تطــــــــــــــور ملحـــــــــــوظ و انحلال واضـــــــــــح // واصلي بُنيّـــتي

[معاك يا الخضراء]

سلام عليكم ورحمة الله وبركاته
هلا وغلا

​

الا قولولي وش بيهم الردود فالمواضيع كل 50 مافوق
وفالتبرع للمنتدى المخير فيهم عندو 10 ردود

///

مالا ول بارح خرجت مع une cousine و هادي اول مرة نخرجو ندورو مع بعض مانعرفش عقليتها مليح يعني مالاا نحكيو قاتلي وش les vacance وش ton programme​

​

ههههههههه بروجرامي ؟؟حنقلها في قلبي هاد الساعة اللمة و التقطاع والتمنشير مع كوكي, وشوشو, وسيرين, وهدهد والجماعة فالفايسبوك

كي ينوي الشيخ يحبس شوي خدمتو هاني نروح الفاكونس

ايا وليت قتلها pas encore وسكت
قاتلي هيا مالا تروحي معايا انا راني رايحة نهار الجمعة l’alger avec les filles

كان ok هيا ضرك بعد نروحو للاجونس نريزافريلك تم تم معايا اني عندي معريفة

ايوووووووون حضرتك ايوووووووووون

نروح نعقب الفاكونس مع البنات وحدي علاه لالا

وش يخصني انا على هيفا وهبي :shiny:
ماعلينا قلتلها منا لغدوا ان شالله نردلك بالخبر...
روح ا سيدي دخلنا لحانوت قاتلو: ​

Slt aymen, cava? وش la commande تاعي وكتاه تلحق؟ راني ماشية بالجمعة

قالها بربي ان شالله غدوا ...
قتلها انا وش راكي تكوموندي نوصيه يجيبلي كتاب تاع twillight راهي شاطت ريتي عييت نلقاه

قاتلي انا وصيت على مايوه كان تجيبي معايا

ياااااااااااه عالتبهديل حطيت راسي في صاكي ماخرجتوش

)كوموندات المايوه من فرنسا حشاكم(

هيا خرجنا من الحانوت طالعين مروحين تلاقينا صاحبتهازعمة اللي رايحة معاها للعاصمة قاتلها وش تقولي نركبو على قسنطينة خير
قاتلها لالا علاه هادا وش داك... اه نتي على جال الخمار
اي نورمال نحيه كي تركبي فالطيارة وينهو المشكل ولا خفتي باباك ؟

قاتلها اها انا قدام papa normal بصح الباتنية هادو يزيييييدو عليا
يعسوا في كلش ...​

هيهيهييييييي يا حبيبي

اواه هادا معبر اكتر

.............................​

يا عينيييييي يا ليلييييييييييي عالحضارة و الاستقلالية اللي راهم فيه البنات
كنت حاطة روحي كي نروح للدار عال 20.00 راني عديت خطوطي الحمرا

​

مالفة توصل ال 19.30 تبدا L'Alerte تاع الشيخ الله يحفظو

هااااااامشي تروحي يقولي حاتباتي برا

ضك او اكيد يقول في قلبو الراعي هادي اللي عطاهولي ربي هههههه

​

على فكرة الكوزينة هادي عمرها 18 سنة

+ هادي الظاهرة راهي كثرت في باتنة عدنا gاوريات ياو :sheer:​

تعليـــــــ قاتكم​

 

[mimi.dz]

سلام عليكم ورحمة الله وبركاته
هلا وغلا

وعليكمـ الســلـآمـ عزيزتيـ
والله توحشتـ مواضيعكـ
هذيـ مدة ,,,,
​

الا قولولي وش بيهم الردود فالمواضيع كل 50 مافوق
وفالتبرع للمنتدى المخير فيهم عندو 10 ردود

