عرض خدمة

[أم أريج]

نسمة حبيت نسقسيك على الحبة تاع قاطو بالفندون جي يابسة ولا نورمال وحبا ندير حشو تعها بالنوادكوكو كيفاه نديرو

 

[nissma34]

نسمة حبيت نسقسيك على الحبة تاع قاطو بالفندون جي يابسة ولا نورمال وحبا ندير حشو تعها بالنوادكوكو كيفاه نديرو

اخدمي عجينة السابلي عادي وحضري حشو نواى دو كوكو ومربى ديري كرة احشيها بملعقة من المربى ونوى دو كوكو اغلقي مليح طيبيهم في الفرن واقلاصيهم بالفوندونط
ماجيش يابسة شفتي قلاصاج mille feuille هاداك فوندون ميبش

 

[nissma34]

السلام عليكم

صحّ فطوركم ،، ربّي يتقبّل منّا و منكم إن شاء الله​

أختي نسمة عندي سؤال
هو في بعض المرّات كي نطيّب الكايك أو أي نوع في صينيّة كبيرة مرّات يتحمّر من الفوق و التحت بصح في الوسط يا إمّا يبقى سائل أو عجينة :mellow:
للعلم قبل ما ندخّل المول الفرن يكون سخون
يا ترى ما هو السّبب؟؟؟
و بوركت مسبقا على ردّك:wink:
تحياتي​

بالاك السبة درجة حرارة الفرن لكل انواع الكيك والمسكوتشو ديري 180 درجة متوسط كي كون سخون بزاف اكيد يطيب من الفوق والوسط يبقى عجين نقصي الفرن وخليه يطيب على راحتو وراقبي الطياب بسكين ناشف اغريسه في الكيك كي يخرج ناشف الكيك طايب
-بالك المقادير تاعك ميش مضبوطة تاع الكيك اختي بالاك سائل بزاف رايحة نمدلك مقادير كيك ناجح ومسكوتشو ناجح جربي وشوفي لا مشكل في الفرن ولا في المقادير وتاني متسخنيش بزاف الفرن قبل مطيبي الكيك وانت تحضري شعليه

 

[nissma34]

شكرا لكي بزاف على المجهودات نتاعك في مساعدتنا .اريد وصفة الكعيكعات يلا عندك حنونة .وصح فطورك

ما فهمتش الكعيكعات لي تحوسي عليهم وضحيلي شوية كاين بالسكر وكاين بالطلية وكاين سامبل وكاين حتى بخميرة الخبز ويتقلاو .

 

[أم أريج]

نسيمة نحوس على لرسات لعطتني الحبات طيبين لصقهم في بعضاهم نحوس بالنواد كوكو

 

[sabira]

مساء الخير حنونة راني نحوس على الكعيكعات بالطلية وصح فطورك

 

[nissma34]

مساء الخير حنونة راني نحوس على الكعيكعات بالطلية وصح فطورك

رايحة ندير درس علهم حنونة

 

[الهاملية]

مساء الخير عليكم اكل
اخت نسيمة الدروس الي رايحة تديريها هنا ولا في موضوع جديد
على خاطر راني نستنى في الدروس بفارغ الصبر
متنسايش التشاراك باش نخدمو في العيد ان شاء الله ووقيلا ندير الشاراك العريان ثاني على خاطر بزاف الي طلبوني فيه
شككككككككككككككككككككككككككرا​

 

[nissma34]

اختي نسمة من فضلك طريقة عمل لقريوش والمقرقشات
صح بعد الفطور

​

المقادير:

04 كيلات فرينة
01 كيلة مارغرين
بيضة
باكي خميرة لي رطل فرينة
ملعقة صغيرة خل
قرصة ملح
عسل وجنجلانية للتزيين​

اخدمي الزبدة مع المارغرين +قرصة الملح+​

الخل+البيضة واجمعي بناء زهر اتركيها ترتاح ​

وحليها واتبعي الطريقة في الصور
​

اقليهم في زيت سخون وعسليهم

 

[nissma34]

اختي نسمة من فضلك طريقة عمل لقريوش والمقرقشات
صح بعد الفطور

المقرقشات

​

المقادير :

-500 غ فرينة
-100 غ من الزيت أو المارغرين
-بيضة واحدة
-قرصة ملح
-كاس شاي من ماء الزهر
-زيت للقلي
-عسل
-ملعقة كبيرة من ماء الزهر
*كيفية التحضير :
نضع في إناء الفرينة و نسكب عليها الزيت أو المارغرين ثم نمحورهما جيدا حتى يندمجا ثم نضيف ماء الزهر و الملح و البيض و نقوم بعجن المزيج

في الوقت نفسه نقوم بإضافة الماء تدريجيا إلى أن نتحصل على عجينة طرية و متماسكة نقسمها إلى كريات بحجم حبة البيض و نتركها ترتاح لمدة 15 دقيقة.

