جاتنا بنت فى الليل و ...........

[مسلمة وافتخر باسلامى]

ونزيد نقول ونعاود انا مرانيش هنا باش نهدر على بنت الناس بالعكس دخلت باحترام وانا منعرفهاش يا ربى شفتها دقيقتين
بصح كيما قلت راهى اختى الصغيرة
البنت لازم تدخل للدار بكرى انا هكدا قالولى ماليا زمان
المراجعة فى النهار افضل وكيما شفت هاد الحكاية تكررت بزاف حبيت ننصح نفسى قبل ما ننصح خواتاتى
الطفلة عمرها ما تولى راجل
هادا ما حبيت نقول وادعولهم برك ربى يوفقهم

 

[اسال الله الفردوس]

لا حول ولا قوة الا بالله
والله البعد على الدين يؤدي الى ق*** القلب وتقبل اي امر
ماعسانا نقول الله المستعان وربي يحفظ بناتي واولاد المسلمين ويهديهم ويصلح حالهم
ملاحظة ماكي لا قديمة لا تفكيرك انا تفكيري اكثر منك يعني لوكان خويا يديرها يعرف واش يصرالو
اذا لم تستحي فافعل ماشئت حديث صحيح
والله تشووكيت

 

[مسلمة وافتخر باسلامى]

لا حول ولا قوة الا بالله
والله البعد على الدين يؤدي الى ق*** القلب وتقبل اي امر
ماعسانا نقول الله المستعان وربي يحفظ بناتي واولاد المسلمين ويهديهم ويصلح حالهم
ملاحظة ماكي لا قديمة لا تفكيرك انا تفكيري اكثر منك يعني لوكان خويا يديرها يعرف واش يصرالو
اذا لم تستحي فافعل ماشئت حديث صحيح
والله تشووكيت

يا اختى ما عندى ما نديرلو لازم نكون اوفر مايند
والطفل صغير منحبش يقول اختى تنوى النقص
شكرا اختى ربى يحفظ اولاد وبنات كل المسلمين امين

 

[MiSs Sisi StyLe]

وااااااااااو ادا انا دهشتيني فما بالك انتي
انا خويا كون يدخل علينا بطفلة على 8 تاع الليل بابا يقوليه برااااااا هو وياها سيرتوووو 14 ولا 15 سنة
واعرة بزاف
كون جات 8 ولا 7 سنين نورمال صغار و على نيتهم
دركا 15 ولا 16 ام يعقبوها عليا و عليك
مي وش تحبي رانا في 2011

 

[الخيزران]

اختي مسلمة وافتخر باسلامي دعيني ابدي فائق اعجابي باسم عضويتك
اسم ولا كل الاسماء
دمت بخير

 

[adelskikda]

صح اختي انت تاني مايلزمش تخلي اخوك يجيب لبنات معاه كيما يقولو من شب على شيئ شاب عليه زازم تنصحيه وماتخليهش حتى يزعف عليك

 

[ღحنين الروحღ]

السلام عليكم
موضوع قيم ويحتاج النقاش
شوفي انا اصلا مانحبهاش لانو يمكن نروحوا نقراو وندرسوا مي نكادلك بانوا الطفل راح يعمل شئ جاست ولا حاجة
+انا من النوع الي نراجع وحدي واذا راجعت نراجع مع زميلتي فقط
+كيفاش ماماك تحلل لخوك يحفظ مع بنت الناس وبنتها ماتخليهاش هنا اطرحي السؤال
وممكن توصلي لموضوع خلاف
هو
*الي تحلو ليك حلو للغاشي والي تحرموا خليه محرم على الجميع*
+ماتحيرش واصلا الحيرة في اهلك لانمه خلاو خوك وماخلاوكش
+كون قالت ماماك لخوك ماعدتيش تجيبها واذا جبتيها نخلي الباب مفتوح مش مسكر
المهم
من بكري مانحبش الحقرة هاذي
+الي حلال عليك مايوليش حرام على الغاشي
والسلام عليكم
والحرة اصلا والعوج في دمنا حنا اللوال مباعد نوليو نشوفو غيرنا
نعدلوا رواحنا واهالينا مباعد نعدلوا المجتمع
ونتمنى كلامي وصل
بالطريقة الصحيحة +يا اختي ماتحيريش ماشيين ونرجعوا للور وكل العادات راح تزول وتولي خالوطة
تهلاي في روحك موفقة
​

 

[blida09]

ختي حاولي تنصحي خوك باه ميجبش البنات لدار لخاطر كون يكبر على هذا شي نولو نطيحو في متاهات منقدروش نخرجو منها وان شاء الله ربي يهدي .