///

واشـ نقولكـ حنونة كلـ واحد و ظروفو
و راكيـ عارفة العقلية بلا ما نحكيلكـ ,,,,

مالا ول بارح خرجت مع une cousine و هادي اول مرة نخرجو ندورو مع بعض مانعرفش عقليتها مليح يعني مالاا نحكيو قاتلي وش les vacance وش ton
programme

البروgـرامـ راهـ فيـ الكوزينة
و الميكرو كانـ غير عرضتيها :sadwalk:
نقولكـ حاجة بينيـ و بينكـ
انا يضحكونيـ كيـ يسقسيونيـ على البـروgرامـ نتاعـ العطلة و هوما عارفينـ بلليـ معظمنا ميتبعشـ حاجة محددة الليت جابها ربيـ فيها خير
المهمـ نحيو الديـgـوطاجـ

​

​

ههههههههه بروجرامي ؟؟حنقلها في قلبي هاد الساعة اللمة و التقطاع والتمنشير مع كوكي, وشوشو, وسيرين, وهدهد والجماعة فالفايسبوك

كي ينوي الشيخ يحبس شوي خدمتو هاني نروح الفاكونس

ايا وليت قتلها pas encore وسكت
قاتلي هيا مالا تروحي معايا انا راني رايحة نهار الجمعة l’alger avec les filles

كان ok هيا ضرك بعد نروحو للاجونس نريزافريلك تم تم معايا اني عندي معريفة

و يروحو غير بناتـ بركـ ؟؟ مكانشـ معاهمـ راجلـ ؟؟
جديدة هذيـ ,,,,
​

ايوووووووون حضرتك ايوووووووووون

نروح نعقب الفاكونس مع البنات وحدي علاه لالا

وش يخصني انا على هيفا وهبي :shiny:
ماعلينا قلتلها منا لغدوا ان شالله نردلك بالخبر...
روح ا سيدي دخلنا لحانوت قاتلو: ​

slt aymen, cava? وش la commande تاعي وكتاه تلحق؟ راني ماشية بالجمعة

قالها بربي ان شالله غدوا ...
قتلها انا وش راكي تكوموندي نوصيه يجيبلي كتاب تاع twillight راهي شاطت ريتي عييت نلقاه

قاتلي انا وصيت على مايوه كان تجيبي معايا

ياااااااااااه عالتبهديل حطيت راسي في صاكي ماخرجتوش

)كوموندات المايوه من فرنسا حشاكم(

ههههههـ ربيـ يهديها
والله جيتـ نحكيلكـ قصة صراتـ توالنا ميـ .......
خليها بيناتنا منـ بعد نحكيهالكـ

هيا خرجنا من الحانوت طالعين مروحين تلاقينا صاحبتهازعمة اللي رايحة معاها للعاصمة قاتلها وش تقولي نركبو على قسنطينة خير
قاتلها لالا علاه هادا وش داك... اه نتي على جال الخمار
اي نورمال نحيه كي تركبي فالطيارة وينهو المشكل ولا خفتي باباك ؟

قاتلها اها انا قدام papa normal بصح الباتنية هادو يزيييييدو عليا
يعسوا في كلش ...​

هيهيهييييييي يا حبيبي

اواه هادا معبر اكتر

قوليلها وعلاهـ دارتـ الحجابـ فيـ باتنة أصلا ؟؟
ولاّ قالولها بلليـ لازمـ تديرو غير توالـ الناسـ الليـ يعرفوها ؟؟
وربيـ سبحانهـ يشوفها غير فيـ باتنة ؟
استغفر الله و لا حولـ ولا قوة الأّ بالله
والله تحيريـ ؟؟؟؟؟
ربيـ يهديـ ما خلقـ
.............................​

يا عينيييييي يا ليلييييييييييي عالحضارة و الاستقلالية اللي راهم فيه البنات
كنت حاطة روحي كي نروح للدار عال 20.00 راني عديت خطوطي الحمرا

