راهي تالفتلي تاع الصح شكون بحالي

[abidou 20081]

والله مواضيع هايلة حتى نبحثو عليها
وانت ذاهبتلك ملا الي معندوش الردود وش نقولولو

وعندك الحق في هذي بعض المرات نروح نحوس في صفحات بعاد باش نجبد موضوع يكون هايل يحطو مولاه مايلقاش الرد يدخلو عليه مواضيع كي سخط يرجع الموضوع فالصفحات الأخيرة ويروح صاحب الموضوع غايضو الحال لي ما قيموهش
وأنا حطيت الموضوع على هذا الناس لي ماعندهاش الردود ولتم لي راهي المشكلة تاع الصح هكذا واش يقول المخلوق
ربي يحفظك وربي يخليك نقطة حبر ودائما أسعد بمشاركتك وربي ينورك كيما راكي منورة الصفحة دمتي ​

 

[abidou 20081]

ولا تحبو كي ديرو مواضيع نقاشية
نبهوني برك
نحدف كل الردود نتاع زوز كلمات هادوك شكرا و و و
ونخليو الموضوع يمشي
رايكم والبراكة​

وهذا راي مليح بصح رأي كامل ا لأعضاء ماش ي غير رأي والمشكل بالاك كاين أعضاء من قلة الردود محتاج لهذا الكلمة ويقولك خير من مكاين والو وإذا تطبق على بعض المواضيع هذي مانيش عارف يعني موضوع يحتاج للنقاش نحدفو منو التشكرات ولا نحطو عليه ملاحظات ويبقى الرأي لجميع الأعضاء
مرورك شرف لي وحفظك الله ورعاك أخي عبدو ودمت فخرا للمة الجزائرية ​

 

[zagane]

قالك في قسم أتكلم واش كاين في قلبك وأنا خاوتي لو كان نتكلم واش كاين في قلبي نحكم المنتدى كامل وحدي وما يكفيش بصح على بالي بحاجا وحدة كامل رانا تلفتنا منها وهي هنا فاللمة تاعنا
كل واحد فينا واش راه يدير فالمنتدى هذا واللمة هذي ولي راه يشوف بحالي يلقى الغاشي كامل ولا الأغلبية راهي في زوج أقسام واش راك تهدر ولا هذا القسم تاع أتكلم واش في قلبك يعني رانا كامل معمرين كاين لي يلقى موضوع طايح على قوسطوه يعني يخرج معاه ومع الحياة لي راه عايشها وكاين لي يكتب موضوع على حاجا تاني راهي مديرونجياتو ومنها نعرفو بلي رانا كامل في الهوى سوى يعني كامل مقيوسين كامل حاسين كامل نعانو غير كل واحد فاش راه يعاني لكن باش تدخل تعاني وتخرج تعاني يعني تريح بعيد خيرلك كاين لي يحكيلك على همو ترفد معاه وتكتبلو رد طلعلو المورال ولا تعطيه فايدة يرجع عليك مشكور ردك فالقمة كيلي تحلت المشكلة في رد ولا زوج وهذي تجيك من صاحب الموضوع في روحو وكاين لي يحط موضوع يستنى فالردود ولا نقاش يلقى زوج كلمات بارك الله فيك موضوع رائع كيلي قالهم قيمو الموضوع
وهنا بقيت حاير بين صاحب الموضوع لي يغيضو الحال منين مايلقاش مشاركات ولا نقاش مليح وبين المشارك لي يكتب ويناقش ويرجعو عليه ردك مميز ولا مشكور وأفروها أنتما درك

راهي تالفتلي ياخاوتي وإذا عندكم فكرة قولولي وإذا رايح تقولي موضوع مليح ولا رائع راني عارف من درك ونرد عليك من درك بارك الله فيك وراك نورت الصفحة وإذا راك حاب تفوت على الموضوع كي اللص بلا ماتحط رد تاني ألبس لعجار وفوت لا يشوفوك
ربي يحفظكم ويخليكم أصحاب المواضيع القيمة وأصحاب المشاركات البناءة دمتم​

slam alaycom

نفوت على الموضوع كي اللص بلا مابلا ماتحط ردحط رد

 

[abidou 20081]

