ملتقى عرائس ومخطوبات اللمة الجزائرية/خاص باستفساراتكن حول كل ماتحتاجه العروس

[SAMIRA25]

اختي سميرة الة نزع الشعر بالخيط هادي منعرفهاش
ان شاء الله يعاونوك لبنات​

مشكورة اختى بارك الله فيك

 

[امنيات بسمة]

يعطيكم الصحة يلبناات موضوع روعة ومبروووك لكامل العرايس والمخطوبات واللي مازالو تاني ربي يجيبلهم سعد زين ان شاء الله
انا عضوة جديدة

 

[lala212121]

السلام عليكم انا عضو جديد مخطوبة وعرسي هاد الصيف قولولي واش ندير في الشورى و شكرا

 

[عفاف الجزائرية]

وعليكم السلام
مرحبا بيك اختي لولا
قوليلنا واش راكي موجدة واسكو رايحة بدارك وحدك ولا مع العايلة
باسكو ااذا ماش موجدة حتىحاجة لازملك ورقة وستيلو وشمري على ذرعيك
اذا راكي رايحة في الصيف هاذا جهد الحال توجدي روحك
​

 

[عفاف الجزائرية]

عجبني المودال نتاع الصدر نتاع القندورة الوهراني
بالنسبة ليا حاجة سامبل خفيف وجديد خير منالرقبة مدورة والكول هاذاك وشارجي بزاف
​

 

[السلطانة]

lala212121
الفراش
بساطات تع بلاصة وتع 2 بلايص
كوفرلي مليح لي يتفرش النهار لول _
كوفرلي خفيف واحد ولا زوج_
كوفرلي خشين للشتا_
زور كوفيرطا كيما يقولو في الغرب _
كوات_
دراوات تع كل يوم _
دراوات ملاح واحد ولا زوج_
تروسوات مثلا تع كروشي تع مسلول كل وحدة وش تحب _
غلافات مخادد من برة ومن داخل شتا وصيف _
زربية للبيت حسب لون الكوفرلي تع النهار لول _
ديسون دولي _
ريدو للشمبرا_
ناب رون للشنمبرة_
مخادد ضد الحساسية للرقاد
تلايق للخزانة_

بالنسبة للصالون تفريشة للصالون والا حابة تدي فوتاي مكلاه التفريشة _

زربية للصالون_
ريدو للصالون_

ناب رون للصالون _
مطارح _
مخاد صوف


​

 

[lala212121]

يعطيك الصحة

 

[lala212121]

يعطيك الصحة اختي

 

[طيور الجنة21]

سلامووووووووووووووو البنات وينكم رانيحاصلة

شوفوا من دون إطالة عليكن

أنا بيت دار راجلي راح يحنيولي نهار الدفعة تاعي في الليل نلبس لاغوب و يلبسلي الخاتم ونلبسلوا هو ثاني و أمبعد نبدل ونلبس القندورة تاع المجبود نحني فيها


السؤال هو . ما هو اللون المناسب تاع لاغوب ألي نلبسها كي يلبسلي الخاتم...مع العلم انها تكون gونفلي نكون متألقة ....


و ما تقولوش الموف..... لأني لبستو من قبل
​

 

[نجمة ساطعة]

سلامووووووووووووووو البنات وينكم رانيحاصلة

شوفوا من دون إطالة عليكن

أنا بيت دار راجلي راح يحنيولي نهار الدفعة تاعي في الليل نلبس لاغوب و يلبسلي الخاتم ونلبسلوا هو ثاني و أمبعد نبدل ونلبس القندورة تاع المجبود نحني فيها


السؤال هو . ما هو اللون المناسب تاع لاغوب ألي نلبسها كي يلبسلي الخاتم...مع العلم انها تكون gونفلي نكون متألقة ....


