مطبخك في رمضــــــآن سيدتي

[nada242008]

المصروف لازم يكون
روز راني جيت باللحسب و النسب جيت نطلبكم في كاش طاجين يحمر لوجه
:shay::shay::shay::shay:
راني درت شوربة راهي تطيب و شويت الفلفل باه ندير حميص
و مازالي لاسوينت :sadwalk::sadwalk::sadwalk:
راني نسانا كاش ما يطيح عليا بلا ههههههههههه

ديري الكفتة اللي حطيتها ولا دولمة انا اليوم رايحة ندير دولمة جريوات
كاين قراتان بالبطاطا واللحم المرحي حطيتو من قبل يجي هاايل

 

[راضية حامدة]

حسب ما فهمت كاين بزاف المهاجرات
ابتسام
روز
ندى
شكون ثاني
ام فاروق
قولولي كل وحدة منين؟

 

[mina87]

ديري الكفتة اللي حطيتها ولا دولمة انا اليوم رايحة ندير دولمة جريوات
كاين قراتان بالبطاطا واللحم المرحي حطيتو من قبل يجي هاايل

كفتة درتها لبارح
ممكن تعطيني الرابط

 

[nada242008]

كفتة درتها لبارح
ممكن تعطيني الرابط

قراتان بطاطا ولحم مرحي من مطبخي ‏(

1 2 3 ... الصفحة الأخيرة)
ام زهرة وخليل انا مانيش مغتربة ههه راني في الززاير

 

[omarwa]

مساء الخير عليكم رمضان كريم تقبل الله صيام وقيام الجميع

 

[روز]

ام ندى دركة نروح نطيب الكفتة نتاعك راه الوقت وشربة فريك ونشوف وش نزيد
ولا يكفو هاذوم خايفة يبقالي الفطور لللغدوة تاني

مينا جربي تاني لي كريب بالدجاج متحوفة وساهلة

لي كريب بالدجاج ...والشرح بالصور

ولا تارت الجبن لي راهي جربتها عفوفة البارح ساهلة تتخدم في نص ساعة
ولا اطباق ام ندوش كامل هايلين
شوفي تاني ركن الاطباق الحصرية المجربة وخيري لي يوالمك

ركن الاطباق الرئيسية الحصرية و المجربة

اي شي رانافي الخدمة

 

[روعة2005]

صباح النور عليكم لبنات واش صبحتو ربي يعاون العارضين ضياف اليوم
هذا قلب اللوز بقلم صاحبته ياسمين177 يجي هايل ربي يبارك
قلب اللوز
اولا يوم من قبل تحضري الشربات:1لتر ماء+500غ سكر وتحطيه على النار يغلي لمدة 20د في نهاية الغاليان ديريلو ربع لتر ماء زهر وخليه جانيا.
1كلغ سميد متوسط+500غ سكر+رشة ملح+فاني+150غ زبدة ذايبة خلطي مليح مبعد رشي السميد بخليط ربع لتر ماء وماء زهر مخلطين وخلطيه كشغل الكسكس وغطيه وخليه يبات.
غدوة من ذاك اقسمي الخليط الى 2 نصف ديريه في صينية مدهونة ثم ديري فوقه كمية من الكوكاو او اللوز المرحي ثم غطيه بالسميد ثم قطعيه مربعات وكل مربع ديري فيه حبة لوز وديريه في فرن ساخن 200درجة وخليه حتى يحمار مليح خرجيه وسقيه بالشربات وعاودي حطيه في فرن ساخن بصح مطفئ لبضع دقائق وخليه يبرد مليح وقطعيه.
تحبي ديري السميد طول طبقة وحدة بلا حشوة.