والله غير عندك الحق انت اوموا يقولولك ردك في القمة و موضوعك رائع

اما انا فكنت من الاولين هنايا في اللمةو كنت ندير مواضيع ونشارك بصح لا حياة لمن تنادي

واحد مايعبرك امبعد كرهت و عدت ما ندخلش لانو تلقا كل واحد يجاوب على صاحبو برك وعلى ياللي يعرفو برك

ودرك راني رجعت املا في ان يحدث اي تغيير وشكراا

شوف خويا لعزيز والله مانلومك منين تتعب وتحط موضوع وتلقى المشاهدات فاتت 100 والردود 2 ولا 3 تاع الصح تغيضك واشن هي خويا مادابينا ماتفشلش برك ونتمناو كامل يحدث تغير ولا إنتفاضة من الأعضاء وهكذا نقضو شوية على هذا الظاهرة لي صح رايحة تنقص الحيوية فاللمة تاعنا ربي يخليك وربي يحفظك خويا وربي يعطيك ماتتمنى ودمت فخرا للمة الجزائرية ​

 

[السوفي حمة]

آآآآآهههههه
أسمحلي خويا عبيدو نعاود نرجع
والله مرات تدخل لموضوع تلقى صاحبة ناسخة من منتدى أخر يعني كوبي كولي موضوع معندوش معنى وحتى العبارات تلقاها خليجية لأنه متعبش روحو حتى يتصرف ويغير هذي الكلمات حتى أنني أحيانا نحمد ربي كنقراها وأنا مازال مكليتش ، هيا قلي هذا واش نرد عليه
واش تلقه ولا واش تناقش معاه لأنه أصلا حط الموضوع
من أجل المشاركات وفقط
وإن شاء الله نكون غالط وهوما صح
​

 

[abidou 20081]

نقولك يا خويا عبيدو انت المهم فرغ قلبك وراك تلقى لي يسمعك ...وش راح دير ..يفرج ربي ....وبشوي ان شاء الله تتبدل الحالة للاحسن

الحاجا لي راهي تفرح أنو الأعضاء كامل راهم متضامنين يعني يقعد عندك أمل بالتغير نحو الأحسن وهذا تاني واش راه يتمناه أغلب الأعضاء وكل الردود تبشر بالخير ربي يخليك ختي فوفا وربي يحفظك ويعطيك ماتتمني ودمتي ​

 

[abidou 20081]

خويا عبيدو علاه هاك راك تحرك في المواجع
شوف خويا متتعجبش وميغيضكش الحال من الردود لأن كاين ناس وأخوة أعضاء لنا في المنتدى
معندهمش القدرة على تتبع ومناقشة كل المواضيع لأسباب عديدة لكن يردوا بأضعف الإيمان وهوما خير من إلي يقرا ويروح
كاين أخرين يردو لأجل رفع عدد المشاركات من أجل الرسائل الخاصة وراك فاهم بلا منفهمك
وكاين أخرين يخافو من أصحاب المواضيع وأنا صراتلي مع عضوة حطت موضوع كيما موضوعك ولما رديت وحطيت تحليل قصفتني بصواريخ جو جو
المهم خويا واش نقلك خويا الي كتب وحل وإلي مكتبش وحل

خويا حمة تأكد كامل النقاط خديتهم بعين الإعتبار يعني حتى لي يدخل ويحشم باش يحط رد ولا مناقشة ودرتها في لحساب بصح كاين اللغلبية تعرف بلي عنهم فالراس بصح مارانيش عارف علاش باخلينا وبخلين رواحهم وكاين لي عندو مجرد تفنيين يعني مادابيه يشارك بصح لازم يشارك في أكبر عدد من المواضيع على هذي تلقى الردود تاعو كلمة هنا وكلمة لهيه أما هذوك لي عندهم قرايت النقص من خلال الردود ياخويا دواهم تصحيح وجهة نظرهم نحو الأحسن وإذا كانو متعمدين خليهم لضميرهم وماتهبطش المستوى وأنت إدا عندك وجهة نظر في الموضوع أكتبها والعضو لي ماعندوش تقافة تاع نقاش نحاولو نوصلولو الفكرة وإذا كان من جماعة رلاي لي يمشي خليه على رايو يشبع بيه نتمنى وصلك واش حاب نفهمك وربي يخليك ويحفظك خويا حمة وربي يعطيك ماتتمنى دمت ​

