ملتقى عرائس ومخطوبات اللمة الجزائرية/خاص باستفساراتكن حول كل ماتحتاجه العروس

[الورد الأحمر]

عجبني القفطآن هذآ ,
مبدل شوية على لقفآطن ,

وهذآ تآني يعجبني الموف مع لصفر ,

ان شآء الله يعجبوكم ,
سلآمي ’
​

 

[iméne09]

جبتلكم مودال تاع بدرون بلبوليرون ديالو لعرايس عندنا gـاع يديروهم

من التحت

ان شاء الله يعجبكم
​

 

[الهام29]

لسلاام عليكم بنات ...
محتاجة نحكي مع وحدة اتكون متزوجة لديها خبرة في امور الزواج بالصح عبر الخاص ممكن ؟؟

 

[shéryfa luna]

salaaaaam wechrakoum ya la3rayes??
svp haba raykoum gololi kifeh derto nhar jaw yokhotbokom wech lbesto w wech hatitolhom w kifeh 3echto hedek nhar ​

 

[السلطانة]

سمية25

أولا نقولك الف مبروك اختي لعزيزة الله يهنيك
ومرحبا بيك عندنا في قالمة

بالنسبة للقوالمة فيما يخصّ العادات والتقاليد ماحناش مربوطين بيها بزاف زي باقي الولايات
يعني نقدرو نبدلو ونتخلاو عن حاجات عادي جدا
بعد الفاتحة والعقد
************************
العقد يروح لعريس يجيب لعروس بكورتاج يخرج مgودها ويروحو للبلدية
لي رايحة تجي ليها ان شاء الله لاعاد راجلك من لاvيل تكون البلدية لكبيرة تاع قالمة.
بعد ماتسينيو ويلبسلك الخاتم وتفض المراسيم اكيد انتي مادامك بعيدة راح تقعدي تتغداي في درا لعريس باسكو موالفين لعروسة كي تعود قريبة يحبو يغديوها ولا نو حسب واش تتفاهم هي وراجلها.
***************************
الجهاز:
تجيب الحاجات اللازمين لي تحتاجهم
وهي حرّة في لقنادر لي تخدمهم
قندورة ثقيلة هاديك لي ب 3ملايين وكثر
ومعاها قاط مثلا وقنادر خفاف يعني كل وحدة واش تحب تدي تدي

المهر :
من 4 وطلّع
ومعظهم درك يديرو 6ملايين والصوف ادا حبت لعروس ادا نو يمدلها صوارد تشري دي ماتلا ومعاهم حاجة دهب لي تكون مقياس ولا بقّاط

المهر يمد الدراهم نهار الفاتحة كي يتفاهم ويهزو الفاتحة
وتبقى الحاجة دهب يجيبها مع حوايج لعطيّة
لعطيّة=الحنّة

لعطيّة:
لي راهي ماش لازمة درك لينا سنوات منلي عادو يديرو يااما:
-لعروسة متديرهاش باه تعاون راجلها والدراهم هادوك يشريو بيهم حاجات لدارهم
ويديرو العرس ديراكت.
-امّا يديروها عادي .
-امّا يديروها ولعريس ميدريش العرس يدي لعروسة منها طول
ويتشاركو فيها هيا تدير القهوة وهو عليه لاصال ولعشى

في لعطيّة:

-يعرضو لافامي من جيهة لعروس بزاف
اما درالعريس فيجيبو معاهم عدد محدد برك مثلا 25 30 مرا
لعروسة تتصدر والتصديرة هيا حرة فيها لي تحب تجيب الماشطة تجيب
ولي تحب تلبس وحدها تلبس
-دار لعريس يحنيو للعروسة وتجبد امو الحاجة تاع الدهب لي تفاهمو عليها في الشرط تحطهالها فوق راسها وتسلم عليها.
-من مباعد كي يتعشاو تلبس لعروسةة غوب مليحة تاع سهرة ويدخل لعريس يلبسلها الخاتم ويقصو لاطارت.


