مطبخك في رمضــــــآن سيدتي

[Iman89]

السلام عليكم بنات اللمة ربي يبارك فيكم من الصباح وانا ودارنا كامل نشوفو فالاطباق ربي يبارك يعطيك الصحة انا ثاني جبت اطباقنا تع اليوم وجيت نجري :sheer::sheer::sheer:

هادي جاري فريك _ شربة_

هادي كفتة:

​

​

​

وهادا طاجيـــــــــن حلو​

وهادي بسطيلة في بلاصة البوراك:​

وهادي سلاطة:

صح فطوركـــــــــــــــــــــــــــــم كامـــــــــــــــــــــــــــــــل وربي يقبل عليكم​

 

[الاختان سوسو ونونا]

صح فطوركم كامل
اختي ندى الميكسور الي درت بيه الموس هونفسو الي رحيتي بيه اللحم
اعطينني نوع الكريمة
وشكرا

 

[أم دودو]

صح فطورك روز و الله طاجين الضرة جاك هايل حتى أنا بلاك نجربه غدوة ان شاء الله
الجو عندنا تبدل مرة واحدة رعد و مطر و ريح كلش مع بعضاه ربي يعطينا من خيره
إيمان 89 كيفاه تديري البسطيلة نتاعك حبيت نتعلمها
​

 

[روز]

يسلمك ام دودو وعفوفة
انا مانحبش نسخن الماكلة في رمضان نحب كل شي فري نحب نطيب كل يوم
وماعنديش فقراء نمدلهم يعني ياناكلوها ياتييبس وتترمى لاقدر الله
مي مانقدرش نرميها تغيضني راني نسيي انقص
هذا وكنت معولة نزيد بوراك ولي صوشون !! مزية مادرتهمش

 

[tasnim55]

بسومة طابلة تشهي يعطيك الصحة وزلابية جربتها جات روووووووووووووعة باركة الله فيك على الوصفة فعلا رائعة
روز طابلة تشهي وطاجين اممممم جاك هايل بصحتكم
ايمان 89 اطباق رائعة بصحتكم
كوثرالوهرانية وينك دخلتي والسؤال يبقي مطروح على لحريرة تاعك كان ماتجوبيش ذرك نجي ونفطر عندكم
صح فطوركم كامل
​

 

[هــــيلدا]

ياه هذا ثاني موضوع مشفتوش يع:sadwalk:طيكم الصحة كامل، وصحا فطوركم

 

[imane27]

لبنات راكم قريب تفطرو قعدنا غير حنا لفى طرف الدنيا نفطرو على سحورتاعكم

 

[mizora]

ميزورة توحشناك وينك صح رمضانك عزيزتي والله غير خليتي بلاصتك​

روز شكرا على رابط الزلابية
يتوحشك الخير تسنيم
ربي يخليكحتى انا توحشتكم كامل ربي يخليكم مع بعض
صحا فطوركم كامل

 

[nada242008]

هذا فطوري
جاري فريك

دولمة جريوات وطماطم

هذي بقاتلي من البارح

سلاد دو فروي

فاكهة ومشروبات

هذي المائدة

الاختان سوسو نونا راني صورت الميكسور ضرك نحطو في موضوع الكفتة
الكريمة هي القشدة الطازجة = craime fraiche
ايمان 89 مرحبا بيك نورتينا ..اطباق تشهي صح فطوركم وسلامي للاهل

 

[عفاف الجزائرية]

صحا لي زي فطور نتاعكم على قولة بنت خالتي
الكلام كامل تدخل فيه لي زي
زعمى لي زي بيس
لي زي عشاء
لي زي فطور
مالا صحا ليزي فطوركم
​

 

[ايمان التلمسانية]

صح فطوركم
كاش ما كليتو ولا والو ؟
هاد هو فطورنا اليوم
طبعا لحريرة كيما دايما
سلاطو بالروز

سلاطة

بوراك

دجاجة مشوية معمرة بالروز والكفتة والشومبينيو

وهادي الطابلة

وصح فطوركم
والله يديمها نعمة علينا وعليكم

​

 