 

[abidou 20081]

الله غالب انا يعجبني القسم تاع سي فلان مول الكوستيم " عبدو "
قسم واش راك تهدر على ذيك راني نبقى وقت اطول فيه

هذا القسم راه عاجب أغلبية الأعضاء ختي لينة بصح المشكل مابين الإعجاب والمساهمة في تطوير القسم فرق كبير وحنا لوكان جا القسم مايعجبناش مانشاركوفيه من نطلبو من الأعضاء باش ينشطو شوية في المشاركات والردود رانا نشوفو كم هائل من المواضيع والمشاركات ضعيفة يعني بعض المشاركات مازال مارقاتش للمستوى المطلوب ومازالنا
نجيبو تصاوير تاع بارك الله فيك ومشكور ونحطوهم كيلي لواحد ماعندو راي ماعندو وجهة نظر يطرحها ربي يخليك ويحفظك ختي لينة وربي يعطيك ماتتمني ودمتي ​

 

[abidou 20081]

ههههههههه خويا عبيدو راني دخلت وخرجت بلا رد

وجه لخروف معروف خويا مختار وغير الطلة تعتبر رد ومشاركة ربي يخليك خويا مختار ​

 

[abidou 20081]

دك نقولك موضوع في القمة بارك الله فيك

فيك بركة خويا مختر ورانا هنا والموضوع موضوعك خويا ربي يخليك ​

 

[fina]

وااش رااح نديرووو الله غالب ...توجور المشكلة نفسها ...

 

[aMiNa-K]

السلام عليكم و رحمة الله و بركاته
موضوع بزاف هايل.. دايما مواضيعك في القمة.. بارك الله فيك و ننتظر جديدك :angel_not:
^
^
^
^




^






^
^
^
جني و جن هاد الردود:cursing:.. انا وحدة نحب النقاش.. بصح النقاش اللي يفيد ماشي اللي يقعد يدور في الفيد

و بالنسبة وش قلت على قسم وش راك تهدر و قسم هنا فرغ وش كاين في قلبك.. انا وحدة نظل ندور فيهم بعد القسم السياسي اللي كان يعجبني بزاف.. نظل ندور فيهم باسكو نشوف بزاف غاشي فيهم و كاين شوية مواضيع ملاح..باقي المنتديات يبانولي فارغين بزاف و مكاش مواضيع يعجبو فيهم (هدا رايي برك)

و تانيك وش هدرت على اللي يكتبو مواضيع و اللي يردو على المواضيع.. نلاحظو بزاف مواضيع معاودين و واحد الوقت لاحظت بزاف مواضيع تاع وداع اللي يحب يخرج من اللمة يدير موضوع يبقينا فيه على خير :thumbdown:..و بزاف مواضيع عن الحب.. قهمونا بالحب تاعهم و هوما ماعلابالهمش مامبا وش معنتها الحب تاع الصح.. نشوفو حتى اعضاء حاطين عمرهم بين ال 14 و ال 16 و يقولك نحب و راني مغبون و راني نسوفري.. مازال مامبا مافقسوش من البيضة و قاعدين يتفلسفو.. و كاين اعضاء يديرو مواضيع ملاح تاع نقاش بصح الردود يفشلو

باختصار كاين بزاف مواضيع و ردود يهربوك من اللمة و يخلوك تسجل خروج بالسيف عليك.. و مواضيع قليلة تخليك تبقى

على حساب الشوفة انا تانيك قلبي راه معمر.. و راني كثرت في الهدرة:sad:
​

 

[abidou 20081]

