جاتنا بنت فى الليل و ...........

[الخيزران]

روى أبو داود في سننه عن عمرو بن شعيب عن أبيه عن جده قال: قال رسول الله صلى الله عليه وسلم: مروا أولادكم بالصلاة وهم أبناء سبع سنين، واضربوهم عليها وهم أبناء عشر، وفرقوا بينهم في المضاجع. وقال الألباني: حسن صحيح.

هذا من امر الاخوة من بطن واحدة فما بالك بالغرباء
ابناء العشر سنوات على دراية بكل ما يحدث
تغليق الباب على اخيك هو وزميلته التي تضع المكياج اختي مسلمة وهو يصغرك سنا امر عجب
اذا حدث هذا في المنزل فلماذا ننكر على المؤسسات الاختلاط ؟؟؟؟

 

[MAN1850]

واشي هاذ الأسلوب التهجمي ...
تعرف ميكياvيلي وتعرف النظرية تاعو و لالا
حنا ماعندناش في الإسلام نظرية ميكيافيلي "الغاية تبرر الوسيلة" حنا عندنا عكس قاعدة ونظرية ميكيافيلي "الغاية لا تبرر الوسيلة "
الغاية تاعها الدراسة ، فلا تبرر لها الوسيلة وهيا الذهاب والخلوة مع الذكورة ...
الغاية تاعك تنصح، ماتبررلكش الوسيلة انك تدخل للمخمرة وتنصح
وهكذا
تقرى على الراس والعين ولكن هل اخو مسلمة عالم حتى ماعندهاش البديل بلاه
هل الوقت ضيق للدرجة انها تتلاقا معاه في الليل
ثم قولك لوكان حاب الشر مايجيبهاش للدار
نقلك راك غالط
بل أهل الفسق المشكل العظيم تاعهم ماعندهمش وين يديرو الفسق تاعهم ودعتنا من هذ الباب ...
​

انا فهمتك و انت ما فهمتنيش
على خاطر انا قلت في بداية الرد
ماشي كامل الناس عندهم عقلية وحدة​

 

[Jeune Sghir Mc]

كل جيل وعندو عقلية
ومازال تشوفي العجب للقدام

​

 

[pixau_dz]

موضوع قــــــــــــــــيم

 

[Rochdi.dz]

هههههه
ختي سامحيني برك نتي لمتي الطفلة و مالمتيش خوك اللي جايبها
؟؟؟؟؟

​

 

[blida09]

اواه هذي حكاية خطيرة لازم الوالدين ينتنبهولها ربي يهدي ويصلح رانا في مجتمع فقدت الاخلاق وتعاليم دينناالحنيف الاسلام

 

[SAFA-94]

خوك علاه جايبها لداركم في هدا الوقت هههههههههههههههههه.ولكان جيت انا ديجا ميخلونيش نروح نقرى عند زميلتي كيما هدا الوقت .هدي نروح نقرى عند زميلي منذكرهاش ابداا حتى ولوكان يكونوا معايا بنات في اي وقت.والله مانعرف على هدا الجيل

 

[عاشقة الوحدة]

الله غالب ماكانش تربية ديجا من الكحل و الماكياج اعرفيها .......​

 

[رقة الاحساس]

واله قصة محيرة والمشكل لكبير او مع8نتاع الليل يالي العجابة
والله بنات الوقت ولاو لايحشمو ولا يخافو و ياترى وين راهم اهلها و كيفاه قبلولها​

 

[M!ss_f@ti]

باش منطولش عليكم انا كى كنت ندرس فى الاساسى كى نطلب من يما نروح نقرا عند واحدة صاحبتى الرد دايما لالالالالا وممنوع
الرجوع للبيت بوقت
الخروج دون سبب ممنوع

حتى احنا هكذا العقلية ,, عندي صحبتي ماماها صحبت ماما وباباها صاحب بابا غير هي لي نروح ليها وهي مرااات وين تجي لأنو عندنا الذكورة ههههههه
تربيت هكدا وكبرت هكدا
وحتى الان كى وصلت للجامعة منروحش وحدى ومنرجعش وحدى

أنا للحوانت منا ومنا لازم نروح مع صاحبتي لي ذكرتها الفوق ولا مع بنت عمي
المهم خويا الاصغر راهو يجتاز الان شهادة التعليم الاساسى ربى يوفقو