 

[روعة2005]

تعرفي ياروز هذوك لكريب نضال نتفرج واش باهين كاش نهار نجربهم

 

[كوثر الوهرانية]

صباح الخير عليكم لبنات
بصحت فطوركم تاع امس اله يبارك موايد يشهوا الله يعطيكم الصحة و ربي يدومها نعمة على الجميع
انا حتى اليوم جبتلكم تشوفوا فطوري البارح مقدرتش نحطه خرجت مع امي
المهم
هدي سلاطو اورداف

هدوا لي شوصوا

هدا كتليط كنت رايحة نقليه منبعد بدلت راي و درته فالفور زدت معاه الفريت

و هدي الطابلة تاع الفطور

و هدي سلاد دو فروي

 

[omarwa]

بصحتك اختي كوثر طابلة تشهي

 

[كوثر الوهرانية]

الله يسلمك اختي ام مروى بصحت فطورك انتي تاني

 

[روعة2005]

فطورك يشهي فريدة بصحتكم حبيبتي

 

[كوثر الوهرانية]

الله يسلمك فوفتي
رني غير مع القديان مزال مكملت و راني مرة على مرة نجي نطل عليكم
تحياتي للجميع

 

[mina87]

ام ندى دركة نروح نطيب الكفتة نتاعك راه الوقت وشربة فريك ونشوف وش نزيد
ولا يكفو هاذوم خايفة يبقالي الفطور لللغدوة تاني

مينا جربي تاني لي كريب بالدجاج متحوفة وساهلة

لي كريب بالدجاج ...والشرح بالصور

ولا تارت الجبن لي راهي جربتها عفوفة البارح ساهلة تتخدم في نص ساعة
ولا اطباق ام ندوش كامل هايلين
شوفي تاني ركن الاطباق الحصرية المجربة وخيري لي يوالمك

ركن الاطباق الرئيسية الحصرية و المجربة

اي شي رانافي الخدمة

ربي يجازيك حبيبتي
لك مني كل التقدير
احبك في الله :re_gards:

 

[روز]

بصحتك ام كوثر فطروك هايل كي العادة..
عفوفة راني نستنى في تطبيق لي كريب
ام ندى اذا راكي هنا الكفتة نتاعك ياخي اطيبيها فوق النار ولا ادخليها في الفرن اطيب وسط الماء؟؟؟
بلامزية مينا^^

 

[زهرة الندى]

لي كريب بالدجاج ...والشرح بالصور

ممم يعطيك الف صحـــــــــــة حبيبتي طاطا روز

ليوم نجربوه

تسلم ايدك

صحـــا فطوووركم​

 

[nada242008]

بصحتك ام كوثر فطروك هايل كي العادة..
عفوفة راني نستنى في تطبيق لي كريب
ام ندى اذا راكي هنا الكفتة نتاعك ياخي اطيبيها فوق النار ولا ادخليها في الفرن اطيب وسط الماء؟؟؟
بلامزية مينا^^

طيبيها فوق النار يا روز ...يا ربي تعجبك ههههه
كوكو مايدة تشهي بصحتكم
مينا 87 واش درتي فيها
انا راني نصبت الجاري والمرقا تاع الدولمة قلت نبدى بكري قبل ماتحكمني الفشلة هههه وطيبت شوية مقرونة بيضا بالفرماج لندوشة سخفت عليها
فوفة واش راكي ناوية اليوم

 

[كوكة27]

صباح الخير عليكم البنات والنسا ان شاء الله ماراكمش جيعانين كيما انا هههههه
انا تبحرت راني نحوس واش ندير الفطور اليوم
البارح دارت اختي طاجين جلبانة شربة المقطفة لي شوسون بصلصة الطماطم الدوارة مقلية
بالطماطم والنعناع يبغيها خويا بزااااااااااف
واليوم مارانيش عارفة راني عاد نخمم
صح فطوووووووركم

 

[روز]

مرسي زهرة الندى ان شاءالله تعجبك

اوكيييي ام ندى راني وجدتها شوية ونحطها اطيب
ان شاءالله المول لي عندي يكفيها بسكو شوية صغير

 

[كوكة27]

صباح الخير عليكم لبنات
بصحت فطوركم تاع امس اله يبارك موايد يشهوا الله يعطيكم الصحة و ربي يدومها نعمة على الجميع
انا حتى اليوم جبتلكم تشوفوا فطوري البارح مقدرتش نحطه خرجت مع امي
المهم
هدي سلاطو اورداف

هدوا لي شوصوا

هدا كتليط كنت رايحة نقليه منبعد بدلت راي و درته فالفور زدت معاه الفريت

و هدي الطابلة تاع الفطور

و هدي سلاد دو فروي

هادي هيا بنت الغرب اللي تقلع القلب بالسجاوة نستعرف بيك كوثر راكي فوووور
البلا كيما تاعنا بالاك جيتي شريتيه من عندنا في موستا ههههه