خليني نحكي خويا عبيدو
والله صح كلامك روعة انت جابد روحك حتى عينيك يلعبو لاميطو من الكلافي والايكون وتكتب موضوع يقبل النقاش تلقى اول رد موضوع في القمة يرحم بوك هنا واش دير ؟؟؟؟؟؟تردلو يهبطلك المورال تخليه تحس انك حقرتو واش اللهم تقولو بارك الله فيك اخي وربي يخليك و و و و و و
وشوف عبيدو خويا كاينة ناس ربي يبارك في القمة تلقاه يتحاور معاك ويقنعك بواش راه يقول وكاين يخرجهالك تاع رايي رايي وكاين وين لي تربحو كلام يرجعهالك قباحة هذا في حالة ما ردو عليك اما الكارثة هي انو تلقى موضوع تاع بنت معاود 100 مرة ويهدر على حوايج تاع بزات تلقى رادين عليه 100 رد وانت تكتب موضوع تاع مجتمع صح تلقى 2 ردو عليك وهنا تعود لعقل وعقلية العضو وتقافتو واسلوب اقناعو ونقولك حاجة خويا عبيدو كاين مواضيع صح تقبل النقاش واسلوب يخليك تناقش صاحبو وكاين مواضيع صح تقبل النقاش وولكن الاسلوب يخليك تتبتعد عن المحتوى وكاين مواضيع لااسلوب ولا محتوى
ربي يخليك خويا عبيدو تقبل مروري

خويا مختار احكي كيما تحب والموضوع موضوعك خويا وأنا راني فاهم كلامك وهذا لي يرد بهذا الردود ماعندك ماتديرلو غير ترد عليه على حساب واش رد عليك أما لحديث لي راك تقول فيه تاع موضوع طفلة وموضوع طفل لي عقلو صغير واش تحب تديرلو خويا مختار والله لوكان تظل تفهم فيه مايفهم الله غالب راسو هذاك مافيه الناس تبع المواضيع تاع فايدة يفيد ويستفيد وهو يتبع في حوايج ماراه عارف وين تخرجو بالنسبة للمواضيع والله ياخويا مختار تختلف من واحد لواحد يعنيكاين لي الطرح تاع الموضوع برك ناقص يعني موضوع فور وماعرفش كيفاش يطرحو وعلى هذي تلقاني نحوس على لب الموضوع والهدف منو قبل مانشوف طريقة الطرح وعلى كل حال الناس ماراهيش كامل كيف كيف كل واحد والمستوى تاعو وخاصة من ناحية تقافة النقاش وعلى هذي لازم الأعضاء تشارك تساهم لي عندو يزيد ولي ماعندوش يتعلم ربي يخليك خويا مختار وربي يعطيك ماتتمنى وربي ينورك دمت​

​

 

[abidou 20081]

slam alaycom

نفوت على الموضوع كي اللص بلا مابلا ماتحط ردحط رد

​

وعليكم السلام ورحمة الله تعالى وبركاته
خذ راحتك خويا زقان وتبالي جابتك الكلمة هذي ياخويا واش تحب نقولك غير ربي يخليك ويحفظك وريب ينورك دمت​

 

[abidou 20081]

آآآآآهههههه
أسمحلي خويا عبيدو نعاود نرجع
والله مرات تدخل لموضوع تلقى صاحبة ناسخة من منتدى أخر يعني كوبي كولي موضوع معندوش معنى وحتى العبارات تلقاها خليجية لأنه متعبش روحو حتى يتصرف ويغير هذي الكلمات حتى أنني أحيانا نحمد ربي كنقراها وأنا مازال مكليتش ، هيا قلي هذا واش نرد عليه
واش تلقه ولا واش تناقش معاه لأنه أصلا حط الموضوع
من أجل المشاركات وفقط
وإن شاء الله نكون غالط وهوما صح​

والله غير يعطيك الصحة خويا حمة على هذا الملاحظة القيمة صح مرات ندخل للموضوع ونلقاه بلهجة تاع خليج ولا مصرية ونشفى أول مرة فالتسجيل تاعي في هذا المنتدى قريت موضوع كيما هكذا وحطيت هذا الملاظة على شكل سؤال واش من منتدى راني فيه مصري ولا خليجي ولا جزائري والله ماشفيت مليح كاين واحد العضوة ردت عليا وقالت هذا الإشكال رانا واقعين فيه وماحبتش الناس تفهم بلي رانا في منتدى جزائري والهدرة باللهجة تاعنا وأنا حبيت نبه الأعضاء لي عجبو موضوع من منتدى أخر ماشي عيب يجيبو بصح مايجيبوش كيما راه أرفد منا وحط منا على الأقل يرفد لب الموضوع ويطرحو باللهجة تاعنا ومادابينا تاني الموضوع لي يجيبو يليق بالمجتمه تاعنا لي رانا عايشين فيه يعني مانقدرش ناقش واحد على عقلية مجتمع خاطيني وعلى هذي مادابيا الأعضاء يعرفو واش يجيبو ويعرفو كيفاش يحولو الموضوع للهجة تاعنا وماراكش غالط خويا حمة والصح مايزعف منو حتى واحد ولازم نرفعو المستوى باش فايتينك هذيك الناس كامل عندنا عقل وعندنا في واش نفكرو ربي يحفظك وربي ينورك خويا حمة وربي يعطيك ماتتمنى تسعدني دائما مشاركتك دمت ​

