مطبخك في رمضــــــآن سيدتي

[merieme hassi]

اهلا فوفة هههه عندي عندي(زوج مي صغار ويرقدو بكري خخخخخ)

راني درت بسبوسة نوريها لبنات اللمة مي بعد الفطور ذوقوها
عندكم تلحسو اصابعكم كما انا قريب نغلط قبيل

وهاني قطعتها
هاذي مشوشة ارتجالية نص لاروسيت تشبه لنتاع مريم ونصها من راسي

قوليلي رايك يا ام ندى في الايقونة هادي هههه

هايلة حنونة يعطيك الصحة

 

[ام سامي]

جزاك الله خيرا ندى 24 بارك الله فيك


ربي يعطيك ما تتمناي

 

[rima29]

بسبوووووووووووووسة تهبل يا روز
يعطيك الصحة
كيفاش خدمتيها حنونة؟​

 

[نبع اليقين]

اهلا فوفة هههه عندي عندي(زوج مي صغار ويرقدو بكري خخخخخ) وعندك الحق لمن التكثار كي الواحد برك يحب المايدة متحوفة ومنوعة

راني درت بسبوسة نوريها لبنات اللمة مي بعد الفطور ذوقوها
عندكم تلحسو اصابعكم كما انا قريب نغلط قبيل

وهاني قطعتها
هاذي مشوشة ارتجالية نص لاروسيت تشبه لنتاع مريم ونصها من راسي

قوليلي رايك يا ام ندى في الايقونة هادي هههه

بسبوسة تهبل يا روز يعطيك الصحة
سخفتني عليها
ممكن الطريقة اذا مافيه ازعاج؟​

 

[nada242008]

امين يا ام سامي ولك بالمثل
--
روز البسبوسة تشهي والمشوشة ثاني ماعندي مانقول امممم مع اني مانحبش الحلو بصح تشهي اممممم ..اسناي تنوض لبتسام برك وتهجم عليها هههه
والايقونة هذيك والله راهو هكاك يتكعبر في كرشي ههههه
--
فوفة انا اول مرة ناكلو الطبق الثاني تاع البارح والسلاطة تعرفي سخفت عليها
ماعرف يجيبها ولا ينساها
قلت ندير رشتة بصح خفت ماتكفيش الضيف على قولة روز كون مانعمرش البرمة مانبردش
راني بين شخشوخة الظفر وبين طاجين الزيتون بالدجاج

 

[روز]

بسبوووووووووووووسة تهبل يا روز
يعطيك الصحة
كيفاش خدمتيها حنونة؟​

اهلا ريمو ونبع اليقين درتها على ربي برك بسكو لاروسيت لي موالفة نديرها نسيتها وليت نخدم ونتفكر:showoff:
بالباتور
4بيضات
وقريب كاس سكر حتى صار لونو ابيض
وقريب كاس زيت
وقريب كاس حليب
وافاني وليمون مبشور
بعدها درت كاس لاشابلور
وزدت كاس سميد لقيتها مازالت خفيفة.. زدت كاس لقيتها تاني مازال.. زدتها نص كاس
مي الكاس تاع السميد مش كبير صغير شوية والسميد رقيق
بعدها درت الخمارة 2ملاعق كبار و2ملاعق فرينة وبالباتور وخليتها تقريبا 10دقايق وشعلت الفرن باش يسخن
وكي سخن خلطتها مليح وفرغتها في مول مدهون وكي خرجت مباشرة سقيتها بعسل
سخون موالفة نديرو بارد انا ماصبرتش برك مي خرج عليها.. جات هايلة

 

[روز]

امين يا ام سامي ولك بالمثل
--
روز البسبوسة تشهي والمشوشة ثاني ماعندي مانقول امممم مع اني مانحبش الحلو بصح تشهي اممممم ..اسناي تنوض لبتسام برك وتهجم عليها هههه
والايقونة هذيك والله راهو هكاك يتكعبر في كرشي ههههه
--
فوفة انا اول مرة ناكلو الطبق الثاني تاع البارح والسلاطة تعرفي سخفت عليها
ماعرف يجيبها ولا ينساها
قلت ندير رشتة بصح خفت ماتكفيش الضيف على قولة روز كون مانعمرش البرمة مانبردش
راني بين شخشوخة الظفر وبين طاجين الزيتون بالدجاج

هههههههههه اسوي ظهرك باش يتكعبر في غرضو
ام ندى مشوشة وبسبوسة هوما نفس الطبق صورة لطبق واحد
دبرو عليا القرنونة محشية باللحم والبطاطة يلزم نغطسو في البيض والبيض لي بقالي نسيت ودرتو في البسبوسة :sad: مالعمل!!

 

[nada242008]

هههههههههه اسوي ظهرك باش يتكعبر في غرضو
دبرو عليا القرنونة محشية باللحم والبطاطة يلزم نغطسو في البيض والبيض لي بقالي نسيت ودرتو في البسبوسة :sad: مالعمل!!