و ما تقولوش الموف..... لأني لبستو من قبل
​

احسن لون وردي ولا احمر ولا عنابي

 

[السلطانة]

وعليكم السلام

اختي طيور ا لجنة

الغوز والدوري
والبلو
هادو الوان باهيين


​

 

[عفاف الجزائرية]

اختي طيور الجنة
درك على لون بشرتك واش يناسبك
يعني الاولان اللي اقترحوهم الاخوات كامل ملاح
مي اسكو مدايرة هاذ الالوان في تصديرتك ولا لالا
حاولي تديري لون ماكيش مدايراتو في تصديرتك البسيه باه كي تلبسي التصديرة يكون الاختلاف في الالوان
وتاني شي حسب لون بشرتك يعني بيضاء ولا سمرة ولا خمرية
اذا سمرة ما يناسبش لبلو
اذا بيضاء تناسبك كل الالوان اديها من عندي
وزيدي شوفي الاخوات
ربي يهنيك يارب
​

 

[طيور الجنة21]

مرسي البنات أنا راني بيضاء.... و بلاك راني راح استقر على اللون الدوري

و ظرك البنات واش هو لون الماكياج الي نديروا كي نلبس لاغوب
و لازم يتناسب مع القطيفة تاعي.... قطيفتي موف

 

[عفاف الجزائرية]

طيور الجنة
امزجي بين الوردي الدافئ والموف
يجي ماكياج هايل
دقيقة نجيبلك مثال

http://dc03.**********/i/00962/3h0vwxgylqkz.gif

ولا شوفي في النت انواع الماكياج بالالوان تلقاي
واذا حبيتي ادي لافوتو للحفافة وقلها تعملك كيفو
ربي يهنيك خيتي
​

 

[بنت الجسور المعلقة]

سلامووووووووووووووو البنات وينكم رانيحاصلة

شوفوا من دون إطالة عليكن

أنا بيت دار راجلي راح يحنيولي نهار الدفعة تاعي في الليل نلبس لاغوب و يلبسلي الخاتم ونلبسلوا هو ثاني و أمبعد نبدل ونلبس القندورة تاع المجبود نحني فيها


السؤال هو . ما هو اللون المناسب تاع لاغوب ألي نلبسها كي يلبسلي الخاتم...مع العلم انها تكون gونفلي نكون متألقة ....


و ما تقولوش الموف..... لأني لبستو من قبل
​

أهلا حبيبتي ربي يكملك ويديم عشرتكم توحشتك يا ستوته عندي مدة مدخلتش لهدا الموضوع من نهار درتيه جديد ههه
كآآش جديد كاش موجدتي حبيبتي شفتي شفتي ليام تجري يا حصرااه من لي كنتي في القماطة وماما هزاتك درك رايحة لدويرتك عروسة يا لعزيزة ربي يكبرك في طاعتو ويرزقك الذرية الصالحة
ااييه لالاه مولاتي جايبلنها الدفعة ألف مبروك عقبال النهار الرسمي أ مآآ لعزيزة واش نقولك حنونتي نتي سمرآآ بيضاء خمرية واش لون لاغوب والقندوة درك نجاوبك عزيزيتي
​

 

[طيور الجنة21]

الله يسلمك لعزيزة هاذي غيبة حنونتي..... لعقوبة ليك
شفتي الدنيا...انا بيضاء

 

[samiab]

السلام عليكم
أنا عضوة جديدة كل من مرحبة؟

 

[alisia rsdz]

السلام عليكن ..........................عضوة بسكرية جديدة هل من مرحبة

 

[♥♥ياسمين♥♥]

السلام عليكم لبنات
واش راكم ان شاء الله بخير
انا عضوة جديدة و مخطوبة تاني اللي تحتاج كاش حاجة تسقسي على روحها

 

[أمينة16]

مساء الانوار لكل البنات
ان شاء الله تكن بالف خير يارب
امممم والله مشكل مع التروسو هدا ميخلاصش كامل
اما براسك كملت كل شيء
مي مزالي قفطان راني حابة واحد شباب بزاف
ياريت تعاونيني في المودال وخاصة اللون راني محتارة

​