ههههه انا نروحـ عـ 18:00 يديروليـ شرعـ
​

مالفة توصل ال 19.30 تبدا l'alerte تاع الشيخ الله يحفظو

هااااااامشي تروحي يقولي حاتباتي برا

ضك او اكيد يقول في قلبو الراعي هادي اللي عطاهولي ربي هههههه

​

على فكرة الكوزينة هادي عمرها 18 سنة

+ هادي الظاهرة راهي كثرت في باتنة عدنا gاوريات ياو :sheer:​

تعليـــــــ قاتكم​

عندها 18 ؟؟ منكـ بالصحـ ؟؟
شوكيتينـ والله
ربيـ يهديـ ,,,,
​

 

[ابوندى]

ههه ان لم تستحي فافعل ماشئت ..هكدا يقال
وقت تبدل فيه كلش الصح ولاغلط والغلط ولا صح
وحنا تاع فاكونس حنا ان كان اصلا لدينا بلايص يحوس فيها الواحد وهو محترم
يايما عليك ياجزاير ربي يقدر الخير ان شاء الله

 

[الجريئة]

انا تاني كنت نتعارك على جد الفاكونس
مي واحد ماردلي خبر وعععععععععععععععععععععععع
راح ندير ثورة كشما نروح لجد لبحر
مي و الله التمنشير معاك يحلى ياحبيبي كل يوم نستمى و كتاه تكونكني
والله ربي يهديها المخلوقة الي تهدري عليها
مازال تشوفي
لي رجعت

 

[الورد الأحمر]

يا عيني يا ليلي يا ليل آآآآآه ...
أنا هيفاء أنا من غيري أنا قلبي لي ابتلا بعيون حلوين ...
نروح لآلجي أنا مع صحباتي أنا ... وربي يحفظنا من العين
شكون لي بعتني أنا لآلجي أنا ... بابا أنا ...
ربي يهديها لاكوزين هذي تاعك ...
قوللها تكومونديلي شوية كوسميتيك من فرنسا ...
سلامو
​

 

[معاك يا الخضراء]

وعليكمـ الســلـآمـ عزيزتيـ
والله توحشتـ مواضيعكـ
هذيـ مدة ,,,,

اهلين حياتي انا راني هنا وراني ندير
نتي الي ماتبانيش :sad:
يتوحشك الخير ان شالله
وانا كذلك :shay:

واشـ نقولكـ حنونة كلـ واحد و ظروفو
و راكيـ عارفة العقلية بلا ما نحكيلكـ ,,,,

مرة على مرة 10 الاف والله ماعندها مادير
يخي كي تروح اللمة نعودو نندبو كتاه تجي :schmoll:

البروgـرامـ راهـ فيـ الكوزينة
و الميكرو كانـ غير عرضتيها :sadwalk:
نقولكـ حاجة بينيـ و بينكـ
انا يضحكونيـ كيـ يسقسيونيـ على البـروgرامـ نتاعـ العطلة و هوما عارفينـ بلليـ معظمنا ميتبعشـ حاجة محددة الليت جابها ربيـ فيها خير
المهمـ نحيو الديـgـوطاجـ

هههههههههههههههههههههه انا تاني والله
تقول كل عام راني في بلاد
هاديك هي

​

​

و يروحو غير بناتـ بركـ ؟؟ مكانشـ معاهمـ راجلـ ؟؟

جديدة هذيـ ,,,,


ايوووووووون كاريين فالاوتيل:sheer:
​

​

ههههههـ ربيـ يهديها والله جيتـ نحكيلكـ قصة صراتـ توالنا ميـ .......