ربي ينجحو ان شاء الله
كنت فى الدار كالعادة مشغولة بشغل البيت
ونشوف اخى داخل ومعاه ............:re_gards:...
كذبت روحى قلت جابلى ربى رانى نشوف فى طفلة هههههههه خزرت مليح اى وى
معاه زعمة زميلة دراسة _o:
دخل الاخ مساء الخير يما هادى زميلتى رايحين نقراو فى الصالون متديرونجيوناش هههههههه

امليح كي قالها زميلتي ماقالهاش عروستكـ المستقبلية هههههه
البنت مساء الخير طاطا واش راكى

أكيد يماكـ تكون مشوكية هههههه
يما العزيزة ترد ايه تفضلو
انا خزرت فى الساعة وهنا الدهشة التى ادهشتنى وزادتنى حيرة احم احم الساعة 8 تاع الليل:scared::scared:

بــــــــــــــــــــــــــــــــــــــــــركـ مزال الحال ههههههه
يعنى وقتاش يقراو ووقتاش يكملو
كملت شغلى ورحت زعما نقرعج طبطب
الاخ تفضلى
وسلمت عليهم
البنت فى شهادة الاساسى عمرها حوالى 14 سنة ادا مرانيش غالطة تضع كحل اسود مكياج خفيف وطلاء اظافر احمر:scared::scared::shay::shay:

رانا في 2011 نوورمال , في عمري 19 سنة والله العظيم مانحط حاجة على وجهي غير فمي لي نغسلو الصباح بافرشاة والمعجون ههههههه
المهم بديت نسالهم عن امور الدراسة واذا كان ساهل ووو

في قلبها راهي تقول روحي ماتدخسيش روحكـ :cra_zy: خلينا وحدنا ههههههه
وقلت لاخى ادا تحتاجو اى مساعدة هههههههه
قالى لا درك يجى زميل اخر يشرحلنا

يتمسى زيديها في روحكـ حرقاسيون من الكبار :shiny: بركايهم راكي ضيعتيلهم وقتهم هههه
المهم قولتلهم بالتوفيق وخرجت قالى اقفلى الباب موراك _o:_o:

ياحبيبي ,,, ماقالكش ماتزيديش تولي ؟؟
خرجت فى حيرة من امرى وصدمة مذهولة مما رايت وسمعت ههههههههه واذا بامى طالعة فى الدروج
فى يدها طبق به كل ما لذ وطاب كى شغل حسيت روحى رانى فى فلم مصرى
الله غالب نية الأم وطيبة قلبها
معلاباليش نفرح:sheer::sheer:
ولا نحزن:sadwalk::sadwalk:
ولا نندهش:scared::scared:

شهدي وأستغفري بركـ لأنو مابقاش بزاف قررررررررررررربت
ولا كل شى راه نورمال وانا اللى موش نورمال:santa_1:
المهم هادى مش اول مرة كل يوم ماما هده زميلتى وهؤلاء زملائى
حبيت نفهم وين اولياء الامور وهل الراجل ولا ميسالش بنتو وين رايحة ومتتاخريش ووو

واذا كان يسأل ؟؟؟ بنات اليوم عفرت الله يسترنا ((ماشي كامل ))
درك معلاباليش ادا تبات ولا تروح ولا .......

مانظنش تبات بالصح رسمي السهرة عندكم ههههههه ,,, لوكان جيت في بلاصتك هي لي تغسل لماعن
ادا واحد فيكم فهم الحكاية يفهمنى

راني فاهمتها كيما راكي فاهمتها ... لوكان جا قروب كبير ماتغيضش مي وحدها "تسونامي"
قولولى يا ناس اللمة واش رايكم فى هادى الظاهرة
ويا شباب اللمة هل انت توافق اختك تروح تقرا فى دار زميلها فى هذا الوقت من الليل
وهل انتى يا بنت اللمة توافقى تروحى تقراى فى دار زميلك ومعندك حتى مشكل
واشكركم على المتابعة:re_gards:

رأيي من راي العقال واللي يهدرو بالمنطق ,,, هاذي ماشي من عاداتنا وأنت قلتي لزميلتك ماتخليكش ماماك تروح وين عاذاك زميل ؟؟؟

لوكان جينا في وقت النية اجيك لحكاية نورمال مي الوقت راه صعيب والشيطان واعر

ربي يجيب الخير ويهدي ماخلق ...