 

[abidou 20081]

وااش رااح نديرووو الله غالب ...توجور المشكلة نفسها ...

عندك الحق ختي لعزيزة فينا دايما نفس المشكل بصح في يدينا نديرو كلش أنا أنت واحد أخر إذا حبينا نديرو نديرو واش هي ممكن نتعبو فالبداية ومن تم تتسقم الحالة وهكذا نكسبو قسم فيه نقاش وحوار بناء على تقافتنا وعلى حساب مجتمعنا ومنها أنا وأنت وأي شخص أخر يستفاد وحنا نستفادو معاه ربي يخليك وربي يحفظك وربي ينوك دمتي
​

 

[abidou 20081]

السلام عليكم و رحمة الله و بركاته
موضوع بزاف هايل.. دايما مواضيعك في القمة.. بارك الله فيك و ننتظر جديدك
^
^
^
^




^






^
^
^
جني و جن هاد الردود.. انا وحدة نحب النقاش.. بصح النقاش اللي يفيد ماشي اللي يقعد يدور في الفيد

و بالنسبة وش قلت على قسم وش راك تهدر و قسم هنا فرغ وش كاين في قلبك.. انا وحدة نظل ندور فيهم بعد القسم السياسي اللي كان يعجبني بزاف.. نظل ندور فيهم باسكو نشوف بزاف غاشي فيهم و كاين شوية مواضيع ملاح..باقي المنتديات يبانولي فارغين بزاف و مكاش مواضيع يعجبو فيهم (هدا رايي برك)

و تانيك وش هدرت على اللي يكتبو مواضيع و اللي يردو على المواضيع.. نلاحظو بزاف مواضيع معاودين و واحد الوقت لاحظت بزاف مواضيع تاع وداع اللي يحب يخرج من اللمة يدير موضوع يبقينا فيه على خير ..و بزاف مواضيع عن الحب.. قهمونا بالحب تاعهم و هوما ماعلابالهمش مامبا وش معنتها الحب تاع الصح.. نشوفو حتى اعضاء حاطين عمرهم بين ال 14 و ال 16 و يقولك نحب و راني مغبون و راني نسوفري.. مازال مامبا مافقسوش من البيضة و قاعدين يتفلسفو.. و كاين اعضاء يديرو مواضيع ملاح تاع نقاش بصح الردود يفشلو

باختصار كاين بزاف مواضيع و ردود يهربوك من اللمة و يخلوك تسجل خروج بالسيف عليك.. و مواضيع قليلة تخليك تبقى

على حساب الشوفة انا تانيك قلبي راه معمر.. و راني كثرت في الهدرة
​

​

​

​

وعليكم السلام ورحمة الله تعالى وبركاته

ونقولك أختي العزيزةأمينة وبدون مجاملة أنت لي بارك الله فيك على المشاركات الجميلة والمميزة وحقا تسعدني مشاركتك القيمة