خليها بيناتنا منـ بعد نحكيهالكـ

ههههههههه صيبي راحتك
انا راني حكيت خاطر راهي ظاهرة في مجتمعنا وبدات تتطور بزاف


​

قوليلها وعلاهـ دارتـ الحجابـ فيـ باتنة أصلا ؟؟
ولاّ قالولها بلليـ لازمـ تديرو غير توالـ الناسـ الليـ يعرفوها ؟؟
وربيـ سبحانهـ يشوفها غير فيـ باتنة ؟
استغفر الله و لا حولـ ولا قوة الأّ بالله
والله تحيريـ ؟؟؟؟؟
ربيـ يهديـ ما خلقـ

ههههههههه شفتي شفتي
صدقيني والله بقيت مشوكية
مالفة نرد الهدرة شوي
مي على طول المشية راحتي الهدرة من الدهشة
امين ان شالله

​

ههههه انا نروحـ عـ 18:00 يديروليـ شرعـ

هههههههههه ايا انا راني منحلة :sheer:

​

عندها 18 ؟؟ منكـ بالصحـ ؟؟
شوكيتينـ والله
ربيـ يهديـ ,,,,
​

والله العظيم 18 سنة
والموضوع مازدتش كلمة من عندي
كلش نسخا عما قيل :sheer:
ومش اول مرة على فكرة تسافر وحدها
العام اللي فات راحت لفرنسا وكانت 17 سنة
مانيش كونتر هادا les voyages organisés
مي في عمرها راهي مازلت صغيرة بزاف عالخارج

امين ان شالله
شكرا حبيبتي
سررت بمرورك:re_gards:
​

 

[الجريئة]

هاو رجعت نحكيلك
هبطت للبلاد انا وماما وشفت مقصوف الرقبة
ونشوف في طفلة جاية منهيه الله يبارك لبسة
كيفاه تحيري شورط فيزو و من فوق خيمار
ماما بدات تشهد وانا بقيت
مراقبة
و الي في توقوعاتي جرا طيشولها اكل كلمة كلمة
و الحاجة الغريبة حبسة دارت هدرت معاهم و راحة
انا وليت قردة هههههههههههههه:santa_1::tears::crying_1::busted_red::blink:
هادو هوما بنات العصر
من فوق عمرو خالد ومن لتحت الشاب خالد:schmoll:
مرسيتو حبيبيتو

 

[kadysom]

أبناء ماما وبابا

مش تربيا هادي خلاااص

 

[السلطانة]

وعليكم السلام
منين طحتي بيها المونغو هاذي ههه
لوكان راحت لستار اكاديمي تعوم تم
في المسبح الفوووغ
متيقرة هاذي صح
قولها يابنتي مديك الهف
عيشي وانبسطي
وحتشوفي بعيد ياعين امك
خخخخ كون غنيتيلها
بابا فين
ماما فين
دول فرحانين بيك اوي اوي
راها وعارة الحالة عندكم في باتنة
زعما الشاوية واعرين خخخ
هيا صحيتي
موضوع مجنون
بصح قوليلها مافيش صيف احلى
من التمهبيل لي رانا عايشينو في الفايس خخخ
تويتي والجماعة
ههه


​

 

[السلطانة]

يا عيني يا ليلي يا ليل آآآآآه ...
أنا هيفاء أنا من غيري أنا قلبي لي ابتلا بعيون حلوين ...
نروح لآلجي أنا مع صحباتي أنا ... وربي يحفظنا من العين
شكون لي بعتني أنا لآلجي أنا ... بابا أنا ...
ربي يهديها لاكوزين هذي تاعك ...
قوللها تكومونديلي شوية كوسميتيك من فرنسا ...
سلامو
​

:sheer::sheer::sheer::sheer::sheer:هيفا وزوجي الملياردار المصري مين كيفي انا

 

[beso&7ano]

ربي يهدي ....

