مطبخك في رمضــــــآن سيدتي

[روز]

اهلا ام ندى ومريم اليوم معولة على البسبوسة ولا لي نسموها المشوشة
وشربة وقرنونة محشية باللحم والبطاطة و طاجين زيتون بقالي من البارح بالاك نقلي معاه بطاطة و نزيد سلاطة
الواحد حب ينوع ويزيد يطيب وخايف كل شي يبقى ويفسد :sad:

 

[nada242008]

صباح الفل يا روز ..نوعي بصح ديري شوية من كل نوع باش ماتقعدش
يعني قيس صحن التقديم قدقد
انا والله مازلت حايرة وعندي ضيف اليوم بصح مش في الدار نبعثلو برك
ماتنساوش تتهلاو في ضيفتي meriem hessi:sheer:

 

[mina87]

ولله ما تقدري تاكلي خلاص
انا لبارح بقالي كلش و ليوم راني رايحة نفطر وحدي
ما ظنيتش اني رايحة نفطر
راني نخمم يا ندير عرضة ليوم ولا نروح انا
و لي تحب تجي تفطر معايا راهي تدخل للجنة راني نسني
سلامي

 

[روز]

عييت يا ام ندى انقص ودائما تبقالي الماكلة
كاش حاجة نخدم عبرة نتاع زوج حبات هههه ماعرفتش نخدم حاجة قليلة سيرتو العجائن مايتعجنوليش في ايدي كي يكونو صغار نحس بتأنيب الضمير ههه
مينا رانا كيف كيف انا غدوة وبعدو نفطر وحدي
جاري زيارة الضيفة ندوش

 

[mina87]

يا روز ربي يكون معانا
انا عندي يوم واحد برك
مش كيما انتي يومين هههههه

 

[روز]

انا يومين في السمانة الغربة كربة والله
الوالدة كي تعيطلي وتلقاني نفطر وحدي مسكينة تولي تخمم وتعاود
ربي يفرج

 

[merieme hassi]

انا يومين في السمانة الغربة كربة والله
الوالدة كي تعيطلي وتلقاني نفطر وحدي مسكينة تولي تخمم وتعاود
ربي يفرج

الغربة مرة حنونة
ربي يكون معاك
ربي يفرج يا الحبيبة

 

[mina87]

راني حاسة بيك تقدري تقولي راني متغربة
انا هدا العام الاول ليا جاني صعيييييييييييييييييييييييييييييييييييييييييييب
المهم ربي يجيب الخير
لك مني كل الحب

 

[amira2011]

http://www.youtube.com/watch?v=iZChQx0d1so&NR=1

 

[ام سامي]

ام سامي بصحتك اختي الحريرة وقيلة نعملها انا تاني اليوم اني كفاش طريقتك

الله يسلمك حنونة


اسمحيلي طولت عليك

كانت عندي ضروف خاصة



المهم لحريرة نتاعي هي طريقة نتاع أمي ربي يحفظها



جيبي كوكوط حطي فيها بطاطا و جزر بحيث كمية البطاطا أكبر من كمية الجزر


حبة جريوات


حبة لقت


حبتين طماطم


حبة بصل


4سنات ثوم


قطعة دجاج من الأحسن الفخذ



كمشة حمص


ملعقة كبيرة ارز


ملعقة كبيرة طماطم العلبة


4 ملاعق كبيرة زيت



ربطة حشيش و معدون و عرفين كرافس اربطيهم مع بعض بخيط





ملح

فلفل اسود

زعفران



3ملاعق صغيرة كسبر مرحي


ملعقة صغيرة حبة الحلاوة


ملعقة صغيرة كروية


و إذا كان وقت الخرشف ديري بعض الأغصان تعطيها ذوق رائع



المهم مرقي بالماء الساخن و خلي الكوكوط فوق النار هادئة لمدة ساعة كاملة


راني نقول ساعة كاملة لأنك لو تخليها أقل راح يختلف الذوق



المهم افتحي الكوكوط إنزعي قطعة الدجاج و ربطة الحشيش و المعدنوس و الكرافس


و ارحي بالميكسور جيدا


عدلي بالماء الساخن بحيث تكون ما خفيفة ما ثقيلة


و رجعيها فوق النار و مين تغلي طفيها


لازم ترجعيها فوق النار بعد ما ترحيها


كل لي كلاها عنديمّا أو عندي عجباتهم

 

[روعة2005]