كاشما عندك اسئلة خلاف راني هنا


-كان موضوع درتو من قبل في مجلة حواء فيه عرس لقوالمة بالتفصيل مي راح الرابط كي راحت اللمة


​

 

[سمية25]

ميرسي حنونة على الرد الجميل والمقنع حبيت برك نقولك بلي احنا فتحنا صافي اقرينا الفاتحة وادفع المهر نتاعي 10 ملاين بلا شروط برك هو حب يدير شرط زوج خواتم خاتم نتاع الفاتحة والاخرى نتاع العقد وفتحنا وقصينا لاتارت وباتو عندنا يومين نهار قبل الفاتحة ونهار بعده وزيد درت الحنة ليا وليه هو تاني يعني فاتت ليلة الخطبة مليحة والحمد لله
درك باقيلي العقد نتاع البلدية رايحة مورا العيد ان شاء الله نبات الليلة الاولى والتانية نعقد فيها ويديرو الزهو والفرح باسكو في الفاتحة ماداروش العشا تما خلاوه حتى للعقد قالي نلمو العايلة ونفرحو كاملين ويدورولنا الحنة
ايه نسيتك جابلي برنوس من تما درت بيه الحنة كامل عجبهم الستييل نتاعووو
درك انا راني حابة نعرف كيفاش تديرو الحنة للعروسة تما عندكم برك راني حابة نجيب معايا جبة تكون شابة وندير فيها واسكو ندي معايا البرنوس ايه ولا لالا
حنونة علابالي كثرت عليك مي لازملي نستفسر باش مانبانش كافية تما هههههههههههههه
شككراااا سندريلا الزينة

 

[نسمات إيمانية]

 

[السلطانة]

ميرسي حنونة على الرد الجميل والمقنع حبيت برك نقولك بلي احنا فتحنا صافي اقرينا الفاتحة وادفع المهر نتاعي 10 ملاين بلا شروط برك هو حب يدير شرط زوج خواتم خاتم نتاع الفاتحة والاخرى نتاع العقد وفتحنا وقصينا لاتارت وباتو عندنا يومين نهار قبل الفاتحة ونهار بعده وزيد درت الحنة ليا وليه هو تاني يعني فاتت ليلة الخطبة مليحة والحمد لله
درك باقيلي العقد نتاع البلدية رايحة مورا العيد ان شاء الله نبات الليلة الاولى والتانية نعقد فيها ويديرو الزهو والفرح باسكو في الفاتحة ماداروش العشا تما خلاوه حتى للعقد قالي نلمو العايلة ونفرحو كاملين ويدورولنا الحنة
ايه نسيتك جابلي برنوس من تما درت بيه الحنة كامل عجبهم الستييل نتاعووو
درك انا راني حابة نعرف كيفاش تديرو الحنة للعروسة تما عندكم برك راني حابة نجيب معايا جبة تكون شابة وندير فيها واسكو ندي معايا البرنوس ايه ولا لالا
حنونة علابالي كثرت عليك مي لازملي نستفسر باش مانبانش كافية تما هههههههههههههه
شككراااا سندريلا الزينة

هيا بيان خلاه :pكي فهمتي عليا
الله يبارك درتو فيها فاتحة هايلة الله يهنيكم ان شاء الله
وي لازمك تباتي باسكوبعيد الحال هاكداك تريحي ويفوت العقد مليح ومنو تتعرفي على قالمة ودار زوجك مليح
-بالنسبة للحنة تاعنا
راهي تكون غير في لعطيّة منديروش زي بقية الولايات الحنة في العرس
الحنة تاع لعطيّة كيما قتلك عليها
يجيو يحنيولك مي انتوم على مااظن متيدروش لعطيّة زي تاعنا
يعني ننصحك الحنة ديريها كيما تقاليدكم باسكو هوما لي يجيو يحنيولك
-وفي لعقد مانلبوسوش الجبّة ولا لقنادر
لباس العقد يكون سامبل
اما حجاب تشريه سروال وليكات طويلة
ولا جيب طويل
وادا كنتي دايرة جلباب خيطي واحد باهي