واش البنية باتت ولا روحت ههههههه

 

[aidouch]

و عيكم السلام حنونتي
رانا لاباس الحمد الله
مي كيسمعنا الحكاية
ههههه
دخت شوياا
واش حبيتيني نقولك اختي درك ولات موضة هادي تع كل طفلة تريفيزي مع الطفل
اللي يسمع يقول رايحة تصيب كامل الاجوبة عندو
و العكس صحيح
و الدراري تع هاد الوقت ماهومش قلال
راهم فايقين و فاهميين
و علابالهم بكل شيء
صح يصيب حجة القراية
مي ماشي على 8 تع الليل
كيما راكي تقولي انت تبات ولا تروح ولا....
ههههههه
و نرمالمو اللي يحب يقرا مع الطفل
يقرا في النهار ماشي يدخل دار الناس في الليالي
...
نتمنى يكونو استفدو من الجصة اللي قراوها مع بعض
هادا واش نتمنى
و ان شاء الله ينجحو
مشكورة اختي على الموضوع
​

 

[**** بنت أبوها ***]

لو نقول لدارنا رايحة نقرى عند زميل ليا يديرولي عرس
حتى انا راني مخلوعة لأنو هذي الظاهرة مكاشها عندنا ​

 

[{مُدَلَّلَتُهُ}]

hhhhhh da7aktini lah yhenik

ana rani kbira des fois nebghi nro7 3and sa7abti ne9ra ma ykhalounich ygoulouli 9ray fi darkoum el maquillage ma nebghihech w ma nesma3ch ga3 bih lol

lah yehdina

 

[مسلمة وافتخر باسلامى]

يعطيك الصحة مسلمة

موضوعك مليح بزاااااف وهادف
بصح قتلتيني بالضحك صح صح ههههه
وألي بزاف كي قلتي مانعرف تبات ولا تروح هههههههههه
نتي تحكي وانا قتلتني الغيرة من خوك الصغير ربي نجحوههههههه
كون غير جيت في بلاصتو ، احم احم او باش نقريها برك رانا زملاء هههههههه
حيرة صح صح مسلمة
والحيرة الأكثر في والدين هاذ المموشة كيفاش خلاوها تروح عند ذكر وفي دارو ومانعرف شكون راح يجيب معاه ؟؟؟
بصح كي قلتي الماكياج عرفت كيفاش العقلية تاعها وتاع دارهم ومع دارهم ....
او خوك هذا ماشي ساهل ههههه
اذا مافهموش نجي نقريهم ههههههه
يعطيك الصحة راني غير نضحك ...
مام انا مرة شفت طفلة جات عند جارنا الصغير وخرجاتو من الدار وباباه يشوف وسلم عليها
خرجاتو وراحو يقراو كيف كيف

بصح تاع الدار وحدها هههههه​

اهلا بيك خويا مكانش
واش نقولك البارح قعدت نهار كامل وانا نخزر فى الساعة ونستنى وقتاش تروح
والله ماشى منحبش الضياف بالعكس على راسى بصح خفت على الطفلة كيفاش رايحة تخرج وحدها فى هاد الليل
ولما دقت ساعة النصر ههههههه 10 مساءا
جا باباها يديها_o: ورانى اشهدكم بلى قررت انى لا ولن اصدم بعد اليوم

 

[مسلمة وافتخر باسلامى]

يا اختي الوقت هدا نتاعكم خلي برك رجع لي مايحبش على الامور هدي يصبح معقد وانا نقولك هدي عندكم بلاك برك عندنا مكانش واله اعلم وشكرا على الموضوع

متاكد بلى مكانش عندكم واش نقولك ربى يعلم
ايه راك قلتها ختك معقدة الله غالب ههههههه

 

[مسلمة وافتخر باسلامى]

مسلخير ختي ومرسي على طرح الموضوع

و انا تبالي نورمال psk راهم يقراو مافيها والو ومذام جا وقال لماماك واذا مفهمش حاجة لوخر يفهمهالو و يراجعو كيفكيف انا جاتني لحكياية مافيها والو وكل واحد وعندو رايو

ايه حتى ماما قالت نورمال
بصح انا قديمة شوى
ولا تقدرى تقولى عقلى اللى قديم بمعنى اصح
دقة قديمة ههههههه
انا خفت عليها برك كيفاش تخرج راكى تعرفى الوقت صعيب

