كنت عمباتلي نعرف كلش عن تاريخ الجزائر .. لكن!!! ياريت لو تجاوبوني من فضلكم

[aghilasse]

سلام عليكم​

مساء الخير عليكم يا لمة الخير .. ان شاء الله تكونو بخير؟​

رايحة نحكي على موضوع بزاف حساس عن الجزائر .. ان شاء الله نقدروا نتناقشو بهدوء و مكالاه نخرجو على الطريق .. بزاف معلومات عن هذا الموضوع مانعرفهمش او غير متاكدة منها ​

من فضلكم ارجو عدم حذف الموضوع ​

في 09 افريل كانو الانتخابات .. قبل الانتخابات كانو المعارضين يقولونا ماتفوطيش ماتخلوش دماء شهداء تاع اكتوبر 1988 يروحو في باطل​

في 1988 كان في عمري عامين برك .. الور ماعلاباليش exactement وش صرا.. انا وش نعرف انو الفيس في هاداك الوقت كان فائز في الانتخابات باغلبية ساحقة ( كما بوتفليقة هاد اليامات) .. و الدولة ماكانتش تستنى انو هاد الحزب يربح بهاد الاغلبية .. Alors الغاو الانتخابات او نحاوهم و بعدها الشعب غضب و خرجوا للشوارع في مظاهرات كبيرة .. خرجوا كسرو الحوانت السيارات و اي شيء قدامهم .. لكن المشكل في كيفاش الدولة تصرفت مع المتظاهرين .. شوفو هاد الفيديو من اليوتوب .. و شوفو الجنرال هاداك الوقت خالد نزار وش ره يقول ..​

http://www.youtube.com/watch?v=dqenygweh6w​

انا تعجبت ..قلت بالاك ماكانش عندهم الرصاص المطاطي هاداك الوقت؟؟؟ .. ولا داروها بلعاني؟؟؟؟ .. و لا واش ؟؟؟؟​

اسكوعلاجال هاد السبة اعلنو الجهاد في الجزائر .. هربو و راحو للجبل .. بصح كاين اللي يقول لالا الدولة هاداك الوقت و الجينيرالات هوما اللي زادو خلطو الحالة .. و اعلنو حالة طوارئ و لا واش؟؟؟ .. علاش اعلنو الجهاد؟؟؟ ماقدروش يفريوها فيما بيناتهم بلا قتيلة بلا والو؟؟؟ .. و حاجة وحدخرة انا سمعت شريط محادثة بين واحد من المجاهدين يسال الشيخ الالباني -رحمه الله- .. الالباني قالهم مايجوزلكم تعلنو الجهاد كونتر الدولة تاعكم .. يعني لازم يهبطو من الجبل و يسلمو انفسهم .. جابلي ربي هنا زادت تخلطت الحالة كاين اللي هبط و كاين اللي ماحبش يسلم نفسو ​

عندي بزاف بزاف اسئلة راهم يدورو في راسي .. اول حاجة درتها رحت سقسيت الوالد .. ماحبش يواجبني قالي اخطيك من الماضي و بركاي ماتنبشي ..قالي بلي الكلاب هاداك الوقت خلطوها و مازالنا للان نخلصو (شكون هاد الكلاب الله اعلم) .. زدت رحت عند ماما و تقريبا نفس الشي معاها ..و صاتني مانزيدش نسقسي بابا عن هاد الموضوع راهو حساس خصوصا للوالد ( لانو افراد من العائلة كانو منقسمين نص مع الفيس و نص في الدولة ) و الله تخلطت عندي الحالة و cerveau تاعي ماستوعب والو​

في الاخير .. علابالي بلي هادا موضوع بزاف حساس لكل الجزائريين .. بصح لازم نعرفو وش صرا هاداك الوقت .. من حقنا نعرفو .. لي فيلم يتحدثو عن هذه المشكلة ممنوعة على القناة الجزائرية .. اليوتوب ماشي كل الفيدوهات فيه كاين اللي محذوفين .. الاقربين و كبار السن كاين الي مايحبوش يحكو .. امالا منين نعرفو الحقيقة؟؟؟؟؟​