 

[اسماء16]

نورمال كلش نورمااااااااااااااال ف 2011 ولي راه جاي كتر ربي يجيب لي فيه الخير
هدا خوك لا طلع لليسي يولي يجيب ب 2 و3 المهم ان شاء لله يوفقو ربي وينجح
​

 

[احساس طفولة]

اواه يا جارتي مارانيش معاك في هذي ...
يفهمو بعضاهم ووو صح ولكن ماشي من لعوايد تاعنا ...
بلاك تبقى غير في القسم والمدرسة برك
اما انو تجيه للدار هذي شويا كبيرة
وزيدي الجيل تاع ذرك جيل واعر تلقايه 14 ولا 15 سنة وهوا يعرف كلش وفاهم كلش وقاري كلش وهيا كيف كيف ... وان شاء الله فهمتيني ...​

احم احم رانا هنا جيل ال15 i-o:​

 

[adelskikda]

متاكد بلى مكانش عندكم واش نقولك ربى يعلم
ايه راك قلتها ختك معقدة الله غالب ههههههه

انا فلت انت معقدة حرام علييييك والله ربي يستر في هدا الجيل الغرب غزاونا بكلش حتى طريقة تفكيرنا

 

[ملكة جمال اللمة]

ربي يهدينا والله وكان ندير هاد التصرف يقتلوني ​

 

[souss]

مساء الخير عليكم خوتي
جبدني عنوان الموضوع دخلت بصح كي دخلت تشوووووووووووووووكيت
كون جيت أنا كيما يدخلو من الباب نحكمها من يدها و نرجعها لدارهم و لا تراجع معايا وغير هكا ماكاش و هو عندو حساب خلاف ......
ربي يهدينا و يستر خوتنا و اخواتاتنا من هاذ الوقت الغريب العجيب
وبلا ما ننسى ربي ينجحهم كامل و منهم خويا اللي راجع غير معايا ههههههه​

 

[مسلمة وافتخر باسلامى]

اشكر كل اللى مرو على الموضوع
حتى واحد ما حللو هذا الامر لانه مفروغ منه خويا الى كبيير ماشاء الله بعيد كل البعد عن هذا الامر
لكن الصغير فجاة فجاة لقيناها قدامنا تقول مساء الخير طاطا هههههه واش ادير
وهى اكيد دارهم عارفين خاطرش مراحتش وحدها جاو اداوها دارهم بالطوموبيل خاطرش تاخرت بزاف
انا جابلى ربى هدا الجيل مختلف وافكاره مختلفة
والله اعلم

 

[ماكانش]

الجيل واعر والعقليات ثاني يا مسلمة
هاهو في الجيل هذا وكاين عايلات لوكان تحكي الطفلة مع الطفل يقتلوها فما بالك تقرا معاه فما بالك تروحلو للدار ...

 

[المتفائلة_91]

انا ماما حتى دار صحبتي ما تخلينيش اول سؤال تقولو عندها خاوة كبار ؟؟؟؟؟ وباباها يخدم ولا قاعد في الدار ؟؟ يعني تديرلي تحقيق قبل ، ومباعد تقولي لالا كلميها هي قوليلها تجيك تقراو هنا ،، كي كنت صغيرة كنت نتغشش ونعيط ونقوللها واش هاذ العقلية

بصح كي كبرت استوعبت الامر


هيييي والله نورماااال كلشي ولا نورمال ، هاذي يمكن ماليها ماش عارفينها وين راهي بصح الادهي انو هي تستقبل ذكور في دارها كيما صرات حذانا هنا ،،

العقليات تبدلو


يعطيك الصحة

موضوع زينون


شكراااااااااااااااااااا

 

[somiasahraoia]

هدا 2011 اختي اطوري شويا راكي روطار
اله غالب اختي واش باغية تديري زعما يقراو

 

[re..sonia..da]

ايييييييييه يا لا لا وانت مقلتي والو لاه مهدرتيش مع هذ الطفلة وسقستيها اسكو ماليها علبالهم كي جات عندكم ممكن راهي قالتلهم راني رايحة عند صحبتي وهي جات عندكم صغيرة مسكينة مانشجعوش حنا هذه الحرية على الاقل قدام عينينا
و كملت عليها يماك
كيما منقبلش بنتي تروح عند واحد مانقبلش بني يجيبلي وحدة ولا راني غلطانة ولا كيعاد طفل
جامي حنا عرب و ماشي عوايدنا

sonia 27

 

[مسلمة وافتخر باسلامى]

ايييييييييه يا لا لا وانت مقلتي والو لاه مهدرتيش مع هذ الطفلة وسقستيها اسكو ماليها علبالهم كي جات عندكم ممكن راهي قالتلهم راني رايحة عند صحبتي وهي جات عندكم صغيرة مسكينة مانشجعوش حنا هذه الحرية على الاقل قدام عينينا
و كملت عليها يماك
كيما منقبلش بنتي تروح عند واحد مانقبلش بني يجيبلي وحدة ولا راني غلطانة ولا كيعاد طفل
جامي حنا عرب و ماشي عوايدنا

sonia 27

يا اختى راهم ماليها جاو اداوها مالدار بالطوموبيل
اقرى مليح الموضوع انا واش حبيتى ندير

 

[القلب الابيض]

سلام ختي
ههههه ضحكنى شويا رد الفعل تاعك مي نقلك ادا راح يقراو برك معليش مي مشي وحدهم لازم اوموا معاهم واحد كبير
كيما قالولك عقلية جديدة رانا ف 2011
ربي يوفق خوك و كامل لي راهم يسناو ف النتائج تاع شهادة التعليم المتوسط من بينهم انا
سلام