 

[makour]

هههههه ماتحيريش ختي كاين منها بزاف مي لوكان جات صح محلبة ماديرش البروغرام تاعها فالعاصمة
ختي بعدي عليها باينة الطفلة رايحة فيها كامل ههه

 

[إيمان قلب]

اهلا اهلا اهلا بيك ... ياسيدي مووضوع ملكبار هذا
ماقلتيلناش البروغرام تاعك
انا والله هاذ الصيف عندي بروقرام هـــــــــــــــــــــو هاو خليه بيناتنا خير
من كثرة ماهو شباب مانيش قادرة نحددو بشحال
ايييه بالصح واش هذا التراجع والتأخر الناس ديسيدي باش تصيف بعيد على ديارهم وانتي تحوسي على كتاب توايلايت ؟؟؟؟؟ يخي حالة يخي
واش نقولك والله لبنات تاع هاذ الوقت نشوف فيهم يمشو غير للور ساعات نقول انا اللي راني روتار مي واش تحبي الله يهدي ايييه بلاماتنساي تسلميلي على الكوزينة تاعك وتقوليلها تريزارفيلي معاها بلاصة لقندهار
صحيتو حبوبتي على الموضوع الشباب​

 

[hannsg]

يالطيف واش هذا
تاع الخمار بعدا كارثة
علاش بنات يديرو الخمار لربي ولا قدام العباد؟
بصح ربي ماشي غافل عما نصنع
و كيفاش اهلها يخليها تروح وحدها! الحج و يروحوله بمحرم!
ربي يهدي

 

[hannsg]

هذا وين لقيت معنى لكلمة نسمعها في البيس و هي آفونسي للاريار!!!
هذا فعلا التقدم للخلف!!!
ناس تفهم التقدم بالمقلوب و يمشوا و يرجعو للور
زعما الناس الآن متعلمة لكنها جاهلة
بكري كانوا أميين لكن كانوا حكماء حكمة الواحد فيهم تساوي 1000 من تعليم البعض الآن

ربي يهديييييييييييي
قولوا آمييييييين

 

[بر الامان]

ههههههههههه ضحكتيني من قلبي ولله ، ربي يحفظك، خاصة كي قلتي فالتالي الكوزينة ، راني نقول واش هذي الكوزينة اللي عندها 18 سنة.هه. و من بعد فهمتها ، قصدك الكويزينة. يعني قريبتك. هه.

 

[la_safa]

هههههههههه دقيقة نستوعب الموضوع و نجي نرد

وحدها هادي واش رايك نروحو حنا تاني ندوروها لوهران
ههههه ؟؟؟؟
​

 

[Nàf!ssaà]

عيش تشوف تاع الصح ....
ربي يهدي قبل لا يدي ​

 

[معاك يا الخضراء]

ههه ان لم تستحي فافعل ماشئت ..هكدا يقال
وقت تبدل فيه كلش الصح ولاغلط والغلط ولا صح
وحنا تاع فاكونس حنا ان كان اصلا لدينا بلايص يحوس فيها الواحد وهو محترم
يايما عليك ياجزاير ربي يقدر الخير ان شاء الله

اذا مالقيتش الحكمة تاني افعل ما شئت :sheer:
ايه وش تحب ....
امين ان شالله
شكرااا عالمرور
:re_gards:​

 

[معاك يا الخضراء]

انا تاني كنت نتعارك على جد الفاكونس
مي واحد ماردلي خبر وعععععععععععععععععععععععع
راح ندير ثورة كشما نروح لجد لبحر
مي و الله التمنشير معاك يحلى ياحبيبي كل يوم نستمى و كتاه تكونكني
والله ربي يهديها المخلوقة الي تهدري عليها
مازال تشوفي
لي رجعت

هههههههه ثورة الى الامام الى الامام
انا رحت قتلو بابا اني رايحة مع ....... لدزاير تخليني ؟
قالي ماعندناش االبنات اللي يصيفو وحدهم
ايه مالا قتلو تديني و تكريلي فالاوتيل بيدك خيرلك ههههههه
ههه يعيشك يعيشك حشميتني :shay: :shay:
نتي الحلوة :shiny:

امين ان شالله ..الموت راهي تدي صباح ولعشية :sad:​