ياريت لو اي واحد يعرف الاسباب اللي ادت الى العشرية السوداء في الجزائر يقولنا .. و ادا عندكم اي فيديو او وثائق في النت ياريت لو تحطوها ..​

و ان شاء الله يكونو هنا اعضاء كبار في السن و يشفاو على هاديك الضربة يحكونا وش صرا .. بدون حساسية و بدون خروج عن الموضوع و خصوصا خصوصا دون المساس بالوطن من فضلكم.​

أختي امينة اذ اردت ان تعرفي ما حدث فقرإ تاريخ الجزائر قبيل إندلاع الثوة وأسباب إندلاعها

 

[aMiNa-K]

كل ذلك من تخطيط المناهضين لتولي الإسلاميين السلطة ونفس الشيء فعلوه في أفغانستان بعد خروج القوات الروسية أشعلوها بين الأفغان وجعلوا الطالبان على رأس السلطة وهم يعلمون أنهم من أجهل الخلق وأغرقهم في البدع والتفاهات كل ذلك لتشويه صورة الإسلام وفي النهاية وبعد أن استعملوا الطالبان في هزم الفصائل الأخرى وتشويه الدين انقضوا عليهم...نفس السيناريو في كل دولة يريد شعبها نظاما إسلاميا لابد أن يتدخل الغرب لمنع ذلك بكل وسيلة وأهمها تخويف الناس من الإسلام بأي شكل.

لا حول و لا قوة الا بالله

الغرب يعرفو مليح بالي القوة تاعنا في الاسلام .. علابيها راهم يديرو في المستحيل باش يبعدونا عن الدين تاعنا​

​

 

[aMiNa-K]

أختي امينة اذ اردت ان تعرفي ما حدث فقرإ تاريخ الجزائر قبيل إندلاع الثوة وأسباب إندلاعها

وش دخل هاد الفترة في الفترة الاخرى ؟؟؟؟؟؟؟؟؟؟؟؟؟​

 

[طارق القبطان]

يا ريت لو كانت حالات نادرة .. انا حكيت شوووووووية من واش حكاولي .. كانو البنات يقراو يقولولهم اقعدو في الدار و ماتخرجوش سينو نطرطقو عليكم المسيد .. و اللي ماديرش حجاب يقتلوها .. و زيد حتى سمعو هدرة باللي رايحين يجبرو الكل يديرو اللحي .. و حتى مرا ماتزيد تخرج .. و خلي على حكاية الجهاد يخرجو لمظاهرات و يقولو عليها نموت و من اجلها نحيا و في سبيلها نستشهد ..و يخاطبو بلحاج و يقولولو قولها يا بلحاج قولها ( يقصدو الجهاد)


و خلي و خلي و خلي .. ماحكيتش على حالات نادرة ..حكيت على واش كان شايع هاداك الوقت​

شوفي أختي
حكاية منع البنات من الدراسة مكانش منها
بالعكس كاين بزاف منهم اللي كانوا نساهم يخدموا
اما عن اللحية ما يجبروا حتى واحد ومكانش في القاموس أو البرنامج تاعهم
علاه نحكموا على ناس بأشياء لم يصرحوا بها هي مجرد تخمينات
أما عن إعلان الجهاد من قبل بلحاج فهي كارثة حقيقية لامبرر لها حتى إلغاء الإنتخابات
وحتى العنف الذي تعرضوا له من قبل الدولة لا يبرر العمل المسلح
اما عن الجهاد فهناك الكثير والكثير من اعضاء الحزب
لم يلتحقوا بالعمل المسلح في الجزائر
واللي طلعوا الجبل كاين بزاف منهم لا علاقة ليهم بالدين والفيس
كل واحد طلع لغاية في نفسه​