صباح النور للمرة الثانية روز/ام ندى مريومة مينا****يعطيك الصحة على العرضة بصح كان غير شفنا صنعت يديك كيما تقول ايمان هههه
روز انا نفس الشئ منعرفش نخدم بزغبة بصح نصيحة علاش تنوعي ديري شربة وطبق جانبي وسلطة براكة
انا عن نفسي والماكلة لي راهي تبقى السلطة وراح نحييها ياختي الله لا يحب المبذرين وعلاش الواحد يعمر المايدة ويولي يرميها حراااام
بصح قلتي تفطري وحدك (سامحني في تدخلي معندكش الاولاد)

 

[nada242008]

فوفة صباح الفل ..قوليلي واش نويتي ولا واش راكي تخمي كشما نقل عليك

 

[كوثر الوهرانية]

صباح الخير عليكميا احلى بنات كيراكم و كاش ما خممتوا للفور اليوم
انا البارح خرجت باش نشري القش لكوثر و رجعت هكداك مشريت والوا حتى حاجة معجبتني و زيد الاسعار منحكيلكمش والله تخلعت كي قريت لي بري مكتوبين
الله يجيب الخير

 

[ام سامي]

ندى 24ماشاء الله


ربي يبارك


ارجوك الوصفة بالتفصيل نتاع هاذ الطبق

 

[merieme hassi]

صباح الخير عليكميا احلى بنات كيراكم و كاش ما خممتوا للفور اليوم
انا البارح خرجت باش نشري القش لكوثر و رجعت هكداك مشريت والوا حتى حاجة معجبتني و زيد الاسعار منحكيلكمش والله تخلعت كي قريت لي بري مكتوبين
الله يجيب الخير

صباح الانوار علي فحلات اللمة
يا اختي ام كوثر الاسعار في رمضان تتضاعف و زيد يحطو السلعة الي متمشاتش
انا شريت العيد لمريم واسيا قبل رمضان هكدا تهنيت

 

[nada242008]

ندى 24ماشاء الله


ربي يبارك


ارجوك الوصفة بالتفصيل نتاع هاذ الطبق

حاضر يا ام سامي
اولا تنصبي مرقة بيضا بالدجاج وحبة بصلة مرابية شوية زرت وزبدة وملح وفلفل اكحل ونزيد معاها جومبو دجاج تقليها مليح وتمرقيها قيمة زوج كيسان ماء ..تخليها حتان يطيب الدجاج والمرقة تبقى حوالي كاس
--
تجيبي اللحم المرحي تداويه ملح وفلفل اكحل ومعدنوس وكسبر يابس و عصرة ليمون
تحفري الجريوات والطماطم تنحيلها اللب
تقدري تضيفي القليل من الحشوة اللي فرغتيها من الجريوات للحم المرحي
تعمري الجريوات والطماطم باللحم المرحي
--
في مقلة تحطي فيها شوية زيت وتشوحي حبات الجريوات والطماطم
ومن بعد تحطيهم في المول وتصبي عليهم المرقة تاع الدجاج اللي طيبتيها من قبل مع شريحتين قارص
تخليها في الفرن حتان تكمل طيابها وطفي عليها وماتنسايش تحمري الدجاج في الفرن معاها في اخر 5 دقائق وتقدميها

 

[اميرة الساحل]

صباح الخير و رمضان كريم على الجميع
و يعطيكم الصحة على كامل الاطباق
​

 

[روعة2005]

صباح النو عفوفة تامني بربي يا شربة البارح والمثوم راهم كيما راهم
كلينا البوراك برك والله حرت زوجي السلطة قالي ماتزيديش ديريها
والشربة مايحبش الصابحة لازم كل يوم
راح ندير جاري وعجيجات الروز با الفيونداشي وسلاد فروي بس

 

[نبع اليقين]

صباح الورد يا بنات واش راكم معا رمضان يعطيكم الصحة على طيابتكم كلك حراير الله يبارك

احنا مازال ماخممناش واش نطيبو ​

 

[روز]

اهلا فوفة هههه عندي عندي(زوج مي صغار ويرقدو بكري خخخخخ) وعندك الحق لمن التكثار كي الواحد برك يحب المايدة متحوفة ومنوعة

راني درت بسبوسة نوريها لبنات اللمة مي بعد الفطور ذوقوها
عندكم تلحسو اصابعكم كما انا قريب نغلط قبيل

وهاني قطعتها
هاذي مشوشة ارتجالية نص لاروسيت تشبه لنتاع مريم ونصها من راسي

قوليلي رايك يا ام ندى في الايقونة هادي هههه