~••● Dragula أسطورة جزائرية ●••~ ~

[Jagwar]

أهلا و سهلا و مرحبا بجميع رواد منتدى اللمة الجزائرية و قسم واش راك تهدر بالتحديد



صافى لونتون ما كتبتش فى القسم هاذا
الله غالب يقولك الدم الا ما حنش يكندر :shiny:
هاو رانى رجعت نخربش عندكم هنا



هيا ندخلو فى صلب الموضوع



شكون فيكم ما يعرفش حكاية الاسطورة دراكولا ---Dragula :sly:
أكيد الجميع يعرفها

بصح علابلكم بلى الاسطورة دراكولا راها تسركل فى دزاير ؟ :crying:
ايه انعم و بالدليل القاطع تانى نقوللكم دراكولا كاينة فى دزاير
و راها تشرب فى الدم كاس يخبط كاس و بكل اريحية
دراكولا تشرب فى الدم جهار فى النهار عادى
و المحير فى الامر أنو الدراكولا هاذى تعرف ربى مليح :scared:




-











-







​

-


هاي ليكم الدراكولا تاع دزاير لى تسرق فى الدم

​

و الدراكولا هاذى تم كشف امرها فى السبيطارات تاعنا من طرف المرضى المحتاجين للدم
بحيث كاين مرضى مساكن يعانيو من فقر الدم و كاين مصابين فى حوادث
فقدو كمية من الدم و يحتاجو لجرعة اضافية و يحتاجو متبرعين باش يعطوهم الدم .
المتبرعين كاين و الحمد لله و الدم يكثر خير ربى موجود
و لكن ...
الدم يتباع بالصوارد يا خاوتى
يعنى أنت تروح تعمل الخير و تربح الآخرة تاعك باش تنقذ حياة شخص معين
و تتبرع بدمك مع حسن النية فى المقابل دراكولا يروح يبيع الدم هذاك لى تبرعت بيه انت
عوض يمدو للمحتاج المسكين لى معلق بين الموت و الحياة :sad:
بون حنا كيما يقولو الانسان كى يتبرع بدمو يقول بلا مزية باش يبقى الاجر تاعو عند ربى كما هو
بصح كى تشوف مريض فى السبيطار بين الموت و الحياة تسأل نفسك و تقول
الكميات الهائلة لى تبرعت بيها الناس وين راحت ؟

واش رايكم انتوما شكون الاخطر
دراكولا الاسطورة القديمة و لا دراكولا الجزائر ؟
و قولولى واش رايكم فى الظاهرة المقرفة هاذى ؟
و اسكو تبرعتو بالدم من قبل و لا جامى ؟ :wink:



فى انتظار اعتماد الموضوع
و تحويل الخط الكم
تقبلو منى اجمل تحية و احر سلام و احلى كلام
و لى عودة للنقاش معكم :re_gards:




​

 

[Bad Boy MMA]

عيش بزااااااااااااااااااااااااااااااااف


تشوف بزاااااااااااااااااااااااااااااف



tnk u my friend
​

 

[l'espoire.h]

الله يجيب الخير
​

 

[DARINE05]

hhhhhhhhhhhhh
sah merci

 

[Jagwar]

عيش بزااااااااااااااااااااااااااااااااف


تشوف بزاااااااااااااااااااااااااااااف



tnk u my friend
​

وى خويا عيش تشوف و تسمع
قالك الهند بلاد العجايئب و انا نقول الجزائر بلاد العجائب

يعطيك الصحة مون فرار :re_gards:




​

 

[Jagwar]

الله يجيب الخير
​

آمين يا رب العالمين

:re_gards:



​

 

[Jagwar]

hhhhhhhhhhhhh
sah merci

هاي دراكولا تاع المنتدى جات :shiny:
ثانكيو على المرور أختى الدندونة :re_gards:




​

 

[اسماعيل22]

هههههههههه دهشة و فرجة قالك دراكولا هههههههه يعطيك الصحة

 

[نسيم الربيع]

ياخي تمسخير ياخي
اللي يشوف هكا يقول منتبرعش
انا جامي تبرعت وكي قريت هاذ الوقت نخمم منتبرعش خلاص
مارسي خويا​

 

[Jagwar]

هههههههههه دهشة و فرجة قالك دراكولا هههههههه يعطيك الصحة

هههههه رد بالك من الدراكولا يا سمعة هاي دهشة و فرجة و خلعة :scared: :shiny:
يعطيك الصحة شريكى ، منور :re_gards:

+

عجبنى بزاف التوقيع تاعك :shiny:
زيدلو Carburateur 3akli :lol:





​

 

[Jagwar]

ياخي تمسخير ياخي
اللي يشوف هكا يقول منتبرعش
انا جامي تبرعت وكي قريت هاذ الوقت نخمم منتبرعش خلاص
مارسي خويا​

