أهلا ومرحبا وتحية عطرة أختي العزيزة أمينة
شوفي ختي قبل كل شي نقولك والله ماراني نجامل فيك بصح والله غير عندك ثقافة حوار ماشاء الله وأسلوب مميز والله يبارك عليك والنيفو تاعك عالي بزاف بزاف والله غير مشجع ومحفز على النقاش والدليل أني أجد سعادة فائقة لما أتبادل معك هذ النقاش وربي يخليك وربي يحفظك .
فيما يخص الموضوع راكي تشوفي منين بدى واش هي النقاط لي خرجها وكل ذلك من النقاش والحوار وحتى أنا أستفيد منك كثيرا فمها الإنسان واش كان يعرف مازال راه يتعلم ويشوف ويستفاد
وقضية لعوج من بكري لليوم غير أنو تفرق بين زمان ودرك في عدة نقاط والكثافة السكانية لها دور في ذلك أيضا في ما يخص الديوث لي ماعندوش غيرة على عرضو والمشكلة ختي الحركية ماماتوش كامل وسبتنا عجوز رحمتهم بحيث قالك من وراء الإستقلال جمعوهم في نهج محمد الخامس إذا تعرفيه ولتم ارادو القضاء على مجموعة كبيرة من الحركية لكن نطقت عجوز من بين الحشد وقالتلهم ماتوسخوش يديكم بهذ لكلاب حشاك وعلى هذي طلقوهم بلا ما نهدرو على المجموعة لي خلاتها فرنسا هنا على أساس يشدو الحكم من ورائها وعلى هذي رانا نشوفو أغلب المجاهدين الحقيقيين لي قعدو راهم مساكن محيدينهم وزالينهم ولي كانو خدامين مع فرنسا
رجعوهم مجاهدين تاع الصح ودارولهم قصة أنهم كانو يجيبو الأخبار من عند فرنسا وهما كانو
يوصلو فرنسا لمخابئ المجاهدين . أما نقطة الحبس هذي ماشي حل وأتبتث التجارب أن أغلبية المساجين يطلقوهم منا يرجعو منا وعلى هذي رانا غير نزيدو فالفساد وأمور بزاف راهي تشجع على لفساد ونزيد نقولك بلي إذا تمت الحالة هكذا رانا رايحين نوصلو لأمور أكثر من هذي
غير إذا شاف ربي أمر أخر سبحانو وكيما كامل نعرفو منين يكثر لفساد في بلاد تدخل القدرة الإلاهية باش تحط حد لهذ لفساد ربي يحفظك وربي يخليك ويعطيك ماتتمني وجد سعيد بالمناقشة معك وربي ينورك ودمتي بألف خير وهناء إن شاء الله
