وين راه البروبلام كي الطفلة ماديرش صاحب ؟؟؟

[احساس انثى dz]

مبروك عليك الباك
نقولك كلام صحبتك يبين معدنها وهذا كلام تاع واحدة سمحيلي قليلة التربية علاجال الواحدة لي ربوها ماليها ماتخممش دير هكذا
اخطيك من هادي الهدرة وحطي راسك في قرايتك وماتعمريش راسك بالغاشي

 

[sissita]

السلام عليكم
انا من عندي هدرتها مكانش منها وديجا لعندك صحاباتك ماكيش رايحة تنحرفي وحدك ومتنحرفيش صح هي لازم اصدقائك يكونو مخلطين هكا تكون عندك فائدة منهم حتى في الدراسة بصح مش قضية صاحب انا تبانلي مضيعة للوقت حتى انا معنديش صاحب حتى صحبتي قاتلي علاه راكي طلعتي لليسي بصح والو غير وجع راس


ومبروك الباك

 

[صفـاء و نقـاء]

أستغفر الله

ختى لعزيزة هذي الهدرة مكانش منها

الطفلة كى تحكم قدرها واحد مايلوح لها لهدرة

متأمنيش أنا قريت عام في الجامعة نورمال نى صاحب نى هوم يحزنون

الطفلة لازم تخلى رأس والديها مرفوع راهى هي شرف العائلة

واللى دير صاحب نعتبرها أنا متخلفة ومتعرفش صالحتها

ربي يهدينا

حنونة أتهلى في قرايتك وفي والديك

وبالتوفيق
​

 

[asma1717]

شكراااااااااااااا بزاف على كل هادي النصائح وان شاء الله برك هادي الظاهرة تقل في الجامعات بيسك تبهدايل راهي صايرة ... الله يستر​

 

[Melia azedarach]

لالا ختو المنحرف راه منحرف قبل الجامعة ماشي فيها واكبر خطأ ليك انك تديري صاحب ... راكي تعودي تفكري بيه ماشي بقرايتك ومنها يبدا الانحراف ..

كاينين بزاف راحو يقراو ومادارو حتى صاحب وتخرجو وهاهم لباس عنهم ..
خيتي خليك من هدرت هادي الطفلـة باينها مش حابة ليك الخير..

نصيحة من عندي .