مادا ستطبخين اليوم اختي!!!!!!!!!!!!!!!!!!!!!!!!!

[ibtesem]

والله يعطيك الف صحة يا ندى يالحبيبة
صح التفاح الاخضر اشين ايضا كيما قالت ياسمين لكن انا نعرف 5كؤوس ماء على الريق في الصباح قبل الافطار وتنتضري 45دقيقة ثم تفطري عادي والله اجيب نتيجة جدو فعالة انا مجربتها تاني والحمد لله​

 

[ياسمين 177]

بصح اختيابتسام 5 كؤؤس ماء بزاف تقدري تشربيهم صباح

 

[ibtesem]

نعم ياسمين 4 كؤوس اسمحيلي اخطات اليكي الطريقة


رجيم الماء فقط

احدث رجيم هو رجيم الماء حيث يعالج الصداع والضغط والدم وفقر الدم (الانيميا) وداء المفاصل والشلل وسرعة خفقان القلب والصرع والسمنة.
الطريقة: شرب أربع أكواب ماء فاتر على الريق مع عدم تناول الطعام إلا بعد 45 دقيقة (يفضل أن يكون في الصباح الباكر)
تناول ثلاث وجبات كاملة من آي أنواع الطعام دون الإسراف أو الإكثار الزائد
البعد نهائيا عن الآكل بين الوجبات
يجب عدم تناول أي نوع من الطعام أو السوائل إلا بعد مرور ساعتين على الوجبة الرئيسية السابقة
إذا أحسست بالعطش اشرب الماء قبل الطعام على الأقل بنصف ساعة
فوائده الصحية: يعالج الصداع والضغط والدم وفقر الدم (الأنيميا) وداء المفاصل والشلل وسرعة خفقان القلب والصرع والسمنة.
السعال والتهاب الحلق والربو والسل.
التهاب السحايا وآي مرض آخر يتصل بالمسالك البولية.
فرط الحموضة والتهاب غشاء المعدة والدوسنتاريا والإمساك وآي مرض يتصل بالعين والحنجرة والأذن، وعدم انتظام الدورة الشهرية عند المرأة.​

 

[ياسمين 177]

يشبه للرجيم لكتبتوا نشا الله نوال تبعوا لانو مفيد مع الارادة اكيد

 

[imane27]

مساء الخير عليكم لبنات مزالكم مع قصة الرجيم انا درت قاع انواع الرجيم حتى واحد مفاد فيا وليت قلت خلنى الموت واحدة

 

[ياسمين 177]

البنات وين راكم انا العشا جاني واجد راجلي جابلي دجاجة محمرة واعجنت الخبز اللذيذ ديال نوال جا هايل كلاوه كامل .

 

[ibtesem]

بصحتك ياسمين اختي العشاء بالصحة والهناء​

 

[assia11]

السلام عليكم البارح درت تليتلي و العدس واليوم راني نخمم

 

[nawal1980]

السلامعليكم لبنات انا البارح في الليل تنصرعت عيت وتان لبنات ماخلونيش نكونكتي دارو هجوم على العاب فلة
المهم كي خلاصت الانفارسار قلت نريح وندير ماقرون للبنات حتى تفكرت بلي رجلي جايبلي زوخ عقوبات زوج حوتات قلي واحدة في الكوشة وواحدة مقلية امالا طيبتهم زدت درت بطاطا في الكوشة هدا عشا الراجل ولبنات


اما انا ما كليتش لاني كليت قطعة من قاطو ندوش وحبة غريبية دقتهم باش نعرف الدوق جاو بنان

يعطيكم الصحة على النصائح القيمة وان شاء الله يوفقنا وايمان ما تقوليش الموت واحدة لانو بعيد الشر لو كان تمرضي شكون الي بيك وانتي ركي غريبة امالا ما تتهونيش مع الصحة الي هي عدوتنا

 

[nada242008]

انا اليوم رايحة نطيب بربوشة = الطعام = النعمة

 

[وردة رمال الذهبية]

انا اليوم طيبتلنا ماما بيتزا وشربة فريك
بصحتك اختي ندوش البربوشو حتى حنا في دارنما نقولو بربوشة
بصحتكم كامل​

 

[nawal1980]

يعطيك الصحة وبصحتكالبربوشة ياnada242008

 

[nawal1980]

كاتمة الهموم بصحتكم البيتزا والشربة ويعطيها الصحة ماماك

 

[وردة رمال الذهبية]

الله يسلمك
حقا نسيت ما قلتلكمش البارح
طيبت موسكوتشو بمناسبة عيد ميلاد سارة سرسورة

 

[nawal1980]

الله يسلمك حنونة وان شاء الله نجاملك في عيد ميلادك وبالاك نهار زواجك

 

[وردة رمال الذهبية]

هههههههههههههههه انا عيد ميلادي مازال مطول
و زواج حتى هو مازال مطول اكثر من عيد ميلادي
شكرا على الرد الرائع والجميل مثلك والله العظكيم خجلتيني

 

[nawal1980]

لا خجل لا والو يجي نهارك وتولي ماما كيما حنا وعلاش حنا زدنا في ديورنا حتى حنا كنا صغيرات والوقت جرا بينا المهم ربي يسعدك ويهنيك حنونتي

 

[وردة رمال الذهبية]

شكرا حنونتي نوال والله خجلتيني على كلامك مثل الالماس

 

[nada242008]

الله يسلمكم كاتمة الهموم ونوال
ونوال ماقلتيناش واش طيبتي اليوم

 

[imane27]

شكرا حنونتي نوال والله خجلتيني على كلامك مثل الالماس

مساء الخير عليكم انا لبارح كان عندى ضياف هدا واش طيبت مقدرتش نحطهم لبارح عيت