنا gـاع في نقطة وحدة ورانا نبازيو ع قراية يالغاليات
ربي يدوم عقلكم ونفكرحو معاكم في عراسكم ماعليكم يلعضوات شاطرات
غير تزهيونا برايكم

مكاش كيفاش تخلاص حكاياتنا بلا ....
كــــلام مــوزون مــن فمــي متقــــون
قرايتـك دايمة وغير هي لي تنسي لهـمـوم ولجـــــراح
زواج يسناك مي لحياة راهي تجري غير العلم لي ضاوي كمصباح
اقراي وخممي في لاvـنـuـغ ربي من عندو يبعتلك المفتـاح
لتماك القلب ينشرح ويبان المكــتوب بـلا تمـــــزاح
:$
صحـيتو شريكــاتي ربي يدوم عليكم لفـــــــراح ​

سلااامي

​

​

​