 

[aMiNa-K]

شوفي أختي

حكاية منع البنات من الدراسة مكانش منها
بالعكس كاين بزاف منهم اللي كانوا نساهم يخدموا
اما عن اللحية ما يجبروا حتى واحد ومكانش في القاموس أو البرنامج تاعهم
علاه نحكموا على ناس بأشياء لم يصرحوا بها هي مجرد تخمينات
أما عن إعلان الجهاد من قبل بلحاج فهي كارثة حقيقية لامبرر لها حتى إلغاء الإنتخابات
وحتى العنف الذي تعرضوا له من قبل الدولة لا يبرر العمل المسلح
اما عن الجهاد فهناك الكثير والكثير من اعضاء الحزب
لم يلتحقوا بالعمل المسلح في الجزائر
واللي طلعوا الجبل كاين بزاف منهم لا علاقة ليهم بالدين والفيس

كل واحد طلع لغاية في نفسه​

يا خويا بزاف بنات خلعوهم و قالولهم ماتروحوش تقراو ... و بزاف مسايد طرطقوهم ..في بزاف اماكن .. نحكي على الاماكن اللي في قدامنا ..بن طلحة براقي الكاليتوس سيدي موسى و اماكن كثيرة .. كانو يعيطولهم كابول تالمو كان الارهاب عندهم باسم الفيس ..

و بالنسبة للحية .. كيما يجبرو البنات يديرو حجاب سورمو كانو رايحين يجبرو الشباب يديرو اللحية

و اللي طلعو للجبل .. الله اعلم شكون هوما .. كاين اللي يقول صحاب الفيس و كاين اللي يقول الدولة خلطتها و كاين و كاين ..و الله اعلم
​

 

[طارق القبطان]

أختي أمينة
لازم نفرقوا بين الفيس والجماعات المسلحة
وخاصة الجيا لا علاقة لها بالفيس
والجيا هي من قام بتلك الأمور
انا كنت صغير ونريح معاهم والله غير كي نعود نحكي يسمعوني
وكأنهم يتناقشوا مع واحد كبير
يديروا رحلات تروح فيها الناس كامل اللي مداير لحية واللي ماهوش

 

[aMiNa-K]

أختي أمينة
لازم نفرقوا بين الفيس والجماعات المسلحة
وخاصة الجيا لا علاقة لها بالفيس
والجيا هي من قام بتلك الأمور
انا كنت صغير ونريح معاهم والله غير كي نعود نحكي يسمعوني
وكأنهم يتناقشوا مع واحد كبير
يديروا رحلات تروح فيها الناس كامل اللي مداير لحية واللي ماهوش

كنت تقصر معاهم نورمال!!! :crying: ..ماخفتش يدوك و يروحو و لا يتكاو عليك!!!

قلت لازم نفرقو بين الفيس و الجماعات المسلحة .. علاش الجماعات المسلحة لمن تابعين؟؟؟؟​

 

[الورد الأحمر]

أنت كان عندك عامين الوقت هاذاك أنا ما خلقتش ولحكاية هاذي ما عنديش
بزاف ملي سمعت بيها كي قريت الجوغنال المهم ما قدرت نفهم والو أنا تاني علا بالي برك بلي العام لي خلقت فيه عام
الشر وكلش تقدر تقول بدا من العام هاذاك
...​

 

[aMiNa-K]

أنت كان عندك عامين الوقت هاذاك أنا ما خلقتش ولحكاية هاذي ما عنديش

بزاف ملي سمعت بيها كي قريت الجوغنال المهم ما قدرت نفهم والو أنا تاني علا بالي برك بلي العام لي خلقت فيه عام
الشر وكلش تقدر تقول بدا من العام هاذاك

...​

بزاف اللي مايعرفوش وش صرا هاداك الوقت .. الدولة محات كل شي على هاديك الفترة .. و اللي كانو حاضرين هاداك الوقت ماحبوش يحكو


​