لالا يا نسومة اتبرعى نورمال بصح كى تكملى ارفدى معاك الساشى تاع الدم و أديها بيدك للمرضى هكذا تضمنى الأجر تاعك :shiny:
واش تحبى أختى رانا فى بلاد ميــ ....ى :sad:
رب يجيب الخير
مرسى عليك اختى


​

 

[نسيم الربيع]

لالا يا نسومة اتبرعى نورمال بصح كى تكملى ارفدى معاك الساشى تاع الدم و أديها بيدك للمرضى هكذا تضمنى الأجر تاعك :shiny:
واش تحبى أختى رانا فى بلاد ميــ ....ى :sad:
رب يجيب الخير
مرسى عليك اختى


​

ههههههه هذي مليحه وتصلح هذاك هو بلاد .....​

 

[Jagwar]

ههههههه هذي مليحه وتصلح هذاك هو بلاد .....​

لوكان يروحو لسيدى سالم (بلاصة عندنا فى عنابة معروفة بالاجرام)
يشبعو دم على خاطر كل يوم مجزرة و الدم سايح
يعنى الدم ببلاش :shiny:




​

 

[nina bonoise]

و اخيرا رجع اسامة هنا

انا الحق جامي تبرعت و مشني حنتبرع
نخاف على خاطر قالوا الادوات تاعهم خامجين
بيكورة وحدة يجبدوا بيها للناس الكل
نخاف نتبرع و نعشي انا لمريضة




و بدل لاكولوغ متكتبش كيفي هههههه
​

 

[la_safa]

الســـــــــلآم عليــــــــــكم ..

بالاك نولي للدراكيلا الاسطورة خير نخوفو بيه لولاد خير من التمسخير هادا
ههههه

°°°°°°
انا مانكذبش على روحي تبرعت مرة وحدة برك لوحدة محتاجة عملية
يعني نعرفها

°°°°°°
المهم شكرا خويا جاغوار عالموضوع المرعب هههه
​

 

[نسيم الربيع]

لوكان يروحو لسيدى سالم (بلاصة عندنا فى عنابة معروفة بالاجرام)
يشبعو دم على خاطر كل يوم مجزرة و الدم سايح
يعنى الدم ببلاش :shiny:




​

مالا لازم نجي ليها نتفرج فيلم :shiny:
والله خير مايمصو فالشعب​

 

[nina bonoise]

لوكان يروحو لسيدى سالم (بلاصة عندنا فى عنابة معروفة بالاجرام)
يشبعو دم على خاطر كل يوم مجزرة و الدم سايح
يعنى الدم ببلاش :shiny:




​

اكيد بلاصة تخوف :scared:
​

 

[Jagwar]

و اخيرا رجع اسامة هنا

:sheer: :sheer:
تشفاي على الثاريخ و الثورات لى عملتهم هنا :shiny:
كى كنت ندخل هنا كانت الدنيا تتقلب :shiny:

انا الحق جامي تبرعت و مشني حنتبرع
نخاف على خاطر قالوا الادوات تاعهم خامجين
بيكورة وحدة يجبدوا بيها للناس الكل
نخاف نتبرع و نعشي انا لمريضة

هههههه و الله عندك الحق نسيت ما حكيتش عليها لحكاية هاذى
و الميكروبات لى تم سيرتو تاعنا تاع الكور هاذيك تقول عليك فى زنزانة :shiny:
وحد المرة دخلت نتبع فى سبيطار النوفال حطولى البيكورة و راحو نساونى
قريب فرغت من الدم و هوما ما علابالهمش :cra_zy:
و الله الحية فى دزاير بيزار :bored:




و بدل لاكولوغ متكتبش كيفي هههههه

نرومالمون المنتدى كامل ما يكتبش بالستيلو بلو تاعى
على خاطر انا اول واحد كتب بيه :showoff:
​

----------------
​

 

[nina bonoise]

----------------
​

هههههههه
فكرتيني في تاع الكور
ديما م9ارية تم
و انا الستيلوا تاعك
ياخي الازرق يتباع في المكتبات الكل
هههههه

 

[Jagwar]

الســـــــــلآم عليــــــــــكم ..

بالاك نولي للدراكيلا الاسطورة خير نخوفو بيه لولاد خير من التمسخير هادا
ههههه
ههههههه جربى ارواحى نحى عندى الدم و تشوفى حتى الاسطورة لقديمة راها حايرة فينا :shiny:
°°°°°°
انا مانكذبش على روحي تبرعت مرة وحدة برك لوحدة محتاجة عملية
يعني نعرفها
المهم تكونى تبرعتى فى بلاصة مليحة
كيما قالت الاخت لينة هاو يخدمو بيكورة وحدة يبقاو يجبدو بيها للمتبرعين
يعنى مرض يعنى ميكروب صافى عفانا و عفاكم الله :scared:

°°°°°°
المهم شكرا خويا جاغوار عالموضوع المرعب هههه
هههههه و راس جدى بوهيشة غير ما زال كاين مواضيع رعب أكثر من هاك ما دام رانا فى دزاير بلاد العجائب :shiny:
مرسى عليك أختى صفا :re_gards:
​

----------------
​