vous voyer=z po mes messages ou koi vous faites expré enfaite moi j vous ai posé une kest juste pour savoir pck j'ai vraiment besoin "lahayat liman tounadi " allé salam pfffff
السلام عليكم
تزعفيش يا الاخت بالاك ما شافوش السؤال
انا هادا وين شتو
رح نجاوبك عن خبرة
يعني راني متزوجة حاليا ومريت بهادوك لمراحل كامل
هي مراحل مليحة ودي سوفونير شابييين ننصحك انك تعيشيهم بكل عفوية وتتصرفي على طبيعتك
وتكون فرحتك نابعة من القلب
بون نبداو باليوم الاول لي تشوفيهم ويشوفوك فيه لاول مرة الخطبة الرسمية
اكيدرح تكوني متوترة وقلقانة بزاف لكن ما يهمش لازم تتغلبي على خوفك لازم تكوني ريلاكس
بعد الضيافة على حسب المنطقة والعادات وانا وبحكم انو زوجي واهلو كانو مقيمين بالخارج
لما جاونا عملنالهم غداء تقليدي فيه لي بلا تراديسونال كامل
وبعدها تحلية وفواكه ومشروبات
ومن بعد مدة جاء وقت القهوة هنا قاتلي يما راكي تدخلي عليهم صراحة متت من الخوف والحشمة عييت نرفد روحي من السرير ديالي اييييييييه بالسيف ما جيت نخرج من لاشومبر ديالي يما اطبع فيا من لور اتخيلي حتى واش قتلها لالا سي بون ما نتزوجش قاتلي يا حي حبيتي تسوديلي وجهي مع الناس
ايا درت كوراج كبير ودخلت وجوست شتهم راحتلي القلقة باسكوراهم ناس عاديييين ماشي مخلوقات فضائية سلمت عليهم حكينا بيان وفاتت قعدة هايلة ومن بعد لبستلي مويمتو يعني جدة تاعو لخاتم وقاتلي يا سعدنا بيك :$
اما واش لبست هاداك الوقت كنت مسوفجة يعني كنت نقرى وصغيرة
وما نحبش لكلاسيك مام دوك ما نلبسوش خلاص
شريت بونتالون وشريتلو فاست كوغت يسموهم جاكت بوي فرند
مع بول تع بيجاما من لتحت ايماجين ههههه وبالغين سامبل يعني كنت ناتورال
لازم تلبيسي حاجة تكوني انت فيها الاز ومريحاتك
هادي هي القصةوما فيها والفايدةفي الهناء الله يكملك لى خير
كاش استفسار راني هنا
كي دخلو نورما حطينالهم jusمع ليمونشو من بعد قاتو مع القهوة نتي و المقدور تاعك:up: او لا تاي مع قانوه تان هدا مكان ....طولت باه دخلت انا حتى ولات ماما تعييط او كي دخلت راكي عارفة تسلمي عليهم او تقعدي او يبقاو يقصرو نورمال كما ضياف عادي او يخزرو فيك منين دااك هههههه و انتيا تبدااي تحماااااريي :$:$:$:$بصح الحاجة الي ننصحك بيها او وصاتهالي صحبت ماما قاتلي تصرفي بطبيعتك لانو مع التاالي تندمييي صصح او تولي تدخكي على رووححك ابروفيتي le max هدا واش نقولك او من بعد دارتلي ماماه الخااااااااتم او جا كبيييييير عليييييييا تبهديييلا قرييييييب طاحلىيي مزية شديتوو..........و ربي يهنيك انشاء الله و يرزقك الزوج الصااالح.