 

[مسلمة وافتخر باسلامى]

السلامعليكم​

اولا موضوعك هايل
ثانيا ربي وفقك خوك وخويا ثاني خاطر هو ثاني عندو الامتحان نتع شهادةالتعليم المتوسط وراه قال بلي فيزيا واعرة خدم من كل تمرين شويا شويا في طريقك صقصيلي خوك على الفيزيا اوكي ؟؟؟؟؟​

ثالثا
بخصوص العفسة الي دارها خوك والله عجب العجاب يعني عادي الامور هذي وامك ثاني جاتها عادي ​

خويا كان يريفيزي ولكن مع صحابوا ومش في منزل بل في المكتبة المسجد نتع كارتينا ​

والله راسي حبس معرفتش وش نقول الا ​

الله يهدي ​

وعليكم السلام ​

ايه ختى خويا راه يقول الفيزيا واعرة بزاف وماشى غير هو ناس بزاف قالوها وحطوها حتى فى الجورنان
بصح نورمالمو انا خويا قراوه بنات شابين
اشكال والوان
تسما المفروض ومتخفالوش ههههههه

 

[مسلمة وافتخر باسلامى]

أنا ما نيش راح نافقـ اخوانيـ

Soi في البـاك و البيام أو السيسيامـ
دايما نريـvـــيزو في الدار مع بعض بناتـ و ذراريـ
فيـ الباك 2007 كنا نسهرو مع بعض بنات و ذراريـ 1 تاع صباح نقراو و نقصرو
و الحمد الله بديناها خاوة خاوة خلصنا خاوة خاوة
و كلـ واحد يقادر لوخر و ما كانش Les Arriers Pensé
Parceque متربيينـ و نقادرو بعضنا
و الحمد لله نجحنا كاملـ و خلصنا ضرك الجامعة
و كلـ واحد ربي كتبلو طريقـ و بقاولنا غير الذكرياتـ
+
اللقطة المخيرة كي نديرو قرعة شكونـ يروح يطيب حليب و قهوة و يجيبنا كاسكروطات

ياماتـ و الله​

عجبتنى هادى خويا شمسو
بالاك عندك الحق ربى يعلم انا نتمنى برك ربى يوفقهم هادا ما نقول
بصح درك نقولك تعليق بسيط
ممبعد كى جاو زوج صحابو ودخلو معاهم للصالون
انا غرفتى قريبة شافنى خرجت رغم انو الصالون مغلق تعرف واش قال قال ادخلى صحابى
قوتلو ايه واش فيها ياخى صغار ورانى بعيدة
قالى شكون قالك صغار i-o: تسما انا مفهمت والو

 

[مسلمة وافتخر باسلامى]

ماشي كامل الناس عندهم عقلية وحدة​

كـايــن لــيـ المـهم بـنتــــو تجـيب معدل مليح
و انتي علاه تقراي النقص ..
لولاد لو كان جاو ناووين الشر ما يجيوش للدار !!
بالعكس مليح كـيـ يـقراو في الــدار .. قدامكم
و ممكن بابات الطفلة دار فيكم لامان و خلى بنتو عندهم​

ماشي لازم تقطعي في عرضها !!! ​

تحياتي :re_gards: ​

يا خويا العزيز شكون قالك نويت النقص
انا والله لوكان نويت النقص والله ما نخليهم لحظة وحدهم
بصح راهى كيف اختى الصغيرة وكيما نخاف على روحى ونخمم على نفسى خممت عليها
على الاقل يا خويا تجى فى النهار
ياخ يقولك العلم نووووووووور
مش ظلام

 

[هآجر]

ايه ختى خويا راه يقول الفيزيا واعرة بزاف وماشى غير هو ناس بزاف قالوها وحطوها حتى فى الجورنان
بصح نورمالمو انا خويا قراوه بنات شابين
اشكال والوان
تسما المفروض ومتخفالوش ههههههه

هههههههههههههههههههههههههه

والله ضحكتني نتع الصح على بلي يقريوه بنات اشكال والوان املا خويا مسكين يقريوه غير صحابوا من الجنس نتاعوا يعني يا منعاش ضاعت الفيزيا هههههههههههههه

ربي وفقهم
​