وعندك الحق النقاش لي يقعد يدور في حلقة فارغة ماعندو ما يفيد لكن إذا بقينا على هذا الحالة رايحين دايما نقعدو ندورو في حلقة فارغة على خاطرش رانا ناقصين بزاف تقافة الحوار والنقاش وكيما قلتي القسم هذا لي تهربلو الغاشي كامل على حاجا باينة أننا الجزائريون قلبنا معمر بزاف تاع الصح بصح كي نحطو موضوع قلبنا يفرغ والله ماتفهم حتى حاجا والنقطة لي طرحتيها تاع مواضيع الوداع هذي روماركيتها أنا تاني بصح ماشي قسمها هنا يعني لازم يديرولها قسم خاص ولا إذا عندو صحابو يبعتلهم رسائل خاصة وخلاص مايحتاجش لموضوع ولا بالاك راه حاب التقلاش والكلام لي ضحكني تاع الصح هو تاع الحب وهذا الحب وماراه داير فالغاشي وكيما قلتي السن مازال بعيد باش يعرف المعنى الحقيقي تاع الحب وهو يغني في ليلاه وملاحظة في هذا النقطة يعني المواضيع المتعلقة بالعلاقات تاع الحب هذي تجي فارغة من المضمون يعني تلقى واحد يحط موضوع ماتعرفو لا تاع نقاش لا بيبليسيتي يالوكان غير يجيبولك موضوع تاع نقاش بالاك يستفاد منو الأعضاء أما لحديث تاع الردود هذي هي لي محبستلي راسي تاع الصح تلقى الواحد يخمم ولا عندو حاجا مهمة حب يناقشها فاللمة ويجي يلقى رد يندم على النهار لي حط فيه الموضوع وكاين البعض عندو ماشينة تاع مواضيع كل اليوم 3 ولا 4 مواضيع كي والو ماعلابالو لا بنقاش ولا ردود يدخل مايقراش كامل الردود يجملهم كيما راهم ويرد عليهم شكرا لكم على المرور المهم راه يحط في موضوع وخلاص وهذا النقطة لازم المشرفين ينتبهولها يعني لازم العضو يكون عندو موضوع في يومين ولا ثلاثة هكذا نحافظو على المنتدى من الإغرق يعني المواضيع بزاف والمشاركات ربي يجيب وإذا كنا نمشو على هذ الطريقة تاع كل يوم تلقى 10 ولا 15 موضوع جديد ما نظنش رايحين نقدرو نجيبو مواضيع مليحة وأنت تاني راه قلبك معمر وأنا قلبي معمر ونقولك الموضوع موضوعك وخوذي راحتك فيه ختي أمينة ومشاركاتك تعتبر شرف لي وتسعدني حقا ربي يحفظك وربي يخليك وربي يعطيك ماتتمني دمتي ودام تميزك ​

 

[killua0555]

مشكور خويا عبيدو موضوع قمة
هادا هو ردى









ههههههه


































































غير للخلايع برك
عندك الحق خويا انا وحدة يسقف قلبى كيما ندير موضوع و نلقى فيه سلمت يداك مزوقة و لا موضوع جميل و بارك الله فيك و استنى نتفكرها هاديك موضوع يستحق التقييم ولا التثبيت :thumbdown: و مكان لا نقاش لاوالو و حاجة الى تقهر تلقى غاشى ربحت عليهم هاد العفسة :confused1:و يجرو مور المشاركات موضوع ميقراهش يدخل بارك الله فيك hmy:
و يجى خارج هههه و ميخمموش مام با فى تعب تاعك على موضوع :cursing::glare:

 

[Łøst Fłôwęr]

يعطيك الصحة خو راك فووووووووور ياه
يسلمواااا
هذا ما نقول
لاني مهما نحكي ما نعطيكش حقك
راك توجور مميز
بانتظار جديدك

​

 

[055naruto]

السلام عليكم عمو عبدو
وعلاااااااااش راك تقول علينا هكا حنا الي نقولو مشكور لازم نكونو جونتي شويا ونشكرو وبس ولاهنهدرو ونا قشو المهم يكون الموضوع تاع نقاش وحنا تكفي فرحتنا بالمرور
والمباركةبالعيد السعيد:angel_not:
وزيد النقاش راه يدير وجيع الراس على عكس المباركة والدعاء بالرقي الى الحسن
علا هدا مشكوووووور عمو على الموضوع وسلمت يداكوبوركت ونتمنالك المزيدمن التألق والرقي
خخخخخخخخخخخخ































































اسكت برك يا عمو انا والله غير كي نشوف موضوع تاع نقاش فيه غير الشكر
يواسيني بوصفاير والفنطة
وامراض القلب هههههه
الواحد يقليك ويطير :glare:متعرفش مام با رايو ولا طريقت تفكيرو كيفاش الله ينجينا تقول جنون غامضين
:cursing::cursing::cursing::cursing:
سلامو