-نرش طاولة العمل بالفرينة و نحل العجينة بواسطة الحلال و نقطعها إلى أوراق رقيقة جدا ذات 6 سم طول و 2 سم عرض.
-نسخن الزيت جيدا ثم نأخذ رقائق العجينة المقطعة حيث نغطس طرف العجينة مع إمساك الطرف الثاني باليد في هذا الوقت نقوم بطيها دون كسرها

بعد الإنتهاء من طي القطعة ،نرشها بالزيت بواسطة ملعقة إلى أن يزيد سمكها و تظهر فقاعات على وجهها و بمجرد أن يصبح لونها اصفر

نضعها في صحن و نسكب العسل فوقها و هي ساخنة ليذوب العسل فيها.

نضع شوكه بطرف الشريط ونمسك الطرف الأخر باليد

ونلفها داخل الزيت بحيث تأخذ شكل الوردة ولا نخرج الشوكة منها الا بعد أن نشعر انها تماسكت

نسند الشوكة بطرف المقلاة حتى تتماسك الوردة , والا انفرطت

وهكذا واحدة تلو الأخرى , مع التقليب حت تتحمر من كل الجهات

بعد خروجها من الزيت نضعها في الشربات ثم تصفى

ثم تقدم بالهنا والشفا

 

[هداية الروح]

مساء الخير اختى نسمة انشاء الله تكونى بخير
حبيت نسقسيك على الغريبية
من فضلك تعطينى مقاديرها قدقد على خاطر كى درت قد السكر قد الزبدة مصلحتشوجاتنى يا بسة

 

[هداية الروح]

مساء الخير اختى نسمة انشاء الله تكونى بخير
حبيت نسقسيك على الغريبية
من فضلك تعطينى مقاديرها قدقد على خاطر كى درت قد السكر قد الزبدة مصلحتش وجاتنى يا بسة ودابلى السكر فى البلاتو تاع الكوشة وش نقلك تبهدلت

 

[lima]

نشكرك يا اختي بزاف على مجهوداتك وربي انشاء الله يجعلها في ميزان حسناتك

 

[abdou30]

السلام عليكم ..

اولا شكرا اختي على المجهودات التي تبذلينها ..

بارك الله فيك و جزاك خيرا ..

عندي سؤالين ^^ ..

1-هل نستطيع تعويض الكريمة الطازجة (creme fraiche) بالياغورت الطبيعي ..
​

2-في وصفات الحلويات التقليدية هل نعبر بالمكيال او بالغرام احسن ..

و شكراا مسبقا ..

و رمضان مبارك ..

ام عبدو30
​

​

 

[nissma34]

السلام عليكم ..​

اولا شكرا اختي على المجهودات التي تبذلينها ..​

بارك الله فيك و جزاك خيرا ..​

عندي سؤالين ^^ ..​

1-هل نستطيع تعويض الكريمة الطازجة (creme fraiche) بالياغورت الطبيعي ..​

2-في وصفات الحلويات التقليدية هل نعبر بالمكيال او بالغرام احسن ..​

و شكراا مسبقا ..​

و رمضان مبارك ..​

ام عبدو30​

يمكن تعويض الكريمة بالياغورت او الحليب
كاين حلويات تقليدية نستعمل الكيلة كيما التشاراك والنقاش وكاسن حلويات اخرى نستعمل الميزان كس لي سابلي مثلا

 

[nissma34]

نشكرك يا اختي بزاف على مجهوداتك وربي انشاء الله يجعلها في ميزان حسناتك

لا شكر على واجب

 

[nissma34]

نسيمة نحوس على لرسات لعطتني الحبات طيبين لصقهم في بعضاهم نحوس بالنواد كوكو

رايح نحوط وصفة بالفوندو في موضوع الدروس في الدرس القادم حبيبتي انشاء الله تعجبك

 

[nissma34]

شكرا لكي بزاف على المجهودات نتاعك في مساعدتنا .اريد وصفة الكعيكعات يلا عندك حنونة .وصح فطورك

رايحة نحط الوصفة مع قاتو الفوندون في الدرس القادم الخاص بحلويات العيد

 

[أية2009]

أولا الف شكر ليك على المجهود الرائع وجعله الله في ميزان حسناتك ان شاء الله
حبيت نسالك ختي على عجينة المخبز قالولي كاينة عجينة جديدة تتخدم بلحظة وكاينة ثاني عجينة جديدة تتخدم بحمود بوعلام الشفاف حبيت نسقسيك اذا سمعت بيهم وواش رايك فيهم واذا عندك المقادير نتاعهم
ان شاء الله منكونش ثقلت عليك

 

[hayota]

الصراحة ماعرفتش واش نختار
الستيلو ضاعلي راني نكتب فالبورطابل
ربي يخليك لينا يا نسمة
اسمك كيما اسم اختي الكبرى