غوز ولا باج ولا بلو سيال المهم انتي وواش تحبي تلبسي

-في لعرس لعروس تلبس لاغوب بلونش تخرج فيها ومن تم ماتبدلش تبقى بيها حتى يخرجها لعريس

كاشما عندك استفسارات خلاف
قتلك راني هنا با دو ديرونجمون :regards01:

​

 

[سمية25]

علاش العروس القالمية ماتتصدرش
يعني ماديرش التصديرة نهار يديوها ولا واش
انا قالي نجيييو ندوك وتبقاي تريحي نهار ولا يومين ومبعد نديرو العرس تما في لا صال
مي ماقليش بلي مانتصدرش خلاه
ههههههههههههه
المهم الحمد لله اللي راكي هنا باش تفهميني

 

[نجمة ساطعة]

ساندريلا زمان يممكن سوال صح شرطكم 30 مليون صح

 

[السلطانة]

علاش العروس القالمية ماتتصدرش
يعني ماديرش التصديرة نهار يديوها ولا واش
انا قالي نجيييو ندوك وتبقاي تريحي نهار ولا يومين ومبعد نديرو العرس تما في لا صال
مي ماقليش بلي مانتصدرش خلاه
ههههههههههههه
المهم الحمد لله اللي راكي هنا باش تفهميني

وي معندناش التصديرة نهار العرس
تتصدر نهار لعطيّة برك

ومباعد بعد العرس يديرولها لغدا الغدوة بعد ولا يخليوه كي تفوت سمانة
انتي كي عدتي بعيدة مليح كي تريحي من مباعد تديرو العرس على راحتكم متجيش غلبانة

​

 

[السلطانة]

ساندريلا زمان يممكن سوال صح شرطكم 30 مليون صح

:cray02::cray02::cray02:
لالا يانجمة ماكانش منها هادي
لي قالهالك راه غالط

شرطنا حاليا بين 04 و06 واكثرهم يديرو 06
مع حاجة دهب ولعروس تساعد راجلها على قد ماتقدر
سيرتو ادا عاد قدو قد روحو

تاع عنابة صح يغليو الشرط بيهم بتاع قسنطينة
اصلا هوما لي صال تاعهم حاجة فور يسقاملهم العرس
والشرط وكلشي مع بعضاهم ضريبة
و+ يتبعو العادات تاع لازم لازم

​

 

[نسمات إيمانية]

___شرطنا حاليا بين 04 و06 واكثرهم يديرو 06 __
الله يبارك لكم في مالكم _اعظم النساء بركة ايسرهن صداقا

 

[سمية25]

شكرا حبيبتي على كرم الرد

مانجيش غلبانة ههههههههههههههههه لالا عيانة
هههههههههههه شكرا سندريلا على اهتمامك بي

 

[السلطانة]

___شرطنا حاليا بين 04 و06 واكثرهم يديرو 06 __
الله يبارك لكم في مالكم _اعظم النساء بركة ايسرهن صداقا

اللهمّ اجعلنا منهنّ
وبارك لنا في ازواجنا
:regards01:
​

 

[السلطانة]

شكرا حبيبتي على كرم الرد

مانجيش غلبانة ههههههههههههههههه لالا عيانة
هههههههههههه شكرا سندريلا على اهتمامك بي

بلامزية سمسومة هادا واجبي
:regards01:
​

 

[خيرة جانت]

امالا دعولي ربي يسهلي باش تبداو تعاونوني بآرائكن

 

[نسمات إيمانية]

اسال الله ان يرزق بنات المسلمين بالزوج الصالح​

 

[shéryfa luna]

vous voyer=z po mes messages ou koi vous faites expré enfaite moi j vous ai posé une kest juste pour savoir pck j'ai vraiment besoin "lahayat liman tounadi " allé salam pfffff​

 

[السلطانة]

shéryfa luna

ان شاء الله يعاونوك لبنات


تحياتي اختي
​