[merieme hassi]

السلام عليكم
صح فطوركم
يا فرحة اهليكم بكم
بصحتكم كامل كل واحدة و باسمها
فطوري اليوم حريرة قراتان بطاطا فلفل سلاطة و بقالي الحلو من البارح
بسم الله



















الله يدومها نعمة

​

 

[روعة2005]

بصحتكم لبنات ايمان اممممممم شهاني البوراك ولا الجاجة اممممم
ام ندى بصحتكم الفطور المحاشي جاوك هايلين بصحتكم.........بصح نسقسيك وينو التمر ولبن?
انا درت جاري+مثوم+بوراك وقليت الفلفل

 

[كوثر الوهرانية]

بصحت فطوركم كامل طوابل عامرة ان شا الله الله يدومها نعمة على الجميع
اختي تسنيم سامحيني مشفتش السؤال نتاعك
الحريرة اعي ندير فيها زوج بصل و زوج جزر و زوج طماطم حب و وحدة لفت و لحم خروف يكون ميدم و قصبر بكثرة و ربطيها بخيط و ملح فلفل اسود عود قرفة سكنجبير كروية و زعفران و طماطم تاع الباطة و زيت قليهم مليح و مرقي بزيادة المرق يكون و غلقي الطنجرة و خليه يطيب نبعد نحي القصبر و اللحم و رحي كل شيء و رديها فوق النار اضيفي السكنجبير و الكروية و خليط من زريعة القصبر و زريعة البسباس و حبة الحلاوة مطحونين و خليهم يغلو ديري ثلات ملاعق تشيشة و خليها تطيب و من بعد ديري التدويرة الي هي عبارة عن خليط من الفرينة و الماء ضربيهم مليح يكونوا تقال كيما خليط لي كراب و ديري هدي التدويرة في القدر مع الخلط السريع باش متتكورش خلطي مليح حتى تشوفيها تقالت مشي تقيلة بزاف و كي تبدى تغلي نقسي على النار و خليها مدة ربع ساعة و هي تطيب
هدي هي الحريري تاعي ان شاء الله تكوني فهمتيني و كاش حاجة راني هنا حبيبتي

 

[la_safa]

صــــــــــــــــح فطوركـــــــــــــم
الله يتـــقـــــبل منـــــــــآ و منــــــــــــــــــــــكم .. /
​

 

[روعة2005]

بصحتك مريومة مايدتك تشهي اممممممممم بصحة والراحة
عفوفة2 وصحة ليزي فطورك زاده هههه
وفريدة ولبنات بكل صحه فطوركم

 

[روز]

بصحتك ام ندى جاك هايل المحاشي فكرتيني بيهم
ههه وقيل نولي نكوبي عليك لي تعمليها اليوم نعملها انا غدوة
ومريم بصحتك مايدة تشهي
عفوفة هايل فطورك عجبتني لاسوبيار لي دايرة فيها المرقة
هذ المرة نجي للدزاير نشري ماعن نتاع التقاليد ان شاءالله
بصحتك ايمان وعفاف
اللهم ادمها نعمة واحفظها من الزوال

 

[عفاف الجزائرية]

انا الدخان راه خارجلي
لي زي كابل ما حبش يقرالي لاكارت ميموار
قلبي رح يخرج
زعمى كي شراولي ليوم صوارة الكابل ما حبش يقراها
​

 

[nada242008]

ايمان ومريم وفوفة صحا فطوركم طوابل تشهي كالعادة
فوفة الحليب واللبن مانشربهمش خلاص والتمر كون ناكل واحد نgهم وانا من بكري نتسبب ..التمر والحليب نحطهم فوق واحد الطابلة وين يصلي راجلي
ياكلهم ويصلي ههه هذاك هو نكون صورت
غدوة نصورهملك على قولة روز
الله يسلمكم جميعا
روز صار تنقلي عليا وانا على من نقل :sad:

 

[روز]

اذا معاها سيدي لازم تانسطاليه في الميكرو باش يقدر يقرالك الصور عفاف

يادرا ام فارووق وش دارت فيها في العرضة مع مينا87