كثري من الفرماج باش تحكم روحها وطيبيها في مول في الفرن

 

[°/°مبدعة اللمة°/°]

مساء النور بنات
واشكم لباس؟

 

[merieme hassi]

الي ام ندي و فوفة و كل محبي الشاي
تحضير الشاي الصحراوي
نعناع أخضر​

شاي أخضر​

سكر حسب الرغبة​

* قومي بتسخين الماء لدرجه الغليان​

* في ابريق شاي عادي أو اذا كنت تتوفري على الابريق المغربي​

* ضعي بعض حبات الشاي​

* وضعي فوقها القليل من الماء حوالي كأس واحد​

* تقومين بهذه الطريقه بغسل حبات الشاي​

*تسكبي الماء
في ابريق اخر ثم كرري العملية مرتين ​

* و ضعي الابريق فوق النار كي يغلي الشاي و يأخد لونه​

و أضيفي السكر حسب الطلب​

* بعد ذلك تقومي بتقليبه في كأٍس كي يخلط السكر بطريقه جيده
*نظفي أوراق النعناع و أزيلي عنها الجذور​

* ضعيها في الابريق ​

معلومه اضافيه:​

يتغير لون الشاي حسب الكميه التي قمت بوضعها في الابريق​

أذا وضعت كميه كثيرة يصبح لونه على سواد​

أما اذا وضعتي كميه قليله جدا فسيعطيه لون أصفر وهذا ليس بشاي صحراوي هههههههههههههههه يقال في تمنراست شاي الاطفال
حاولي أن تضعي مقياس ملعقتين صغيرتين لكي تحصلي على اللون المطلوب أو حسب الطلب الذي تريدينه.
فوضع النعناع يغلي مع أوراق الشاي سيقلل من نكهة النعناع في الشاي فيجب إضافة النعانع بعد نزع ابريق الشاي (البراد) من على النار وقبل القيام بتقليبه لخلط السكر وحتى نحصل على شاي الصحراء يجب ان تكو ن النار التي يطهى عليها الشاي (هادئة) ..ملاحظة: علميا عملية تقليب الشاي من الابريق الى الكأس عدة مرات تسمح بدخول جزيئات الاكسجين في الشاي وهو ما يعطي الشاي خصائصه التي يشتهر بها (الخ والله أعلم

هذه الصورة تم تصغيرها. إضغط هنا لعرض الصورة بالحجم الطبيعي. أبعاد الصورة الأصلية هي 640×480 و حجمها هو 67 كيلوبايت.

​

 

[nada242008]

يعطيك الصحة مريومة هذا ويت فهمت واش معناها تشليلة
نجربوا ان شاء الله

 

[روز]

تقريبا كما نعملوه حنا لكننا مانغلوهش بعد مانديروالشاي في الماء
لانو بعض انواع الشاي مش ملاح وتخلي فيه المرارة شوية
تقريبا يشبهلللشاي نتاعنا مع بعض التغيرات
الرجال يحبو ثقيل وياش يجيك ثقيل يلزم تكثري الورقة يعني الشاي
يعطيك الصحة مريومة تاي الصحرا هو وحدو لي يعمرلي راسي

 

[روعة2005]

الله يخليهملك روز ..........واليسبوسة شكلها روعة بصحتكم
ام ندى قوليلي الرشته على اي اساس تشريها قصدي الرقيقة خير ولا الخشينة راني ساخفة موت نجربها لكان درتيها اشرحيلي كيفاش نفورها حنونة
شكرا مريومة باينة التاي يخرج هايل مشكورة ولو اني دايخة ومستوعبتش الماء لي تشلي بيه تعاودي طيبيه فيه اااه راني دايخة لوكان طيبه صوريهولي تعيش يحكو عليه كراني نعود نطيبو في السهرة انا ثاني خير من القهوة

 

[زينة اكرام]

السلام عليكم لبنات صح رمضانكم
والله غير سخفتوني عندكم امبيونس كبير هنا الله يدوم عليكم
انا ماش شاطره فطياب مليح وزيد غير انا نطيب كرهت :sad: وما عنديش افكار للطياب اليوم راني حاصله راح نهبل :sadwalk:

 

[Iman89]

السلام عليكم
الصباح هادي درت بسبووسة جبتلكم تشوفوها
سلامي للجميع خاصة الغالية ام ندى وفوفة

 

[nada242008]

فوفة الرشتة الرقيقة خير واللي تتباع كونجلي وطرية احسن من اليابسة
ساهلة طريقة تفوارها مافيها والو
ترشي عليها شوية زيت وتفركيها باصابع اليد باش يدخل الزيت فيها
تفوريها الفورة الاولى لمدة 5 الى 8 دقائق حسب الكمية وترجعيها للسنية
ومن بعد ترشي عليها شوية مرقة حوالي 3 ارباع كاس وتخليها تتشربها ومن بعد ماتنشف تفوريها الفورة 2 لمدة 5 دقائق
واخر خطوة تجمريها ..لازم المرقة ماتكونش ياسر باش ماتعجنش
هذا مافيها
---
زينة اكرام مرحبا بيك معانا

 

[rima29]

روز مرسي على الوصفة
يا جماعة راني حابة ندير لي كورني بصح ما عنديش لعجينة لمورقة
ومانيش قادرة نخدمها والله سخانة
قولولي كاش عجينة اخرى نديرها
وأشكال ملاح ؟​

 

[rima29]

ايمان89 عاش من شافك
بسبووووووووووستك تهبل
يعطيك الصحة​

 

[merieme hassi]

روز مرسي على الوصفة

يا جماعة راني حابة ندير لي كورني بصح ما عنديش لعجينة لمورقة
ومانيش قادرة نخدمها والله سخانة
قولولي كاش عجينة اخرى نديرها

وأشكال ملاح ؟​

عمليهم بعجينة 10 دقائق يجو هايلين

 

[merieme hassi]

السلام عليكم

الصباح هادي درت بسبووسة جبتلكم تشوفوها
سلامي للجميع خاصة الغالية ام ندى وفوفة ​

جاتك تهبل يعطيك الصحة
كل عام وانت بخير