مطبخك في رمضــــــآن سيدتي

[ام البنات15]

السلام عليكم
صح رمضانكم يا لغاليات .


وتصومو بالصحة والهناء.


انا ام البنات اسكن في وهران.



نحب ننضم ليكم .


انا مازالني ما دخلت للكوزينة .

عندي ولد و2 بنات.

تسما لي يصوم هو ولدي برك في عمرو 13 نعام ونصف.طبعا وانا وزوجي هههههههههه


وراني معاكم في هدا القسم الجميل


سلام اختكم ام البنات

لي عودة .................

 

[روز]

صباحتكم خير ونور..أهلا بالمنظمين الجدد وأهلا بام البنات مرحبا بيك..:re_gards:

اليوم ان شاءالله تارت الجبن وشربة وبوراك وسلاطة روسية وخبز الدار شفتو في النت عجبني اممممم ويمكن زلابية دركة نوض نخدمها ان شاءالله:showoff:
اذا لقيت روحي كليت ياسر نولي انقص الطاجين الزاوج انحو :sadwalk:
بسكومابقاليش بزاف وتولي اختكم كما عارضات الازياء:shiny:
مازالي شوي كوراج برك:sheer:
جماعة الريجيم يعطيكم الصحة قع وبعثتولي أوزانكم صحا فيكم:glare:

 

[برنســ اللمة ـيسة]

فكرة رائعة أختي عفاف
ربي يخليك
و انشاء الله راح نفيدو و نستفادو من بعض في الشهر الكريم​

 

[omarwa]

مساء الخير عليكم رمضان كريم ربي يتقبل صيام وقيام الجميع انشاء الله انشاله اليوم شوربة وبوراك مثوم ولحم لحلو ودرت بسبوسة وزلابية لسهرة انشاله بصحتك اختي روز مسبقا شوية كوراج ومنا للعيد تولي طاي مالكا وقاغ يغيرو ويولو يديرو الرجيم

 

[rima29]

صباح الانوار
كيفاش صبحتوا ياك لباس ؟
حنا اليوم فطورنا:
شربة فريك
كفتة
ملوخيية
طاجين حلو
وسلايط
وديسار
وقلب اللوز وزلابي بأنواعه...​

 

[{مُدَلَّلَتُهُ}]

مشكورة على الموضوع ان شاء الله نفيدو و نستفادو

 

[ياسمينة الباديه]

سلام عليكم البنات
صح رمضان الجميع
عندي طلب من ختي ام اروى ولا ختي روز الوصفة تاع الزلابية
انشاء الله ما تحشمونيش
صح فطور الجميع

 

[{مُدَلَّلَتُهُ}]

اليوم فطورنا

حريرة

محمر ب champignan

طاجين الحلو

البوراك

السلايط

بلا ماااا ننسا اهم حاجة في الطابلة ال gااازوز و الما

للسهرة flan و محلبي و زلابية ........

 

[{مُدَلَّلَتُهُ}]

سلام عليكم البنات
صح رمضان الجميع
عندي طلب من ختي ام اروى ولا ختي روز الوصفة تاع الزلابية
انشاء الله ما تحشمونيش
صح فطور الجميع

سلام اختي هادي وصفة لقيتها في اللمة تاع الاخت ابتسام راهي مجربتها

المقادير
3فناجين فرينة
فنجان سميد
2ملاعق كبار زيت
2ملاعق كبار السمن او زبدة زائبة
نصف ملعقة صغيرة خميرة خبز
2ملاعق كبار سكر
شوية ملح وماء دافئ
التحضير
نخلط المقادير الجافة اولا ثم نضيف الزيت والزبدة
نخلط جيدا
نضيف الماء قليلا قليلا الى ان نتحصل على خليط متجانس
نتركها ترتاح ربع ساعة
اليكم الصور توضح اكثر

 

[راضية حامدة]

السلام عليكم
اول مرة ندخل لهذه الساحة
ان شاء نستفاد معاكم
رمضانكم بالصحة
في العشية ان شاء الله لي عودة ايكن

 

[ام سامي]

مرحبا ام البنات

مرحبا ام زهرة و خليل


نتمنى يعجبكم الحال معانا



و تشرفنا بمعرفتكنّ


انا اليوم إن شاء الله


حريرة


طاجين البرقوق


بطاطا بالدجاج في الفرن



اورديفر


شكشوكة بالفلفل الحار


رخساس

 

[ياسمينة الباديه]

الله يرضى عليك اختي نور *خ يعطيك الصحة على الوصفة

 

[روز]

هاهي الزلابية كملتها قبيل برك تجربة اول مرة راهي ساهلة ياسمين نتي برك اذا درتيها في ساشي نتاع حليب الثقب خليه صغير ماتكبريهش النار خليها هادية باش تتحكمي في اللون نتاعها والزيت يكون سخون مليح وعسليها مباشرة


ابتسام مادخلتش وباقي البنات وين راهم ولا مقيلين غلبهم رمضان^^

 

[nada242008]

ادخلوااا اعصروها هههه قصدي ضيفوها:showoff::showoff:
ضيفتنا الاولى في كوزينة جزائرية

 

[°/°مبدعة اللمة°/°]

السلام عليكم
انا لليوم درت الجاري
والكفتة
والمرقة حلوة
وطاجين بطاطا ولحم مرحي
وسلاطة روز اورديفر
و التحلية مزال
​

 

[nada242008]

امممم جاتك هايلة الزلابية يا روز بصحتكم
انا معولة على جاري فريك وخميرة الفرينة وصفة ابتسام وحميس واوردافر وكفتة
وعصير وفاكهة
ربي يكون في عون الجميع

 

[أم فاروق]

نهاركم مبروك وصحة رمضانكم وكل عام ونتوما بخير وصحة والله يجعلنا ويجعلكم من قائميه يارب العالمين
اختي فلوسة بجاه هذا الشهر الفضيل الله يرزقك ويرزقني الذيرية الصالة المعفاة يا رب ويكون العيد عيدين انشاء الله
الله يشفي كل مريض ويرجع كل غيريب على بلادو ويجمع لمة كل العائلات كيما رانا مجموعين هنا
انا ليوم بإذن الله معولة ندير شربة فريك بوراك لوبيا خضرا حميص واوردافر ربي يقدركم ويقدرنا انشاء الله

 

[أم دودو]

صح رمضانكم كامل
مرحبا بالعضوات الجدد اللي انضموا لينا
روز زلابية جاتك هايلة أنا تاني راح نديرها للسهرة مع الفلان
أما الفطور راح ندير شربة فريك و طاجين الحلو و بوراك و سلاطة مشوية و خبز المطلوع
من بعد نوافيكم بالصور
​

 

[imane27]

مسائكم سعيد واش راكم راكم غالبنو وهوا غلبكم
انا انشاء الله رانى معولى على شربة فريك ولحم لحلو وطاجين زيتون وسلايط وبوراك بلا بيه متحلاش الشربة

 

[وصال تسنيم]

يعطيك الصحةروز22
الزلابية جاتك هايلة